Ahsan Emre Lahori

Ahsan Emre Lahori Here You Will Find All Poetries which are belong to Ahsan Emre Lahori

22/03/2024

اُچا بول نا بولیں بندیا
راز ناں دل دے کھولیں بندیا

حق دے رستے ٹردا جا توں
نا مشکل ویلے ڈولیں بندیا

ہر اک دے نیں وکھرے سپنے
راہ سب دے نیں اپنے اپنے

کسے تے بوہتا بھار نا پاویں
نا کسے نوں بوہتا تولیں بندیا

سجن بنا کے چھوڑ نا جاویں
نا ہور کسے نوں دکھ پچاویں

نا مٹھیاں مٹھیاں گلاں کرکے
ہور کسے نوں رولیں بندیا

ہر دل اندر وکھریاں باتاں
وکھریاں وکھریاں دسدیاں ذاتاں

کسے دے گھر وچ چات نا ماریں
نا عیب کسے دے پھولیں بندیا

احسن ایمرے لاہوری

22/03/2024

اک نعرہ مستانہ اک نعرہ مستانہ
اک نعرہ مستانہ اک نعرہ مستانہ

اک ہیر کا جوگی ہے پیر وارث شاہ رح
اک عشق میں روگی ہے ۔ مولانا جلال الدین رومی رح
اک عجب ہے پیمانہ ۔ شاہ شمس تبریز رح

اک نعرہ مستانہ اک نعرہ مستانہ
اک نعرہ مستانہ اک نعرہ مستانہ

اک ہو کا نعرہ ہے ۔ حضرت سلطان باہو رح
اک حق کا نعرہ ہے ۔ حضرت منصور خلاج رح
اک یار کا دیوانہ ۔ حضرت بابا بلھے شاہ رح

اک نعرہ مستانہ اک نعرہ مستانہ
اک نعرہ مستانہ اک نعرہ مستانہ

اک فیض پھیلاتا ہے ۔ حضرت داتا علی ہجویری رح
اک بت کو چلاتا ہے ۔ حضرت خواجہ معین الدین چشتی اجمیری رح
اک شکر کھلاتا ہے ۔ حضرت بابا گنج شکر رح
اک یار کا میخانہ ۔ حضرت خواجہ فرید رح

اک نعرہ مستانہ اک نعرہ مستانہ
اک نعرہ مستانہ اک نعرہ مستانہ

کلام احسن ایمرے

22/03/2024

پڑھ کے أسْتَغْفِرُ اللهَ رَبي مِنْ كُلِ ذَنبٍ
کرئیے دور تکبر دی لعنت ملاں

لا اللہ الا اللہ پڑھ کے تے
مکائیے اندروں شرک دی خیانت ملاں

کینہ بغض حسد توں بچئے جی
رکھیے پاک اللہ دی امانت ملاں

کرئیے رحم رحیم دی خلقت تے
ملے فیر رحم دی ضمانت ملاں

کیویں آکھے برا کسے ہور نوں او
جس دل وچ رب دی چاہت ملاں

چاہے مل جائے سارا جہان احسن
پر زکر اللہ وچ راحت ملاں

احسن ایمرے لاہوری

22/03/2024

اک میلہ لایا رب نے
اوتھے سجدہ کیتا سب نے

اک سجدہ کرن توں عاری سی
اوہنوں سجدہ کرنا بھاری سی

اوہنے رب اگے ناں کیتی سی
اوہدے اندر بھری پلیدی سی

اوہنے ڈھیر نمازاں پڑھیاں سن
پر عشق نماز نہ نیتی سی

جیہڑا نفس دی گل سنیندا اے
او خالی ہتھ ملیندا اے

جدوں مٹی تھلے جاندا اے
اوہدوں روندا تے کُرلاندا اے

جیہڑا نفس تو دوری پاندا اے
اوہی یار دے رستے جاندا اے

جو یار دی گل سنیندا احسن
او سیج پھلاں دی پاندا اے

احسن ایمرے لاہوری

22/03/2024

بول فقیرا بول فقیرا بول فقیرا بول فقیرا

بلھے شاہ دے در تے جا کے
یار دا سوہا چولا پا کے
رنگ برنگی رنگ چڑھا کے
گل وچ پا کے ڈھول فقیرا
بول فقیرا بول فقیرا بول فقیرا بول فقیرا

وارث شاہ دے در تے جا کے
ہیر دا اگلا بیت سنا کے
کیس ودا کے ننگے پیری
سارے دکھڑے پھول فقیرا
بول فقیرا بول فقیرا بول فقیرا بول فقیرا

عشق دی مالا گل وچ پا کے
عشق دے گنگرو پیری پا کے
اپنی ہستی آپ مٹا کے
آپ نوں تکڑی تول فقیرا
بول فقیرا بول فقیرا بول فقیرا بول فقیرا

عشق دا کلمہ یار پڑھایا
منصور نوں سولی یار چڑھایا
مرشد دے بن احسن ایمرے
تیرا کوئی نئی مول فقیرا
بول فقیرا بول فقیرا بول فقیرا بول فقیرا

احسن ایمرے لاہوری

22/03/2024

شان صحابہ و اہل بیت

حضرت ابوبکر عمر دی ۔ شان اُچی
تے ذلنورین لقب عثمان دا جی
مومن من دا ابوبکر عمر عثمان علی نوں
تے نا مننا کم شیطان دا جی

حضرت علی خدا دے شیر ہوئے
اتے ولیاں دے سردار نے جی
نئی ہور کوئی اُس جیسا ہویا
تے او حق دے علمبردار نے جی

