Just Pakistan Urdu, Lahore (2026)

27/08/2022

پاکستان میں سیلاب کے اب تک نقصانات کا تخمینہ نو سو ارب روپے لگایا گیا ہے جبکہ اب تک 982 افراد ہلاک ہو چکے ہیں۔ ڈپٹی کمشنر نوشہرہ کے مطابق اگلے چند گھنٹوں میں دریائے کابل میں پانی کا بہاؤ چار لاکھ کیوسک سے اوپر جانے کا خطرہ ہے جس سے نوشہرہ میں اونچے درجے کا سیلاب آ سکتا ہے۔ ادھر حکومت نے چاروں صوبوں میں امدادی کاموں میں مدد کے لیے فوج تعینات کرنے کا فیصلہ کیا ہے۔

17/08/2022

پاکستان تحریک انصاف نے فارن فنڈنگ کیس کی تحقیقات میں وفاقی تحقیقاتی ایجنسی ایف آئی اے کے نوٹس کا جواب دینے سے انکار کردیا ہے۔
تحریک انصاف نے یہ تحریری جواب سابق اٹارنی جنرل انور منصور خان کے ذریعے ایف آئی اے کمرشل بینک سرکل اسلام آباد کی ڈپٹی ڈائریکٹر آمنہ بیگ کو بھجوایا ہے۔
اس تحریری جواب میں تحریک انصاف نے ایف آئی اے کو بتایا کہ آپ کو جوابدہ ہیں نہ ہی معلومات فراہم کرنے کے پابند ہیں، دو دن میں نوٹس واپس نہ لیا تو قانون کے تحت آپ کے خلاف کارروائی کی جائے گی۔
جواب میں نوٹس بھجوانے کو ایف آئی اے کی بدنیتی قرار دیا گیا اور کہا گیا ہے کہ پی ٹی آئی سے تفصیلات اور دستاویزات طلب کرنا ایف آئی اے کے دائرہ کار میں نہیں۔
تحریک انصاف نے مؤقف اختیار کیا ہے کہ الیکشن کمیشن کا یہ فیصلہ نہیں ہے بلکہ یہ محض ایک رپورٹ ہے۔
الیکشن کمیشن ایف آئی اے یا کسی اور ادارے کو اس رپورٹ کی بنیاد پر حکم نہیں دےسکتا، ایف آئی اے کے پاس پولیٹیکل پارٹیز آرڈر 2002 کے تحت کارروائی کا اختیار نہیں، جاری کیاگیا نوٹس ایف آئی اے ایکٹ سے بھی متصادم ہے۔
تحریک انصاف کا مزید کہنا ہے کہ سپریم کورٹ متعدد فیصلوں میں الیکشن کمیشن کو انتظامی ادارہ قرار دے چکی ہے، الیکشن کمیشن عدالت ہے نہ ہی ٹریبونل ہے۔

