Awami News TV

10/06/2026

پاکستان کرکٹ بورڈ (پی سی بی) نے ایشین گیمز 2026 کے لیے قومی ٹی20 ٹیم کے 15 رکنی اسکواڈ کا اعلان کر دیا ہے، جس کی قیادت تجربہ کار بلے باز صاحبزادہ فرحان کریں گے، جبکہ عبدالصمد کو نائب کپتان مقرر کیا گیا ہے۔

پی سی بی کے مطابق ایشین گیمز 2026 میں مردوں کے ٹی20 انٹرنیشنل مقابلوں کا آغاز 24 ستمبر سے جاپان کے شہر آئیچی میں ہوگا، جبکہ کرکٹ ایونٹ کے تمغوں کے مقابلے 3 اکتوبر کو کھیلے جائیں گے۔

30 سالہ صاحبزادہ فرحان پاکستان کی جانب سے 46 ٹی20 انٹرنیشنل میچز میں 1305 رنز بنا چکے ہیں۔ ان کی اننگز میں 2 سنچریاں اور 10 نصف سنچریاں شامل ہیں، جس کے باعث انہیں ٹیم کی قیادت کی ذمہ داری سونپی گئی ہے۔

اسکواڈ میں شامل عاکف جاوید، علی رضا، معاذ صداقت اور سعد مسعود کو پہلی بار پاکستان کی نمائندگی کا موقع ملنے کا امکان ہے اور وہ اپنے بین الاقوامی کیریئر کا آغاز کرنے کے منتظر ہیں۔

پی سی بی کے مطابق ایشین گیمز اسکواڈ میں شامل 15 میں سے 14 کھلاڑی 15 جون سے لاہور میں شروع ہونے والے وائٹ بال کیمپ کا بھی حصہ ہوں گے، جہاں ٹیم ایونٹ کی تیاریوں کو حتمی شکل دے گی۔

پاکستان کا 15 رکنی اسکواڈ:

کپتان صاحبزادہ فرحان، نائب کپتان عبدالصمد، ابرار احمد، احمد دانیال، عاکف جاوید، علی رضا، عرفات منہاس، حیدر علی، حسن نواز، معاذ صداقت، محمد سلمان مرزا، سعد مسعود، صائم ایوب، سفیان مقیم اور عثمان خان۔

09/06/2026

جھنگ : فرسٹ ایئر کی طالبہ ایشال فاطمہ مبینہ طور پر اغواء اور زیادتی کا نشانہ بننے کے بعد دم توڑ گئی۔

تفصیلات کے مطابق پنجاب کے شہر جھنگ میں ایک انتہائی افسوسناک اور انسانیت سوز واقعہ سامنے آیا ہے، جہاں فرسٹ ایئر کی طالبہ ایشال فاطمہ مبینہ طور پر اغوا اور درندگی کا نشانہ بننے کے بعد زندگی کی بازی ہار گئی ہے۔

اس ہولناک واقعے کے بعد پورے علاقے میں شدید تشویش کی لہر دوڑ گئی ہے اور شہری شدید غم و غصے کا اظہار کر رہے ہیں۔

04/06/2026

کراچی سمیت ملک بھر کے لیے بجلی مہنگی کردی گئی
کراچی سمیت ملک بھر کے لیے بجلی فی یونٹ ایک روپے 19 پیسے مہنگی کردی گئی ہے۔

اے آر وائی نیوز کے مطابق بجلی اپریل 2026 کی فیول ایڈجسٹمنٹ کی مد میں مہنگی کی گئی ہے جس کا نوٹیفکیشن بھی جاری کردیا گیا ہے۔

نیپرا کی جانب سے جاری کردہ نوٹیفکیشن کے مطابق ماہانہ ایڈجسٹمنٹ کا اطلاق کے الیکٹرک صارفین پر بھی ہوگا۔

بجلی کی قیمت میں اضافے کا اطلاق رواں ماہ جون کے بلوں میں کیا جائے گا، سی پپی پی اے نے پریل کی ایڈجستمنٹ میں ایک روپے 73 پیسے فی یونٹ اضافہ مانگا تھا۔

03/06/2026

سعودی عرب کے صحرائی جنگل میں 100 برس بعد دنیا بھر میں‌ نایاب ترین جانور کا جنم
سعودی عرب میں 100 برس بعد ایک نایاب جانور کی پیدائش ہوئی ہے اور اس کی پیدائش کا انکشاف ایک سال بعد ہوا ہے۔

عرب میڈیا کے مطابق سعودی عرب کے صحراؤں میں 100 سال سے زائد عرصے کے بعد نایاب جانور کی پیدائش ہوئی ہے اور حیرت انگیز بات یہ ہے کہ اس کی پیدائش کا علم بھی اس بچے کے پیدا ہونے کے ایک سال بعد ہوا ہے۔

یہ نایاب جانور جنگلی اونیگر (ایشیائی جنگلی گدھا) ہے جس کے پہلے بچے نے شہزادہ محمد بن سلمان شاہی ریزرو میں جنم لیا ہے۔

سعودی وائلڈ لائف حکام کے مطابق ایشیائی جنگلی گدھے کا یہ بچہ نر ہے، جو جون 2025 میں جزیرہ نما عرب کی جنگلی حیات کی بحالی کے پروگرام کے تحت پیدا ہوا تھا۔

