13/11/2023
ورڈپریس
WordPress کیوں بلاگنگ کے لیے بہترین پلیٹ فارم ہے؟
آج اس تحریر میں ہم بات کریں گے کہ ورڈپریس کیوں بلاگنگ کے لیے ابھی تک سب سے بہترین آپشن ہے۔ بلاگنگ بہت سے لوگوں کے لیے روزگار کا ذریعہ بن چکا ہے۔
جب کامیابی اور پیسہ کمانے کی بات آتی ہے تو بلاگنگ اپنی کارکردگی کے عروج پر ہے۔ بہت سارے بلاگرز ایسے ہیں جو شائد اپنی روایتی نوکری سے اتنے پیسے نہ کما سکتے جتنے وہ بلاگنگ کر نے سے کما رہے ہیں۔ اور آج بھی WordPress آپ کے لیے سب سے بہترین بلاگنگ کا پلیٹ فارم ہے۔
بڑی تعداد میں بہترین تھیمز کی دستیابی:
ورڈپریس ہمیشہ سے اپنے خوبصورت اور پُر کشش تھیمز کی وجہ سے جانا جاتا ہے۔ کیوں کہ کسی اور بلاگنگ پلیٹ فارم پر آپ کو اتنے بہترین تھیمز نہیں ملیں گے۔ بلاگز کی کیٹیگری کے مطابق پہلے ہی سے مختلف اقسام کے بلاگنگ تھیمز موجود ہیں۔
مثال کے طور پر صحت، ٹیکنالوجی، فیشن اور مزید کسی بھی کیٹیگری کے بلاگ کے لیے تلاش کریں تو آپ کو سینکڑوں معیاری تھیمز مل جائیں گے۔ان میں سے زیادہ تر مفت تھیمز شاندار ڈیزائن اور مضبوط خصوصیات کے حامل ہیں۔ اس کے علاوہ، پریمیم تھیمز (پیسوں سے خریدے جانے والے تھیمز) بھی بہت زیادہ مقبول ہیں۔
پلگ انز کا بہتر سے بہترین ہونا(Pulgin):
ورڈپریس کا سب سے بہترین بلاگنگ پلیٹ فارم ہونے کی ایک وجہ اس کے Plugins کی ،ڈستیابی بھی ہے۔ تھیمز کے علاوہ، پلگ اِن بھی لوگوں کو اپنی بزنس اور بلاگنگ ویب سائٹس ورڈپریس میں بنانے کے لیے اپنی طرف کھینچتا ہے۔ اس وقت تمام مختلف قسم کے ایڈوانس پلگ ان موجود ہیں جو آپ کے بلاگ کوبہتر بنائیں گے ۔ جب اتنی زیادہ سہولیات مفت میں حاصل ہوں، تو اس بات میں کوئی حیرت نہیں ہونی چاہئے کہ لوگ ورڈپریس کو کیوں منتخب کریں۔
اپنی ویب سائٹ کو جیسے چاہیں، (Customize) کریں:
ورڈپریس کا سب سے بہترین بلاگنگ پلیٹ فارم ہونے کی ایک بہت بڑی وجہ اس کا ڈویلپرز اور دوسرے صارفین کے لیے استعمال میں آسان ہونا ہے۔ آپ اپنی مرضی سے پوسٹ ٹائپ کی layout تبدیل کر سکتے ہیں، ایسے widgets شامل کر سکتے ہیں جو بلاگنگ کے لیے بہترین ہیں، بلاگز پر تبصرہ کرنے کی سہولت دے سکتے ہیں اور اسکے علاوہ بھی بہت کچھ کر سکتے ہیں۔
ورڈپریس میں طاقتور Page Builders کے استعمال سے ہم آسانی سے اپنی ویب سائٹ کے pages کو ایڈیٹ کر سکتے ہیں، customizer کی مدد سے براہ راست کی گئی تبدیلیوں کو دیکھ سکتے ہیں۔ یہی چیز ورڈپریس کو لوگوں کی پسندیدہ بناتی ہے۔
سرچ انجن آپٹیمائزیشن (Search Engine Optimization)
