Spirit Of Islam - CPS

05/09/2025

حق كي دعوت كا اٹھنا گويا خدا كي طاقت كا دليل كے روپ ميں ظاهر هونا هے۔اس طرح خدا غيب ميں ره كر انسان كي سطح پر اپنا اعلان كراتا هے۔ اس بنا پر حق كي دعوت اس كے مخاطبين كے ليے آزمائش بن جاتي هے۔ حقيقت شناس لوگ اس كو پهچان كر اس كے آگے جھك جاتے هيں۔ اور جو ظاهربیں هيں وه اس كو غير اهم سمجھ كر اسے نظر انداز كرديتے هيں۔
مگر حق كي دعوت كو ٹھكرانے كے بعدآدمي اس كےانجام سے بچ نهيں سكتا۔ پيغمبر كے زمانه ميں اس انجام بد كا آغاز موجوده زندگي هي ميں هوجاتا هے، جيسا كه فرعونِ مصر كا هوا۔ اور پيغمبر كے بعد ايسے لوگوں كا انجام موت كے بعد سامنے آئے گا۔ مزيد يه كه پيغمبر كو خدا كي خصوصي نصرت حاصل هوتي هے۔ كسي كے لیے ممكن نهيں هوتا كه وه اس كو هلاك كر سكے۔

تذکیر القرآن سورہ الدخان 17

05/09/2025

جدید دنیا کے دوسرے شہروں کی طرح عرب شہروں میں چلتے ہوۓ یہ احساس ہوتا ہے کہ ہم ایک تمدنی جنگل میں ہیں۔ جہاں یا تو ٹھہرے ہوئے مکانات ہیں یا دوڑتی ہوئی گاڑیاں ۔ انسان اپنے آپ سے اور اسی کے ساتھ قدرت سے اپنے کو دور محسوس کرنے لگتا ہے۔ مجھے ایسا محسوس ہوتا ہے کہ جدید تمدن نے انسان سے اس کی اپنی ذات کو بھی چھین لیا ہے ۔ اور اس کے خدا کو بھی ۔

سفرنامہ غیرملکی۔۔مولانا وحیدالدین خان

04/09/2025

04/09/2025

ایک تاثر

ایک مجلس میں شرکت کا اتفاق هوا- ایک مسلمان شاعر نے اپنے نعتیہ کلام سے حاضرین کی تواضع کی - اس سلسلہ میں انہوں نے ایک قطعہ پڑتا - اس میں بتایا گیا تها کہ احد اور احمد دونوں ایک ہیں - یہ صرف " م " کا پرده ہے جس کی وجہ سے دونوں بظاہر الگ الگ دکهائی دیتے ہیں - جب حشر برپا هو گا اورحقیقتیں کهلیں گی تو یہ پرده ہٹ جائے گا، اور پهر دونوں اس طرح ایک جیسے هو جائیں گے کہ ان کو ایک دوسرے سے الگ کر کے دیکهنا مشکل هو گا- ایک شعر یہ تها :
لوگ محشر میں حیران ره جائیں گے
خدا کون ہے ، مصطفی کون ہے

اسی طرح ایک مسلمان مقرر کا یہ حال تها کہ جب وه تقریر کرتے تو اپنی تقریر سے پہلے یہ جملہ کہتے : " سب کا خدا خدا ہے ، میرا خدا محمد " یہ دونوں شعر غالی بدعتی کے الفاظ معلوم هوتے ہیں - مگر جو لوگ بظاہر اس بدعت سے پاک ہیں ، وه اس سے بهی زیاده بڑی بدعت میں مبتلا ہیں - بدعتیوں نے پیغمبر کو خدا کا درجہ دے رکها ہے ، اور دوسرے مسلمانوں نے اپنے اکابر کو - ایک اگر اپنے اس عقیده کو زبان قال سےدہرا رہا ہے تو دوسرا زبان حال سے -

