Faraz Ahmad

19/02/2026

میں اور میرے چھوٹے بھائی بچپن کی ایک تصویر

24/01/2026

“اور جو کوئی بھلائی کرے گا، اللہ اسے جانتا ہے۔”
(سورۃ البقرہ:197)
مددگار
میرا پورا کرایہ دو۔
بس کنڈکٹر نے اڈھیر عمر عورت سے بدتمیزی سے کہا۔ اڈھیر عمر عورت جو بہت پریشان سی دکھائی دیتی تھی، اس کے ساتھ دو عورتیں اور ایک بڑی عمر کا مرد تھا، اور یہ لوگ غالباً لاہور سے بہاولپور کی طرف جا رہے تھے۔
“صاحب جی، ہم اپنے بیٹے کو ڈھونڈنے لاہور آئے تھے، جو گھر سے بھاگ گیا تھا، اور اب ہمیں گھر سے فون آیا ہے کہ ہمارا بیٹا گھر پہنچ گیا ہے۔ ہم آپ کو موبائل پر پیسے منگوا دیتے ہیں، تھوڑا سا انتظار کر لو۔”
عورت نے کنڈکٹر کی منت سماجت شروع کر دی۔ وہ تقریباً رونے کے قریب تھی۔
کنڈکٹر مزید بگڑ گیا:
“بی بی، یہ کہانیاں مت سناؤ، کرایہ اگلے اسٹاپ تک منگواؤ، ورنہ اتر جاؤ۔”
عورت بے بسی سے اس کی طرف دیکھ رہی تھی۔
میں یونیورسٹی سے رات کی کلاس کے بعد واپس پتوکی آ رہا تھا۔ میں نے اس منظر کو دیکھا۔ وہ عورت بیک وقت خوش تھی کہ اس کا بیٹا جو گھر سے بھاگ گیا تھا وہ گھر واپس آ گیا ہے، اور پھر پریشان اس لیے تھی کہ اس کے پاس کرایہ دینے کے پیسے بھی نہیں تھے، وہ بھی چار لوگوں کے۔ چند ہزار کرایہ بنتا تھا۔
پھر میں نے دیکھا ایک نوجوان اپنی سیٹ سے اٹھا، کنڈکٹر کے پاس گیا، چپکے سے کوئی بات کی اور واپس سیٹ پر آ کر بیٹھ گیا۔
کنڈکٹر دوبارہ جب اس سیٹ کے پاس گزرا جہاں وہ عورت بیٹھی تھی تو اس نے کہا:
“صاب، آپ منگوا دیتی ہیں موبائل پر پیسے۔”
مگر میں جانتا تھا کہ وہ عورت اپنے ساتھ بیٹھے بوڑھے بزرگ کو کہہ رہی تھی کہ محلے میں کسی سے پیسے ادھار، اس کا خاوند پکڑے گا اور پھر کسی دکاندار سے بات کر کے بس کنڈکٹر کے موبائل میں بھجوائے گا۔
وہ عورت دوبارہ بس کنڈکٹر کی منت کرنے لگی، مگر کنڈکٹر نے اس دفعہ نرمی سے اس عورت سے کہا کہ اس کا کرایہ ادا ہو گیا ہے۔
“کس نے ادا کیا ہے؟”
عورت نے بس کنڈکٹر کی طرف حیرانگی سے دیکھا تو بس کنڈکٹر نے کہا:
“بس کسی نے اس کا کرایہ ادا کر دیا ہے۔”
عورت بالکل خاموش ہو گئی۔ پھر میں نے دیکھا اس کی آنکھوں میں تھوڑے سے آنسو تھے۔ اس نے بس کی چھت کی طرف دیکھا۔ مجھے لگا شاید وہ آسمان کی طرف دیکھ رہی تھی، اس کی مشکل جو زیادہ بڑی نہیں تھی، اس کے لیے انتظام کرنے والے کی خیر مانگ رہی تھی۔
اور میں سوچ رہا تھا کہ وہ عورت، وہ بس کنڈکٹر اور یہ سارا منظر خدا کے بندوں کی آزمائشیں تھیں۔ کئی دیکھنے والوں اور سننے والوں میں سے اللہ نے اپنے بندے کو دیکھا جو مددگار بن کر پہنچ گیا۔
مجھے آج بھی لگتا ہے کہ جب ہم کسی کو مشکل میں دیکھتے ہیں تو دراصل وہ آزمائش ہوتی ہے کہ اللہ اپنے بندوں کی پہچان کرتا ہے کہ کون اس کے خاطر مددگار بنتا ہے۔