کسی بھی ویب سائٹ کی کامیابی کے لیے اس کا سرچ انجن پر اچھی Ranking پر نظر آنا بہت ضروری ہے۔لوگ اپنی ویب سائٹ کی بہتر رینکنگ کے لیے ہزاروں ڈالرز لگا کر SEO کے ایکسپرٹ کی خدمات حاصل کرتے ہیں۔ لیکن ورڈپریس میں بنی ویب سائٹس خود بخود SEO کے مطابقت رکھتی ہیں۔ اگرآپ کوئی پریمیم تھیم استعمال کریں، تو اس بات کے زیادہ امکانات ہیں کہ آپ کی ویب سائٹ خود ہی پہلے پیج پر نظر آنا شروع ہو جائے گی۔
آنلائن پیسہ کمانا:
اس میں کوئی دو رائے نہیں کہ ہر کوئی پیسہ کمانے کے لیے ہی بلاگ بناتا ہے۔ دوسرے بلاگنگ پلیٹ فارمز پر اپنے بلاگ کی مونیٹائزیشن کرنا نہایت مشکل کام ہے۔ زیادہ کلک حاصل کرنے کے لیے آپ اپنی مرضی کی جگہ پر ایڈ نہیں لگا سکتے۔ جب آپ کسی third-party کے لنکس کا استعمال کرتے ہیں تو آپ کا AdSense کا اکاؤنٹ منسوخ بھی ہو سکتا ہے۔ اس کے علاوہ بھی پچیدہ مسائل جنم لیتے ہیں۔ لیکن ورڈپریس میں آپ بنا کسی مشکل کے کہیں بھی کچھ بھی کر سکتے ہیں۔
سوشل میڈیا کی سپورٹ:
سوشل میڈیا بلاگز کو پروموٹ کرنے کا ایک بہت بڑا ذریعہ ہیں اور اسی لیے بلاگنگ پلیٹ فارمز کے لیے یہ بہت ضروری ہے کہ وہ سوشل میڈیا کی سہولت بھی فراہم کریں۔یہ ایک اورجگہ ہے جہاں ورڈپریس دوسروں سے بہت آگے ہے۔ یہ حقیقت تو سب کے سامنے ہے کہ ورڈپریس کے پاس ایسے بہترین plugins ہیں جو کہ سوشل میڈیا پر بلاگ پوسٹ کو شیئر کرنا آسان بناتے ہیں۔
ویب سائٹ Analytics کی اہمیت:
ویب سائٹ پر آنے والے Visitors کے اعدادوشمار (Analytics ) حاصل کرنے کے لیے ورڈپریس سے بہتر اور کوئی پلیٹ فارم نہیں ہو سکتا۔اس میں ویب سائٹ پر آنے والے لوگوں کے اعدادوشمار کو تفصیلی طور پر دکھانے کے لیے جدید ٹولز ہیں، تاکہ آپ اپنی آڈینس کو بہتر طور پر سمجھ سکیں۔
ویب سائٹ کی سکیوریٹی:
آنلائن دنیا میں ہیکنگ بہت عام ہے۔ جیسے ہی آپ کا بلاگ مشہور ہو گا، عین ممکن ہے آپ ہیکرز کی نظروں میں بھی آجائیں گے۔ ورڈپریس بہت زیادہ محفوظ ہے کیوں کہ وہ ہمیشہ آپ کی ویب سائٹ کو ہیک ہونے سے بچانے کے لیے اپنی سکیورٹی کو اپ ڈیٹ کرتا رہتا ہے۔ ہیکنگ کی کوئی بھی کوشش کی جائے وہ فوری طور پر نظر میں آ جائے گی اور اس کے خلاف فوری طور پر ایکشن لیا جائے گا۔
اس کے علاؤہ
بہت سارے جدید plugins بھی ہیں جو آپ انسٹال کر کے اپنی ویب سائٹ کو مزید محفوظ بنا سکتے ہیں۔ آپ اپنی ویب سائٹ کا باقاعدگی سے بیک اپ بھی لے سکتے ہیں تاکہ کسی بھی بریک ڈاؤن کی صورت میں آپ کی ویب سائٹ کو زیادہ نقصان نہ ہو سکے۔
ان ساری وجوہات کو مدِنظر رکھتے ہوئے یہ کہا جا سکتا ہے کہ ورڈپریس ہی سب سے بہترین بلاگنگ پلیٹ فارم ہے۔ اس لئے، سوچنے پر وقت ضائع کیے بغیر اچھی سی ہوسٹنگ خریدیں اور اپنا بلاگ شروع کریں۔
سلامت رہیں
