Zama Kohat

18/07/2025

ڈپٹی کمشنر کوھاٹ عبدلاکرم چترالی کی زیر صدارت ڈسٹرکٹ ویجیلنس کمیٹی کا جائزہ اجلاس منعقد ہوا جس میں اسسٹنٹ کمشنر کوہاٹ نمرہ اویس ، اسسٹنٹ کمشنر درہ فیض محمد، ایڈیشنل اسسٹنٹ کمشنر دلنواز خان،ایڈیشنل اسسٹنٹ کمشنر انعم محمود، ڈی ایس پی سٹی حفیظ اللہ یوسفزئی۔ ڈسٹرکٹ آفیسر سوشل ویلفیئرسید محمد یونس، اسسٹنٹ ڈائریکٹر لیبر نبیلہ صفدر۔سماجی کارکنان ایثار علی بنگش۔سلیم الطاف ایڈووکیٹ،اسسٹنٹ ڈائریکٹر حلال فوڈ سیفٹی اتھارٹی کوہاٹ بلال خان۔ پبلک پراسیکیوٹر، اسسٹنٹ ڈائریکٹر افغان مہاجرین اور دیگر تمام متعلقہ محکموں کے افسران نے شرکت کی۔ اس موقع پر ڈپٹی کمشنر کوہاٹ عبدلاکرم چترالی نے کم عمر بچوں سے جبری مزدوری اور انسانی سمگلنگ کی روک تھام کے حوالے سے جائزہ لیا اور اس سلسلہ میں متعلقہ محکموں کی مشترکہ کارروائی کے حوالے سے لائحہ عمل اختیار کیا گیا تاکہ چائلڈ لیبر میں ملوث عناصر کی نشاندہی کرکے ان کے خلاف قانونی کاروائی کی جا سکے۔ اس حوالے سے کوئی بھی معلومات ڈپٹی کمشنر آفس کنٹرول روم میں مندرجہ ذیل نمبر پر موصول کی جائے گی۔
1) Phone No. 0922920268
2) Phone No. 0922920032

16/07/2025

ضلعی پولیس سربراہ ڈاکٹر زاہد اللہ کی خصوصی ہدایات پر منشیات فروشوں اور جرائم پیشہ عناصر کے خلاف جاری کریک ڈاؤن کے سلسلے میں کوہاٹ پولیس نے ایک اور بڑی کامیابی حاصل کر لی ہے۔ تھانہ جرما پولیس نے مسلم آباد چیک پوسٹ پر ایک کارروائی کے دوران 20 کلوگرام اعلیٰ کوالٹی کی چرس برآمد کرتے ہوئے ایک منشیات اسمگلر کو گرفتار کر لیا۔ایس ایچ او تھانہ جرما عدنان خان کی قیادت میں پولیس ٹیم نے مسلم آباد چیک پوسٹ پر مؤثر ناکہ بندی کے دوران ایک مشکوک شخص کو روک کر تلاشی لی، جس کے قبضے سے بھاری مقدار میں چرس برآمد ہوئی۔ پولیس نے فوری کارروائی کرتے ہوئے ملزم کو موقع پر گرفتار کر کے تھانہ جرما میں منشیات ایکٹ کے تحت مقدمہ درج کر لیا ہے۔پولیس ذرائع کے مطابق گرفتار ملزم سے مزید تفتیش جاری ہے، جس کے دوران اہم انکشافات کی توقع ہے۔اس موقع پر ڈی پی او کوہاٹ ڈاکٹر زاہد اللہ نے کہا کہ منشیات فروش معاشرے کے ناسور ہیں اور ان کے خلاف زیرو ٹالرنس پالیسی کے تحت بلا امتیاز کارروائیاں جاری رکھی جائیں گی۔ انہوں نے کہا کہ منشیات کی روک تھام کے لیے پولیس تمام دستیاب وسائل بروئے کار لا رہی ہے اور عوام کی جان و مال کے تحفظ کے لیے ہر ممکن قدم اٹھایا جائے گا۔

