Punjab Now HD

05/06/2026

لاہور پولیس کےلیے نئی سوشل میڈیا پالیسی نافذ

ایس ایچ اوز، انسپکٹرز اور اے ایس آئیز کے لیے نئی سوشل میڈیا پابندیاں نافذ

ذاتی فیس بک، انسٹاگرام اور ٹک ٹاک پر وردی میں تصاویر شیئر کرنے پر پابندی

پولیس افسران باوردی ویڈیوز اور ذاتی سرگرمیوں کا مواد اپ لوڈ نہیں کر سکیں گے

لاہور پولیس کا بڑا فیصلہ، پرسنل اکاؤنٹس سے تمام باوردی تصاویر ہٹانے کی ہدایت

وردی میں تصاویر صرف سرکاری اور مجاز پولیس اکاؤنٹس سے شیئر ہوں گی

سوشل میڈیا پالیسی کی خلاف ورزی پر محکمانہ کارروائی کا انتباہ

لاہور پولیس نے وردی کے اختیارات کے ممکنہ ناجائز استعمال کی روک تھام اور محکمانہ نظم و ضبط کو یقینی بنانے کے لیے افسران کے لیے نئی سوشل میڈیا پالیسی نافذ کر دی ہے۔
جاری کردہ حکم نامے کے مطابق ایس ایچ اوز، انسپکٹرز، سب انسپکٹرز اور اسسٹنٹ سب انسپکٹرز (اے ایس آئیز) کو ہدایت کی گئی ہے کہ وہ اپنے ذاتی سوشل میڈیا اکاؤنٹس سے باوردی تصاویر اور ویڈیوز فوری طور پر ہٹا دیں۔
نئی پالیسی کے تحت پولیس افسران کو فیس بک، انسٹاگرام، ٹک ٹاک اور دیگر سوشل میڈیا پلیٹ فارمز پر یونیفارم میں تصاویر یا ویڈیوز اپ لوڈ کرنے کی اجازت نہیں ہوگی۔ اس کے علاوہ افسران وردی میں ذاتی سرگرمیوں سے متعلق مواد بھی اپنے پرسنل اکاؤنٹس پر شیئر نہیں کر سکیں گے۔
پولیس حکام کے مطابق پہلے سے موجود باوردی تصاویر اور ویڈیوز بھی ذاتی اکاؤنٹس سے ہٹانے کی ہدایت جاری کی گئی ہے، جبکہ وردی میں تصاویر اور ویڈیوز صرف سرکاری اور مجاز پولیس اکاؤنٹس کے ذریعے ہی شیئر کی جا سکیں گی۔
لاہور پولیس نے واضح کیا ہے کہ سوشل میڈیا پالیسی کی خلاف ورزی کرنے والے افسران کے خلاف محکمانہ کارروائی عمل میں لائی جائے گی۔
حکام کا کہنا ہے کہ نئی پالیسی کا مقصد پولیس فورس کے پیشہ ورانہ تشخص کو برقرار رکھنا، سوشل میڈیا کے استعمال کو ضابطے میں لانا اور محکمانہ نظم و ضبط کو مزید مؤثر بنانا ہے۔

