https://www.facebook.com/1790780104481224/

UNN kashmir, قریشی نیوز ایجنسی کوٹلی آزادکشمیر, Kotli (2025)

30/10/2025

راولپنڈی
راولپنڈی کی تحصیل گوجرخان کے علاقے میں ٹیچرز کا بچے پر بہیمانہ تشدد

ویڈیو وائرل ہوگئی ہونے پر پولیس کا ایکشن

پولیس نے ٹیچر کو تحویل میں لے لیا

ویڈیو و واقعہ تقریبا ایک سال پرانہ ہے پولیس

بچے کے والد سے رابطہ ہوا جنکا موقف ہے بچہ سگریٹ پیتا تھا خود ٹیچرز سے کہا اسکو سزا دیں پولیس

ٹیچر بھی بچے کا اپنا رشتہ دار ہے پولیس

تاہم ویڈیو میں بچے پر تشدد دیکھ کر ٹیچر کو تحویل میں لے لیا ہے اور قانون کے مطابق کاروائی عمل میں لائی جاری ہے پولیس

23/10/2025

کوٹلی(نمائندہ خصوصی) ضلع پونچھ کے قابل فخر پولیس آفیسر ایس ایس پی خاور علی شوکت کو امریکہ میں منعقدہ بین الاقوامی پولیس کانفرنس میں شاندار کارکردگی پر اعزاز سے نوازے جانے پر ڈسٹرکٹ پریس کلب رجسٹرڈ کوٹلی کی جانب سے دلی مسرت اور فخر کا اظہار کیا گیا ہے۔ صدر ڈسٹرکٹ پریس کلب رجسٹرڈ کوٹلی شاہنواز بٹ، نائب صدر شہباز علی حیدری، سیکرٹری جنرل محمد رضوان قریشی، ڈپٹی سیکرٹری جنرل سید واجد الرب، اراکین مرکزی صدر آزاد جموں و کشمیر یونین آف جرنلسٹس راجہ نثار احمد خان، سابق صدور سید ساجد الرب، مرزا زاہد بیگ، یاسر حسن، راجہ ریاض کیانی، ظفر اقبال قریشی، حیدر زمان، راجہ محمد بشیر، عمار یاسر قریشی، ڈوگرہ ذوالفقار ملک، کاشف شبیر، زمرد چوہدری، راجہ رزاق کیانی، منظر بشیر، بشیر بیگ، حافظ محمد ندیم اور کیپٹن سلیم بٹ ،سعید بٹ فاروق گوہر،مسعود عاجہ،عمربٹ،انضمام چوہدری نے خاور علی شوکت کو ایوارڈ ملنے پر دلی مبارکباد پیش کی اور ان کی خدمات کو سراہا۔ صدر ڈسٹرکٹ پریس کلب رجسٹرڈ کوٹلی شاہنواز بٹ نے اپنے خطاب میں کہا کہ ایس ایس پی خاور علی شوکت کا بین الاقوامی سطح پر ایوارڈ حاصل کرنا نہ صرف ضلع پونچھ بلکہ پورے آزاد کشمیر کے لیے باعثِ فخر ہے۔ انہوں نے کہا کہ خاور علی شوکت نے اپنی پیشہ ورانہ صلاحیتوں، دیانت داری، فرض شناسی اور عوام دوست رویے کے ذریعے محکمہ پولیس آزاد کشمیر کا وقار بلند کیا ہے۔ ان کی یہ کامیابی ان کے عزم، محنت اور انصاف پسندی کا مظہر ہے۔ خاور علی شوکت ماضی میں ڈسٹرکٹ پریس کلب رجسٹرڈ کوٹلی کے فعال رکن رہے ہیں، اس لیے یہ اعزاز پریس کلب کے لیے بھی فخر کا باعث ہے۔ انہوں نے کہا کہ خاور علی شوکت نے ہمیشہ قانون کی بالادستی، عوامی خدمت اور شفاف طرزِ عمل کو ترجیح دی، جس کی بدولت انہیں نہ صرف عوامی اعتماد حاصل ہوا بلکہ بین الاقوامی اداروں نے بھی ان کی صلاحیتوں کا اعتراف کیا۔ سیکرٹری جنرل ڈسٹرکٹ پریس کلب رجسٹرڈ کوٹلی محمد رضوان قریشی نے اظہار خیال کرتے ہوئے کہا کہ خاور علی شوکت کی یہ کامیابی دراصل آزاد کشمیر کے نوجوان افسران کے لیے ایک روشن مثال ہے۔ انہوں نے کہا کہ خاور علی شوکت نے اپنی قابلیت، خلوص اور انتھک محنت سے یہ ثابت کر دیا کہ اگر نیت صاف ہو اور مقصد خدمتِ خلق ہو تو کامیابی خود انسان کے قدم چومتی ہے۔ خاور علی شوکت کا بین الاقوامی سطح پر ایوارڈ حاصل کرنا ریاست آزاد جموں و کشمیر کے اداروں کی ساکھ میں اضافہ ہے۔ ان کی کارکردگی اس بات کی غماز ہے کہ ہمارے افسران عالمی معیار کے مطابق اپنی صلاحیتیں منوا رہے ہیں۔ انہوں نے کہا کہ ڈسٹرکٹ پریس کلب رجسٹرڈ کوٹلی کو فخر ہے کہ خاور علی شوکت اس ادارے کے رکن رہے ہیں، ان کی کامیابی نہ صرف محکمہ پولیس بلکہ کوٹلی کی عوام کے لیے بھی اعزاز کی حیثیت رکھتی ہے۔ خاور علی شوکت جیسے ایماندار، فرض شناس اور عوام دوست افسران ہی معاشرے میں انصاف اور امن کے ضامن ہیں، ان کی کامیابی نوجوان نسل کو حوصلہ اور اعتماد فراہم کرتی ہے۔ انہوں نے ایس ایس پی خاور علی شوکت کے والد محترم ڈسٹرکٹ پریس کلب رجسٹرڈ کوٹلی کے سینئر ترین رکن شوکت علی ناز کو بھی مبارکباد پیش کی اور کہا کہ خاور علی شوکت کی یہ شاندار کامیابی دراصل ان کی بہترین تربیت اور خاندانی اقدار کا ثمر ہے۔ انہوں نے دعا کی کہ اللہ تعالیٰ خاور علی شوکت کو مزید کامیابیاں عطا فرمائے تاکہ وہ اسی جذبے، خلوص اور عزم کے ساتھ عوامی خدمت کا سلسلہ جاری رکھیں۔
TopFans