09/08/2022

وفاقی وزیر داخلہ رانا ثنا اللہ نے کہا ہے کہ عمران خان کے چیف آف سٹاف شہباز گل کو قانون کے مطابق بغاوت کے مقدمے میں گرفتار کیا گیا ہے۔
اسلام آباد میں پریس کانفرنس کے دوران ان کا کہنا تھا کہ شہباز گل کا بیان ’افواج پاکستان کے اندر ایک ایسی ناپاک جسارت تھی جس سے افواج میں بغاوت کی کوشش کی گئی۔‘
’قانون میں اس جرم کے خلاف صوبائی حکومت کارروائی کر سکتی ہے۔ یہ مقدمہ ریاست کی مدعیت میں تھانہ کوہسار میں درج کیا گیا۔۔۔ تفتیش میں کچھ چیزوں کا تعین ہوگا۔‘
ان کا مزید کہنا تھا کہ ’اطلاعات کے مطابق ایک نجی چینل کے ساتھ باقاعدہ سازش کی گئی اور کئی کرداروں کا تعین تحقیقات میں ہوگا۔
’سازش کے ساتھ بیانیہ بنا جو باقاعدہ عمران خان کی زیر صدارت میٹنگ میں بنایا گیا۔۔۔ ذمہ داری دو بندوں کو سونپی گئی۔ نجی چینل کو سازش میں شامل کیا گیا۔ فواد چوہدری اور شہباز گل کو بیانیہ دینے کا کہا گیا۔‘
’ٹیلی فون پر انھیں لیا گیا، انھوں نے پورا بیانیہ پڑھ کر سنایا۔ پہلے سے طے تھا کیا بات کرنی ہے۔ ان باتوں کو دہرانا بھی قومی مفاد میں نہیں۔‘
وہ کہتے ہیں کہ ’ڈسپلنڈ ادارے کے خلاف سانحہ لسبیلہ پر سوشل میڈیا پر بکواس کی گئی۔ یہاں تک کہ رینکس پکارے گئے۔ کہا گیا وہ پی ٹی آئی کے ساتھ محبت کرتے ہیں۔ انھیں کہا گیا کہ آپ کو اگر کوئی حکم ملے تو آپ کہیں یہ حکم غلط ہے، آپ اسے نہیں مانتے۔ اس حد تک جا کر اس ادارے کے رینک اینڈ فائل کے اندر بغاوت کی کوشش کی گئی۔‘
ان کا کہنا تھا کہ ’(فوج کے افسران کو) کہا گیا کہ وہ ضمیر کی آواز پر انکار کر دیں۔‘

08/08/2022

صوبائی وزیر داخلہ کرنل محمد ہاشم ڈوگر سے پاکستان تحریک انصاف کے سینیئر رہنما فواد چوہدری کی ملاقات ہوئی ہے، جس میں سابق وفاقی وزیر نے کرنل ہاشم کو صوبائی کابینہ میں وزارت داخلہ کا قلمدان سنبھالنے پر مبارکباد پیش کی۔
تفصیلات کے مطابق اس ملاقات میں ملکی سیاسی صورتحال پر تبادلہ خیال کیا گیا۔
فواد چوہدری نے میڈیا کو بتایا کہ پنجاب میں حالیہ ضمنی انتخابات کے نتائج نے ثابت کردیا ہے کہ پنجاب پاکستان تحریک انصاف کا گڑھ ہے۔
کرنل محمد ہاشم ڈوگر نے کہا ہے کہ چیئرمین پاکستان تحریک انصاف عمران خان کے وژن کے مطابق پنجاب کو امن کا گہوارہ بنایا جائے گا۔ ان کے مطابق پاکستان تحریک انصاف کے لیڈرز، ورکرز اور صحافی برادری کے ساتھ ہونے والی زیادتیوں کا بھرپور بدلہ لیا جائے گا۔
صوبائی وزیر داخلہ نے کہا ہے کہ رواں برس 25 مئی کو جن افسران اور اہلکاروں نے ہمارے ورکرز کے ساتھ زیادتی کی ان کو قانون کے کٹہرے میں لاکر سخت سے سخت سزا دی جائے گی۔

08/08/2022

بائیسویں کامن ویلتھ گیمز کے جیولین تھرو مقابلے میں نئی تاریخ رقم کرنے والے پاکستانی ایتھلیٹ ارشد ندیم کہتے ہیں کہ کہنی اور گھٹنے کی تکلیف اس قدر پریشان کر رہی تھی کہ ایک موقع پر ان کے لیے کامن ویلتھ گیمز میں حصہ لینا مشکل نظر آ رہا تھا۔

ارشد ندیم نے اتوار کے روز برمنگھم میں جیولین تھرو مقابلے میں 90.18 میٹرز دور جیولین تھرو کر کے نہ صرف گولڈ میڈل جیتا ہے بلکہ انھوں نے کامن ویلتھ گیمز مقابلوں کا نیا ریکارڈ بھی قائم کیا ہے۔