23/05/2026

پنجاب تھیٹر آرٹسٹ ایسوسی ایشن کا قیام

لاہور: پنجاب میں فیملی تھیٹر کے فروغ اور غیر اخلاقی کمرشل تھیٹر کے خاتمے کیلئے پنجاب تھیٹر آرٹسٹ ایسوسی ایشن کا قیام عمل میں لایا گیا ہے جس کی پہلی باضابطہ میٹنگ لارنس باغ لاہور میں منعقد ہوئی، جس میں تھیٹر سے وابستہ فنکاروں، لکھاریوں، ہدایت کاروں، ٹرینرز اور تھیٹر ایکٹیوسٹس نے بھرپور شرکت کی۔
اجلاس میں پنجاب میں فیملی تھیٹر کی بحالی، کالجز اور یونیورسٹی سطح پر ڈراما سوسائٹیز کو فعال بنانے، نوجوان تھیٹر آرٹسٹس کو ایک پلیٹ فارم پر متحد کرنے اور تھیٹر کے فن و فنکار کے تحفظ کیلئے عملی اقدامات پر غور کیا گیا۔
شرکاء نے کمرشل تھیٹر کے نام پر فحش اور غیر اخلاقی رجحانات کی روک تھام کو ایسوسی ایشن کے بنیادی منشور کا حصہ بنانے پر اتفاق کیا اور پنجاب تھیٹر آرٹسٹ ایسوسی ایشن کے قیام کیلئے مکمل تعاون کی یقین دہانی کروائی۔
فنکاروں کا کہنا تھا کہ تھیٹر فنون لطیفہ خصوصاً ٹی وی ڈراما اور فلم انڈسٹری کیلئے نرسری کی حیثیت رکھتا ہے، اس لیے پنجاب حکومت کو فیملی تھیٹر کی بحالی کیلئے سنجیدہ اقدامات کرنے چاہئیں۔ انہوں نے مطالبہ کیا کہ تھیٹر کے شعبے میں پڑھے لکھے اور پیشہ ور افراد کو آگے لایا جائے جبکہ فنکاروں کو معاشی اور معاشرتی سطح پر مضبوط بنانے کیلئے حکومتی سرپرستی فراہم کی جائے تاکہ پاکستان کی آرٹ انڈسٹری بین الاقوامی معیار کے مطابق ترقی کر سکے۔
اجلاس میں نوجوان لکھاری و ریڈیو، فلم اور تھیٹر آرٹسٹ علی عثمان باجوہ، ڈراما نگار تنویر ملک، لکھاری و ہدایت کار عدیل عباس عادل، ڈراما نگار و ہدایت کار فاروق پاشا، تھیٹر ٹرینر و سٹوری ٹیلر وقاص منظور، تھیٹر آرٹسٹ و ایکٹیوسٹ حسنین قصوری، پینٹر و تھیٹر آرٹسٹ امراؤ، فلم و ٹی وی آرٹسٹ موسی خان اور نوجوان تھیٹر آرٹسٹ و سٹوڈنٹ ایکٹیوسٹ عمر سمیت دیگر فنکاروں نے شرکت کی۔

22/05/2026

19/05/2026

PUNJAB NOW PK

19/05/2026

پاکستان میڈیکل اینڈ ڈینٹل کونسل نے ایم ڈی کیٹ 2026 ٹیسٹ کی تاریخ کا اعلان کر دیا۔

پی ایم ڈی سی کے مطابق ایم ڈی کیٹ 2026 کا انعقاد اتوار 16 اگست 2026 کو ہوگا۔

پی ایم ڈی سی کا کہنا ہے کہ ایم ڈی کیٹ 2026 کے لیے گزشتہ سال 2025 کا نصاب ہی نافذ العمل ہوگا۔

پی ایم ڈی سی نے طلبہ کو ہدایت کی ہے کہ مزید معلومات اور تازہ ترین اپڈیٹس کے لیے کونسل کی سرکاری ویب سائٹ ملاحظہ کرتے رہیں۔

18/05/2026

پنجاب میں آج رات سے آندھی اور بارشوں کا الرٹ، شہریوں کو احتیاط کی ہدایت
لاہور: پنجاب ڈیزاسٹر منیجمنٹ اتھارٹی (پی ڈی ایم اے) نے صوبے بھر میں آندھی اور بارشوں کے حوالے سے الرٹ جاری کر دیا ہے۔
ترجمان پی ڈی ایم اے کے مطابق آج رات سے 23 مئی تک پنجاب کے بیشتر اضلاع میں بارش اور تیز ہواؤں کا امکان ہے، جبکہ لاہور، سیالکوٹ، نارووال اور فیصل آباد سمیت مختلف شہروں میں بھی بارش کی پیشگوئی کی گئی ہے۔
ڈی جی پی ڈی ایم اے عمر جاوید نے بتایا کہ ممکنہ موسمی صورتحال کے پیش نظر صوبے کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ کسی بھی ہنگامی صورتحال سے نمٹنے کے لیے پیشگی انتظامات مکمل رکھے جائیں۔
پی ڈی ایم اے نے شہریوں کو ہدایت کی ہے کہ آسمانی بجلی اور آندھی کے دوران محفوظ مقامات پر رہیں اور کھلے مقامات سے گریز کریں۔
مزید برآں کسانوں کو فصلوں کے تحفظ کے لیے پیشگی اقدامات کرنے جبکہ سیاحوں کو شمالی علاقوں کے سفر میں خصوصی احتیاط برتنے کی ہدایت بھی جاری کی گئی ہے۔

