News Highlights

News Highlights Highlights provide you.... Updated around the clock with Breaking News, Top Stories, Videos, Photos, Special Reports, and Exclusive Interviews.
(1)

#Highlights#Covid19#Vaccinationامریکہ میں کرونا کے علاج کے لئے ریمڈیسیور انفیوژن دوا موثر ثابت ہوئی، جس کے بعد امریکہ کی...
17/05/2020

#Highlights
#Covid19
#Vaccination
امریکہ میں کرونا کے علاج کے لئے ریمڈیسیور انفیوژن دوا موثر ثابت ہوئی، جس کے بعد امریکہ کی کمپنی گلیسیڈ نے پاکستان کے ساتھ دوا کی تیاری کا معاہدہ کیا ہے، یہ دوا پاکستانی دوا ساز کمپنی فیروز سنز لیبارٹریز کے ماتحت ادارہ بی ایف بائیو سائنسز تیار کرے گا، اس کے لئے بارہ مئی کو معاہدہ طے پا گیا ہے، فیروز سنز لیبارٹری کے مالک عثمان خالد وحید کا کہنا ہے کہ حکومت سے اجازت ملنے کے بعد دوا کی پیداوار شروع کرنے میں انہیں آٹھ سے دس ہفتے لگ سکتے ہیں ،انہوں نے کہا

کہ ہم سب کچھ بہت جلدی کرنے کی کوشش کر رہے ہیں، فیروز سنز لیبارٹری کے مالک عثمان خالد وحید نے کہا کہ ریمیڈیسی ویر کی تیاری کے لئے خام مال بیرون ملک سے درآمد کیا جائے گا۔ دوسری جانب معاون خصوصی صحت ڈاکٹر ظفر مرزا نے کہا ہے کہ پاکستان میں اب ہیپاٹائٹس کی دوائی سستی مل رہی ہے۔میڈیا سے گفتگو کرتے ہوئے انہوںنے کہاکہ کورونا سے محفوظ رکھنے کے حوالے سے دوا پر کام کررہے ہیں، مقامی فارماسیوٹیکل کمپنی ارجنٹینا کیساتھ مل کر دوا بنائی رہی ہے۔ انہوںنے کہاکہ کورونا وائرس کی دوا انجکشن کے ذریعے دی جائے گی۔ یہ 100 فیصد ٹریٹمنٹ نہیں ہے، دوا ٹرائل میں تشویشناک حالت والے مریضوں کو 30 فیصد تک مفید ثابت ہوئی ہے۔ڈاکٹر ظفر مرزا کے مطابق گزشتہ دو ماہ سے کسی نے ایک دن بھی چھٹی نہیں کی، مخالفت برائے مخالفت کرنے سے افسوس ہوتا ہے۔انہوںنے کہاکہ وزیراعظم عمران خان نے کہا ہے کہ تمام صوبائی حکومتیں اپنے فیصلے خود کریں۔انہوں نے کہا کہ ریلوے اور پی آئی اے میں احتیاطی تدابیر پر عمل ہوسکتا ہے ،بسوں میں احتیاطی تدابیر پر عمل تھوڑا مشکل ہے۔معاون خصوصی کا کہنا تھا کہ تمام ملک اپنے معاملات دیکھتے ہوئے فیصلے کر رہے ہیں۔انہوںنے کہاکہ پاکستان میں کورونا وائرس کے کیسز نہیں چھپائے جا رہے ایسا کرنے سے ہمیں ہی نقصان ہو گا۔انہوں نے کہا کہ لاک ڈاوَن کے دوران لوگوں نے بھوک کی وجہ سے خود کشیاں کی ہیں۔

#Highlights#Agenciesذرائع کے مطابق اے ایس آئی سید مصور علی نقوی را سلیپر سیل کا اہم رکن ہے جس کا تعلق ایم کیو ایم لندن س...
17/05/2020

#Highlights
#Agencies
ذرائع کے مطابق اے ایس آئی سید مصور علی نقوی را سلیپر سیل کا اہم رکن ہے جس کا تعلق ایم کیو ایم لندن سے ہے اور وہ کراچی ایئرپورٹ پر سرویلنس یونٹ میں ڈیوٹی کر رہا تھا۔ ملزم 1991 میں سندھ پولیس میں بھرتی ہوا اور محمود صدیقی کی ہدایت پر ملزم کو رقم فراہم کی جاتی تھی۔

ایف آئی اے حکام کے مطابق ملزم 2008 میں ٹریننگ کے لیے بھارت بھی جا چکا ہے، وہ ایئرپورٹ پر اپنے ساتھیوں کی آمدورفت میں سہولت کاری بھی کرتا تھا۔ ملزم مبینہ طور پر ٹارگٹ کلنگ اور دہشت گردی کی کارروائیوں میں ملوث رہا۔

