28/12/2025
Yaar, aaj ka din mere liye itna special tha ke lafzon mein bayan karna mushkil hai. Jis insaan ke liye main YouTube use karta hoon… jiska main har episode ka intezar karta hoon… jo duniya ke mukhtalif mulkon mein apni bike pe travel karta hai… Abrar Hassan (WildLens) — aaj finally main unn se mila. Literally face-to-face. 😭
Scene kuch aisa tha: unki current USA & Canada wali journey ki short break par woh Pakistan wapas ayy, aur Salt Pakistan ne unka meetup arrange kiya. Tickets honestly bohat mehngay thay — especially mere liye, kyunki main iss waqt tuitions & studies ki wajah se financially almost broke thaa. Lekin phir bhi dil ne kaha — “ye moka dobara nahi milay ga” — aur bas somehow I managed to be there.
Aur phir — sab se zyada dil jeet lene wali cheez — jab Abrar bhai ko pataa chala ke Salt ne audience se itna charge kiya, toh end mein unhon ne announce kiya:
“Aap sab apna refund lein. Main khud pay karunga meetup ke arrangements.”
Ab most interesting things
Main ne unse 3 questions kiye:
1️⃣ “Hum sab kehte hain ek din ayega hum bhi travel karenge… ye din kab aata hai?”
Unhon ne itna detail mein jawab diya ke Bohat kuch clear ho gaya.
2️⃣ “Antarctica kab ja rahe ha?”
Unhon ne bola — “Iss current trip ka ikhtitam wahan se hoga InshaAllah.”
SO SWEET.
Aur phir — last mein — mujhe phir se unse face-to-face baat ka moka mila. Hum handshake mein thay, main literally emotional ho gaya, aankhon mein pani aa raha tha — and I asked:
3️⃣ “Bhai… koi naseehat de dein.”
Aur woh haath pakray hue bas jo kucb b kahaa meray dil pay likhaa giaa ha
I swear… us pal mein mujhe laga — main dunya ka sab se khush-naseeb insaan hoon. Mera dream meet — year ke end par — aur naye saal ki shuruaat is tarah… Alhamdulillah. 🤍
Never stop dreaming. Kabhi bhi. Ek din WOH din zaroor aata hai — jab tum bilkul wahan hotay ho, jahan tumne khud ko imagine kiya hota hai.