06/08/2022

الیکشن کمیشن نے حتمی حلقہ بندیوں کی فہرست جاری کر دی

الیکشن کمیشن آف پاکستان نے عام انتخابات کے لیے قومی اسمبلی کے 266 حلقوں اور صوبائی اسمبلیوں کے 593 حلقوں کے لیے حلقہ بندیوں کی حتمی فہرست جاری کر دی ہے۔

05/08/2022

تحریک انصاف نے اپنے بیان میں کہا ہے کہ ’25 ستمبر کو ہونے والے نو قومی اسمبلی کے حلقوں کے ضمنی انتخابات میں تمام سیٹوں سے چئیرمین عمران خان خود الیکشن لڑیں گے۔‘

05/08/2022

پاکستانی فوج کے شعبۂ تعلقات عامہ آئی ایس پی آر کے سربراہ میجر جنرل بابر افتخار نے کہا ہے کہ لسبیلہ ہیلی کاپٹر حادثے کے بعد شروع ہونے والی منفی سوشل میڈیا مہم اور پروپیگنڈے سے ادارے اور لواحقین کی دل آزاری ہوئی ہے۔
جیو نیوز سے بات کرتے ہوئے انھوں نے کہا کہ اس طرح کا بے حسی کا رویہ ’ناقابل قبول ہے اور اس کی ہر سطح پر مذمت ہونی چاہیے۔‘
انھوں نے کہا کہ یہ ’افسوسناک حادثہ تھا جس میں کور کمانڈر کوئٹہ لیفٹیننٹ جنرل سرفراز علی سمیت چھ افراد شہید ہوئے۔ ابتدائی تحقیقات کے مطابق خراب موسم کی وجہ سے پہاڑی علاقے میں ہیلی کاپٹر حادثے کا شکار ہوا۔‘
’ادارہ اور لواحقین تکلیف اور کرب کی کیفیت سے گزر رہے تھے۔ ان کی تدفین کی گئی اور چار دن بعد یہ بیان دیا گیا ہے۔ مخصوص لوگوں نے سوشل میڈیا پر غلط قسم کا پروپیگنڈا اور بے حس کمنٹس دینا شروع کر دیے۔ پوری قوم کربناک کیفیت سے گزر رہی تھی۔ اس طرح کی قیاس آرائیاں کرنا، ذاتی ترجیحات کو سامنے رکھتے ہوئے ایسے تبصرے غیر حساس تھے جس سے پورے ادارے اور لواحقین کو بہت نقصان پہنچا ہے۔‘
ڈی جی آئی ایس پی آر نے کہا کہ ’پوری قوم مسلح افواج کے ساتھ کھڑی ہے۔ قوم کا جتنا بھی شکریہ ادا کیا جائے کم ہے۔
’اس طرح کے لوگوں کی جانب سے خاص کر سوشل میڈیا پر یہ کام شروع ہوجاتا ہے۔ معاشرے میں ان چیزوں کو دیکھنے کی ضرورت ہے، انھیں رد کرنے کی ضرورت ہے۔ ایسا اجتماعی طور پر ہی ممکن ہے۔ اسے اجاگر کرنا بہت ضروری۔ بے حسی کا رویہ ہر سطح پر ناقابل قبول اور قابل مذمت ہے۔‘
انھوں نے کہا کہ ’قیاس آرائیوں سے اجتناب کرنا چاہیے۔ ہمارے دشمن ممالک کی طرف سے یہ چیزیں فیڈ کی جاتی ہیں۔ اس سے صرف اپنے ملک و قوم کا نقصان ہوتا ہے۔‘
اس سے کچھ دیر قبل رہنما تحریک انصاف فواد چوہدری نے اپنی پریس کانفرنس کے دوران کہا تھا کہ فوج مخالف مہم فیک اکاؤنٹس کی مدد سے چلائی گئی اور ان اکاؤنٹس کا تحریک انصاف سے کوئی تعلق نہیں ہے۔