واضح رہے کہ اس سے قبل بھی کراچی پولیس کا ایک اے ایس آئی گرفتار کیا جا چکا ہے جبکہ مجموعی طور پر بھارتی خفیہ ایجنسی را کے 6 مبینہ ملزمان پہلے ہی گرفتار کیے جا چکے ہیں۔

#Highlights#NAB#Shahbazshareef#Muslim_League_Nawazوفاقی وزیر ریلوے شیخ رشید احمد نے کہا ہے کہ نیب 31جولائی سے پہلے جھاڑو...
17/05/2020

#Highlights
#NAB
#Shahbazshareef
#Muslim_League_Nawaz
وفاقی وزیر ریلوے شیخ رشید احمد نے کہا ہے کہ نیب 31جولائی سے پہلے جھاڑو پھیر دے گی اورجو ضمانتوں کے مزے لے رہے ہیں سب فارغ ہو جائیں گے ،نیب کے موجودہ قانون کے حق میں ہوں اور اگر ترامیم لائی گئیں تو حمایت نہیں کروں گا ، تمام چوروں اور ڈاکوئوں کو تُن کے رکھنا چاہیے ،شہباز شریف نے کووڈ نائنٹین کی آڑ میں چھلانگ لگائی لیکن پھنس گیا ہے ، لاک ڈائون شہباز شریف کیلئے لاک اپ بن سکتا ہے ،اس وقت کوئی اپوزیشن نہیں اور وزیر اعظم عمران خان کی حکومت پانچ

سال پورے کرے گی، عید الفطر کیلئے 24کروڑ روپے کی ایڈ وانس ٹکٹیں فروخت ہو چکی ہیں ، اگر ہمیں پیر یا منگل تک اجازت نہ ملی تو پھر ٹرینیں چلانے کی پوزیشن میں نہیں ہوں گے اور 24کروڑ روپے واپس کرنا پڑیں گے، ہمارے محکمے کیمعاشی حالات انتہائی خراب ہیں اگر یہی صورتحال بر قرار رہی تو ڈیفالٹ ہو سکتا ہے ۔ ان خیالات کا اظہار انہوں نے ریلوے ہیڈ کوارٹر میں پریس کانفرنس کرتے ہوئے کیا ۔ شیخ رشید نے کہا کہ پوری دنیا میں ٹرین سروس بحال ہے لیکن پاکستان میں الٹا چل رہا ہے ، یہاں آدھا تیتر اورآدھا بٹیر والی پالیسی ہے ، پبلک ٹرانسپورٹ کی اجازت دیدی گئی ہے ، جہاز چل رہے ہیں لیکن صوبے ٹرین آپریشن نہیں چلانے دے رہے ۔ ہم نے اپنے تمام ایس او پیز تیار کر لئے ہیں اور اجازت ملی تو 50سے60فیصد بکنگ سے15اپ اور15ڈائون ٹرینیں چلائی جائیں گی ، کورونا کی وجہ سے خصوصی سٹاف ٹرینوں کے ساتھ روانہ ہوگا ۔ میں پیر کے روز اسلام آباد جائوں گا ،ہم صرف وزیر اعظم کو جانتے اور مانتے ہیں ،امید ہے کہ وزیراعظم عمران خان خصوصی مہربانی کریں گے ،میں پیر کے روز اسلام آباد میں پریس کانفرنس کر کے ٹرین آپریشن کے حوالے سے حتمی اعلان کروں گا ۔ انہوںنے کہا کہ مسافروںنے عید الفطر کے لئے آن لائن ایڈوانس بکنگ کرالی ہے اور 24کروڑ روپے کی ٹکٹیں بک ہو چکی ہیں اور ٹرین آپریشن شروع ہونے کی صورت میں انہیں ترجیح دی جائے گی ۔اگر پیر یا منگل تک اجازت ملی تو چوبیس گھنٹے میں ٹرینیں چلانے کی پوزیشن میں ہوں گے لیکن زیادہ تاخیر کی صورت میں ٹرینیں نہیں چلا سکیں گے اور ہمیں 24کروڑ روپے مسافروں کوواپس کرنا ہوںگے ۔انہوں نے کہا کہ میں ریلوے کے مزدوروںکو سلیوٹ پیش کرتا ہوں جنہوں نے ایک بھی چھٹی نہیں کی اور ہم نے 1054کوچز ٹھیک کی ہیں، جعفر ایکسپریس کو بھی نئی شکل میں چلائیں گے ۔انہوںنے کہا کہ ریلوے کے پاس اب کچھ بھی نہیں ہے اور ہمارے معاشی حالات انتہائی خراب ہیں اور یہ خدشہ ہے کہ کہیں محکمہ ڈیفالٹ نہ کر جائےہم نے سوا 5ارب روپے تنخواہوں اور پنشن کی مد میں ادائیگی کرنا ہوتی ہے اور یہی صورتحال رہی تو مرکزی حکومت کو سبسڈی دینا پڑے گی ۔ہم قبضہ گروپ نہیں ہیں اگر ٹرینیںنہ چلیں تو عید الفطر کے پندرہ روز بعد مسافروں کے پیسے واپس کر دیں گے۔ انہوں نے کہا کہ مسلم لیگ(ن) اور پیپلز پارٹی والے کیوں نیب قانون میں ترامیم مانگ رہے ہیں اور کہہ رہے ہیںنیب کو ختم کردو ، 31جولائی تک نیب جھاڑ و پھیر دے گی اور جو ضمانتوں کے مزے لے رہے ہیں سب فارغ ہو جائیں گے، عید کے بعد دونوں طرف سے گرفتاریاں ہوں گی۔ انہوںنے کہا کہ اگر مونس الٰہی نے جہانگیر ترین سے ملاقات کی ہے تو اچھی بات ہے ، انہیں اپنے دفاع کا حق حاصل ہے، چوہدری برادران سمجھدار لوگ ہیں وہ گیلی جگہ پر پائوں نہیں رکھتے ۔انہوں نے کہا کہ اگر شہباز شریف کا سوفٹ ویئر تبدیل ہو جائے تو بچ سکتا ہے لیکن لاک ڈائون ان کے لاک اپ کا پروگرام ہے ۔ اس وقت حکومت کی کوئی اپوزیشن نہیںہے ،(ن) لیگ اور پیپلز پارٹی کا سب کو معلوم ہے ، فضل الرحمان کو یہ پہلے ہی استعمال کر چکے ہیں،اپوزیشن والے صرف بیان بازی اور ٹی وی ٹی وی کھیل رہے ہیں، اپوزیشن کا گرائونڈ پر کوئی ہو م ورک نہیں ، وزیر اعظم عمران خان کی قیادت میں حکومت پانچ سال پورے کرے گی ۔انہوں نے کہا کہ اگر حکومت آٹے اور چینی کی فرانزک رپورٹ کے بعد مقدمات نہیں بنائے گی تو میڈیا کا مقابلہ نہیں کر سکے گی ، پہلے ہی قرضوں اور آئی پی پیز کے حوالے سے کافی باتیں ہو رہی ہیں۔ انہوںنے حکومت کے پاس اکثریت نہ ہونے کے سوال کے جواب میں کہا کہ یہاں ایک ایک ووٹ سے بھی حکومتیں کی گئی ہیں،جب تک خاندانی ، روایتی اور موروثی سیاستدان ہے وہ اپوزیشن کی طرف نہیں دیکھتے بلکہ وہ اقتدار کو انجوائے کرنا چاہتا ہے۔انہوں نے کہا کہ یہ نواز شریف نہیںبلکہ عمران خان کی حکومت ہے ، ختم نبوت ؐ پر کوئی آنچ نہیں آنے دیں گے ، ہم ختم نبوت ؐ پر ایک نہیں ہزار وزارتوں کو جوتی کے نوک پر رکھتے ہیں۔

