26/08/2026
د ایران د دولتي ټلوېزیون درېیم کانال په یوه خپره شوې ویډیو کې د امریکا د ولسمشر ډونالډ ټرمپ د کشر زوی، بارون ټرمپ، په اړه ګواښوونکې څرګندونې کړې دي. په ویډیو کې د هغه د تګ راتګ او امنیت په اړه ادعاوې شوې او د ۱۰ میلیونه ډالرو د انعام یادونه هم شوې ده. د امریکا پټ امنیتي خدمت ویلي چې له دې ویډیو خبر دي او احتمالي ګواښونه څېړي.
دا موضوع یوه ورځ وروسته له هغې مطرح شوې چې د اسرائیلو لومړي وزیر بنیامین نتنیاهو ادعا وکړه، ایران یې د یوه زوی د وژلو هڅه کړې وه؛ خو هغه د زوی نوم او د ادعا شوې هڅې جزئیات نه دي ورکړي.
