20/03/2026
آیت اللہ خامنہ ای کی جدوجہد اور نظریات ہمیشہ زندہ رہیں گے، ڈاکٹر اصغر مسعودی، ڈائریکٹر جنرل خانہ فرہنگ ایران لاہور
DAILY SAADAT LAHORE 18-3-26
آیت اللہ خامنہ ای ایک عظیم مفکر اور مدبر تھے جنہوں نے امتِ مسلمہ کے اتحاد اور بیداری کے لیے نمایاں کردار ادا کی،بانی صدر عثمان غنی
آیت اللہ خامنہ ای کی خدمات تاریخ میں سنہری حروف سے لکھی جائیں گی اور ان کی شہادت سے مسلم دنیا میں بیداری کی ایک نئی لہر پیدا ہوئی ہے، چیئرمین سید علی بخاری
آیت اللہ خامنہ ای کی شہادت پرلیڈرز میڈیا اوئیرنس فاﺅنڈیشن کے عہدیدران کا خانہ فرہنگ ایران لاہورمیں اظہارِ تعزیت
آیت اللہ خامنہ ای کی خدمات عالمِ اسلام کے لیے ایک روشن باب کی حیثیت رکھتی ہیں،سید انتظار حسین
(نعیم احمد )
آیت اللہ خامنہ ای کی جدوجہد عالمِ اسلام کے لیے مشعلِ راہ ہے: خانہ فرہنگ ایران لاہور میں سنئیر صحافیوں کی ڈائریکٹر جنرل ڈاکٹر اصغر مسعودی سے ملاقات
لاہور (نمائندہ خصوصی)لیڈرز میڈیا اوئیرنس فاو¿نڈیشن (رجسٹرڈ) کے عہدیدران نے ایران کے سپریم لیڈر آیت اللہ خامنہ ای کی المناک شہادت پر سینئر صحافی سید انتظار حسین کی قیادت میں خانہ فرہنگ ایران لاہور کے ڈائریکٹر جنرل ڈاکٹر اصغر مسعودی سے ملاقات کی اور گہرے دکھ و افسوس کا اظہار کیا۔سنئیر صحافیوں کے وفد نے مرحوم کے درجات کی بلندی اور امتِ مسلمہ کے اتحاد کے لیے خصوصی دعا بھی کی ۔
خانہ فرہنگ ایران لاہور کے ڈائریکٹر جنرل ڈاکٹر اصغر مسعودی نے کہا کہ آیت اللہ خامنہ ای کی جدوجہد اور نظریات ہمیشہ زندہ رہیں گے۔ ان کی علمی، فکری اور روحانی خدمات نہ صرف ایران بلکہ پوری مسلم دنیا کے لیے مشعلِ راہ ہیں اور ان کا پیغام اتحاد و اخوت ہمیشہ یاد رکھا جائے گا۔
اس موقع پروفد کے سربراہ سید انتظار حسین کا کہنا تھا کہ آیت اللہ خامنہ ای کی خدمات عالمِ اسلام کے لیے ایک روشن باب کی حیثیت رکھتی ہیں۔ انہوں نے اپنی زندگی امتِ مسلمہ کی وحدت اور مظلوم انسانیت کی حمایت کے لیے وقف کیے رکھی۔
لیڈرز میڈیا اوئیرنس فاو¿نڈیشن کے چیئرمین سید علی بخاری نے کہا کہ آیت اللہ خامنہ ای کی خدمات تاریخ میں سنہری حروف سے لکھی جائیں گی اور ان کی شہادت سے مسلم دنیا میں بیداری کی ایک نئی لہر پیدا ہوئی ہے۔
فاو¿نڈیشن کے بانی صدر عثمان غنی نے کہا کہ آیت اللہ خامنہ ای ایک عظیم مفکر اور مدبر تھے جنہوں نے امتِ مسلمہ کے اتحاد اور بیداری کے لیے نمایاں کردار ادا کیا۔ سینئر نائب صدر محمد نصیر الحق ہاشمی نے کہا کہ شہید رہنما کی تعلیمات ہمیں اتحاد، صبر اور استقامت کا درس دیتی ہیں۔ان کی جدوجہد آنے والی نسلوں کے لیے ایک مثال ہے اور ان کی شہادت سے ایرانی عوام کے حوصلے مزید بلند ہوئے ہیں۔جنرل سیکرٹری سید مصور علی زنجانی کے مطابق آیت اللہ خامنہ ای عالمِ اسلام کی ایک مضبوط آواز تھے جو ہمیشہ حق اور انصاف کے ساتھ کھڑے رہے ۔سیکرٹری اطلاعات مہر عبد الرو¿ف کا کہنا تھا کہ ایسے عظیم رہنما صدیوں میں پیدا ہوتے ہیں اور ان کی خدمات ہمیشہ تاریخ کا حصہ رہیں گی۔ فاو¿نڈیشن کے جوائنٹ سیکرٹری اعجاز احمد اعجاز نے کہا کہ آیت اللہ خامنہ ای نے اپنی زندگی مظلوم اقوام کے حقوق کے لیے وقف کیے رکھی۔ایگزیکٹو ممبر علی عرفان جاوید نے کہا کہ آج کے دور میں امتِ مسلمہ کو درپیش چیلنجز کا مقابلہ صرف اتحاد، شعور اور باہمی تعاون سے ہی ممکن ہے۔ملاقات کے آخر میں ڈپٹی ڈائریکٹر ہمدرد لاہور سیدعلی بخاری کی طرف سے ڈائریکٹر جنرل ڈاکٹر اصغر مسعودی کویاد گاری شیلڈ بھی دی گئی۔ خانہ فرہنگ ایران لاہور کے ڈائریکٹر جنرل ڈاکٹر اصغر مسعودی سے ملاقات میں سینئر صحافی سید انتظار حسین ،لیڈرز میڈیا اوئیرنس فاو¿نڈیشن کے عہدیدرانچیئرمین سید علی بخاری، بانی صدر عثمان غنی، سینئر نائب صدر محمد نصیر الحق ہاشمی، جنرل سیکرٹری سید مصور علی زنجانی، سیکرٹری اطلاعات مہر عبدالروف، جوائنٹ سیکرٹری اعجاز احمد اعجاز، ایگزیکٹو ممبر علی عرفان جاوید شامل تھے۔