20/10/2025

صدر پاکستان مسلم لیگ ن آزاد کشمیر برائے برطانیہ چوہدری عبدالرحمان کی جانب سے جاری نوٹیفکیشن کے مطابق سردار نفیس سرور کو صدر پاکستان مسلم لیگ ن لوٹن برطانیہ مقرر کر دیا گیا ہے، وہ پارٹی کے متحرک، نظریاتی اور سرگرم رہنماؤں میں شمار کیے جاتے ہیں، پارٹی قیادت نے ان کی تنظیمی صلاحیتوں اور خدمات کو مدنظر رکھتے ہوئے یہ ذمہ داری سونپی ہے۔ سردار نفیس سرور کا تعلق کوٹلی آزاد کشمیر کے ایک معروف، تعلیم یافتہ اور سیاسی طور پر فعال خاندان سے ہے، ان کے ماموں حاجی سردار محمود احمد خان مرحوم آزاد کشمیر کے سابق وزرائے اعظم سردار سکندر حیات خان اور سردار محمد عبد القیوم خان کے قریبی رفقاء میں شامل رہے، ان کے کزن مرحوم سردار سہیل محمود فاریسٹ مجسٹریٹ، چیئرمین ادارہ ترقیات کوٹلی اور سیکشن آفیسر کے عہدوں پر فائز رہے، سردار شکیل محمود کینیڈا میں سیاسی و کاروباری میدان میں منفرد شناخت رکھتے ہیں، سردار عقیل محمود اس وقت سیکرٹری لوکل گورنمنٹ بورڈ آزاد کشمیر کی حیثیت سے خدمات انجام دے رہے ہیں، سردار مبشر بشیر اسسٹنٹ کمشنر ہیں جبکہ ان کے ایک اور کزن سردار مشہود محمود کونسلر میونسپل کارپوریشن کوٹلی کے طور پر عوامی خدمت انجام دے رہے ہیں۔ سردار نفیس سرور کے بڑے بھائی سردار اورنگزیب گورنمنٹ کنٹریکٹر ہیں جبکہ برادرِ اصغر سردار شہزاد سرور ڈپٹی سپرنٹنڈنٹ پولیس کے عہدے پر فائز ہیں۔ سردار نفیس سرور کی بردباری، شائستگی، تنظیمی بصیرت اور خوش گفتاری ان کی شخصیت کا نمایاں پہلو ہیں، برطانیہ میں مقیم کشمیری و پاکستانی کمیونٹی انہیں ایک فعال، باصلاحیت اور مخلص رہنما کے طور پر دیکھتی ہے۔ ان کی قیادت میں مسلم لیگ ن لوٹن کے تنظیمی ڈھانچے کو مزید مستحکم کیا جائے گا اور پارٹی کی فعالیت میں نمایاں اضافہ متوقع ہے۔ پارٹی قائدین اور کارکنان نے سردار نفیس سرور کو صدر منتخب ہونے پر دلی مبارکباد پیش کرتے ہوئے اس امید کا اظہار کیا ہے کہ وہ اپنی صلاحیتوں، تجربے اور عزم کے ذریعے مسلم لیگ ن کے نظریات کو فروغ دیں گے اور قیادت کے اعتماد پر پورا اتریں گے۔
TopFans
Sardar Nafees Sarwar

25/09/2025

کوٹلی ....سید واجدالرب سے
آل آزاد کشمیر انجمن تاجراں کے مرکزی سینئیر نائب صدر ملک محمد یعقوب خان کشمیری کی گلہار شریف آمد اور انجمن تاجراں گلہار شریف یونٹ کے عہدیداران و اراکین سے خطاب۔۔کونسلر فیصل حسن راجہ ، مرکزی انجمن تا جران کےعہدیداران راجہ رحیم اور جمیل منہاس بھی ہمراہ تھے ۔۔ملک یعقوب خان نے جوائنٹ ایکشن کمیٹی کی کال 29 ستمبر اور چارٹر آف ڈیمانڈ کے حوالے سے تاجروں کو بریفنگ دی۔۔گلہار یونٹ کے صدر شاہد چوہدری ،اہم شخصیت چوہدری محمد اسحاق ،چیئرمین چوہدری محمد تاج ،فخر الاسلام ،ساجد چوہدری ،چوہدری عبدالرحمان ،استاد ٹیپو سلطان و دیگر نے جوائنٹ عوامی ایکشن کمیٹی اور مرکزی انجمن تاجراں کےموقف کو درست قرار دیتے ہوئے 29 ستمبر کو مکمل لاک ڈاؤن کا اعلان کیا۔اس روز گلہار شریف یونٹ کے تاجر اور شہری گلہار شریف سے جلوس کی شکل میں پیدل مارچ کرتے ہوئے شہید چوک پہنچیں گے جہاں مرکزی جلسہ میں شمولیت کریں گے ۔۔

