21/05/2026
ہمدرد فری موبائل ڈسپنسری یونٹ کی 25 سالہ خدمات پر شاندار تقریب کا انعقاد،
DAILY SAADAT LAHORE 21-5-26
شہید حکیم محمد سعید کا مشن آج بھی جاری، دکھی انسانیت کی خدمت عبادت ہے ،مجیب الرحمٰن شامی
شیخ مسرور رفیع
ڈپٹی ایڈیٹر ماہنامہ دھمک لاہور
(خصوصی رپورٹ)
ادارہ ہمدرد کی موبائل فری ڈسپنسریاں ملک بھر میں دکھی انسانیت کی خدمت کے لیے بھرپور اور فعال کردار ادا کر رہی ہیں،سید علی بخاری
تقریب سے علامہ غلام شبیر فاروقی، حکیم قاری محمد یاسین، سید مصور زنجانی اور دیگر نے بھی خطاب کیا، جبکہ نظامت کے فرائض مہر عبدالرو¿ف نے احسن طریقے سے انجام دیے۔اس موقع پر ٹاون شپ کی معروف سماجی شخصیت مہر عبدالروف کو علاقہ ٹاو¿ن شپ میں ہمدرد موبائل فری ڈسپنسری کے انتظامی امور میں خصوصی تعاون پر یادگاری شیلڈ پیش کی گئی
ہمدرد کی موبائل فری ڈسپنسریاں لاہور سمیت پنجاب کے دیگر شہروں،خیبر پختونخوا، سندھ، بلوچستان اور آزاد کشمیر کے مختلف علاقوں میں خدمات انجام دی رہی ہیں ،محمد نصیر الحق ہاشمی، صدر لیڈرز میڈیا اوئیرنس فاﺅنڈیشن فاﺅنڈیشن.....................
معروف تجزیہ نگار، چیف ایڈیٹر روزنامہ پاکستان لاہور محترم مجیب الرحمٰن شامی نے کہا ہے کہ ہمدرد فری موبائل ڈسپنسری دراصل خدمتِ انسانیت کا ایک خوبصورت اور عملی نمونہ ہے۔ طبیب آتے ہیں، مریضوں کا معائنہ کرتے ہیں اور شہر کے مختلف پسماندہ علاقوں میں جا کر دکھی انسانیت کی خدمت انجام دیتے ہیں وہ گزشتہ روز لیڈرز میڈیا اوئیرنس فاﺅنڈیشن کے زیر اہتمام ہمدرد فری موبائل ڈسپنسری ٹاو¿ن شپ یونٹ کی 25 سالہ مسلسل خدمات کے حوالے سے منعقدہ" سلور جوبلی" تقریب سے خطاب کر رہے تھے۔ مجیب الرحمٰن شامی صاحب کا مزید کہنا تھا یہ سب دراصل شہید حکیم محمد سعید کا صدقہ جاریہ ہے جنہوں نے انسانیت کی خدمت کا جو چراغ روشن کیا تھا، آج ان کی صاحبزادی محترمہ سعدیہ راشد اور ان کے رفقاءاسی جذبے کے ساتھ اس مشن کو آگے بڑھا رہے ہیں۔ دعا ہے کہ اللہ تعالیٰ انہیں مزید ہمت، اخلاص اور توفیق عطا فرمائے مجیب الرحمٰن شامی صاحب کا مزید کہنا تھا یہ خدمت کسی ایک طبقے یا علاقے تک محدود نہیں بلکہ ہر اس انسان کے لیے ہے جو ضرورت مند ہے۔ قرآنِ پاک میں مخلوقِ خدا کی خدمت کو اللہ کا قرب قرار دیا گیا ہے۔ جب ہم انسانیت کی خدمت کرتے ہیں تو دراصل اللہ کی رضا اور قرب حاصل کرنے کی کوشش کرتے ہیں اور اس سے بڑی سعادت کوئی نہیں۔ انہوں نے مزید کہا کہ وہ گزشتہ کئی برسوں سے ہمدرد سے وابستہ احباب کو مسلسل خدمتِ خلق میں مصروف دیکھ رہے ہیں۔ کبھی مریضوں کا علاج، کبھی آگاہی مہمات، حقیقت یہ ہے کہ خدمتِ خلق کا یہ سفر ختم ہونے والا نہیں، کیونکہ معاشرے میں ضرورتیں بڑھ رہی ہیں، بیماریوں میں اضافہ ہو رہا ہے ، ایسے میں انسانیت کی خدمت کرنے والے لوگ معاشرے کے لیے امید کی کرن ہیں۔انہوں نے دعا کی کہ اللہ تعالیٰ ہم سب کو اپنے اپنے حصے کا کام دیانت داری اور اخلاص کے ساتھ انجام دینے کی توفیق عطا فرمائے اور پاکستان کو وباو¿ں، بیماریوں اور ہر قسم کی آفات سے محفوظ رکھے۔