PCA News

18/02/2025

اہم اعلان
محکمہ موسمیات کی پیشنگوئی اور موسم کی خراب صورتحال کو مدنظر رکھتے ہوئے کوٹ چھٹہ جلسہ 20 کی بجائے 22 فروری بروز ہفتہ دن 11 بجے گا. تمام دوست اس پیغام کو ہر پلیٹ فارم پر شئیر کریں اور دوستوں کو آگاہ کریں

29/09/2024

ویلڈن ناصر خان ایس ایچ او تھانہ ریتڑہ
کوٹ قیصرانی میں منشیات فروشوں کا قلعہ قمع کرنے کے بعد جرائم پیشہ افراد کو خبردار کر دیا یا جرائم چھوڑ دو یا علاقہ چھوڑ دو ۔

22/06/2024

29/11/2023

آر پی او نے پولیس لائنز ڈیرہ غازی خان میں شہدا حال کے زیر تعمیر پروجیکٹ کا معائنہ بھی کیا ۔ معائنہ کے دوران آر پی او کا کہنا تھا کہ پولیس کے تمام جاری ترقیاتی منصوبوں کی بروقت تکمیل اولین ترجیح ہے جس کے لیے محکمہ کے تمام وسائل بروئے کار لائیں اگر کسی مرحلے پر کوئی مسئلہ یا درشواری درپیش ہو تو اسکی نشاندہی کریں تاکہ اس کا فوری تدارک کیا جائے۔ تمام زیر تعمیر پروجیکٹس کو مقرر کر دہ مدت کے اندر بروقت مکمل کیے جائیں۔ آر پی او ڈیر ہ غازی خان کیپٹن (ر)سجاد حسن خان نے تمام اضلاع کے ڈسٹرکٹ پولیس آفیسران کو زیر تعمیر پروجیکٹس کا باقاعدگی سے وزٹ کر کے تعمیراتی کام کی رفتار اور معیار کا جائزہ لینے کے احکامات بھی جاری کیئے۔

29/11/2023

رپورٹ محمد سیف اللہ میرانی ؟؟؟تفصیلات کے مطابق ریجنل پولیس آفس ڈیرہ غازی خان میں اچھی کارکردگی کا مظاہرہ کرنے والے پولیس اہلکاران کے لیے تقریب تقسیم انعامات منعقد ہوئی۔ تقریب میں ریجنل پولیس آفیسر ڈیرہ غازی خان کیپٹن (ر) سجاد حسن خان نے اچھی کارکردگی کا مظاہرہ کرنے والے پولیس افسران میں تعریفی اسناد اور نقد انعامات تقسیم کیے۔ انعام حاصل کرنے والوں میں انسپکٹر سید محسن رضا ، سب انسپکٹر محمد زیشان اور اسسٹنٹ سب انسپکٹرفیصل نواز شامل ہیں ۔ اس موقع پر آر پی او ڈیرہ غازی خان کیپٹن (ر) سجاد حسن خان نےافسران کو اچھی کارکردگی کے سلسلہ کو جاری رکھنے کی ہدایات کی ان کا کہنا تھاکہ محکمہ پولیس میں اچھی کارکردگی کا مظاہرہ کرنے والے اہلکار ہمارا سرمایہ ہیں ۔انہی اہلکاروں کی محنت اور دیانتداری سے اپنے فرائض کی انجام دہی محکمہ پولیس کے لیے نیک نامی کا باعث بنتی ہے ۔ محکمہ پولیس میں احتساب کا عمل جس طرح سخت ترین ہے اسی طرح اچھی کارکردگی کا مظاہرہ کرنے والے اہلکاروں کی حوصلہ افزائی کا سلسلہ بھی جاری رکھا جائے گا۔