موجوده زمانہ کے مسلمانوں کے باره میں یہ کہنا صحح هو گا کہ وه خدا پرست نہیں ہیں بلکہ انسان پرست ہیں - ان میں سے کوئی پیغمبر کو خدا کا درجہ دئے هوئے ہے اور کوئی غیر پیغمبر کو - کوئی اپنے اکابر کی عظمتوں میں کهویا هوا ہے - کسی کو اپنے رہنماوں کا قد اتنا بڑا دکهائی دیتا ہے کہ اس کے آگے خدائی بلندیاں بهی چهوٹی هو گئ ہیں - کسی کا یہ حال ہے کہ اس کو اپنے بزرگ اتنے زیاده مقدس نظر آتے ہیں کہ ان پر خالص علمی اور دینی تنقید کرنا بهی کفر و فسق سے کم نہیں - حتی کہ ان کے خلاف زبان کهولنا اتنا بڑا جرم ہے کہ اس کے بعد آدمی کی جان اور مال اور آبرو سب ان کے لئے مباح هو جائے -

اگر حقیقت وہی هو جو قرآن میں بیان کی گئی ہے تو قیامت لوگوں کے تصور سے کتنا زیاده مختلف هو گی ، لوگ کن کن بڑائی میں گم ہیں ، مگر جب قیامت آئے گی تو معلوم هو گا کہ یہاں ایک خدا کے سوا کسی کو کوئی بڑائی حاصل نہ تهے - شاعر کا شعر کسی قدر تبدیلی کے ساته عین درست ہے:
لوگ محشر میں حیران ره جائیں گے
کہ تهی بات کیا اور هم نے سمجها تها کیا

حکمت اسلام
مولانا وحیدالدین خان

03/09/2025

قرآن كے يه مخاطبين جس معامله ميں شك ميں پڑےهوئے تھے وه خدا كے وجود كا معامله نه تھا۔ بلكه خدا كي توحيد كامعامله تھا۔ وه روايتي طورپر خدا كو مانتے هوئے عملاً اپنے اكابر كے دين پر قائم تھے۔
قرآن نے ان اكابر كو بے بنياد ثابت كيا۔ مگر وه اس كو ماننے كے ليے تيار نه هوئے۔ ايك طرف وه اپنے آپ كو بے دليل پا رهے تھے۔ دوسري طرف اپنے اكابر كي عظمت كو اپنے ذهن سے نكالنا بھي انھيں ناممكن نظر آتا تھا۔ اس دو طرفه تقاضوں نے انھيں شك ميں مبتلا كر ديا۔ خدا كا داعي انھيں اس سے كم نظر آيا كه اس كے كهنے سے وه اپنے مفروضه اكابر كو چھوڑ ديں۔
جو لوگ نصيحت كے ذريعے حق كو نه مانيں وه اپنے آپ كو اس خطرے ميں ڈال رهے هيں كه ان كو عذاب كے ذريعه اسے ماننا پڑے۔ اس وقت وه اعتراف كريں گے۔ مگر اس وقت كا اعتراف كرنا ان كے كچھ كام نه آئے گا۔

تذکیر القرآن سورہ الدخان آیت 9

03/09/2025

طرابلس میں میرا قیام فندق الکبیر کے کمرہ نمبر ۸۱۳ میں تھا۔ یہ کمرہ سمندر کی طرف کھلتا ہے۔ میرے سامنے دور تک نہایت پرکشش منظر تھا۔ سمندر کے کنارے پختہ فیلڈ بنی ہوئی تھی۔ اس میں کچھ لڑکے بے فکری کے ساتھ گیند کھیلتے ہوۓ نظر آۓ۔ اس منظر کو میں نے دیکھا تو اس میں مجھے دنیا میں پھیلے ہوۓ غافل انسانوں کی تصویر دکھائی دی ۔ بے اختیار میری زبان سے نکلا۔لوگ کھیل رہے ہیں تاکہ وہ دوبارہ نہ کھیل سکیں۔ لوگ خوش ہیں تا کہ دوبارہ انھیں خوشیاں نصیب نہ ہوں۔ لوگ جھوٹی لذتوں میں گم ہیں تا کہ وہ خدا کی بڑی لذتوں سے ہمیشہ کے لئے محروم ہو جائیں.
سفر نامہ غیر ملکی۔۔مولاناوحیدالدین

