21/05/2025
وزیراعظم کی ہدایت پر وزیر ریلوے حنیف عباسی نے عیدالاضحٰی کے موقع پر عوام کی سہولت کے لیے پانچ خصوصی ٹرینیں چلانے کا اعلان کیا ہے۔ ان اسپیشل ٹرینوں کا مقصد مسافروں کو آرام دہ، بروقت اور بہتر سفری سہولیات فراہم کرنا ہے تاکہ وہ عید اپنے پیاروں کے ساتھ مناسکیں۔
تفصیلات کے مطابق:
پہلی اسپیشل ٹرین 2 جون کو دوپہر 1 بجے کراچی سے لاہور روانہ ہوگی۔
دوسری ٹرین 3 جون کو صبح 10 بجے کوئٹہ سے پشاور کے لیے روانہ ہوگی۔
تیسری ٹرین 3 جون کو شام 5 بجے لاہور سے کراچی کے لیے روانہ ہوگی۔
چوتھی اسپیشل ٹرین 3 جون کو رات 8 بجے کراچی سے راولپنڈی کے لیے روانہ ہوگی۔
پانچویں اور آخری ٹرین 4 جون کو رات 8 بجے کراچی سے لاہور روانہ ہوگی۔
یہ اقدام عید کے موقع پر بڑھتے ہوئے سفری رش کو مدنظر رکھتے ہوئے کیا گیا ہے تاکہ عوام کو بہتر اور آسان سفر کی سہولت فراہم کی جا سکے۔
