09/05/2025
د ښايستونو څه معلومه ده چې څه به کوي
د تندرونو څه معلومه ده چې څه به کوي
له کومو زړونو چې بې دردو خلکو لوبې وکړې
د هغه زړونو څه معلومه ده چې څه به کوي
ځئ چې د خپلو ارمانونو ستوري ولټوو
د اسمانونو څه معلومه ده چې څـه بـه کـوي
په سرو ګلونو خو سيلئ والوته ورژېدل
د پرهرونو څه معلومه ده چې څه به کوي
ځئ چې د زړونو زمکې واړوو سپرلي راولو
د بارانونو څه معلومه ده چې څه به کوي
دا چې دنيا په ځان د خپله زوره ولګول
ددي اورونو څه معلومه ده چې څه به کوي
که ستوري نه وي خو ور ځو اورورکي رانيسو
د ماښامونو څه معلومه ده چې څه به کوي
ما په ورغوي کښې ډيوه د #محبت ونيوه
د طوفانونو څه معلومه ده چې څه به کوي
د چا د خولې په خاموشۍ دې سړې نه تېروځي
د چا د زړونو څه معلومه ده چې څه به کوي
د څړيكو فصل مي سنبال کړو د پرهر په اوبو
د بارانونو څه معلومه ده چې څه به کوي
د زړه داغونه خو به خه سړي په #زړه وساتي
د شنو خالونو څه معلومه ده چې څه به کوي.
