Lahore Kitab Ghar

16/07/2026

السلام علیکم ورحمتہ اللہ وبرکاتہ
کتابوں سے محبت کرنے والے باذوق قارئین کے لیے سنہری موقع.
صبح نور پبلی کیشنز کے آفیشل واٹس ایپ گروپ میں شامل ہوں اور حاصل کریں.
نئی کتب کی معلومات اور اپڈیٹس سب سے پہلے.
خصوصی ڈسکاؤنٹس اور شاندار آفرز.
گھر بیٹھے براہِ راست آسان آرڈر کی سہولت.
گروپ جوائن کرنے کے لیے اس لنک پر کلک کریں.👇🏻

12/07/2026

12/07/2026

Coming Soon...
Contact No. 03214771504

01/07/2026

تقریظِ سعید
نورانی جہاں کا روشن دریچہ
دیوان کریم حضرت قبلہ پیر محمد امین الحسنات شاہ مد ظلہ العالی
سجادہ نشین آستانہ عالیہ بھیرہ شریف

یہ کائناتِ رنگ و بو اپنے دامن میں بے شمار مسافروں کی گردِ سفر سمیٹے ہوئے ہے، مگر ہر سفر تاریخ نہیں بنتا اور ہر رفاقت دلوں کی میراث نہیں بنتی۔ بعض سفر ایسے ہوتے ہیں جو قدموں سے کم اور دلوں سے زیادہ طے کیے جاتے ہیں؛ بالخصوص وہ اٹھتے قدم جن کی منزل حرمِ مکہ اور مدینہ منورہ ہو اور جن میں ایک سالکِ راہِ حقیقت اپنے مرشدِ کامل کی معیت میں بارگاہِ نبوی ﷺ کے ادب آشنا لمحوں سے گزرےایسے سفرمحض زمان و مکان کی تبدیلی نہیں ہوتے بلکہ باطن کے دریچوں پر نور کے نئے باب وا کرتے ہیں۔
حضور ضیاءالامت اپنے عہد کی ان نادر اور جامع شخصیات میں سے تھے جن کے وجود میں علم و عرفان، عشق و عمل، وقار و انکسار اور شریعت و طریقت کا حسین امتزاج جلوہ گر تھا۔ آپ کے اخلاص وللہیت،عزم واستقامت ، سوزوگداز اور امت کے لیے بے پایاں درد کو اگر کسی ایک عنوان میں سمیٹا جائے تو یہی کہا جا سکتا ہے کہ آپ محبوبِ کبریا ﷺ کے خصوصی الطاف کے مظہر تھے۔ آپ کی ذات ایک روحانی آفتاب تھی جس کی کرنوں نے مشرق و مغرب میں محبتِ رسول ﷺ اور فہمِ دین کی ضیا پاشیوں کو قوس و قزح کی رنگینیاں بخشیں۔
اللہ تعالیٰ نے بے شمار سعید روحوں کو ان کے علم، اخلاص، محبت اور نسبتِ مصطفوی ﷺ سے فیض یاب فرمایا۔ان خوش نصیب نفوس میںایک خوب صورت نام مولانا محمد عبدالباری صاحب کا ہے ۔وہ دارالعلوم محمدیہ غوثیہ بھیرہ شریف کے فیض یافتہ اور حضور ضیاءالامت کے قابل فخر شاگرد ہیں۔گزشتہ نصف صدی سے سرزمینِ برطانیہ پر دینِ اسلام کے امین اور داعی کی حیثیت سے ان کی خدمات لائق صدِ تحسین ہیں۔ انہوں نے دیارِ غیر میں صرف مساجد اور مراکز نہیں آباد کیے بلکہ روحانی اقدار کے چراغ بھی روشن کیے ہیں۔ ان کی شخصیت میں علم کی سنجیدگی، محبت کی حرارت اور نسبت کی وفاداری نمایاں طور پر دکھائی دیتی ہے۔
۱۹۸۰ء اور پھر۱۹۹۴ ءمیں انہیں حضور ضیاءالامت کی معیت میں زیارتِ حرمین شریفین کی سعادت نصیب ہوئی۔ یہ دونوں سفر بلاشبہ ان کے لیے تزکیہ نفس اور روحانی تربیت کا باعث تھے۔ پہلے سفر میں مجھے بھی یہ خوب صورت رفاقت نصیب ہوئی۔ حرمین شریفین کے وہ ایام آج بھی دل و نگاہ کے افق پر روشن ستاروں کی طرح جگمگاتے ہیں؛ جہاںحرمِ مکہ کے انوار و تجلیات، مدینہ منورہ کی پُرنور فضائیں، روضۂ رسول ﷺ کے سامنے حاضری کے اشک بار لمحات اورسوزو گداز میں ڈوبی ہوئی دعاؤں کی کیفیات تھی ۔ وہ محض سفری مراحل نہ تھےبلکہ دلوں کی تربیت، ادبِ بارگاہِ رسالت ﷺ اور نسبتِ شیخ کے روحانی اسرار کے مشاہدے تھے۔ یہ سب وہ سرمایہ ہے جو حافظے سے نہیں، روح سے وابستہ ہو جاتا ہے۔
مولانا محمد عبدالباری صاحب نے انہی دو مبارک سفروں کی یاداشتوں، مشاہدات اور روحانی تاثرات کو نہایت محبت، عقیدت اور سلیقے سے قلم بند کیا ہے۔ سفرنامہ نگاری اردو ادب کی ایک اہم صنف ہے، لیکن جب سفرنامہ حرمین شریفین سے متعلق ہو اور اس میں روحانی وابستگی، علمی ذوق اور نسبتِ شیخ کی خوشبو شامل ہو جائے تو وہ محض ادبی تحریر نہیں رہتا بلکہ اہلِ محبت کے لیے ایک روحانی دستاویز بن جاتا ہے۔ زیرِ نظر کتاب میں حرمین شریفین سےحضور ضیاءالامت کی قلبی وابستگی اور آپ کی عظیم شخصیت کے وہ نورانی نقوش بھی ابھرتے ہیں جو رسمی تذکروں میں کم ہی محفوظ ہو پاتے ہیں۔ یہ کتاب ایک روشن دریچے کی مانند ہےجو قاری کو اس نورانی جہان میں داخل کرتی ہےجہاں علم، عشق اور ادب ایک ساتھ سانس لیتے ہیں۔ان شاء اللہ یہ کتاب نسل نو کے لیے بھی ایک ایسی یادگار بنے گی جس سے وہ حرمین شریفین کی محبت، آدابِ سفر اور اہل اللہ کی صحبت کے فیوض و برکات سے آشنا ہوں گے۔
مولانا محمد عبدالباری صاحب کے ساتھ ہمارا تعلق صرف ادارہ و درسگاہ کا نہیں بلکہ محبت، اعتماد اور روحانی رفاقت کا ہے۔ ان کی وفاداری، ادبِ نسبت اور خدمتِ دین کو دیکھتے ہوئے انہیں خرقۂ خلافت عطا کرنا میرے لیے بھی باعثِ اطمینان رہا، کیونکہ خلافت دراصل نسبت کی حفاظت اور خدمتِ مشن کی ذمہ داری کا نام ہے۔
اللہ ربّ العزت سے دعا ہے کہ وہ اس خوب صورت کاوش کو شرفِ قبولیت بخشے۔مصنف کے لیے ذخیرۂ آخرت اور قارئین کے لیے محبت و معرفت کا وسیلہ بنائے۔

