ANN TV Pakistan, Lahore (2025)

23/07/2025

نو مئی مقدمات میں متعدد پی ٹی آئی رہنماؤں کو سزا اور شاہ محمود قریشی کی بریت پر اٹھتے سوال

پاکستان کے صوبہ پنجاب کے شہر لاہور کی انسداد دہشت گردی عدالت نے دو سال قبل نو مئی کو لاہور میں شیر پاؤ پل پر جلاؤ گھیراؤ کے مقدمے میں پاکستان تحریکِ انصاف (پی ٹی آئی) کے رہنماؤں یاسمین راشد، میاں محمود الرشید، اعجاز چوہدری اور عمر سرفراز چیمہ کو دس، دس سال قید کی سزائیں سنا دی ہیں۔

دوسری جانب عدالت نے پی ٹی آئی کے سینیئر رہنما اور سابق وزیرِ خارجہ شاہ محمود قریشی کو اس مقدمے سے بری کر دیا ہے۔

خیال رہے کہ یہ مقدمہ لاہور کی کوٹ لکھپت جیل میں ہی چلایا گیا تھا اور منگل رات گئے فیصلہ بھی وہیں سنایا گیا۔

ان کے علاوہ پی ٹی آئی کے خالد قیوم، ریاض حسین، علی حسن اور افضال عظیم پاہٹ کو بھی دس، دس سال قید کی سزائیں سنائی گئی ہیں۔
اس سے قبل سرگودھا کی انسداد دہشتگردی عدالت نے پنجاب اسمبلی میں قائدِ حزبِ اختلاف ملک احمد بچھر اور پی ٹی آئی کے رکنِ قومی اسمبلی احمد چٹھا اور دیگر ملزمان کو دس، دس سال قید کی سزا سنائی ہے۔

22/07/2025

سیلابی ریلے کی نذر ہونے والے کانسٹیبل حیدر علی: چھ بہنوں کا اکلوتا بھائی جسے ’پولیس یونیفارم کا اتنا جنون تھا کہ رات کو بھی پہنے رکھتا‘

’شور مچ گیا کہ حیدر علی کے ہاتھوں سے رسی چھوٹ گئی ہے اور وہ تیز پانی میں بہہ گیا ہے۔۔۔ نوجوانوں نے حیدرعلی کو بچانے کے لیے پانی میں چھلانگیں بھی لگائیں لیکن قدرت کو اس کی شہادت مطلوب تھی۔‘

گذشتہ دو روز کے دوران ہونے والی شدید بارشوں کے نتیجے میں پانی میں پھنسے سینکڑوں شہریوں کو بچانے کے لیے کیے گئے آپریشن میں حصہ لینے والے پولیس اہلکار حیدر علی دریائے جہلم میں بہہ گئے تھے۔

ان کی تدفین جمعے کو ان کے آبائی علاقے ’سیدپور‘ میں کر دی گئی ہے۔

جہلم پولیس کے ڈی ایس پی شہباز احمد ہنجرا اس ٹیم کی قیادت کررہے تھے جس نے جمعرات کے روز دریائے جہلم میں آنے والے سیلابی پانی میں گھرے چار سو سے زائد شہریوں کو ریسکیو کیا اور اسی آپریشن کے دوران کانسٹیبل حیدر علی دوسروں کو بچاتے ہوئے خود پانی میں بہہ گئے تھے۔ڈی ایس پی شہباز احمد نے بی بی سی کو بتایا کہ ’حیدر علی اپنے نام کی طرح بہادر تھا اور لوگوں کو ریسکیو کرتے وقت وہ جوش اور جذبے کا مظاہرہ کر رہا تھا۔‘

22/07/2025

https://www.facebook.com/share/p/1FbcrQVCo8/

سوات کی تحصیل خوازہ خیلہ کے علاقے چالیار میں افسوسناک واقعہ پیش آیا جہاں ایک مدرسے میں 14 سالہ طالبعلم فرحان ایاز کو مبینہ طور پر اس کے اساتذہ نے غیر حاضری پر شدید تشدد کا نشانہ بنایا جس سے طالبعلم جاں بحق ہوگیا۔
پولیس کے مطابق بچے کی لاش کو پوسٹ مارٹم کے لیے خوازہ خیلہ اسپتال منتقل کر دیا گیا ہے، جبکہ مدرسے کے 2 اساتذہ کو ابتدائی طور پر اسپتال سے حراست میں لے کر تفتیش کا آغاز کیا گیا ہے۔