02/09/2025

زمين وآسمان نهايت هم آهنگي كے ساتھ مسلسل عمل كررهے هيں۔ ان كے اندر كامل طور پر واحد حكمت اور واحد علم پايا جاتا هے۔ يه اس بات كا ثبوت هے كه يهاں ايك هي خدا هے جو زمين و آسمان دونوں كا نظام تنها چلا رها هے۔
كائنات بيك وقت خدا كي بے پناه قدرت كا بھي تعارف كراتي هے اور اسي كے ساتھ خدا كي بے پناه رحمت كا بھي۔ اس كا تقاضا هے كه آدمي سب سے زياده خدا سے ڈرے، وه سب سے زياده اسي سے اميد ركھے۔ جو لوگ دنيا ميں اس شعور اور اس كردار كا ثبوت ديں وهي وه لوگ هيں كه جب وه خدا كے يهاں پهنچيں گے تو خدا ان كو اپني بے پاياں رحمتوں سے نوازے گا۔

تذکیر القرآن سورہ الزخرف آیت 84

02/09/2025

اِنَّمَا الْمُؤْمِنُوْنَ الَّذِیْنَ اِذَا ذُكِرَ اللّٰهُ وَ جِلَتْ قُلُوْبُهُمْ وَ اِذَا تُلِیَتْ عَلَیْهِمْ اٰیٰتُهٗ زَادَتْهُمْ اِیْمَانًا وَّ عَلٰى رَبِّهِمْ یَتَوَكَّلُوْنَ(2)

02/09/2025

آج زمین پر بے شمار سرگرمیاں جاری ہیں مگر وہی کام نہیں ہو رہا ہے جو سارے تخلیقی منصوبہ کا اصل مطلوب ہے۔ یعنی حمد خداوندی ۔ موجودہ انسانی دنیا اپنے وجود کا جواز کھو چکی ہے ۔ اب آخری طور پر وہ لمحہ آچکا ہے جب کہ موجودہ امتحانی دنیا کو ختم کر دیا جائے اور وہ معیاری دنیا شروع ہو جہاں خدا کے سوا کسی اور کی حمد نہ کی جاسکے ۔ جوحقیقی بھی ہو اور اس کے ساتھ ابدی بھی ۔
اس کے باوجود موجودہ دنیا کیوں ختم نہیں کی جارہی ہے ۔ اس کی وجہ یہ ہے کہ خدا کو ایک آخری عمل کا انتظار ہے جو ابھی تک ان ہوا پڑا ہے ۔ یہ عمل ہے آج کے انسانوں کے اوپر اتمام حجت ۔ جب تک یہ نہ ہو کہ دعوت حق اٹھائی جائے اور اس کو ابلاغ تام کی حد تک پہنچا دیا جاۓ ۔ اس وقت تک موجودہ دنیا کا خاتمہ ممکن نہیں ۔ اس عمل کی تکمیل تک قیامت معلق پڑی رہے گی۔ خدا کو آج سب سے زیادہ اعلان حق کا انتظار ہے۔ مگر دین کے نام پر بے شمار سرگرمیوں کے با وجو د یہی وہ کام ہے جس کا کرنے والا کوئی نہیں۔ ہر آدمی خود ساختہ دین کی تبلیغ میں مصروف ہے نہ کہ حقیقتہ خدا کے دین کی تبلیغ میں ۔

