05/08/2026
لاہور نشتر کالونی میں مبینہ پولیس گردی، چھاپے کی ویڈیو پر سوالات اٹھ گئے
لاہور کے علاقے نشتر کالونی میں پولیس کے ایک چھاپے کی ویڈیو سوشل میڈیا پر وائرل ہونے کے بعد شہریوں میں تشویش پائی جا رہی ہے۔ اہلِ خانہ کا دعویٰ ہے کہ کارروائی کے دوران خواتین اور بچوں سے نامناسب رویہ اختیار کیا گیا، چادر و چار دیواری کے تقدس کو پامال کیا گیا، جبکہ چھاپے میں کوئی لیڈی پولیس اہلکار بھی موجود نہیں تھی۔
پولیس کا مؤقف ہے کہ کارروائی مبینہ اسلحہ نمائش کی اطلاع پر کی گئی، تاہم ویڈیو میں نظر آنے والے سادہ لباس شخص کی موجودگی اور کارروائی کے طریقہ کار پر سوالات اٹھائے جا رہے ہیں۔ اگر اہلِ خانہ کے الزامات درست ثابت ہوتے ہیں تو یہ معاملہ پولیس کے طرزِ عمل اور شہریوں کے بنیادی حقوق کے حوالے سے سنگین نوعیت اختیار کر سکتا ہے۔
عوامی حلقے مطالبہ کر رہے ہیں کہ واقعے کی شفاف تحقیقات کر کے حقائق سامنے لائے جائیں اور اگر کسی قسم کی بے ضابطگی یا اختیارات کا ناجائز استعمال ہوا ہے تو ذمہ داروں کے خلاف قانون کے مطابق کارروائی کی جائے۔