18/05/2026

🌃 Mall Road Lahore at Night — A City That Never Sleeps

💫 جب رات ڈھلے، لاہور مال روڈ جاگ اُٹھے

18/05/2026

جنوبی پنجاب میں ہیٹ ویو کی لہر، جنگلی حیات شدید متاثر
نایاب گدھ گرمی اور پیاس سے نڈھال ہو کر زمین پر گر گیا
آوارہ کتوں کا زخمی گدھ پر حملہ، پرندہ شدید زخمی
ریسکیو 1122 کا بروقت آپریشن، گدھ کو محفوظ نکال لیا گیا
صادق آباد: 16 کلو وزنی نایاب گدھ کو ابتدائی طبی امداد فراہم

17/05/2026

Liberty Lahore

17/05/2026

لبرٹی چوک،جدید لاہور کی رونقوں کا دل

لاہور ہمیشہ سے اپنی تاریخی عمارتوں، ثقافتی روایات اور شہری زندگی کی رونقوں کے لیے مشہور رہا ہے۔ انہی نمایاں مقامات میں لبرٹی چوک ایک ایسی جگہ ہے جو جدید لاہور کی شناخت بن چکی ہے۔ گلبرگ کے قلب میں واقع یہ چوک نہ صرف تجارتی سرگرمیوں کا مرکز ہے بلکہ سماجی، ثقافتی اور سیاسی سرگرمیوں کا بھی اہم مقام سمجھا جاتا ہے۔
تاریخی پس منظر
لبرٹی چوک کی اہمیت اس وقت بڑھنا شروع ہوئی جب گلبرگ کے علاقے کو جدید لاہور کے رہائشی اور تجارتی مرکز کے طور پر ترقی دی گئی۔ لبرٹی مارکیٹ کے قیام کے بعد یہ علاقہ تیزی سے مشہور ہوا اور وقت کے ساتھ لاہور کے اہم ترین مقامات میں شامل ہوگیا۔
جلسے، ریلیاں اور عوامی اجتماعات
لبرٹی چوک لاہور میں مختلف سیاسی جماعتوں کے جلسے، احتجاجی مظاہرے، ریلیاں اور عوامی اجتماعات اکثر دیکھنے میں آتے ہیں۔ کسی بھی بڑے سیاسی یا سماجی معاملے پر یہ مقام شہری اظہار کا ایک اہم مرکز بن جاتا ہے۔
اسی طرح مختلف سماجی تنظیمیں، فلاحی ادارے اور نوجوانوں کے گروپس بھی یہاں آگاہی واکس، تقریبات اور دیگر ایونٹس کا انعقاد کرتے رہتے ہیں۔
بسنت اور تاریخی گڈا
لاہور کی ثقافت میں بسنت ایک خاص مقام رکھتی ہے۔ فروری کے مہینے میں جب لاہور کی فضا رنگ برنگی پتنگوں سے بھر جاتی تھی تو لبرٹی چوک بھی اس تہوار کی بڑی علامت سمجھا جاتا تھا۔
یہاں نصب کیا گیا سب سے بڑا گڈا (پتنگ) آج بھی لوگوں کی توجہ کا مرکز ہے، جو لاہور کی بسنت کی پرانی یادوں کو تازہ کرتا ہے۔ اگرچہ حفاظتی وجوہات کے باعث بسنت کی روایتی سرگرمیاں محدود ہو چکی ہیں، لیکن یہ گڈا اب بھی اس ثقافتی ورثے کی علامت کے طور پر موجود ہے۔
موجودہ حیثیت
آج لبرٹی چوک لاہور کے مصروف ترین تجارتی علاقوں میں شمار ہوتا ہے۔ یہاں شاپنگ سینٹرز، ریسٹورنٹس، کیفے اور برانڈز موجود ہیں جبکہ روزانہ ہزاروں افراد اس علاقے کا رخ کرتے ہیں۔
لبرٹی چوک صرف ایک ٹریفک سگنل یا مارکیٹ نہیں بلکہ لاہور کی ثقافت، سیاست، تجارت اور عوامی زندگی کی ایک مکمل تصویر ہے۔