Weekly School Life

10/08/2026

اگاہی

25/07/2026

آئیے! بچوں کے لیے علم، شعور اور تخلیق کا ایک نیا مرکز قائم کریں۔

ہم ایک ایسی بچوں کی لائبریری قائم کر رہے ہیں جہاں صرف کتابیں ہی نہیں بلکہ بچوں کی ذہنی، تخلیقی اور اخلاقی نشوونما کے لیے مختلف سرگرمیوں کا بھی باقاعدہ اہتمام کیا جائے گا۔

اس لائبریری میں:
📚 کتاب بینی اور مطالعہ
📖 اسٹوری ٹیلنگ سیشنز
🎤 ٹیلنٹ ہنٹ پروگرامز
🧠 ذہنی و تخلیقی صلاحیتوں کو نکھارنے والی ورکشاپس
🏆 مختلف علمی، ادبی اور تخلیقی مقابلہ جات
🎨 آرٹ، تحریر، تقریر اور شخصیت سازی کی سرگرمیاں

منعقد کی جائیں گی تاکہ ہمارے بچے اعتماد، شعور اور مثبت سوچ کے ساتھ اپنی صلاحیتوں کو اجاگر کر سکیں۔

اگر آپ اس تعلیمی و سماجی مشن میں کتابوں، مالی تعاون، فرنیچر، رضاکارانہ خدمات یا کسی بھی دوسری صورت میں ہمارا ساتھ دینا چاہیں تو آپ کی ہر شراکت ایک بچے کے روشن مستقبل کی بنیاد بن سکتی ہے۔

آئیے، مل کر بچوں کو کتاب، کردار اور شعور کا تحفہ دیں۔

— ضمیر افاقی

13/07/2026

09/03/2026

سکول، کالج اور یونیورسٹیاں ، 10 مارچ سے 31 مارچ تک بند رہیں گی،
امتحانات شیڈول کے مطابق ہوں گے

سکول اور تعلیمی ادارے آن لائن کلاسز لے سکیں گی

27/01/2026

یونیورسٹی آف ہیلتھ سائنسز لاہور کی جانب سے پنجاب کے پرائیویٹ میڈیکل کالجز میں ایم بی بی ایس کے داخلوں کی پانچویں میرٹ لسٹ 20 جنوری کو لگائی گئی تھی اور منتخب ہونے والے طلبہ کے پاس 23 جنوری تک فیس جمع کرانے کا وقت تھا۔ اسپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ حکومت پنجاب کی پالیسی کے مطابق یو ایچ ایس پرائیویٹ کالجز میں داخلوں کے لیے صرف پانچ میرٹ لسٹیں ہی لگا سکتی ہے۔ اس کے بعد خالی بچ جانے والی سیٹوں پر پرائیویٹ میڈیکل کالجز خود سے داخلے کریں گے۔

پانچویں میرٹ لسٹ لگنے کے بعد یونیورسٹی کی طرف سے پنجاب کے 33 پرائیویٹ میڈیکل کالجز کے کلوزنگ میرٹس اور خالی بچ جانے والی سیٹوں کی تفصیلات سے متعلق نوٹیفکیشن شیئر کیا گیا ہے، جس کے مطابق ایم بی بی ایس کی 426 سیٹیں ابھی بھی خالی ہیں۔

یہ اعداد و شمار اس بات کی نشاندہی کرتے ہیں کہ وہ ادارے جو چند سال پہلے بھاری فیسوں اور ڈونیشن کی مد میں لاکھوں روپے وصول کرتے تھے، آج طلبہ کی کمی کا سامنا کر رہے ہیں۔ ایک وقت تھا جب ان کالجز میں داخلہ حاصل کرنا عام طلبہ کے لیے خواب سے کم نہ تھا، اور والدین مجبوری کے تحت بھاری رقوم ادا کرتے تھے، مگر آج وہی ادارے خالی نشستوں کے باعث مالی دباؤ میں نظر آ رہے ہیں۔

یہ صورتحال اس حقیقت کی یاد دہانی ہے کہ ہر عروج کو زوال ہے۔ وقت کے ساتھ ساتھ تعلیمی ترجیحات بدلتی ہیں، طلبہ کے رجحانات میں تبدیلی آتی ہے اور مارکیٹ کی طلب و رسد بھی اثر انداز ہوتی ہے۔ اگرچہ دوسرے صوبوں میں اس رجحان کے آثار پہلے سے موجود تھے، مگر اب پنجاب بھی اسی مرحلے میں داخل ہو چکا ہے۔ اب میرٹ اتنا ڈراپ ہو چکا ہے کہ پانچویں لسٹ میں یہ 60.99 فیصد پر رکا ہے۔

اس کے بعد پنجاب کے بیشتر پرائیویٹ کالجز کی طرف سے انکی بقیہ سیٹوں پر داخلوں کے لیے ایڈمیشن نوٹیفکیشن جاری کر دیے گئے ہیں۔ داخلے کی خواہشمند طلبہ متعلقہ میڈیکل کالج سے رابطہ کرکے یا کالج کی ویب سائٹ سے آن لائن اپلائی کرسکتے ہیں۔

23/11/2025

مسابقتی کمیشن نے لوگو والی نوٹ بکس، ورک بکس اور یونیفارم کی مشروط فروخت پر 17 بڑے نجی سکول سسٹمز کو شوکاز نوٹس جاری کر دیے

مسابقتی کمیشن نے لوگو والی نوٹ بکس، ورک بکس اور یونیفارم کی مشروط فروخت پر 17 بڑے نجی سکول سسٹمز کو شوکاز نوٹس جاری کر دیے
کمپٹیشن کمیشن نے انکوائری رپورٹ میں کہا ہے کہ طلباء کو مہنگی لوگو والی نوٹ بکس اور یونیفارمز خریدنے پر مجبور کیا جاتا ہے جو کہ قانون کی خلاف ورزی ہے۔ انکوائری میں کہا گیا ہے کہ کئی نجی اسکولوں نے مخصوص وینڈرز سے خفیہ معاہدے کر رکھے ہیں۔ لوگو والی کاپیاں مارکیٹ سے 280 فیصد تک مہنگی فروخت کی جاتی ہیں۔ سکولوں کی جانب سے گائیڈ لائنز کے نام پر مہنگی پراڈکٹس کی لازمی خریداری مسلط کی جاتی ہے
نوٹس ملنے والے سکولوں میں بیکن ہاؤس، ویسٹ منسٹر، سٹی سکول، ہیڈ اسٹارٹ، LGS، فروبلز، روٹس انٹرنیشنل، روٹس ملینیئم، کَپس، الائیڈ سکولز، سپر نوا، دارالارقم، اسٹپ، یونائیٹڈ چارٹر، اسمارٹ سکول بھی شامل ہیں
نجی سکولوں کو 14 دن میں تحریری جواب جمع کرانے کی ہدایت. کمپٹیشن کمیشن ساڑھے سات کروڑ روپے تک جرمانہ عائد کر سکتا ہے