#Highlights#Brutally_peopleجنوبی پنجاب کے شہر بہاولپور میں ایک درندہ صفت شخص نے اپنی ممانی کو زیادتی کا نشانہ بنا ڈالا ا...
17/05/2020

#Highlights
#Brutally_people
جنوبی پنجاب کے شہر بہاولپور میں ایک درندہ صفت شخص نے اپنی ممانی کو زیادتی کا نشانہ بنا ڈالا اور اپنی ننھی کزن کو قتل کردیا۔

پولیس کا کہنا ہے کہ واقعہ بہاولپور کی موسیٰ کالونی میں پیش آیا ۔ متاثرہ خاتون کے مطابق اس کے شوہر کے بھانجے نے اسے زیادتی کا نشانہ بنایا اور اس کی کمسن بیٹی کو قتل کرکے فرار ہوگیا۔ پولیس نے خاتون کی مدعیت میں زیادتی اور قتل کا مقدمہ درج کرکے ملزم کی تلاش شروع کردی۔

17/05/2020

Today Talk with Dr Shahid Masood on News Highlights
#newshighlights #live #Todaytalk #drshahidmasooq

#Highlights#Covid19#SudiArabia دنیا میں کورونا کی وبا تین لاکھ سے زائد انسانی زندگیاں نگل چکی ہے، جن میں ہزاروں ڈاکٹرز ا...
17/05/2020

