Ravian's Voice

29/03/2025

احمد نورانی صاحب نے جب فیکٹ فوکس پر بلاسفیمی کے گروہ کو بے نقاب کیا جو ملک کے طول و عرض میں نوجوانوں کو نشانہ بنا رہا تھا۔ جہاں چند لوگوں کے معاشی چولہوں میں معصوم لوگوں کے ارمان جل رہے تھے کسی ضعیف باپ کی امید پر توہین کا ہتھوڑا چل رہا تھا تو کہیں ممتا سے استقامت کا بلیدان اپنے مذموم مقاصد کے لئے لیا جا رہا تھا۔ جتھے کے جذبات کو اشتعال کی آنچ پر بھڑکانے والے لوگوں کے لئے توہین سے اچھا کاروبار کوئی نہیں ہو سکتا۔

             چار جنوری 2011 کی اداس شام یاد کے حجرے میں ہمیشہ کے لئے مقید ہو گئی۔ سوریا کے انگارے زمستانی موسم کی لپیٹ میں تھے، اندھیرے کا فتور یخ بستہ ہواؤں سے لبریز ت...

15/07/2024

15/07/2024

مفلسی وہ واحد مسلک ہے جس میں آپ بھوکے کے سامنے محرم کی نیاز، رجب کے کونڈے، داتا دربار کا لنگر یا ربیع الاوّل کی شرینی بھی رکھیں گے تو وہ چپ چاپ کھا جائے گا۔

ع-ل

11/05/2023

خوشی منانے کا کوئ مقام نہیں ہے۔ نہ تحریک انصاف کے مخالفین کے لیے نہ حامیوں کے لیے۔ مذاق اڑانے کا بھی کوئ محل نہیں ہے۔ یہ بات جتنی جلدی سمجھ لی جائے، بہتر ہے۔

معاشرے میں بڑھتی ہوئی خلیج صرف خون سے بھری جائے گی اگر اسے اور وسیع ہونے دیا گیا۔ یہ وہ وقت ہے جب سول سپریمسی، انکلوزیونیس ، ایمپتھی، سینسیٹیوٹی اور ڈائیورسٹی کا اصل مطلب اور اس کا درست احترام سیکھنا ہو گا۔ تشدد کی نفسیات کا علاج اس کے مذاق میں پوشیدہ نہیں ہوتا۔

یاد رکھنے والی بات یہ بھی ہے کہ مقدس گائے سمجھا جانے والا ایک ادارہ بالآخر اپنی ہی پولیٹکل انجینرنگ کی بھینٹ چڑھ کر بے توقیر ہوا ہے۔ کمروں میں بیٹھے ہوئے خر مغز شہنشاہوں کے احمقانہ فیصلوں کی مار عام انسان اور عام سپاہی کو کھانی پڑ رہی ہے جو دونوں ہی بے قصور ہیں۔

سب سے بڑے احمق وہ ہیں جو محض سکور سیٹل کرنے کی خاطر آج طاقت کے مرکزی دھارے کی حمایت کر کے اپنی ہی عمر بھر کی ریاضت پر پانی پھیر رہے ہیں۔ عوام لاشعور ہوں، بھیڑ بکریاں ہوں یا بے وقوف ہوں، کسی بھی صورت ان کے انتخاب کا حق چھیننا محض انارکی کو جنم دے گا اور کچھ نہیں۔

خوشی منائیے اس دن جب ووٹ کی طاقت سے فاشزم کا بت گرے۔ اس دن نہیں جب بندوق کا فاشزم ایک بت کو گرانے کے لیے دس نئے بت بنا رہا ہو۔

حاشر ابن ارشاد