awaz

17/08/2025

16/08/2025

کلائوڈ برسٹ کیا ہوتا ہے؟

کلائوڈ برسٹ نے خیبر پختونخوا میں تباہی مچا دی، طوفانی بارش، آندھی، سیلاب، مگر یہ کلائوڈ برسٹ ہوتا کیا ہے؟

بادل پھٹ پڑے، بونیر، مانسہرہ، سوات، شانگلہ، بٹگرام، باجوڑ ہر طرف تباہی اور بربادی کی داستان بکھری پڑی ہے۔ پہاڑی علاقوں میں سیلاب نے خوفناک تباہی مچائی اور وجہ ہے کلائوڈ برسٹ۔

جب آسمان سے گھنٹوں میں برسنے والا پانی چند منٹوں میں برس پڑے اسے کلائوڈ برسٹ کہتے ہیں۔ کلائوڈ برسٹ ایسا موسمی واقعہ ہے جس میں محدود علاقے میں بہت ہی کم وقت میں کئی گنا بلکہ کئی سو گنا بارش ایک ساتھ برس پڑے۔ اس کے باعث صرف سیلاب نہیں بلکہ لینڈ سلائیڈنگ سمیت مختلف تباہ کاریاں جنم لیتی ہیں۔ بپھرا ہوا پانی بالخصوص پہاڑوں سے آنیوالا سیلاب کسی سمندری طوفان سے بھی زیادہ طاقتور بن جاتا ہے جو گائوں کے گائوں اجاڑ دیتا ہے، راستے میں آنیوالی عمارات کو تنکوں کی طرح بکھیر دیتا ہے۔

اسکی وجہ کیا ہوتی ہے؟

موسمی تبدیلی، بڑھتی گرمی اور ماحولیاتی توازن کا بگڑنا مرکزی وجوہات میں شامل ہے۔ عام طور ہر پہاڑی علاقوں میں بادل پھٹنے کے واقعات زیادہ ہوتے ہیں کیونکہ گرم اور مرطوب ہوائیں پہاڑوں سے ٹکرا کر بادلوں تک پہنچتی ہیں اور ٹھنڈی ہوائوں کیساتھ ملکر بارش کا سبب بنتی ہیں۔ جب یہ بوجھ بڑھ جاتا ہے تو بادل ایک ساتھ سارا پانی زمین پر انڈیل دیتے ہیں۔

جدید ٹیکنالوجی کے باوجود کلائوڈ برسٹ کی پیشگوئی کرنا مشکل ہے، کیونکہ یہ مختصر دورانیے میں ہونیوالا ایسا واقعہ ہوتا ہے جسے سیٹلائٹ یا موسمی ریڈارز کے ذریعے پکڑا نہیں جا سکتا۔

پہاڑی علاقوں میں کلائوڈ برسٹ ایک خوفناک اور تباہ کن طوفان بن جاتا ہے۔ حقیقت یہ ہے کہ قدرت کیساتھ چھیڑ چھاڑ اچھی نہیں ہوتی، قدرت جب انتقام لیتی ہے تو انسان بے بس ہوتا ہے۔ سچ تو یہ ہے کہ پہاڑ سے آنیوالا سیلاب یا پانی صدیوں سے ایک ہی راستے اترتا ہے۔ جب انسان قدرتی راستوں پر بسیرا کر لیتا ہے، عمارات، ہوٹل اور گائوں بس جاتے ہیں جو ایسے سانحات کو المناک بنا دیتے ہیں۔ سیلاب اپنی راہ میں آنیوالی بلند و بالا عمارات کو تنکوں کی طرح بکھیر دیتا ہے۔

13/08/2025

12/08/2025

*بھادوں کی حیرت انگیز معلومات*

16 اگست سے شروع ہونے والا پنجابی مہینہ بھادوں اور اُسکی دلچسپ روایات
بھادوں پنجابی اور نانک شاہی کیلنڈر کا چھٹا مہینا ہے جو ساؤن کے بعد آتا ہے اور آٹھویں انگریزی مہینے اگست کی 16 تاریخ سے ستمبر کی 15 تاریخ تک رہتا ہے اور اس مہینے کے 31 دن شمار کیے جاتے ہیں۔