05/08/2022

سعودی عرب اور متحدہ عرب امارات نے آرمی چیف جنرل قمر جاوید باجوہ کو آئی ایم ایف پروگرام کے حوالے سے بھرپورتعاون کی یقین دہانی کرادی۔

تفصیلات کے مطابق آرمی چیف قمر جاوید باجوہ پاکستان کو معاشی بحران سے نکالنے کے لیے متحرک ہیں، امریکا کے بعد آرمی چیف نے سعودی عرب اور یو اے ای حکام سے رابطہ کیا۔

05/08/2022

امریکی ایوان نمائندگان کی سپیکر نینسی پلوسی کے دورے کے بعد چین کی جانب سے تائیوان کے گرد شروع ہونے والی جنگی مشقوں کا سلسلہ جمعے کو بھی جاری ہے۔

تائیوان کی وزارتِ دفاع کا کہنا ہے کہ متعدد چینی بحری جہازوں اور طیاروں نے مسلسل دوسرے دن آبنائے تائیوان میں تائیوان اور چینی سرزمین کو تقسیم کرنے والی غیر رسمی لکیر’میڈیئن لائن‘ عبور کی ہے۔ تاہم چین کے سرکاری میڈیا پر ان مشقوں کے بارے میں کوئی معلومات فراہم نہیں کی گئی ہیں۔

ادھر چین نے سپیکر پلوسی اور ان کے اہلخانہ پر پابندیاں عائد کرنے کا بھی اعلان کیا ہے۔

چین کے وزیرِ خارجہ وینگ یی نے کہا ہے کہ نینسی پلوسی نے چین کے داخلی امور میں سنگین مداخلت کی ہے اور چین کی علاقائی سالمیت کو نقصان پہنچایا ہے۔ ایک بیان میں ان کا کہنا ہے کہ نینسی پلوسی نے ’ون چائنا‘ کے اصول کو بھی پامال کیا ہے اور آبنائے تائیوان میں امن اور استحکام کو خطرے میں ڈال دیا ہے۔

04/08/2022

سعودی عرب میں عمرے کی غرض سے جانے والے زائرین اب ایک بار پھر حجرِ اسود کو چُھو اور چوم سکیں گے۔ کورونا وائرس کے پھیلاؤ کے پیش نظر حجرِ اسود کے حوالے سے زائرین پر جو پابندیاں عائد کی گئی تھیں اب انھیں ختم کر دیا گیا ہے۔

سعودی عرب سے حال ہی میں موصول ہونے والی تصاویر میں دیکھا جا سکتا ہے کہ پُرجوش زائرین حجر اسود کے قریب پہنچنے کی کوششیں کر رہے ہیں۔ اس سے قبل کورونا کے پھیلاؤ کو روکنے کی غرض سے اس مقام پر رکاوٹیں لگا دی گئی تھیں جہاں سے حجر اسود تک پہنچا جا سکتا ہے۔

کووڈ کی وبا کے دوران حجر اسود کو چھونے یا اسے چومنے کے حوالے سے لگائی گئی پابندی کو جاری عمرہ سیزن کے دوران ختم کر دیا گیا ہے

03/08/2022

راولپنڈی: لیفٹیننٹ جنرل سرفراز علی کی شہادت کے بعد لیفٹیننٹ جنرل آصف غفور کو کور کمانڈر کوئٹہ تعینات کر دیا گیا ہے۔
فوج کے شعبہ تعلقات عامہ (آئی ایس پی آر) کے مطابق لیفٹیننٹ جنرل آصف غفور لسبیلہ کے قریب ہیلی کاپٹر حادثے میں شہید سرفراز علی کی جگہ فرائض سرانجام دیں گے۔

Just Pakistan Urdu

27/08/2022

17/08/2022

09/08/2022

08/08/2022

08/08/2022

06/08/2022

05/08/2022

05/08/2022

05/08/2022

05/08/2022

04/08/2022

03/08/2022

Address

Website

Alerts

Shortcuts

Share

Category