16/07/2025

کوہاٹ چیمبر کے صدر رشید پراچہ اور ایثار علی بنگش کی نو تعینات ٹی ایم او سید وقاص علی شاہ سے ملاقات
تحصیل میونسپل آفیسر (TMO) کوہاٹ سید وقاص علی شاہ سے کوہاٹ چیمبر آف کامرس اینڈ انڈسٹری کے صدر رشید پراچہ اور معروف سماجی رہنما ایثار علی بنگش نے ملاقات کی اور نئی ذمہ داری سنبھالنے پر نیک خواہشات کا اظہار کیا۔
اس موقع پر ٹی ایم او امتیاز پراچہ اور محمد وقاص بھی موجود تھے۔ ملاقات کے دوران صدر چیمبر نے کمرشل منصوبوں پر تفصیلی تبادلہ خیال کیا۔
رشید پراچہ نے اس بات پر زور دیا کہ ترقیاتی پالیسیوں کی تیاری اور عمل درآمد میں تاجر برادری کی مشاورت نہایت ضروری ہے تاکہ منصوبے مقامی ضروریات سے ہم آہنگ اور مؤثر ثابت ہوں۔ انہوں نے کہا کہ باہمی تعاون سے ہی ادارہ جاتی کارکردگی میں بہتری ممکن ہے۔
ٹی ایم او سید وقاص علی شاہ نے چیمبر وفد کو یقین دہانی کرائی کہ بلدیاتی سطح پر عوامی و کاروباری مفادات کا مکمل تحفظ یقینی بنایا جائے گا، اور ترقیاتی منصوبوں میں شفافیت، سہولت اور مشاورت کو ترجیح دی جائے گی۔

12/07/2025

10/07/2025

ڈسٹرکٹ جیل کوہاٹ کے سپرنٹنڈنٹ معتصم باللہ کی دعوت پر سماجی کارکن ایثار علی بنگش نے اپنے وفد کے ہمراہ ڈسٹرکٹ جیل کا دورہ کیا۔ وفد میں صوبائی نائب صدر ایپکا سلیمان خان، ڈاکٹر عاطف الرحمان خٹک، اور جہانزیب خان شامل تھے۔اس موقع پر سپرنٹنڈنٹ معتصم باللہ نے وفد کو جیل میں قائم کمپیوٹر سنٹر، سلائی سنٹر، لائبریری، منشیات بحالی مرکز اور لنگر خانے کا دورہ کروایا۔وفد نے قیدیوں سے ملاقات کی اور جیل انتظامیہ کی جانب سے فراہم کی جانے والی سہولیات کا مشاہدہ کیا۔سپرنٹنڈنٹ معتصم باللہ نے ایثار علی بنگش کی جیل میں رضاکارانہ خدمات کو سراہتے ہوئے کہا کہ ان کی کاوشوں سے متعدد فلاحی منصوبے مکمل ہوچکے ہیں جن میں مخیر حضرات کا تعاون قابل تحسین ہے۔ انہوں نے مزید کہا کہ ایثار علی بنگش جیسے افراد معاشرے کا سرمایہ ہیں،۔جو اصلاحی اداروں میں بہتری لانے کے لیے عملی کردار ادا کر رہے ہیں۔اس موقع پر گفتگو کرتے ہوئے ایثار علی بنگش نے کہا کہ معتصم باللہ ایک محنتی اور فرض شناس افسر ہیں، جن کی قیادت میں ڈسٹرکٹ جیل کوہاٹ مزید بہتری کی جانب گامزن ہوگی۔ انہوں نے جیل اصلاحات کے سلسلے میں مکمل تعاون کی یقین دہانی بھی کروائی۔یہ ملاقات جیل میں جاری فلاحی سرگرمیوں اور قیدیوں کی بحالی کے لیے جاری کوششوں کا تسلسل ہے، جس کا مقصد قیدیوں کو معاشرے کا کارآمد فرد بنانا ہے۔