21/07/2025

اسلام آباد : شناختی کارڈ قوانین میں 23 سال بعد بڑی تبدیلیوں کے حوالے سے شہریوں کے لئے اہم خبر آگئی۔

تفصیلات کے مطابق نادرا نے شناختی کارڈ قوانین میں 23 سال بعد بڑی تبدیلیاں کرتے ہوئے آن لائن سہولیات متعارف کرا دی ہیں۔

نیشنل ڈیٹا بیس اینڈ رجسٹریشن اتھارٹی (نادرا) نے شناختی کارڈ سے متعلق ضوابط میں دو دہائیوں سے زائد عرصے بعد اہم تبدیلیاں کی ہیں اور شہریوں کے لیے آن لائن سروسز کا آغاز کرنے کا اعلان کیا ہے۔

نادرا کے مطابق اب پاکستانی شہری شناختی دستاویزات سے متعلق مختلف سہولیات جیسے کہ نیا شناختی کارڈ حاصل کرنا، اس کی تجدید، اور دیگر خدمات گھر بیٹھے موبائل ایپ یا ویب پورٹل کے ذریعے حاصل کر سکیں گے۔

نادرا کے ایک سینئر افسر کے مطابق نئی پالیسی کے تحت بائیومیٹرک تصدیق کے نظام کو جدید تقاضوں سے ہم آہنگ کیا گیا ہے، جس سے نہ صرف ڈیٹا کے تحفظ کو یقینی بنایا جا سکے گا بلکہ نظام کی شفافیت میں بھی اضافہ ہوگا۔

ساتھ ہی، بچوں کی پیدائش کے اندراج کے لیے یونین کونسل میں رجسٹریشن کو لازمی قرار دیا گیا ہے تاکہ جعلی ریکارڈز کی روک تھام کی جا سکے۔

یہ اصلاحات حال ہی میں وفاقی کابینہ کی منظوری کے بعد نافذ کی گئی ہیں، جن کا مقصد ملک کے شناختی نظام کو بین الاقوامی معیارات کے مطابق اپ گریڈ کرنا ہے۔

21/07/2025

دریائے راوی میں پانی کی سطح بلند،الرٹ جاری

باسم سلطان:صوبے میں حالیہ بارشوں کے باعث سیلابی صورتحال کا خطرہ بڑھنے لگا ہے، دریائے راوی میں شاہدرہ کے مقام پر پانی کی سطح 8912 کیوسک تک پہنچ گئی ہے۔ متعلقہ اداروں کو الرٹ کر دیا گیا ہے۔

ماہرین کا کہنا تھا کہ پانی کی سطح 8 ہزار کیوسک تک خطرناک نہیں ہے،زیادہ پانی آجانے سے سیلابی صورتحال بن سکتی ہے،دریائے راوی میں ایمرجنسی رسپانس ٹیمیں تعینات کر دی گئی،سول ڈیفنس کے غوطہ خور بھی ہنگامی صورتحال کیلئے الرٹ جاری کر دیا۔
ریسکیو 1122 کی جانب سے ایک گاڑی اور 2 کشتیاں تیار ہیں،ریسکیو کے 12 اہلکار 24 گھنٹے ڈیوٹی پر موجود رہیں گے،ہیلتھ ڈپارٹمنٹ کی جانب سے میڈیکل کیمپ بھی قائم کر دیا گیا۔

21/07/2025

’ہم واپس جائیں گے، چاہے السویدا ہمارا قبرستان بن جائے‘: شام میں دروز اور بدو جنگوؤں کی خونیں جھڑپوں کے بعد غیر یقینی

جنوبی شام میں السویدا شہر کے باہر موجود بدو جنگجو دروز برادری کے ساتھ جنگ بندی کو قائم رکھے ہوئے ہیں تاہم وہ جھڑپوں کی بحالی کے امکان کو مکمل طور پر رد بھی نہیں کرتے۔

یہ بدو جنگجو شہر سے پسپا ہو کر مضافاتی دیہات میں آ چکے ہیں۔ اس سے قبل تقریب ایک ہفتے تک دروز برادری، بدو جنگجو اور شامی حکومتی فوج کے درمیان جان لیوا تصادم تقریبا ایک ہفتے تک جاری رہا جس کے دوران اسرائیل کی جانب سے دروز کے حق میں فضائی بمباری بھی کی گئی۔