#Highlights
#Covid19
#SudiArabia
دنیا میں کورونا کی وبا تین لاکھ سے زائد انسانی زندگیاں نگل چکی ہے، جن میں ہزاروں ڈاکٹرز اور نرسیں بھی شامل ہیں۔ حالانکہ طبی عملے کی جانب سے کورونا مریضوں کے علاج کے دوران بھرپور احتیاط کی جا رہی ہے تاہم یہ موذی وائرس کسی نہ کسی طرح
معالجین کو بھی اپنی پکڑ میں لے ہی لیتا ہے۔ سعودی فتویٰ کمیٹی کی جانب سے تازہ ترین فتویٰ دیا گیا ہے کہ طبی عملہ (ڈاکٹرز، نرسیں اور دیگر پیرامیڈیکل اسٹاف) کورونا کی وبا کے باعث بغیر وضو کیے بھی نماز ادا کر سکتے ہیں، کیونکہ موجود حالات میں شریعت اس کی گنجائش دیتی ہے۔ سعودی فتویٰ کمیٹی کے مفتی اعظم شیخ عبدالعزیز الشیخ کی سربراہی میں ہونے والے اجلاس میں متفقہ طور پر یہ فتویٰ جاری کیا گیا ہے۔ اس فتویٰ میں کہا گیا ہے کہ خصوصی حالات کے پیش نظر ڈاکٹرز اور نرسوں کو بغیر وضو کے نماز ادا کرنے کی اجازت ہے، یا پھر اپنے حفاظتی لباس پر تیمم کر لیں تو بھی ان کی نماز ہو جائے گی۔ کیونکہ کورونا کی وبا کے باعث وضو کی خاطر اپنا حفاظتی لباس اُتارنے سے ڈاکٹرز کے اس وبا سے متاثر ہونے کا خدشہ پیدا ہو سکتا ہے۔ اس لیے انہیں وضو کے بغیر بھی نماز کی اجازت ہو گی یا پھر حفاظتی لباس پر تیمم کر لینا بھی کافی ہو گا۔ جبکہ کورونا کے مریض اگر تیمم بھی نہ کرنا چاہیں تو انہیں اس کی شرعی اجازت ہو گی۔ کیونکہ ایسا ہو سکتا ہے کہ تیمم کے لیے استعمال کی جانے والی مٹی جراثیم سے بھری ہو، جس سے مریضوں کو نقصان بھی ہو سکتا ہے۔ واضح رہے کہ سعودی عرب میں کورونا مریضوں کی یومیہ تعداد بڑھنے لگی، مملکت میں مزید 2307مریضوں میں کورونا وائرس کی تصدیق ہوگئی، جس سے مجموعی مریضوں کی تعداد49ہزار176 ہوگئی ہے۔ سعودی وزارت صحت کے مطابق مملکت میں گزشتہ 24گھنٹوں کے دوران مزید 2307مریضوں کا کورونا وائرس ٹیسٹ مثبت آگیا ہے۔ نئے کیسز کے ساتھ کورونا کے مجموعی مریضوں کی تعداد 49176 ہوگئی ہے۔لیکن اس کے ساتھ اموات کی تعداد میں کمی دیکھنے میں آئی ہے، پچھلے 24 گھنٹے میں 9مریض انتقال کرگئے ، جس سے اموات کی تعداد 292 ہوگئی ہے۔اسی طرح صحت یاب مریضوں کی شرح میں بھی اضافہ ہورہا ہے۔ مجموعی تعداد میں 30 فیصد مریض صحت یاب ہوگئے ہیں،جس کے بعد صحت یاب مریضوں کی مجموعی تعداد 21869 ہوگئی ہے۔

17/05/2020
#Newshighlights#WHO#Sanitizerعالمی ادارہ صحت (ڈبلیو ایچ او) نے خبردار کیا ہے کہ کورونا وائرس کے پھیلاؤ کو روکنے کے لیے ...
17/05/2020

#Newshighlights
#WHO
#Sanitizer
عالمی ادارہ صحت (ڈبلیو ایچ او) نے خبردار کیا ہے کہ کورونا وائرس کے پھیلاؤ کو روکنے کے لیے گلیوں میں جراثیم کش اسپرے انسانوں کے لیے خطرناک ثابت ہو سکتا ہے۔جینیوا میں پریس کانفرنس کرتے ہوئے عالمی ادارہ صحت کے سربراہ ڈاکٹر ٹیڈروس ادھانوم نے کہا کہ گلیوں میں جراثیم کش اسپرے کرنے سے کورونا وائرس کا خاتمہ نہیں ہوتا بلکہ یہ لوگوں کے لیے مزید خطرناک ثابت ہو سکتا ہے۔ عالمی ادارہ صحت کے سربراہ نے بتایا کہ گلیوں یا بازاروں میں جراثیم کش اسپرےکورونا کے خا تمے میں مؤثر ثابت نہیں ہوتا کیونکہ