بھارتی اور پاکستانی پنجاب میں ساؤن اور بھادوں بارشوں کے مہینے ہیں جس میں مُون سُون کی بارشیں ہاڑ یعنی جون اور جولائی کی شدید گرمی کے بعد گرمی کا زور توڑ دیتی ہیں اسی لیے بھادوں کو پنجاب میں اچھے موسم والا مہینہ جسکی گرمی برداشت کے قابل ہوتی ہے تصور کیا جاتا ہے۔
بابا گُرو نانک جو سکھوں کے سب سے بڑے گُرو ہیں اپنی کتاب گُرو گرنتھ صاحب میں لکھتے ہیں کہ "بھادوں بارش کا مہینہ انتہائی خوبصورت مہینہ ہے اور ساؤن اور بھادوں رحمت والے مہینے ہیں جس میں بادل نیچے اُترتا ہے اور تیز بارش برساتا ہے جس سے پانی اور زمین شہد سے بھر جاتے ہیں اورخالق زمین پر گھومتا ہے”۔
روایات میں ہے کہ پنجابی کے 12 مہینوں کے نام گیاراں بھائیوں (ویساکھ، جیٹھ، ہاڑ، ساون، اسو، کتک، مگھر، پوہ، ماگھ، پھگن، جیت اور 1 بہن (بھادوں) کے نام پر رکھے گئے یعنی سال کے سارے مہینوں میں بھادوں گیاراں بھائیوں کی اکلوتی اور انتہائی لاڈلی بہن ہے۔

مزید روایات میں ہے کہ بھادوں جہاں انتہائی لاڈی اور میٹھی ہے وہاں منہ زور، نکی چڑی، تیکھی اور چُبھنے والی بھی ہے اسی لیے اس مہینے کی گرمی اگر تیز ہوجائے تو انسان پسینے سے شرابور ہوجاتا ہے، اس مہینے میں ہوا اگر چلتی ہو تو انتہائی سہانہ موسم ہوتا ہے اور ہوا اگر بند ہو جائے تو سانس بھی بند ہو جاتی ہے۔
کہتے ہیں بھادوں اگر برسے تو زمین پر رہنے والی مخلوق چرند، برند، حشرات سبھی اپنے گھروں سے باہر نکلتے ہیں اور اس دلفریب موسم کے مزے لُوٹتے ہیں اور بھادوں اگر خُشک ہو جائے تو یہ ہر چیز کو خشک کرکے رکھ دیتی ہے اس لیے اس موسم میں رب کائنات سے رحمت کی دُعائیں مانگنی چاہیے تاکہ اس موسم کی سختی سے بچا جا سکے۔
بھادوں کے متعلق کہا جاتا ہے کہ یہ جیٹھ اور ہاڑ کی شدید گرمی کو ختم کرنے کے بعد جب خُود ختم ہوتی ہے تو اپنے وجود کو کھونے کے ساتھ یہ زمین پر بہار کو جنم دیتی ہے اور موسم کو زمین والوں کے لیے انتہائی خوشگوار بنا دیتی ہے۔

پنجابی اور نانک شاہی کلینڈر کا آغاز 1469 میں بابا گُرو نانک کی پیدائش کے دن سے کیا جاتا ہے اور اس آرٹیکل میں اس مہینے اور کیلینڈر کا ذکر آپ کی معلومات
میں اضافے کے لیے کیا جارہا ہے۔

11/08/2025

خون کا گاڑھا ہونا اور کولیسٹرول کا قدرتی علاج
اگر آپ کو درج ذیل علامات محسوس ہو رہی ہیں:

🔹 چند قدم چلنے سے سانس چڑھتا ہے۔
🔹 سیڑھیاں چڑھنے پر تھکن اور دم گھٹنا
🔹 کام کا دل نہ کرنا، نیند کی زیادتی
🔹 صبح بستر سے اٹھنے میں دقت
🔹 جسمانی کمزوری، سستی اور بےرغبت طبیعت

تو یہ اس بات کی علامت ہو سکتی ہے کہ آپ کا خون گاڑھا ہو چکا ہے یا کولیسٹرول کی مقدار خطرناک حد تک بڑھ چکی ہے۔

✅ تشخیص کا پہلا قدم:
لیپڈ پروفائل ٹیسٹ ضرور کروائیں تاکہ خون میں چربی (کولیسٹرول، ٹرائی گلیسرائیڈز وغیرہ) کی سطح معلوم ہو سکے۔

قدرتی نسخہ برائے کولیسٹرول اور خون کی روانی

ھوالشافی!

السی: 30 گرام

سونف: 10 گرام

دارچینی: 5 گرام

طریقہ استعمال:-

تمام اجزاء کو پیس کر باریک سفوف (پاؤڈر) بنا لیں۔

روزانہ صبح نہار منہ ایک چھوٹا چمچ یہ سفوف دہی میں ملا کر کھائیں۔

مسلسل 15 دن تک استعمال کریں۔

نتیجہ:-
15 دن بعد دوبارہ لیپڈ پروفائل ٹیسٹ کروائیں۔ ان شاءاللہ آپ کو واضح فرق نظر آئے گا — خون کی روانی بہتر، کولیسٹرول کم، اور جسم میں توانائی محسوس ہوگی۔.