28/11/2023

رپورٹ محمد سیف اللہ میرانی +++):حکو مت پنجاب کی ہدایت پر ڈیرہ غازیخان میں خواتین پر تشدد کی روک تھام کے حوالے سے سولہ روزہ آگاہی تقریبات کا آغاز کر دیاگیاہے. دس دسمبر تک جاری رہنے والی تقریبات میں واک، سیمینار ز اور دیگر پروگرام منعقد ہوں گی اس حوالے سے ویمن پروٹیکشن سنٹر سوشل ویلفیئر کمپلیکس ڈیرہ غازیخان میں کیک کاٹنے کی تقریب منعقد ہوئی جس کے مہمان خصوصی ایڈیشنل ڈپٹی کمشنر جنرل محمد اسد چانڈیہ تھے. ڈائریکٹر سوشل ویلفیئرسجاد سپرا، ڈپٹی ڈائریکٹر ذکاء الدین بزدار، ڈسٹرکٹ آفیسر ویمن پروٹیکشن ثریا مجید رانا، سپرنٹنڈنٹ دارالامان زرینہ بی بی، انچارج ورکنگ ویمن ہاسٹل انیسہ فاطمہ اوردیگر موجود تھے.
(

28/11/2023

رپورٹ محمد سیف اللہ میرانی
کمشنر ڈیرہ ڈاکٹر ناصر محمود بشیر سنئیر کمانڈنٹ ڈی سی شاہد زمان لک کی قیادت میں بارڈر ملٹری پولیس کے چیف محمد اسد چانڈیہ نے ایس ایچ او لیاقت عباس لغاری کے ہمراہ کاروائی کرتے ہوئے بلوچستان سے پنجاب سمگلنگ کی بڑی کوشش ناکام بنا دی ہے ۔ کروڑوں روپے مالیت کا نان کسٹم پیڈ سامان پکڑ لیا گیا ہے ۔ اسی حوالے سے بارڈر ملٹری پولیس چیف محمد اسد چانڈیہ ایس ایچ او لیاقت عباس لغاری کے ہمراہ میڈیا سے گفتگو کر رہے ہیں

27/11/2023

رپورٹ محمد سیف اللہ میرانی +++واردات کی نیت سے موجود لادی گینگ سے تھانہ صدر پولیس کا مقابلہ، ایک ڈکیت زخمی حالت میں گرفتار۔
ایس ایچ او تھانہ صدر محمد یونس نے بتایا کہ پل گجوجی پر لادی گینگ کے ممبران واردات کی نیت سے موجود تھے۔
اطلاع پر پولیس تھانہ صدر کے پہنچتے ہی ڈکیتوں نے پولیس پر فائرنگ شروع کر دی۔
پولیس اہلکاروں نے بھی جوابی فائرنگ کی۔
جوابی فائرنگ میں ایک ملزم آصف ولد میوہ زخمی ہو گیا
پولیس نے زخمی ڈکیت کو گرفتار کر کے ہسپتال منتقل کردیا ہے۔
جبکہ زخمی ڈکیت آصف کے دیگر ساتھی ڈکیتوں کی گرفتاری کے لئے پولیس سرچ آپریشن کر رہی ہے۔
گرفتار ڈکیت آصف ولد میوہ نامی ڈکیت قتل، اقدام قتل اور ڈکیتی جیسے کئی مقدمات میں پولیس کو مطلوب تھا۔
ڈیرہ غازیخان پولیس عوام الناس کے تحفظ کے لئے کوئی کسر نہ چھوڑ رہی ہے۔

26/11/2023

رپورٹ محمد سیف اللہ میرانی تھانہ کوٹ چھٹہ کے ایس ایچ او علی عمران نے پی سی اے نیوز سے بات چیت کرتے ہوئے کہا کہ عوام اور پولیس کے درمیان بہترین ورکنگ ریلشن شپ کے ذریعے جرائم پر کنٹرول کیا جا سکتا ہے انہوں نے کہا کہ بغیر کسی دباؤ اور لالچ کے مظلوم عوام کو انصاف دلانا ان کی اولین ترجیح ہوگی انہوں نے کہا کہ صحافی ملک کا ایک اہم ستون ہیں میں امید کرتا ہوں کہ صحافی تھانہ کوٹ چھٹہ میں امن و امان قائم کرنے میں پولیس کا ساتھ دیں گے انہوں نے کہا میرٹ کو اولین ترجیح دی جائے گی کوئی شخص کتنا ہی بااثر کیوں نہ ہو میرٹ کو ہر صورت فالو کرنا ہوگا انہوں نے کہا کہ وہ غریب اور مظلوم طبقہ کی عزت نفس بحال کرنے میں ہر ممکن کوشش کریں گے انہوں نے کہا کہ سایلین بغیر کسی سفارش کے ان کے دفتر آئیں ان کے ساتھ بلا امتیاز قانون کے مطابق انصاف کیا جائے گا مزید ان کا کہنا تھا اگر کسی سائلین سے میرے عملے کا رویہ صحیح نہ ہو تو مجھ سے ساری رابطہ کریں