حضرت علی دے دونویں شیر پتر
دونویں جنت دے سردار نے جی
جیڑے حسن حسین نوں حق من دے
اوہی جنت دے حقدار نے جی

جناں رکھیا بغض نال آل نبی دے
او ہی احسن گنہگار ہوئے
تے جیہڑے خادم ہوئے آل نبی دے
اوہی جنت دے حقدار ہوئے

احسن ایمرے لاہوری

22/03/2024

اول حمد خداوند تائیں ۔ تو ہی سب دا سائیں
ہر ہر دا رکھوالہ آپو ۔ میں تے کرم کمائیں

درد منداں نوں درد ستاوے ۔ اتے ستیاں آن جگاوے
درد منداں دا توں درماندا ۔ سب دے درد مٹاوے

مولا میریا رحمت کر دے ۔ میری اے جولی خالی
سب دی جھولیاں توں بھرنا ایں ۔ بھردے جھولی خالی

پتھر دے وچ کیڑے پالیں ۔ توں سب دا رکھوالہ
یاری تیری سچی مولا ۔ توں ہے سب توں اعلی

احسن ایمرے لاہوری

22/03/2024

اکو تیری آس خدایا تے تو ہی سب دا سنگی
ہر مشکل وچ مدد کریں توں تے تیری سنگت چنگی

میں غافل مغرورا جھوٹا تے میں غرضاں دا مارا
بخش دیویں میری سارے گناہاں تے تو ایں بخشن ہارا

میں مٹی دا کچا بھانڈا تے عمل وی میرے کچے
تو رحمت دا وعدہ کیتا تے تیرے وعدے سچے

او گڈی نا اچی اڈی جدی پکی ڈور نا ہووے
کچی ڈور تے اڈھن والا تھلے ڈگیا رووے

تیز ہوا وچ کنی کھاوے جدی تانگ اناڑی پاوے
اوہی گڈی اچی اڈی جنوں مرشد آپ اڑاوے

احسن ایمرے لاہوری

22/03/2024

نعت رسول پاک

کدھی ساڈے گھر تشریف لیا او
سانوں اپنا کلمہ آپ پڑھا او

تسی سارے جہاناں دے مالک ہو
سانوں اپنا آپ غلام بنا او

سانوں اندروں باہروں صاف کرو
ساڈے اتے اپنا رنگ چڑھا او

کدھی ساڈے گھر تشریف لیا او
سانوں اپنا کلمہ آپ پڑھا او

ساڈے اتے مولا کرم کرو
ساڈے دل دا سارا کفر مٹا او

اسی ترسدے ہاں تہاڈے دیدار دے لئی
سانوں اپنا آپ دیدار کرا او

کدھی ساڈے گھر تشریف لیا او
سانوں اپنا کلمہ آپ پڑھا او

اسی رب دا نور ویکھنا اے
سانوں سوہنا مکھڑا آن دکھا او

کدھی ساڈے گھر تشریف لیا او
سانوں اپنا کلمہ آپ پڑھا او

احسن ایمرے لاہوری

22/03/2024

اے گل مرشد نے دسی اے
اے دنیا وانگ اک چکی اے
او ایندے وچ پس جاندا اے
جیہڑا یاری لاندا پکی اے

یہی سبق پڑھایا مرشد نے
یہی سبق اسی بس پڑھیا اے
اسی کلمہ پڑھیا مرشد دا
دل مرشد نال ہی اڑیا اے

مرشد دی گل اچی گل اے
مرشد دی گل سچی گل اے
مرشد ایسا کرم کمایا
میرے اندر باہر رچی گل اے

مرشد دی رب موڑدا نئی
کیتا وعدہ کدھی او تورڈا نئی
جندی باں پھڑدا لیندا اک واری
انہوں وچ رستے کدھی چھوڑ دا نئی

اے گل مرشد نے دسی اے
اے دنیا وانگ اک چکی اے
نا ایندے نال توں دل لاویں
اے یاری لاندی کچی اے

کلام احسن ایمرے لاہوری

22/03/2024

نعت رسول پاک

اینج نظر ے کرم فرما سوہنیا
سارے غماں ںوں توں میریاں مٹا سوہنیا

کالے بدلاں نوں جند چوں ہٹا سوہنیا
کالی کملی دا جلوا کرا سوہنیا

میں تاں ڈب گئی وچ ہاں گناہاں سوہنیا
تیری منگتی ہاں مینوں ترا سوہنیا

میرے لباں تے ہے بس تیرا ناں سوہنیا
تیرا کلمہ صدا میں پڑھاں سوہنیا

ایہی رب کولوں منگا میں دعا سوہنیا
تیرا ورد کراں میں صدا سوہنیا

احسن ہتھ چکے ایہی تے پکارے سوہنیا
تیرے عاشقاں دی راہاں تے چلا سوہنیا

احسن ایمرے لاہوری

22/03/2024

کلام احسن ایمرے لاہوری

الف اللہ رب دا نام لئی
جیہڑا سارے جگ دا مالک اے

کوئی اپنے آپ نئی جم سکدا
او ہی ہر اک شے دا خالق اے

میرا رب ہر مخلوق نوں رزق دیندا
نئی مومن مشرک وچ فرق کریندا

ایہی سچے رب دی شان ہے احسن
او ہی ہر اک دا رازق اے

میرا رب چاہے جنوں مار دیوے
کوئی اوہنوں کدھے نئی مار سکدا

نا کوئی رب توں جت سکدا
نا رب کسے توں ہار سکدا

Address

Lahore
54000

Website

Alerts

Be the first to know and let us send you an email when Ahsan Emre Lahori posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ahsan Emre Lahori:

Shortcuts

Share

Category