22/01/2026
یہ چوری تھوڑی مہنگی پڑ گئی!
کچھ روز پہلے راجستھان کے شہر کوٹا میں ایک چور نے سوچا کہ آج رات قسمت آزمائی جائے۔ مگر شاید وہ یہ بھول گیا تھا کہ چوری صرف ہنر کا نہیں، عقل کا بھی کھیل ہے۔
صاحب موصوف نے چوری کرنے کے بعد فرار ہونے کے لیے جس راستے کا انتخاب کیا، وہ کوئی دروازہ یا کھڑکی نہیں بلکہ باورچی خانے کے ایگزاسٹ فین والا سوراخ تھا۔ جی ہاں، وہی چھوٹا سا سوراخ جہاں سے صرف دھواں ہی عزت سے نکل سکتا ہے۔
چور صاحب نے خود کو اس سوراخ میں گھسیڑنے کی بھرپور کوشش کی، مگر قسمت کا کھیل کچھ اور تھا۔ آدھا جسم اندر، آدھا باہر، اور سارا کا سارا تماشا محلے والوں کے لیے تیار تھا۔ نا جانے کتنی دیر لٹکا رہا، حالت غیر ہو گئی ، شور مچا، لوگ جمع ہوئے، اور کسی نے ویڈیو بھی بنائی۔ کچھ ہنسے، کچھ حیران ہوئے، اور پولیس نے موقع پر پہنچ کر اسے بڑی مشکل سے نکالا۔
باہر آتے ہی چور کی حالت ایسی تھی جیسے لمبی نیند کے بعد کوئی شخص اندھیرے کمرے سے نکلے اور روشنی سے آنکھیں چندھیا جائیں۔
محلے والوں نے پولیس کی مدد سے مل کر اُسے نکالا، کوئی پاؤں کھینچ رہا تھا، کوئی بازو تھام رہا تھا، اور بہت سے لوگ تو بس اس کی اس کی حرکت پر عجیب عجیب سے جملے کس رہے تھے۔
بہرحال آخری اطلاع کے مطابق اس عقلمند چور کو حوالات میں بند کیا گیا اور مالک مکان نے اس جگہ پر سلاخیں لگوا دیں۔
ویسے آپ کیا کہیں گے اس چور کے بارے میں؟
پوسٹ اچھی لگے تو لائک اور شیئر ضرور کیجئے۔