25/11/2023

رپورٹ محمد سیف اللہ میرانی ملک محمد یعقوب جڑھ ملک محمد یوسف جڑھ نے بتایا کہ ہم نے اپنی دکان تھانہ گدائی کی حدود پائیگاہ چوک انڈس روڈ پر کھاد اور زرعی ادویات کہ دکان کھول رکھی تھی اور حسب معمول جب صبح دکان پر آئے تو دیکھا کہ دکان کے تالے ٹوٹے ہوئے تھے اور جب دکان کے اندر جاکر چیک کیا تو کھاد کی بوریاں جس کی مالیت 80 ہزار اور بیٹری سمیت یو پی ایس نامعلوم چور لے اڑے مزید ان کا کہناتھا عوام عدم تحفظ کا شکار ہے عوام کے اندر بے چینی بڑھ رہی ہے اور تاجر حضرات اپنے آپ کو غیر محفوظ تصور کرنے لگے گزشتہ شب بھی چوروں نے اسی پائیگاہ چوک سے لاکھوں کے زیورات اور نقدی رات کہ تاریکی میں گن پوائنٹ پر گھر میں ڈکیتی کی مزید انہوں نے کہا کہ ڈی پی او ڈیرہ غازیخان ایس ایچ او تھانہ گدائی عوام کے جان و مال کے تحفظ کو یقینی بنائے

25/11/2023

رپورٹ محمد سیف اللہ میرانی +++پنجاب بھر کی بیورو کریسی میں ایک معتبر نام اسد خان چانڈیہ کو پولیٹیکل اسسٹنٹ کمانڈنٹ ڈیرہ غازی خان کی کمان سنبھال دی گئی ہے ٹرائیبل ایریا کے عمائدین علاقہ نے تعنیاتی کا خیر مقدم کیا ہے اور اس توقع کا اظہار کیا ہے کہ وہ اپنی سابقہ روایات کو برقرار رکھتے ہوئے بھر پور کردار ادا کریں گے ویلکم سر

25/11/2023

رپورٹ محمد سیف اللہ میرانی +++ڈی پی او احمد محی الدین نے تھانہ چوٹی میں کھلی کچہری کے دوران خواتین سمیت عوام الناس کے مسائل انتہائی توجہ سے سن کر ان کی درخواستوں پر خصوصی احکامات جاری کئے۔ ڈی پی او نے صحافیوں سے گفتگو کرتے ہوئے کہا کہ کھلی کچہری منعقد کرنے کا مقصد عوام الناس کے مسائل براہ راست سن کر فوری حل کرنا ہے میری اولین ترجیح ہے کہ مظلوموں کی داد رسی اور ظالموں کو انجام تک پہنچایا جائے انہوں نے کہا کہ بددیانت اور کرپٹ پولیس آفیسران /اہلکاروں کی محکمہ پولیس میں کوئی گنجائش نہیں ہے ۔کھلی کچہری میں تاجران ،صحافیان و معززین علاقہ اور عوام الناس نے بھر پور شرکت کی، ڈی پی او احمد محی الدین نے یہ بھی کہا میں دور دراز کی عوام الناس کے مسائل براہ راست سنوں گا اور آپ اپنے اپنے متعلقہ تھانہ میں جاکر اپنے مسائل بتائیں اب آپ کو گھر بیٹھے انصاف فراہم کیا جائے گا۔ ڈی پی او احمد محی الدین نے SHOs کو ہدایات دی کہ تھانہ میں آنے والے سائلین کے مسائل قانون اور انصاف کے تقاضے پورے کرتے ہوئے فوری حل کئے جائیں