Daily Hadith-e-Nabvi

Daily Hadith-e-Nabvi May Allah Guide Us on the Way of ISLAM.

14/01/2026

*چھوٹی نیکی بڑا انعام!*
رسول اللّٰہﷺ نے فرمایا ایک شخص راستے پر چلا جا رہا تھا اس نے راستے پر ایک کانٹے دار ٹہنی دیکھی تو اسے (ایک طرف) ہٹا دیا اللّٰہ تعالیٰ نے اسے اس کا انعام دیا تو اس کی بخشش فرما دی
(صحیح مسلم:6669)

11/01/2026

*لڑکیوں کے لیے مختصر مگر قیمتی نصیحتیں:*

1. اپنی عزت سب سے پہلے رکھو، دنیا کی کوئی چیز اس سے قیمتی نہیں۔
2. لباس، گفتار اور کردار… تینوں میں حیا کو اپنا زیور بناؤ۔
3. سوشل میڈیا کی دنیا میں حد سے زیادہ نہ کھو، اصل زندگی تمہارےگھر اور دین سے جڑی ہے۔
4. تعلیم حاصل کرو، لیکن دین کو کبھی پیچھے نہ چھوڑو، یہی تمہاری اصل پہچان ہے۔

اللہ تمہیں دین و دنیا کی کامیابیاں عطا فرمائے، آمین۔

صحیح بخاری 2070
05/01/2026

صحیح بخاری 2070

23/12/2025

حضرت ابوہریرہ ؓ بیان کرتے ہیں ، رسول اللہ ﷺ نے فرمایا :’’ جب امام ’’ سمع اللہ لمن حمدہ ‘‘ کہے تو تم کہو :’’ اللھم ربنا لک الحمد ‘‘ کیونکہ جس کا یہ قول فرشتوں کے قول کے موافق ہو گیا تو اس کے سابقہ گناہ بخش دیے جائیں گے ۔‘‘
متفق علیہ ۔

22/12/2025

*بخل وحوس کی تباہی!*
رسول اللّٰہﷺ نے فرمایا ظلم سے بچو کیونکہ ظلم قیامت کے دن (دلوں پر چھانے والی) ظلمتیں ہوں گی بخل اور ہوس سے بچو کیونکہ تم سے پہلے لوگوں کو بخل و ہوس نے ہلاک کر دیا اسی نے ان کو اکسایا تو انہوں نے اپنے (ایک دوسرے کے) خون بہائے اور اپنی حرمت والی چیزوں کو حلال کر لیا
(صحیح مسلم:6576)

21/12/2025

*ایک دوسرے پر ظلم نا کرو!*
رسول اللّٰہﷺ نے فرمایا اللّٰہ تعالیٰ نے فرمایا میں نے اپنے اوپر اور اپنے بندوں پر ظلم کو حرام کر دیا ہے لہٰذا ایک دوسرے پر ظلم نہ کرو
(صحیح مسلم:6575)

14/12/2025

*اخوت اور پاکیزہ دل!*
رسول اللّٰہﷺ نے فرمایا اللّٰہ تعالیٰ تمہاری صورتوں اور تمہارے اموال کی طرف نہیں دیکھتا لیکن وہ تمہارے دلوں اور اعمال کی طرف دیکھتا ہے
(صحیح مسلم:6543)

09/12/2025

*برائی کا بدلہ بھلائی سے!*
ایک شخص نے عرض کی اللّٰہ کے رسول میرے (بعض) رشتہ دار ہیں میں ان سے تعلق جوڑتا ہوں اور وہ مجھ سے تعلق توڑتے ہیں میں ان کے ساتھ نیکی کرتا ہوں اور وہ میرے ساتھ برائی کرتے ہیں میں بردباری کے ساتھ ان سے درگزر کرتا ہوں اور وہ میرے ساتھ جہالت کا سلوک کرتے ہیں آپﷺ نے فرمایا اگر تم ایسے ہی ہو جیسے تم نے کہا ہے تو تم ان کو جلتی راکھ کھلا رہے ہو اور جب تک تم اس روش پر رہو گے ان کے مقابلے میں اللّٰہ کی طرف سے ہمیشہ ایک مددگار تمہارے ساتھ رہے گا
(صحیح مسلم:6525)

03/12/2025

*والد کے دوستوں سے حسن سلوک!*
نبیﷺ نے فرمایا اپنے والد کے ساتھ سب سے بڑا نیک سلوک یہ ہے کہ انسان اس شخص سے بھی بہت اچھا سلوک کرے جس کے ساتھ اس کے والد کا محبت کا رشتہ تھا
(صحیح مسلم:6514)

27/11/2025

*انسان کی پیدائشی فطرت!*
رسول اللّٰہﷺ نے فرمایا ہر پیدا ہونے والا بچہ فطرت (اللّٰہ پر ایمان اور اچھائی کی محبت) پر پیدا ہوتا ہے پھر اس کے ماں باپ اس کو یہودی نصرانی اور مجوسی بنا دیتے ہیں جیسے ایک جانور (ماں) کامل الاعضاء جانور (بچے) کو جنم دیتی ہے کیا تمہیں ان میں کوئی عضو کٹا ہوا جانور نظر آتا ہے؟
پھر حضرت ابوہریرہؓ کہتے تھے تم چاہو تو یہ آیت پڑھ لو یہی اللّٰہ کی (عطا کردہ) فطرت ہے جس پر اس نے لوگوں کی تخلیق فرمائی اللّٰہ کی تخلیق میں ردوبدل نہیں ہوتا
(صحیح مسلم:6755)

26/11/2025

*دل اللّٰہ کے اختیار میں!*
رسول اللّٰہﷺ نے فرمایا بنی آدم کے سارے دل ایک دل کی صورت میں اللّٰہ تعالیٰ کی انگلیوں میں سے دو انگلیوں کے درمیان ہیں وہ جس طرح چاہتا ہے اسے (ان سب کو) گھماتا ہے اس کے بعد رسول اللّٰہﷺ نے (دعا کرتے ہوئے) فرمایا اے اللّٰہ اے دلوں کو پھیرنے والے ہمارے دلوں کو اپنی اطاعت پر پھیر دے
(صحیح مسلم:6750)

23/11/2025

*نیکی کے بانی کا دائمی اجر!*
رسول اللّٰہﷺ نے فرمایا جس نے اسلام میں کسی اچھے کام کی ابتدا کی اور اس کے بعد اس پر عمل ہوتا رہا اس کے لیے (ہر) عمل کرنے والے (کے اجر) جتنا اجر لکھا جاتا رہے گا اور ان (بعد میں عمل کرنے والوں) کے اجر میں کوئی کمی نہیں ہو گی اور جس نے اسلام میں کسی برے کام کا آغاز کیا تو اس کے بعد اس پر عمل ہوا تو اس پر اس (برے کام) پر عمل کرنے والوں جتنا گناہ لکھا جاتا رہے گا اور ان کے گناہوں میں کسی چیز کی کمی نہ ہو گی
(صحیح مسلم:6800)

Address

Lahore

Website

Alerts

Be the first to know and let us send you an email when Daily Hadith-e-Nabvi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category