14/01/2026
پہلاج اپنی 3 ماؤں کیساتھ‘، اقرار کی اپنی بیویوں کیساتھ نئی تصاویر وائرل!!!
پاکستان کے معروف اینکر اور میزبان اقرار الحسن ایک بار پھر اپنی نجی زندگی کے باعث خبروں کی زینت بن گئے ہیں، جہاں سوشل میڈیا پر ان کی حالیہ فیملی تصاویر پر صارفین کی جانب سے دلچسپ اور طنزیہ تبصرے کیے جا رہے ہیں، سرعام اور شانِ رمضان جیسے مقبول پروگرامز کی میزبانی سے شہرت حاصل کرنے والے اقرار الحسن اپنی تین شادیوں اور ان دنوں مجوزہ سیاسی جماعت کے حوالے سے سرگرمیوں کے باعث بھی زیرِ بحث ہیں، حال ہی میں ان کی تیسری اہلیہ عروسہ اقرار نے انسٹاگرام پر پورے خاندان کے ساتھ تصاویر شیئر کیں جن میں قرۃ العین اقرار، فرح یوسف، عروسہ خان، اقرار الحسن اور ان کے صاحبزادے پہلاج اقرار شامل ہیں، تصاویر کے ساتھ شاعرانہ کیپشن نے بھی توجہ حاصل کی جبکہ حیران کن طور پر یہ تصاویر خود اقرار الحسن نے بنائیں، جس پر صارفین نے تبصرہ کرتے ہوئے کہا کہ بچے کے لیے تین مائیں جمع ہو گئی ہیں، کسی نے بہو کے لیے تین ساسوں کا ذکر کیا تو کسی نے اہلیاؤں کے درمیان غیر معمولی یکجہتی کو سراہا، جبکہ بعض صارفین نے اسے اقرار الحسن کی سیاسی سرگرمیوں سے جوڑتے ہوئے دلچسپ پیش گوئیاں بھی کیں۔