اتوار کو ایک برطانوی مانیٹرنگ گروپ نے کہا کہ خطے میں ’محتاط سکون‘ برقرار ہے تاہم بعد میں ان کی جانب سے بیان سامنے آیا کہ قبائلی جنگجووں نے دیہات پر حملہ کیا ہے۔

السویدا شہر سے دور ایک دیہات کے کھیتوں سے دھواں اٹھتا ہوا دیکھا جا سکتا تھا جو ایک ہفتہ پہلے تک دروز کے کنٹرول میں تھا لیکن پھر یہاں بدو جنگجو پہنچے اور اب یہ شامی حکومت کے قبضے میں ہے۔

ایک چوکی پر ہم نے درجنوں حکومتی سکیورٹی اہلکار دیکھے جو اسلحہ سے لیس تھے اور السویدا میں بدو جنگجوؤں کو دوبارہ داخل ہونے سے روکے ہوئے ہیں۔ اسی سڑک پر سینکڑوں کی تعداد میں بدو جنگجو بھی موجود تھے جن میں سے اکثر ہوائی فائرنگ کر رہے تھے۔

21/07/2025

پنجاب میں شدید بارشوں کے باعث کم از کم 63 افراد ہلاک: کیا چکوال میں ’ریکارڈ‘ بارشوں کی وجہ واقعی ’کلاؤڈ برسٹ‘ تھا؟

پاکستان کے صوبہ پنجاب میں اس سال مون سون سیزن کی سب سے شدید بارش کے نتیجے میں گذشتہ 24 گھنٹوں کے دوران کم سے کم 63 افراد ہلاک اور 290 سے زیادہ زخمی ہوئے ہیں۔

گذشتہ روز شروع ہونے والے بارشوں کا یہ سلسلہ بدھ کی رات شدت اختیار کر گیا اور جمعرات کی صبح تک چکوال، منڈی بہاؤالدین، راولپنڈی اور اسلام آباد سمیت متعدد شہروں میں برقرار رہا۔

چکوال میں صرف 10 گھنٹوں کے دوران 430 ملی میٹر تک بارش ریکارڈ کی گئی جس کے باعث وہاں موصول ہونے والی ویڈیوز میں دیکھا جا سکتا ہے کہ شہر کے مختلف حصوں میں پانی کھڑا ہے۔

اسی طرح راولپنڈی میں نالہ لئی میں پانی کی سطح کے حوالے سے ضلعی انتظامیہ کو کچھ دیر کے لیے ہنگامی صورتحال کا سامنا کرنا پڑا اور ایک موقع پر تو مساجد میں اعلانات کے ذریعے نالے کے اطراف کی آبادی کو نقل مکانی کا بھی کہہ دیا گیا تھا تاہم اس کے بعد بارش تھمنے سے صورتحال بتدریج بہتر ہونے لگی۔
سوشل میڈیا پر دریائے سواں میں پانی کے بہاؤ کی ویڈیوز بھی شیئر کی جاتی رہیں اور ایسے میں یہ دعویٰ بھی کیا گیا کہ چکوال میں ہونے والی شدید بارشوں کی وجہ ’کلاؤڈ برسٹ‘ ہے۔

21/07/2025

بلوچستان میں خاتون اور مرد کے قتل کی وائرل ویڈیو: 'سردار نے انھیں قتل کرنے کا فیصلہ سنایا'

پاکستان کے صوبہ بلوچستان میں ایک مقامی سردار کے فیصلے کے نتیجے میں کاروکاری کے الزام میں ایک خاتون اور مرد کے قتل کے واقعے کی ویڈیو وائرل ہونے کے بعد پولیس نے مقدمہ درج کر لیا ہے۔

پولیس کی جانب سے موصول ہونے والی ایف آئی آر کے مطابق یہ واقعہ کوئٹہ کے تھانہ ہنہ سے 40 سے 45 کلومیٹر دور سنجیدی ڈیگار نامی علاقے میں پیش آیا۔

پولیس نے 15 افراد کو ایف آئی آر میں نامزد کیا گیا ہے۔

اس سے قبل وزیرِ اعلیٰ سرفراز بگٹی نے سوشل میڈیا پر خاتون اور مرد کے قتل کی وائرل ویڈیو کے بارے میں دعویٰ کیا تھا کہ یہ عید سے چند دن پہلے کی ہے اور اس سلسلے میں اب تک 11 ملزمان کو گرفتار کیا جا چکا ہے۔