سفر نامہ غیر ملکی۔۔مولانا وحیدالدین

31/08/2025

طرابلس میں ہما را قیام ہوٹل الکبیر (کمرہ نمبر ۴۰۸ ) میں تھا۔ جب میں اس کمرہ میں داخل ہوا تو یہ کمرہ مجھے بالکل اجنبی معلوم ہوا تھا۔ مگر دو ہفتے بعدم جنوری ۱۹۸۳ کو جب میں اس کمرہ سے رخصت ہوکر نکلا تو مجھے ایسا لگا جیسے میں اور کمرہ دونوں ایک دوسرے سے مانوس ہو چکے ہیں۔ یہی انسان کی بنیادی کمزوری ہے ۔ وہ نئی چیز سے بھڑکتا ہے اور جس چیز سے زیادہ عرصہ تک وا بستہ رہے اس کو حقیقی سمجھنے لگتا ہے۔ سچائی کو پانے کے لئے آدمی کا یہ مزاج اس کی راہ میں سب سے بڑی رکاوٹ ہے۔ وہ قدیم چیز کو محض اس کی بنا پر پکڑے رہتا ہے ،خواہ وہ کتنی ہی بے حقیقت ہو۔ وہ نئی چیز کو صرف عدم انس کی بنا پر اختیار نہیں کر پاتا ، خواہ وہ کتنی ہی بڑی سچائی ہو۔ حتی کہ دلائل جب اس کے ذہن کو مفتوح کر لیتے ہیں اس وقت بھی وہ اقدام کرنے سے ہچکتا ہے۔ آدمی اکثر حالات میں اپنے مانوس گھروندوں کو حقیقی سمجھ لیتا ہے۔ حالانکہ حقیقت وہ ہے جو دلیل سے ثابت ہو نہ کہ وہ جس سے مانوسیت کی بناپر ادمی کا تعلق ہو جائے ۔ سفرنامہ غیرملکی۔۔۔۔ مولاناوحیدالدین خان

31/08/2025

۱۹ اکتوبر ۱۹۸۹

دیوبند کے ایک صاحب سے گفت گو کرتے ہوئے میں نے کہا کہ موجودہ زمانہ کے فتنے وہ نہیں ہیں جو الملل والنحل اور اس طرح کی دوسری کتابوں میں بیان کئے گئے ہیں۔
ا ۔۔ موجودہ زمانہ کا اعتقادی فتنہ یہ ہے کہ آج کا انسان خدا کو حذف کر کے واقعات کی توجیہ بیان کرتا ہے۔ کوئی شخص خدا کا منکر نہ ہو تب بھی اس کی کوشش یہی ہوتی ہے کہ وہ تمام واقعات کو خدا کو مانے بغیر سمجھ سکے۔
۲. دوسری بات عمل سے متعلق ہے۔ موجودہ زمانہ میں مارکس نے یہ نظریہ پیش کیا کہ انسان نظام سے بنتا ہے نہ کہ نظام انسان ہے۔ اگرچہ مارکسزم آج زندہ نہیں ہے مگر اس کا یہ فکر آنا پھیلا کہ مارکس کے مخالفین بھی اب تک اسی انداز سے سوچتے ہیں۔ عالم اسلام کے بیشتر تعلیم یافتہ لوگوں کی سوچ یہی ہے۔
حدیث میں کہا گیا ہے کہ قلب (یا ذہن )کی اصلاح پر انسانی معاملات کی اصلاح کا انحصار ہے۔
اس کا مطلب یہ ہے کہ اسلام کی تفکیر مبنی بر فرد (Individual-based) ہے۔ اس کے مقابلہ میں مارکسیت کے زیراثر ، موجودہ زمانہ کی عام تفکیر بنی بر نظام (System-based) ہو گئی ہے موجودہ زمانہ کے تمام مصلحین و مفکرین (مثلاً سید قطب، ابوالاعلی مودودی وغیرہ) اسی دوسرے طرز فکر کی پیداوار ہیں۔ حالاں کہ یہ طرز فکر اسلام کے عین برعکس ہے ۔

ڈائری مولاناوحیدالدین خان