08/07/2025

ایڈیشنل کمشنر کوہاٹ کے طور پر خدمات انجام دینے والے گریڈ 19 کے سینئر اور قابل افسر نورالامین (پی ایم ایس) کو ڈپٹی کمشنر کولائی پالس کے عہدے پر تعینات کیے جانے کے موقع پر ڈپٹی کمشنر کوہاٹ عبدلاکرم چترالی کی جانب سے ان کے اعزاز میں ایک شاندار ٹی پارٹی کا انعقاد کیا گیا۔یہ پروقار تقریب ڈپٹی کمشنر کوہاٹ دفتر میں منعقد ہوئی جس میں سماجی کارکن ایثار علی بنگش، ڈاکٹر عاطف خٹک، ایپکا خیبرپختونخوا کے صوبائی نائب صدر سلیمان خان، اور جہانزیب خان موجود تھے۔ ڈپٹی کمشنر کوہاٹ عبدلاکرم چترالی نے نورالامین کی پیشہ ورانہ قابلیت، دیانت داری اور انتظامی مہارتوں کو بھرپور انداز میں سراہا۔ انہوں نے کہا کہ نورالامین نے نہ صرف ایڈیشنل کمشنر کوہاٹ بلکہ بنوں اور دیگر اہم انتظامی عہدوں پر بھی اپنی بہترین صلاحیتوں کا لوہا منوایا ہے۔ ان کا شمار ان افسران میں ہوتا ہے جو عوامی خدمت کو اولین ترجیح دیتے ہیں۔ڈپٹی کمشنر کوہاٹ نے نورالامین کو نئی ذمہ داری پر دلی مبارکباد پیش کی اور ان کے لیے نیک خواہشات کا اظہار کیا۔ انہوں نے امید ظاہر کی کہ وہ ضلع کولائی پالس میں بھی اپنی سابقہ روایت کو برقرار رکھتے ہوئے مثالی کارکردگی کا مظاہرہ کریں گے۔تقریب کے اختتام پر نورالامین کو ان کی خدمات کے اعتراف میں ایک اعزازی شیلڈ بھی پیش کی گئی، جبکہ شرکاء کی پرتکلف تواضع کی گئی۔

07/07/2025

وومن اینڈ چلڈرن پارک (کمپنی باغ) کوہاٹ میں پارکنگ ایریا کا تصور ہی سوہان روح ہے ۔اس پارک کے اطراف میں چھاؤنی کے علاقے میں دو پارکنگ ایریاز اور چند قدم کے فاصلے پر میونسپل پارکنگ ایریا کی موجودگی میں نئے پارکنگ کی تعمیر سمجھ سے بالا تر ہے ۔متعلقہ میڈیکل سنٹر کو سرکاری خزانے سے یہ سہولت دینے کے بجائے اسے اپنے طور پارکنگ مہیا کرنے کا پابند کیا جائے ۔کیپیٹل سینیما کی زمین وہ اپنے طور استعمال میں لا سکتا ہے ۔یہ سینٹر تو خود بھی ٹی ایم اے کی ملکیتی اراضی پر کام کر رہا ہے ۔
فایدہ جسے بھی پہچانا مقصود ہو کمپنی باغ میں پارکنگ ایریا تعمیر کی کسی صورت حمایت نہی کی جا سکتی.
ڈاکٹر مطیع اللہ
سابق ڈسٹرکٹ کونسلر