تقریب سے چیئرمین اسٹینڈنگ کمیٹی پلاننگ اینڈ ڈویلپمنٹ و ممبر صوبائی اسمبلی ملک شہباز علی کھوکھر ایڈووکیٹ نے خطاب کرتے ہوئے کہا کہ محترمہ سعدیہ راشد، سید علی بخاری اور ان تمام رفقائے کار کا دل کی گہرائیوں سے شکریہ اداکرتے ہیں جو اس کارِ خیر کو مسلسل آگے بڑھا رہے ہیں۔ انہوں نے کہا کہ جب بھی ادارہ ہمدرد انہیں یاد کرتا ہے تو وہ اپنی حاضری کو اعزاز سمجھتے ہیں۔ دعا ہے کہ اللہ تعالیٰ اس خدمت کو قبول فرمائے اور اسے جاری و ساری رکھے۔
سید علی بخاری نے کہا کہ ادارہ ہمدرد کی موبائل فری ڈسپنسریاں ملک بھر میں دکھی انسانیت کی خدمت کے لیے بھرپور اور فعال کردار ادا کر رہی ہیں۔ انہوں نے کہا کہ ان تمام خدمات کا تسلسل شہید حکیم محمد سعید کا وژن ہے جنہوں نے ایک ایسے صحت مند اور بیماریوں سے پاک معاشرے کا خواب دیکھا تھا جہاں ہر ضرورت مند کو بلا امتیاز علاج اور طبی سہولیات میسر ہوں۔ انہوں نے کہا کہ آج ہمدرد اسی مشن کو اخلاص اور خدمت کے جذبے کے ساتھ آگے بڑھا رہا ہے۔
۔لیڈرز میڈیا اوئیرنس فاﺅنڈیشن فاﺅنڈیشن کے صدر محمد نصیر الحق ہاشمی نے تقریب سے خطاب کرتے ہوئے کہا کہ ہمدرد کی موبائل فری ڈسپنسریاں لاہور سمیت پنجاب کے دیگر شہروں،خیبر پختونخوا، سندھ، بلوچستان اور آزاد کشمیر کے مختلف علاقوں میں خدمات انجام دی رہی ہیں جہاں سے روزانہ ہزاروں کی تعداد میں مریض مستفید ہوتے ہیں، یہ وہ قومی خدمت ہے جس پر ادارہ ہمدرد مبارکباد کا مستحق ہے۔تقریب سے علامہ غلام شبیر فاروقی، حکیم قاری محمد یاسین، سید مصور زنجانی اور دیگر نے بھی خطاب کیا، جبکہ نظامت کے فرائض مہر عبدالرو¿ف نے احسن طریقے سے انجام دیے۔اس موقع پر ٹاون شپ کی معروف سماجی شخصیت مہر عبدالروف کو علاقہ ٹاو¿ن شپ میں ہمدرد موبائل فری ڈسپنسری کے انتظامی امور میں خصوصی تعاون پر یادگاری شیلڈ پیش کی گئی۔
تقریب میں معززین علاقہ سمیت مریضوں کی ایک بڑی تعداد بھی شریک ہوئی۔
آج ہمدرد فاونڈیشن پاکستان کی جانب سے مجھے ٹاو¿ن شپ لاہور میں ہمدرد فاونڈیشن کے تعاون سے انسانیت کی خدمت پر *شہیدِ پاکستان حکیم محمد سعید ایوارڈ* سے نوازا گیا۔ یہ اعزاز میرا نہیں، *ٹاو¿ن شپ* کے ان تمام لوگوں کا ہے جن کی دعاو¿ں اور محبت سے اللہ نے مجھے عزت بخشی۔ خصوصی شکریہ: - *جناب مجیب الرحمٰن شامی صاحب* چیف ایڈیٹر روزنامہ پاکستان۔- *ملک شہباز احمد کھوکھر صاحب* ممبر پنجاب اسمبلی ۔۔۔سید علی بخاری صاحب* ڈپٹی ڈائریکٹر، ہمدرد فاو¿نڈیشن پاکستان ۔محمد نصیر الحق ہاشمی صاحب صدر لیڈرز میڈیا اوئیرنسفاو¿نڈیشن پاکستان۔علامہ غلام شبیر فاروقی صاحب اور سیاسی و سماجی شخصیات کی کثیر تعداد ۔جنہوں نے میری خدمات کو سراہا اور اپنے بیانات میں حوصلہ افزائی فرمائی۔ اللہ ہمیں خلقِ خدا کی خدمت کی توفیق دے۔ آمین۔
مہر عبدالروف (صدارتی ایوارڈ یافتہ)ماہر تعلیم و سینئر جرنلسٹ۔ایکس جنرل کونسلر و کوآرڈینیٹر ایجوکیشن ڈیپارٹمنٹ
DAILY SAADAT LAHORE 21-5-26
( SAADAT INTERNATIONAL GROUP OF PUBLICATION (SINCE 1937)