16/09/2025

ممبر جموں و کشمیر عوامی ایکشن کمیٹی دندلی راج محل ارسلان جہانگیر راجپوت نے عوامی ایکشن کمیٹی کے جائز مطالبات کی حمایت کرتے ہوئے جموں کشمیر کے باشعور عوام کے نام پیغام میں کہاکہ یہ وقت خاموش رہنے کا نہیں بلکہ اپنے حق کے لیے اٹھ کھڑے ہونے کا ہے۔عوامی ایکشن کمیٹی کے پیش کردہ 38 نکاتی چارٹر آف ڈیمانڈ دراصل ہر کشمیری کے دکھ، درد اور جدوجہد کی ترجمانی کرتا ہے۔ یہ صرف مطالبات نہیں بلکہ ہماری زندگی، ہمارے وسائل اور ہمارے مستقبل کی جنگ ہے۔عوام کے ساتھ ہونے والے ہر ظلم کے خلاف آواز بلند کی جائے گی۔بجلی، پانی، صحت اور تعلیم کی فراہمی حکومت کی ذمہ داری ہے، کوئی رعایت نہیں۔حکمران اشرافیہ کی عیاشیوں اور مراعات کا ہمیشہ کے لیے خاتمہ۔ناجائز ٹیکس، مہنگائی اور بیروزگاری کو کسی صورت برداشت نہیں کیا جا سکتا۔جموں کشمیر بینک کو شیڈیول کا درجہ دیا جائے۔ شہداء اور عوامی قربانیوں کی تکریم ہر حال میں لازم ہے۔یہ تحریک عوام کی تحریک ہے، یہ جدوجہد عوام کی جدوجہد ہے۔

16/09/2025

ایڈیشنل سیشن جج راولاکوٹ نے مقدمہ علت نمبر 350/2023 بجرائم 377 جس میں ملزمان گلفراز اور سدھیر ساکنہ سنگولہ راولاکوٹ نے چھٹی جماعت کی معصوم بچی کے ساتھ زنا بالجبر کیا تھا. متاثرہ بچی کی جانب سے عباسپور سے تعلق رکھنے والے ڈسٹرکٹ بار راولاکوٹ نوجوان قانون دان سردار ضیاد ظفر ایڈووکیٹ نے دلائل دیے. عدالت نےدلائل سننے کے بعد دونوں ملزمان کو مجرمان قرار دیتے ہوئے سزاۓ موت سنا دی..

TopFans

17/08/2025

🌺🌺 کارپوریشن کے اہم ممبر نےمیئر میونسپل کارپوریشن کوٹلی سے ناقص کارگزاری کی بناءپر مستعفی ہونے کا مطالبہ کردیا 🌺🌺

میئر کوٹلی کے نام

محترم!
یہ امر نہایت افسوسناک ہے کہ آپ کی نااہلی اور غفلت کی وجہ سے آج پورا شہر کچرے کے ڈھیر میں تبدیل ہو چکا ہے۔ جگہ جگہ پڑے ہوئے کچرے کے ڈھیر اور کھلے مین ہول آپ کی ناکامی کا کھلا ثبوت ہیں۔

اہم بات یہ ہے کہ بارہا یاد دہانی اور مطالبے کے باوجود آپ شہر کی صفائی اور شہری سہولیات بہتر بنانے میں بری طرح ناکام رہے ہیں۔ عوام کا صبر اب لبریز ہو چکا ہے اور شہری آپ کی کارکردگی سے سخت مایوس ہیں۔

لہٰذا عوام کی جانب سے مطالبہ کیا جاتا ہے کہ آپ فی الفور اپنے عہدے سے مستعفی ہو کر راست اقدام کریں تاکہ شہر کو ایک قابل اور ذمہ دار قیادت مل سکے۔
سید عامر شاہ ایڈووکیٹ کونسلر میونسپل کارپوریشن کوٹلی

UNN kashmir

30/10/2025

23/10/2025

20/10/2025

25/09/2025

16/09/2025

16/09/2025

17/08/2025

Address

Telephone

Website

Alerts

Shortcuts

Share

Category