21/08/2026
12 ربیع الاول کے حوالے سے پرنٹ اینڈ الیکٹرانک میڈیا کا ہنگامی اجلاس، آئندہ کا لائحہ عمل تیار
ساہیوال(رانا عمران بوبی) پرنٹ اینڈ الیکٹرانک میڈیا کا ہنگامی اجلاس زیرِ صدارت رانا وحید منعقد ہوا، جس میں تنظیم کے آئندہ کے لائحہ عمل اور مختلف امور پر تفصیلی مشاورت کی گئی۔ اجلاس میں سرپرست ملک آصف نواز اعوان۔ رانا سلیم، سید علمدار حسین زیدی، شیخ محمد نعیم پراچہ،جاوید خان۔ سلیم اللہ وراہ، انفارمیشن سیکرٹری حارث شاہ گیلانی، عمران زمان، رانا عمران بوبی، میاں علی رضا، حافظ علی حسن قصوری سمیت دیگر صحافیوں نے شرکت کی۔
اجلاس سے خطاب کرتے ہوئے صدر رانا وحید نے کہا کہ پرنٹ اینڈ الیکٹرانک میڈیا ہمیشہ کی طرح مظلوم اور پسے ہوئے طبقات کی آواز بلند کرتا رہے گا اور عوامی مسائل و شکایات کو حکامِ بالا تک پہنچانے میں اپنا کردار ادا کرے گا۔
انہوں نے کہا کہ آئندہ چند دنوں میں پرنٹ اینڈ الیکٹرانک میڈیا کی باڈی کو مکمل کرکے باضابطہ طور پر اعلان کر دیا جائے گا۔ ان کا کہنا تھا کہ ان شاء اللہ ماضی کی روایات کو برقرار رکھتے ہوئے ساہیوال میں مثبت، خوبصورت اور صحافتی و ادبی سرگرمیوں سمیت مشاعروں کا بھی اہتمام کیا جائے گا۔
رانا وحید نے واضح کیا۔ تنظیم کا مقصد مثبت، ذمہ دار اور حقائق پر مبنی صحافت کو فروغ دینا ہے۔ انہوں نے کہا کہ ریاست کے چوتھے ستون کا علم ہمیشہ بلند رکھا جائے گا اور عوامی مسائل کو حقائق کی بنیاد پر ضلعی انتظامیہ اور متعلقہ حکام تک پہنچایا جائے گا۔
اجلاس کے شرکاء نے اس عزم کا اظہار کیا کہ صحافتی اقدار، مظلوم کی آواز اور عوامی حقوق کے تحفظ کے لیے متحد ہو کر اپنا کردار ادا کیا جائے گا.