وہ گرد اور مٹی کی وجہ سے غیر مؤ ثر ہو جاتا ہے۔ان کا کہنا تھا کہ جراثیم کش اسپرے کسی کے لیے بھی جسمانی اور نفسیاتی طور پر نقصان دہ ثابت ہو سکتا ہے کیونکہ انسانوں پر کلورین یا دیگرکیمیکل کے چھڑکاؤ سے آنکھ یا جلد متاثر ہو سکتی ہے۔ڈاکٹر ٹیڈروس ادھانوم کے مطابق کسی بھی حال میں انسانوں پر جراثم کش دوا کا اسپرے نہیں کرنا چاہیے، البتہ بند جگہوں پر جراثیم کش دوا کسی کپڑے پر لگا کر استعمال کی جانی چاہیے۔

#Highlights#Indian_Armyپاکستان نے بھارتی آرمی چیف کا بیان مسترد کرتے ہوئے کہا ہے کہ استصواب رائے کے لئے کشمیریوں کی قانو...
17/05/2020

#Highlights
#Indian_Army
پاکستان نے بھارتی آرمی چیف کا بیان مسترد کرتے ہوئے کہا ہے کہ استصواب رائے کے لئے کشمیریوں کی قانونی وجائز جدوجہد کو دہشت گردی کے طورپر بیان کرنے کی بھارتی شرانگیزی اور فتنہ پردازی کامیاب نہیں ہوگی، عالمی برادری کوصورتحال کی نزاکت سمجھتے ہوئے بھارت پر زوردینا ہوگا کہ وہ علاقائی امن واستحکام کے مفاد میں ذمہ داری کا مظاہرہ کرے۔تفصیلات کے مطابق،ترجمان دفتر خارجہ عائشہ فاروقی نے کہا ہے کہ ہم بھارتی آرمی چیف کے حالیہ بیان کو مسترد کرتے ہیں جس میں پاکستان پر بے بنیاد الزامات عائد کرتے ہوئے دھمکیاں دی گئیں تھیں، یہ ہتھکنڈے مایوسی کے عالم میں ان بھارتی کوششوں کا حصہ ہیں جن کا مقصد دنیا کی توجہ بھارت کے زیرقبضہ جموں وکشمیر میں جاری بھارتی ریاستی دہشت گردی اور انسانی حقوق کی سنگین ترین پامالیوں سے ہٹانا ہے۔ ترجمان نے کہا کہ بھارت کو کشمیریوں کی مقامی مزاحمت کا سامنا ہے جو کشمیریوں پربھارت کے بدترین جبرواستبداد اورڈھائے جانے والے مظالم کا براہ راست نتیجہ ہے، استصواب رائے کے لئے کشمیریوں کی قانونی وجائز جدوجہد کو دہشت گردی کے طورپر بیان کرنے کی بھارتی شرانگیزی اور فتنہ پردازی کامیاب نہیں ہوگی۔
ترجمان دفتر خارجہ عائشہ فاروقی کا کہنا تھا کہ بھارت کی جانب سے توجہ ہٹانے، حقائق کو چھپانے، توڑنے مروڑنے اور جنگی جنون کی مسلسل کوششیں جنوبی ایشیاکے امن وسلامتی کے لئے خطرناک ہیں انہوں نے کہا کہ عالمی برادری کوصورتحال کی نزاکت سمجھتے ہوئے بھارت پر زوردینا ہوگا کہ وہ علاقائی امن واستحکام کے مفاد میں ذمہ داری کا مظاہرہ کرے۔

#Highlights#Australia_princessآسٹریا کی شہزادی 31 سالہ ماریہ گلٹزائن امریکی شہر ہیوسٹن میں انتقال کرگئیں۔غیر ملکی میڈیا...
17/05/2020

#Highlights
#Australia_princess
آسٹریا کی شہزادی 31 سالہ ماریہ گلٹزائن امریکی شہر ہیوسٹن میں انتقال کرگئیں۔غیر ملکی میڈیا کے مطابق ان کا انتقال دل میں خون کی فراہمی معطل ہونے کے باعث ہوا۔ماریہ گلٹزائن نے بھارتی نژفاد شیف رشی روپ سنگھ کے ساتھ اپریل 2017 میں شادی کی تھی جن کے ساتھ وہ ہیوسٹن میں ہی مقیم تھیں۔شادی کے بعد انہوں نے ماریہ گلٹزائن سے اپنا نام تبدیل کرکے ماریہ سنگھ رکھ لیا تھا،ان کا دو سالہ بیٹا میکسم بھی ہے۔ماریہ گلٹزائن کے انتقال کے بعد آسٹریا کے اخبار میں انہیں خراج تحسین پیش کرتے ہوئے ایک مضمون بھی جاری