04/07/2025

ملک حیات آفریدی الپائن ایسوسی ایشن خیبرپختونخوا کے پہلے صدر منتخب، ڈائریکٹوریٹ جنرل آف سپورٹس نے نوٹیفکیشن جاری کر دیا
ڈائریکٹوریٹ جنرل آف سپورٹس خیبرپختونخوا کے زیرِ نگرانی الپائن ایسوسی ایشن خیبرپختونخوا کی تشکیل مکمل کر لی گئی، جس کے تحت ملک حیات آفریدی کو ایسوسی ایشن کا پہلا صدر منتخب کر لیا گیا ہے۔ انتخاب کے بعد باضابطہ طور پر سرکاری سطح پر نوٹیفکیشن بھی جاری کر دیا گیا ہے۔الپائن ایسوسی ایشن کی جنرل باڈی نے متفقہ طور پر 10 رکنی کابینہ کی منظوری دی، جس میں نجیب خٹک کو آئندہ چار سال کے لیے جنرل سیکرٹری منتخب کیا گیا۔ ایسوسی ایشن کے لیے 6 رکنی ایگزیکٹیو ممبران کا بھی انتخاب عمل میں لایا گیا۔انتخابی عمل کی نگرانی محکمہ کھیل و جوانان (سپورٹس اینڈ یوتھ افیئرز) کے افسران نے کی، جبکہ کلائمبنگ، ماؤنٹیننگ، ہائیکنگ اور وال کلائمبنگ کے ماہرین اور متعلقہ شعبوں کے نمائندگان بھی اس موقع پر موجود تھے۔واضح رہے کہ الپائن ایسوسی ایشن خیبرپختونخوا کا قیام صوبے میں ماؤنٹین اسپورٹس، ٹریکنگ، ہائیکنگ اور ایڈونچر سرگرمیوں کو فروغ دینے کے لیے ایک اہم قدم ہے، جس کے ذریعے نوجوانوں کو مثبت، صحت مند اور پائیدار تفریحی مواقع فراہم کیے جائیں گے۔

30/06/2025

کوہاٹ میں بہترین ایس ایچ او کون ہے جو اپ کی دلی خواہش ہو کہ اس کو ہمارے تھانہ میں ہونا چاہیے تھا

29/06/2025

علاقہ بنگش کا 4 کروڑ کا فنڈ خفیہ طریقے سے گمبٹ منتقل۔۔!!
کوہاٹ علاقہ بنگش ( پی کے 92 ) عوام کا اپنے ایم این اے شہریار خان آفریدی سے مطالبہ کہ ہمارے علاقے کا فنڈ فیلفور واپس کیا جائے اور یہ چار کروڑ کا فنڈ کس کے اشارے پر منتقل ہوا ہے۔۔؟؟ کس نے منتقلی میں اپنا کردار ادا کیا ہے۔۔؟؟ اس ظلم کے پیچھے کس کا ہاتھ۔۔؟؟
حالانکہ سرکاری کاغذات میں یہ فنڈ علاقہ بنگش کے لیے مختص تھا۔
علاقہ عوام کا ایم این اے شہریار آفریدی سے ناراضگی کا اظہار۔
یہ ہمارے پسماندہ علاقے کے ساتھ سرا سر زیادتی ہے۔
حلقہ عوام 92 کے ورکرز کا متفقہ مطالبہ

29/06/2025

ٹریٹ فارما سوٹیکل کے تعاون سے کوہاٹ چیمبر آف کامرس اینڈ انڈسٹری کے صدر رشیدپراچہ اور سماجی کارکن ایثار علی بنگش نے کوہاٹ جیل میں قیدیوں کے لیے ضروری ادویات تقسیم کیں۔یہ فلاحی سرگرمی ٹریٹ فارما کے نمائندے طاہر خٹک کی موجودگی میں انجام دی گئی۔اس موقع پر صدر چیمبر رشید پراچہ نے کہا کہ قیدی بھی معاشرے کا حصہ ہیں اور ان کی صحت و بہبود ہماری مشترکہ ذمے داری ہے۔ ایثار علی بنگش نے اس عزم کا اظہار کیا کہ آئندہ بھی ایسے فلاحی اقدامات جاری رہیں گے تاکہ محروم طبقات تک بنیادی سہولیات پہنچائی جا سکیں۔آخر میں ٹریٹ فارما سوٹیکل اور مہمانوں کا سپرنٹنڈنٹ جیل معتصم باللہ نے خصوصی شکریہ ادا کیا جنہوں نے انسانی ہمدردی کے جذبے کے تحت ادویات فراہم کیں۔جیل انتظامیہ نے اس تعاون کو سراہا اور کہا کہ ایسے اقدامات سے قیدیوں کی جسمانی و ذہنی صحت پر مثبت اثرات مرتب ہوتے ہیں۔