15/05/2026

🌿 دلوں کو نرم کرنے والی روحانی شاہکار کتاب 🌿
تصوف، اخلاص، زہد، محبتِ الٰہی اور اصلاحِ نفس کے موضوعات پر امامِ وقت، محدثِ کبیر
امام نووی رحمۃ اللہ علیہ
کی مشہور کتاب "بستان العارفین" اب شاندار اردو ترجمہ کے ساتھ دستیاب!
📖 یہ کتاب صرف مطالعہ نہیں، بلکہ دل کی اصلاح اور روح کی بیداری کا ذریعہ ہے۔
اس میں رسول اللہ صلی اللہ علیہ وآلہ وسلم ،اہل بیت اطہار صحابہ کرام رضوان اللہ علیہم اجمعین اوربزرگانِ دین کے ایمان افروز اقوال اور نصیحتیں شامل ہیں جو انسان کو اللہ سے قریب کرتی ہیں۔
✨ خصوصیات: ✔ آسان اور رواں اردو ترجمہ
✔ خوبصورت طباعت
✔ تصوف اور تزکیۂ نفس کا نایاب خزانہ
✔ ہر سنجیدہ قاری کے لیے لازمی مطالعہ
📚 اگر آپ روحانی سکون، قلبی اصلاح اور معرفتِ الٰہی کے طالب ہیں تو یہ کتاب ضرور حاصل کریں۔
نام کتاب | بستان العارفین | ہدیہ 1000 فری ہوم ڈلیوری
رابط نمبرز | 03214771504 / 03201957441

19/04/2026