تاہم پولیس نے ابھی تک کسی گرفتاری کی تصدیق نہیں کی اور بتایا ہے کہ واقعہ عید سے تین روز پہلے کا ہے اور اس کی ویڈیو واقعے کے 35 روز بعد وائرل ہوئی

19/06/2025

کلمہ چوک پر شہری کےساتھ جھگڑا ۔۔ خاتون چیختی چلاتی رہی مگر وارڈنز نے ایک نہ سنی۔شہری کو زبردستی اٹھا کر رکشے میں ڈالا اورچلتے بنے
سی ٹی او اطہر وحید کا کلمہ چوک واقعہ پر "فوری انصاف"۔۔ٹریفک وارڈنز اور موٹرسائیکل سوار دونوں قصور وار قرار۔۔ حوالات میں بند، مقدمات درج۔انکوائری رپورٹ کے مطابق موٹر سائیکل سوار نے ون وے ،ہیلمٹ کی خلاف ورزی کی۔۔۔چالان پر موٹر سائیکل سوار نے جھگڑا کیا۔ساتھی خاتون نے گالیاں دیں۔۔دونوں وارڈنز بھی غصہ میں آگئے ،تکرار بڑھنے پر بات ہاتھا پائی تک جا پہنچی

19/06/2025

کلمہ چوک ٹریفک وارڈنز کا شہری سے ناررواسلوک
وارڈنز کی شہری کے ساتھ نارواسلوک کی ویڈیو سامنے آگئی
وارڈنز شہری کو اٹھا کر زبر دستی رکشے میں ڈالتا رہا
شہری کے ساتھ موجود خاتون وارڈنز کو منع کرتی رہی
ٹریفک وارڈنز نے ایک نہ سنی اور شہری کو رکشہ میں لے کر چلتے بنے
سی ٹی او اطہر وحید کا نوٹس، ڈویژنل ایس پی ایس پی کو انکوائری کا حکم

19/06/2025

Writ Against PIA Privatisation Over Alleged Undervaluation;
LHC Rawalpindi Bench Issues Notices to the respondents:-

Rawalpindi – June 19, 2025

In a significant legal development, a writ petition has been filed before the Lahore High Court, Rawalpindi Bench, challenging the ongoing privatisation process of Pakistan International Airlines (PIA).
The petition alleges that the federal government is attempting to execute the privatisation in undue haste and in a manner that is neither transparent nor in accordance with the law.
According to the petitioner, the process is being conducted without proper evaluation of PIA’s assets, which are reportedly being sold below their genuine market value, thereby causing potential loss to the national exchequer and compromising public interest.
Taking up the matter, the Hon’ble Lahore High Court Rawalpindi Bench has issued notices to all concerned parties, including the federal government, the Privatisation Commission, and the PIA administration, directing them to submit their respective replies on the allegations raised.
The petition argues that the current mode of privatisation violates constitutional guarantees of transparency, good governance, and public accountability.
It further states that PIA, being a strategic national asset, should not be disposed of in a manner that appears rushed or potentially motivated by extraneous considerations.
Legal analysts note that this move could temporarily stall the privatisation process, depending on how the case proceeds in court.
The matter is likely to have wide-reaching implications not only for the future of PIA but also for the government’s broader privatisation policy.
The next date of hearing is expected to be announced shortly. The court’s intervention has sparked fresh debate over the accountability of privatisation deals and the need for strict judicial oversight in safeguarding public resources.

19/06/2025

30 ہزار پاؤنڈ یا 13,600 کلو گرام وزنی یہ بم شاید پہاڑ کے نیچے بنے ایران کے فرودو ایٹمی پلانٹ کے مرکز کو نقصان پہنچا پائے۔ لیکن امریکہ نے اب تک اسرائیل کو بھی اس بم تک رسائی نہیں دی ہے۔ لیکن یہ ہتھیار ہے کیا اور آیا اسے استعمال کیا جا سکتا ہے یا نہیں۔

ANN TV Pakistan

23/07/2025

22/07/2025

22/07/2025

21/07/2025

21/07/2025

21/07/2025

21/07/2025

21/07/2025

19/06/2025

19/06/2025

19/06/2025

19/06/2025

Address

Telephone

Website

Alerts

Contact The Business

Shortcuts

Share

Category