کیا گیا۔رپورٹ میں بتایا گیا کہ ماریہ آسٹریا کی شہزادی ماریہ اینا اور شہزادہ پیوٹر گلٹزائن کی بیٹی تھیںخشہزادی کی تین بہنیں اور دو بھائی ہیں۔اخبار میں ان کے بارے میں لکھا گیا کہ وہ ایک بہتر خاتون تھیں جو اپنے بیٹے سے بیحد پیار کرتی تھیں، وہ ان کی آنکھ کا تارہ تھا۔ان کی پیدائش 1988 میں یورپی ملک لکسمبرگ میں ہوئی، 5 سال کی عمر میں وہ روس منتقل ہوگئیں تھی۔وہ ہیوسٹن میں انٹیریئر ڈیزائنر کے طور پر کام کررہی تھیں۔‎

#NewsHighlights#China_ambassadorاسرائیل میں متعین چینی سفیر ڈووی تل ابیب کے مضافاتی علاقے ہرزلیہ میں واقع اپنے گھر میں م...
17/05/2020

#NewsHighlights
#China_ambassador
اسرائیل میں متعین چینی سفیر ڈووی تل ابیب کے مضافاتی علاقے ہرزلیہ میں واقع اپنے گھر میں مردہ حالت میں پائے گئے برطانوی خبر رساں ادارے کے مطابق اسرائیل میں متعین 58 سالہ چینی سفیر کی موت کی وجہ تاحال معلوم نہیں ہو سکی ہے۔ ڈو وی کو فروری میں اسرائیل میں بطور سفیر میں تعینات کیا گیا تھا اس سے قبل وہ یوکرین میں چین کے سفارت کار کے طور پرخدمات انجام دے رہے تھے۔ واضع رہے کہ چینی سفیر اہل خانہ کے بغیر اسرائیل میں تنہا مقیم تھے۔

#Highlights#Fadusapaپی ٹی آئی رہنما اورسابق مشیر اطلاعات نشریات ڈاکٹر فردوس عاشق اعوان نے کہا ہے کہ میرے خلاف چند بونے ...
17/05/2020

#Highlights
#Fadusapa
پی ٹی آئی رہنما اورسابق مشیر اطلاعات نشریات ڈاکٹر فردوس عاشق اعوان نے کہا ہے کہ میرے خلاف چند بونے میڈیا کے اندر پروپیگنڈہ میں مصروف ہیں جن کیخلاف عید کے بعد قانونی کارروائی کروں گی،عمران خان کے وژن کے مطابق عوام کی خدمت جاری رکھوں گی۔انہوں نے کہا کہ اپنے خلاف ہونے والی کاروائیوں کو میڈیا میں لانا چاہتی تھی لیکن میرے قائد وزیراعظم عمران خان کے میسج آنے کے بعد نہیں کیا، انہوں نے کہا کہ میرے حلقے میں 2500 ووٹ لینے والی پارٹی کے ہیڈ سے ملنے کی کوشش کی افواہیں میڈیا میں پھیلانے والا
جلد ناکام ہونگے۔

17/05/2020

#NewsHighlights
#Nusrat_Sahar_abbasi #Exclusive
نصرت سہر عباسی نے سندھ حکومت کو دن میں تارے دکھا دئیے وہ بھی بھری ہوئی اسمبلی میں ۔
#ویڈیو_لائک_اور_شئیر_کریں

#Highlights#AfghanTalbanتفصیلات کے مطابق اپنے ایک انٹرویو میں قطر میں طالبان سیاسی دفتر کے منتظم شیر محمد عباس استنکزئی ...
17/05/2020

#Highlights
#AfghanTalban
تفصیلات کے مطابق اپنے ایک انٹرویو میں قطر میں طالبان سیاسی دفتر کے منتظم شیر محمد عباس استنکزئی نے کہا کہ بھارت نے ہمیشہ افغانستان میں غداروں کی مدد و حمایت کی جس کی وجہ سے افغانستان میں اس کا کردار منفی رہا ہے۔ان کا کہنا تھا کہ بھارت مثبت کردار ادا کرے تو افغان طالبان کو کوئی مسئلہ نہیں، وہ بھی مذاکرات کے لیے تیار ہو جائیں گے۔

"مجھے گھٹن محسوس ہورہی تھی اور ضمیر ملامت کررہا تھا" اپنے ہی بچے کو قتل کرنے کے چند روز بعد معروف ترک فٹ بالر پولیس کے پاس پہنچ گیا

افغان میڈیا کے مطابق امریکا کے نمائندہ برائے افغان امن عمل خصوصی زلمے خلیل زاد نے اس سلسلے میں بھارتی قیادت سے ملاقات کی بھی ہے اور امریکا نے اس بات پر زور دیا ہے کہ بھارت بھی افغان امن عمل کا حصہ بنے۔

#Highlights#Mouthwashلاکھوں لوگوں کو ہلاک کرنے والے خطرناک کورونا وائرس کے پھیلاؤ کو روکنے کے لیے سماجی دوری اختیار کرنے...
17/05/2020