04/11/2025

12/10/2025

محبت نہ کیجئے
لڑکی کے پاؤں ننگے تھے اور بال مٹی سے اٹے پڑے
تھے .کپڑے بوسیدہ اور میل آلود تھے . چہرے پر دھول جمی ہوئی تھی بڑی بڑی آنکھوں کے گرد سیاہ حلقے اور رخساروں کی سفیدی دھول کی تہہ میں کہیں چھپ گئی تھی اس وقت وہ اپنے گھر کے باہر گلی میں کھڑی تھی اور کچھ بچے اس کے گرد جمع تھے میں نے بہت غور سے اسے دیکھا اور میری آنکھوں میں پشیمانی افسوس اور حیرت کے تاثرات ابھر آئے میں اپنی جگہ پر جامد کھڑا اسے دیکھ رہا تھا اور میرا ذہن یقین کرنے سے قاصر تھا کہ میرے سامنے بوسیدہ حال پاگل لڑکی وہی تھی میں نے اپنے آپ سے پوچھا کیا یہ وہی ہے اور میرا ذہن مجھے 2014 کے اس سال میں لے گیا جب وہ میرے پاس کمپیوٹر سیکھنے آتی تھی ان دنوں میں خود بھی طالب علم تھا اور پارٹ ٹائم میں کمیپوٹر سکھاتا تھا ان دنوں وہ ایم اے انگلش کررہی تھی میں عمر سے اس سے دو تین سال چھوٹا تھا مگر چونکہ میں اسے پڑھاتا تھا تو وہ میری شاگردہ تھی لیکن کہانی میں یہ غیر ضروری طوالت رکھے بغیر اصل بات کی طرف آتے ہیں کہ آخر اتنی ذہین ترین لڑکی سے اس قابل ترس پاگل پن کی نہج تک وہ کیسے پہنچی . اس کہانی کا آغاز تب ہوا جب اس لڑکی کو مجھ سے شدید قسم کا عشق ہوگیا . میں ان دنوں زمانہ طالب علمی میں تھا اور ہر اچھا چہرہ مجھے بھانے لگتا تھا مگر مجھے یہ محبت اور عشق قسم کے جذبات بے وقوفانہ اور عملی زندگی سے پرے لگتے تھے شروع میں اس نے مجھے ایک کاغذ پر لکھ کر اپنی محبت کا اظہار کیا اور میں نے وقت گزاری کے لیے اس سے بات چیت شروع کردی اس زمانے میں مجھے محبت اور جسمانی قربت کے بارے میں اتنی فہم نہیں تھی اور ناول اور کہانیاں پڑھنے کی وجہ سے مجھے لگتا تھا کہ میٹھی میٹھی باتیں کرنا شاعری پڑھنا وغیرہ ہی کو محبت کہتے ہیں اس لیے اس کے کافی مرتبہ اکیلی ملاقاتوں کے مطالبے کو میں سمجھنے سے قاصر رہا . وہ بار بار مجھ سے شادی کا مطالبا کرتی رہی موبائل فون اس کے گھر والے توڑ دیتے تھے پھر گرمیوں کی چھٹیاں ختم ہوئیں تو میں نے کمپیوٹر اکیڈمی جانا بند کردیا . اس کے ساتھ رات کو اب موبائل پر بات ہوتی رہی . اور پھر وہ ایک پرائیویٹ سکول میں پڑھانے لگی تو اپنے ایک شاگرد کے ہاتھ لمبے لمبے خط بھجواتی اس کا شاگرد بتاتا کہ اس کی ٹیچر ہر وقت میری باتیں کرتی رہتی ہے . میں بالکل بھی سنجیدہ نہیں تھا اور بالاآخر اکتاہٹ کا شکار ہوکر میں نے اس سے رابطہ بند کردیا اور پھر یہی سے اس کی انتہا پسند محبت نقطہ عروج کو جاپہنچی . اس