اس پروگرام کو ریزرو نے 23 فطرتی اقسام کو ان کے سابقہ قدرتی مساکن میں دوبارہ بسانے کے مقصد سے شروع کیا تھا۔

حکام کے مطابق اس کی پیدائش کا اعلان ایک سال بعد اس لیے کیا گیا ہے کہ کیونکہ جنگلی گدھے کی زندگی کا پہلا سال سب سے زیادہ نازک ہوتا ہے اور ان کے بچوں میں بقا کی شرح 50 فیصد سے زیادہ نہیں ہوتی۔

حکام کے مطابق موسم سرما میں جنگلی گدھے کے مزید دو بچوں کی پیدائش متوقع ہے۔

ماہرین حیوانیات کا کہنا ہے کہ دنیا بھر میں ان جنگلی اونیگر کی تعداد 600 سے بھی کم رہ گئی ہے

03/06/2026

سندھ کے مختلف اضلاع میں مٹی کے طوفان اور تیز بارشوں کے نتیجے میں5 افراد جاں بحق اور200سے زائد زخمی ہوگئے۔
نوابشاہ میں مٹی کے طوفان اور تیز بارش سے تباہی مچ گئی اور 2خواتین سمیت 5 افراد جاں بحق جبکہ 70 سے زائد افراد زخمی ہو گئے، ایم ایس یا محمد جمالی کے مطابق پیپلز میڈیکل اسپتال میں ایمرجنسی نافذ کر دی گئی جبکہ ڈاکٹروں اور اضافی عملے کو طلب کر لیا گیا ہے،جاں بحق افراد میں عمیر عباسی، افضل پلی اورچنیسر مھر سمیت دو خواتین بھی شامل ہیں۔سائن بورڈز، سولر پینلز، ٹرانسفارمرز، بجلی کی تاریں اور درخت گرنے کے واقعات بھی رپورٹ ہوئے ہیں۔
خیرپور ناتھن شاہ میں بھی طوفان کے باعث درجن سے زائد افراد زخمی ہوگئے،شاہ رحمت اللہ کالونی میں دیوار گرنے سے خاتون سمیت دو بچے شدید زخمی ہوگئے جنہیں تشویشناک حالت میں اسپتال منتقل کیا گیا، نواحی گاؤں دودو لغاری میں بھی دیوار گرنے سے خدابخش لغاری شدید زخمی ہوگئے

لاڑکانہ میں گزشتہ رات طوفانی بارش کے باعث بجلی کی 132 کے وی مین سپلائی کے ٹاور گرنے سے بجلی کی سپلائی معطل ہوگئی،132 کے وی ٹرانسمیشن کی سپلائی معطل ہونے سے لاڑکانہ ضلع کی بھی بجلی بندہوگئی،سیپکوانتظامیہ کے مطابق بجلی ٹاورز کی مرمت کا کام جاری ہے اورجلد از جلد بجلی فراہم کردی جائیگی۔

02/06/2026

پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔ حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے، اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے
وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی، جبکہ رجسٹریشن سمیت مختلف مراعات بھی دی جائیں گی۔ انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔

31/05/2026

وفاقی حکومت 5 جون کو مالی سال 2026-27 کا بجٹ پیش کرے گی، جس کے بعد صوبے بھی اپنے اپنے بجٹ اسمبلیوں میں پیش کریں گے۔

ذرائع کے مطابق پنجاب کا آئندہ مالی سال کا بجٹ بھی تقریباً تیار کر لیا گیا ہے اور اسے جون کے دوسرے ہفتے میں پیش کیے جانے کا امکان ہے۔

پنجاب وزارتِ خزانہ کے ذرائع کا کہنا ہے کہ صوبے کے بجٹ کا مجموعی حجم تقریباً 6 ہزار ارب روپے رکھنے کی تجویز ہے۔ بجٹ میں تعلیم، صحت، انفراسٹرکچر، صفائی، زراعت اور امن و امان کے شعبوں کو خصوصی ترجیح دی جا رہی ہے۔

31/05/2026

اسلام آباد (31 مئی 2026): دو تیز رفتار گاڑیوں جن میں سے ایک لینڈ کروزر تھی، نے اسلام آباد میں تباہی مچا دی ہے، بے قابو لینڈ کروزر نے مبینہ ریس کے دوران 8 افراد کو کچل دیا، جن میں سے 4 جاں بحق ہو گئے ہیں۔

اسلام آباد کے علاقے بھارہ کہو میں اُٹھال چوک کے قریب ایک لینڈ کروزر نے سڑک کنارے موجود 5 سے 6 موٹر سائیکل سواروں کو کچل دیا، متاثرہ افراد کا کہنا ہے کہ لینڈ کروزر ایک اور گاڑی کے ساتھ ریس لگاتے ہوئے بے قابو ہو گئی تھی۔

ریسکیو ذرائع کے مطابق حادثے میں 4 افراد شدید زخمی ہو گئے ہیں، جن میں سے دو زخمیوں کی حالت تشویش ناک ہے، جب کہ جاں بحق دو افراد کی شناخت فضل اور عامر کے نام سے ہو گئی ہے

01/04/2025

22/03/2025