#Highlights
#Mouthwash
لاکھوں لوگوں کو ہلاک کرنے والے خطرناک کورونا وائرس کے پھیلاؤ کو روکنے کے لیے سماجی دوری اختیار کرنےاور بار بار صابن سے ہاتھ دھونے کی ہدایت کی جا رہی ہے۔

وبا سے بچاؤ اور خاتمے کے لیے سائنسدانوں کی جانب سے دن رات تحقیقات کی جا رہی ہیں لیکن تا حال کوئی ایسی چیز ایجاد نہیں ہو سکی ہے جو 100 فیصد تک کورونا وائرس کو ختم کردے۔

اب حال ہی میں کیے جانے والے مطالعے سے یہ بات سامنے آئی ہے کہ ماؤتھ واش کا استعمال کرکے کورونا وائرس سے کافی حد تک بچا جا سکتا ہے۔

کارڈف یونیورسٹی اینڈ اسکول آف میڈیسن کا حالیہ مطالعہ جسے دی جرنل فنکشن میں شائع کیا گیا ہے، اس میں یہ دعویٰ کیا گیا ہے کہ مستقل مزاجی سے ماؤتھ واش کا استعمال کرکے کورونا وائرس سے بچا جا سکتا ہے۔

اس ضمن میں تحقیق کے بانی اور یونیورسٹی آف کارڈف کے پروفیسر ڈاکٹر اوڈنیل کا کہنا ہے کہ ماؤتھ واش وائرس کی بیرونی سطح کو تباہ کردیتا ہے۔

انہوں نے بتایا کہ ماؤتھ واش کا مسلسل استعمال سارس وائرس کے خلاف بھی بے حد کار رآمد ثابت ہوا تھا جب کہ اس کے کوئی مضر اثرات بھی نہیں ہیں۔

واضح رہے کہ اس حوالے سے عالمی ادارہ صحت نے رواں سال فروری میں کہا تھا کہ اس حوالے سے کوئی واضح حقائق سامنے نہیں آئے ہیں کہ ماؤتھ واش کورونا وائرس سے بچا سکتا ہے۔

عالمی ادارہ صحت کا کہنا تھا کہ ماؤتھ واش کا استعمال منہ میں موجود متعدد بیکٹیریا کا خاتمہ کر سکتا ہے ہے لیکن یہ ماؤتھ واش کورونا وائرس کو ختم کردے گا، اس حوالے سے کوئی واضح ثبوت موجود نہیں۔

#Highlights#Eid_UL_Fiter(عید) شوال کا چاند دیکھنے کےلئے رویت ہلال کمیٹوں کے اجلاس طلب کرلئے گئے ہیں، مرکزی رویت ہلال کمی...
17/05/2020

#Highlights
#Eid_UL_Fiter
(عید) شوال کا چاند دیکھنے کےلئے رویت ہلال کمیٹوں کے اجلاس طلب کرلئے گئے ہیں، مرکزی رویت ہلال کمیٹی کا اجلاس 23 مئی کو کراچی میں ہوگا جب کہ زونل رویت ہلال کمیٹیوں کےاجلاس مقررہ مقامات پر ہوں گے۔

رویت ہلال کمیٹی نے محکمہ موسمیات کو عید کے چاند یعنی شوال کے چاند کی پیش گوئی سے روک دیا ہے، اور اس حوالے سے وزارت مذہبی امور کی جانب سے بیان بھی جاری کیا گیا ہے جس میں کہا گیا ہے کہ محکمہ موسمیات چاند سے متعلق کوئی پیشگوئی نہ کرے، بلکہ چاند دیکھنے کے لئے رویت ہلال کمیٹی کی معاونت کرے۔

#Highlights#PIAپی آئی اے نے اپنے ملازمین اور ٹریول ایجنٹس کی رعایتی ٹکٹوں پر پابندی لگا دی،پابندی کااطلاق پی آئی اے کی ت...
17/05/2020

#Highlights
#PIA
پی آئی اے نے اپنے ملازمین اور ٹریول ایجنٹس کی رعایتی ٹکٹوں پر پابندی لگا دی،پابندی کااطلاق پی آئی اے کی تمام بین الاقوامی خصوصی پروازوں پر ہوگا،اس حوالے سے پی آئی اے پسنجر سیلز ڈیپارٹمنٹ نے سرکلر جاری کردیا۔
جاری سرکلر میں کہاگیا ہے کہ خصوصی پروازیں محدود تعداد میں یکطرفہ سفر کرنے والے مسافروں کیلئے ہیں ،تمام پروازیں پسنجر لوڈ کے مطابق اور بنا کسی منافع کے چلائی جا رہی ہیں ،خصوصی پروازیں وزارت خارجہ این سی او سی کی ہدایات پر چلائی جارہی ہیں ،تاحکم ثانی بین الاقوامی رعایتی ٹکٹوں پر پابندی برقرار رہے گی ۔