نے اپنے گھر جھگڑے شروع کردیے اس کے والد ایک کٹر مذہبی اور دقیانوسی ذہنیت رکھتے تھے مجھے معلوم ہوا کہ اس کا والد اس پر شدید تشدد کرتا ہے ایک دن اسے معلوم ہوا کہ میں ایک جگہ پڑھاتا ہوں تو وہ وہاں اپہنچی اس نے سب کے سامنے میرے ہاتھ پکڑ لیا اور تب تک چھوڑنے سے انکار کردیا جب تک میں اس سے شادی کے لیے ہاں نہ کروں بڑی مشکل سے میں نے اور میری ایک کولیگ نے اسے سمجھایا اور وہاں سے وہ چلی گئی اور مجھے شدید سبکی کا سامنا کرنا پڑا . پھر میری گورنمنٹ جاب ہوگئ اور میں نے اپنے گاؤں کے سکول پڑھانا شروع کردیا . اس کے گھر والوں نے زبردستی اس کی شادی اس کے ایک رشتہ دار سے کردی مگر اس نے اس لڑکے کے ساتھ رہنے سے انکار کردیا . اس کے والد نے اس پر تشدد کیا اور اس کے گھر والوں نے اسے زبردستی اس کے سسرال بھجنے کی کوشش کی تو اس نے عدالت سے رجوع کرلیا اور عدالت نے اسے دارامان قصور بھجوادیا . دارامان قصور سے ایک دن مجھے ایک سائیکالوجسٹ کی کال موصول ہوئی جس نے مجھ سے کہا کہ وہ لڑکی اب انتہائی پریشان ہے اس کے گھر والے اسے چھوڑ چکے ہیں اور وہ صرف مجھ سے بات کرنا چاہتی ہے تو میں اس سے بات کرلوں مگر میں نے اس سے بات کرنے سے انکار کردیا سائیکالوجسٹ نے مجھے کہا کہ میں انسانیت کے ناطے اس کی مدد کروں مگر میں نے کہا کہ میں کسی انسانیت کو نہیں مانتا . ان دنوں میں کافی کم عمر اور کوتاہ فہم تھا جذبات میرے لیے اتنے اہم نہیں تھے اور پھر کافی عرصے تک مجھے اس کی خبر نہیں ملی مگر آج کئی سالوں بعد میں نے اسے دیکھاتو وہ ایک پاگل کے روپ میں اپنگ گھر کے باہر کھڑی تھی میری آنکھوں میں ہلکی سی نمی اتر آئی میرے دوست نے بتایا کہ یہ ان گلیوں میں گھومتی رہتی ہے اس کی والدہ کا انتقال ہوگیا ہے اور واد کہتا ہے کہ اس پر تعویز ڈلوائے گئے ہیں . اس لڑکی کے گھر والے بھی اس کا زیادہ خیال نہیں رکھتے کبھی کبھی اسے گھر میں زنجیر سے باندھ کر رکھا جاتا ہے میں اپنے دوست کی بات سن رہا تھا اور سوچ رہا تھا کہ کیا اب اس کا علاج کروایا جاسکتا ہے کیا یہ اب ٹھیک ہوسکے گی . کیا اس کے موجودہ حال کا ذمہ دار میں ہوں یا اس کے گھر والے یا پھر حالات . لیکن اب بھی میں صرف ترس اور رحم کے جذبات سے اسے سوچ رہا تھا . محبت شاید مجھے اس سے اب بھی نہیں تھی
لڑکی کانام میں نے دانستہ نہیں لکھا

19/10/2024

امن کے دور میں دشمن کو فراموش کرنا حماقت ہے

03/10/2024

پہاڑ کے چوٹی سے دھند اورایک بہادر کے سر سے مصیبتیں کبھی ختم نہیں ہوتی۔
چی گویرا 🥀