07/07/2026
ریسکیو 1122 کوہاٹ FNN KOHAT
کوہاٹ: ریسکیو 1122 کوہاٹ کی واٹر ریسکیو ٹیم دریائے سندھ میں ڈوبنے کے دو مختلف واقعات پر بیک وقت سرچ اینڈ ریسکیو آپریشن جاری رکھے ہوئے ہے۔
پہلا واقعہ تحصیل گمبٹ کے علاقے خوشحال گڑھ پل کے قریب پیش آیا، جہاں 14 سالہ عاقب، سکنہ جنڈ، پنجاب دریائے سندھ میں ڈوب کر لاپتہ ہوگیا۔ ریسکیو 1122 کی واٹر ریسکیو ٹیم موقع پر پہنچتے ہی سرچ آپریشن میں مصروف ہوگئی، تاہم آخری اطلاعات تک بچے کا سراغ نہیں مل سکا۔
دوسرا واقعہ تحصیل گمبٹ کے علاقے چورلکی میں پیش آیا، جہاں 17 سالہ نوجوان حسنین، سکنہ چورلکی دریائے سندھ میں نہاتے ہوئے ڈوب کر لاپتہ ہوگیا۔ اطلاع ملتے ہی ریسکیو 1122 کی ٹیم نے فوری رسپانس کرتے ہوئے جدید آلات کی مدد سے سرچ اینڈ ریسکیو آپریشن شروع کر دیا، جو تاحال جاری ہے۔
ریسکیو 1122 کی واٹر ریسکیو ٹیمیں دونوں مقامات پر مسلسل سرچ آپریشن میں مصروف ہیں۔ آخری اطلاعات تک دونوں لاپتہ افراد کا سراغ نہیں مل سکا، جبکہ مزید پیش رفت سے عوام کو بروقت آگاہ کیا جائے گا۔
جواد آفریدی
ترجمان ریسکیو 1122 کوہاٹ