#Highlights#WHO#USPresidentامریکی صدر کا عالمی ادارہ صحت کی فنڈنگ بحال کرنے کا بڑا فیصلہ سامنے آیا ہے، صدر ٹرمپ نے ایک م...
16/05/2020

#Highlights
#WHO
#USPresident
امریکی صدر کا عالمی ادارہ صحت کی فنڈنگ بحال کرنے کا بڑا فیصلہ سامنے آیا ہے، صدر ٹرمپ نے ایک ماہ قبل ڈبلیو ایچ او کی فنڈنگ روکنے کا اعلان کیا تھا۔

امریکی میڈیا کا کہنا ہے کہ امریکا ڈبلیو ایچ او کو اتنی ہی فنڈنگ دے گا جتنی چین عالمی ادارے کو فراہم کرے گا، ٹرمپ نے اس اعلان کے ساتھ یہ امید بھی ظاہر کی کہ موجودہ بحران کے دوران عالمی ادارہ صحت تعمیری کردار ادا کرے گا۔

صدر ٹرمپ کا کہنا تھا کہ امریکا ڈبلیو ایچ او کو مجموعی طور پر سالانہ 400 ملین ڈالر فراہم کرتا تھا، تاہم چین نے اگر ادارے کے لیے اپنی فنڈنگ بڑھائی تو امریکا بھی بڑھا سکتا ہے۔

دریں اثنا، ٹرمپ انتظامیہ نے عالمی ادارہ صحت سے کرونا وائرس پھیلنے کی غیر جانب دار تحقیق کا بھی مطالبہ کر دیا ہے۔

واضح رہے کہ امریکا میں کرونا وبا بے قابو ہونے کے بعد امریکی صدر نے ڈبلیو ایچ او کو مسلسل تنقید کا نشانہ بنائے رکھا ہے، گزشتہ ماہ بھی انھوں نے ایک بار پھر عالمی ادارہ صحت کو تنقید کا نشانہ بناتے ہوئے کہا کہ محسوس ہو رہا ہے کہ چین اس ادارے کو کنٹرول کررہا ہے۔

انھوں نے یہ الزام بھی لگایا کہ عالمی ادارہ صحت امریکا کے ساتھ برا سلوک کر رہا ہے۔

#Highlights#HighCourtہائی کورٹ بینچ کے روبرورمضان میں منافع خوری کرنے والوں کیخلاف سماعت ہوئی،کمشنرکی جانب سے تفصیلی رپو...
16/05/2020

#Highlights
#HighCourt
ہائی کورٹ بینچ کے روبرورمضان میں منافع خوری کرنے والوں کیخلاف سماعت ہوئی،کمشنرکی جانب سے تفصیلی رپورٹ ہائی کورٹ میں پیش کردی،رپورٹ کے مطابق یکم رمضان سے 19 رمضان تک کراچی میں 1368 ناجائزمنافع خوروں پر 64 لاکھ 25 ہزار روپے سے زائد جرمانہ عائد کیا گیا ہے،ضلع جنوبی میں 324 منافع خوروں پر 21 لاکھ 52 ہزار 500 روپے جرمانہ عائد کیا گیا۔

ضلع شرقی میں 156 ناجائز منافع خوروں پر 9 لاکھ 3 ہزار روپے سے زائد جرمانہ عائد کیا گیا، ضلع غربی میں 260 دکانداروں پر 4 لاکھ 12 ہزار روپے زائد جرمانہ عائد کیا گیا،ضلع وسطی میں 329 ناجائزمنافع خوروں پر 13 لاکھ 83 روپے سے زائد جرمانہ عائد کیا، ملیر میں 114 پر 1 لاکھ 13 ہزار روپے جبکہ کورنگی میں 185 افراد پر 14 لاکھ 61 ہزار روپے سے زائد جرمانہ عائد کیا گیا ، عدالت نے کارروائی جاری رکھنے کی ہدایت کردی۔

Address

D, Block, Faisal Town, Lahore
Lahore
54000

Alerts

Be the first to know and let us send you an email when News Highlights posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Highlights:

Videos

Highlights

ہم سچ پر مبنی وہ حقائق سامنے لے کر آئیں گے جو عوام جاننا چاہتی ہے

Highlights provide you.... Updated around the clock with Breaking News, Top Stories, Videos, Photos, Special Reports, and Exclusive Interviews.

Press the LIKE button to see our posts in your News-feed.

We want everyone to enjoy this page and welcome debate. Spam, bullying and offensive comments, however, will be removed and repeat offenders will be banned from the page.

We aim to be as responsive as possible but unfortunately can't reply to every individual comment or message.

Nearby media companies