نوٹ:-
یہ ایک آزمودہ اور قدرتی نسخہ ہے، مگر اگر آپ کسی دوا کا استعمال کر رہے
ہیں یا کسی مرض میں مبتلا ہیں تو پہلے اپنے معالج سے مشورہ ضرور کریں۔

دوستو
آپ میرے YouTube , Tiktok awr WhatsApp چینلز کا وزٹ کر سکتے ہیں، جہاں اپ اپنی صحت اور بیماریوں جیسے کہ مردوں کے مسائل، خواتین کے مسائل، وزن کے مسائل اور دیگر پر تفصیلی ویڈیوز مکمل نسخہ جات کے ساتھ دیکھ سکتے ہیں

یوٹیوب لنک | YouTube Link
https://www.youtube.com/

Tiktok Link |ٹک ٹاک لنک
https://www.tiktok.com/?_t=8rykH8I8YhF&_r=1

WhatsApp channel Link| واٹس ایپ چینل
https://whatsapp.com/channel/0029VaB1MZJ2Jl87YskMJF2R

*ﷲ تعالیٰ ہم سب کا حامی و ناصر ہو*

دعاؤں کا طلبگار
ڈاکٹر وحکیم عبدالباسط خان
فاضل طب و جراحت(نیشنل کونسل فار طب اسلام آباد)
ڈاکٹر آف فلاسفی (Ph.D) منیجمنٹ سائنسز

04/08/2025

29/07/2025

29/07/2025

چونگاں ۔ چونگیں۔پمنی ۔ پمنکے ایک مہنگی ترین سبزی
گزشتہ روز میرے کزن نے گاؤں کے جنگل سے لائی تھی یہ فوائد سے بھر پور ہے سالٹ رینج میں یہ عام طور پر پائی جاتی ہے پیٹ کی چربی کو ختم کرتی ہے یہ بھوک بند کر دینے والی سبزی ہے اگر کوئی بندہ تین ماہ تک اس کو استعمال میں لاۓ تو اس کا پیٹ تین انچ تک کم ہو سکتا ہے یہ شوگر کو کنٹرول کرنے میں سود مند ہے کولسٹرول کو کم کرتی ہے کیونکہ یہ کڑوی ہوتی ہے اس کو آپ گوشت قیمہ شملہ مرچ دال میں ڈال کر کھا سکتے ہیں اس کی چٹنی اور اچار بھی بنا سکتے ہیں آپ جب بھی اس کو توڑیں تو جڑ کے اوپر سے توڑیں تا کہ یہ پھر آپ کے کام آ سکے برسات کے موسم میں بہت جلدی سے بڑھتی ہے آپ اپنے گھر میں بھی لگا سکتے ہیں ریت 50 فیصد
گوبر کی کھاد 50 فیصد مکس کر لیں کسی گملے میں اس کی جڑیں لگا دیں گملے کو چاؤں میں رکھیں جہاں سورج کی روشنی تھوڑی آۓ گملے میں پانی کھڑا نہ ہو اس طریقہ سے آپ یہ سبزی 1200 سے 1500 روپے کلو فروخت ہونے والی گھر پر بھی لگا سکتے ہیں اور اس کے بعد مفت میں کھا بھی سکتے ہیں اکثر یہ جڑوں سے نکال لیتے ہیں کیونکہ انسان لالچ کر لیتا ہے تا کہ اس کا وزن بڑھ جاۓ آپ سبزی منڈی سے خرید کر جڑیں لگا سکتے ہیں یہ سبزی صدیوں سے استعمال میں لائی جاتی ہے کھبی بھی اس کے مضر صحت اثرات نظر نہیں آۓ

29/07/2025

29/07/2025

ایئر انڈیا کی فلائٹ جو حیدرآباد سے سعودی عرب جا رہی تھی، ابھی ابھی اُڑی ہی تھی کہ اچانک پائلٹ نے کاک پٹ سے زور سے چیخ کر کہا: “اوہ میرے خدا! اوہ میرے خدا!” پورے جہاز میں سناٹا چھا گیا۔ مسافر خوفزدہ ہو گئے اور ایک دوسرے کی طرف دیکھنے لگے۔ سب کے چہرے کا رنگ اُڑ چکا تھا۔
تھوڑی دیر بعد پائلٹ نے مائیک پر آ کر معذرت کی: “محترم مسافرو، مجھے معاف کر دیجئے…” “دراصل، بہت گرم کافی میری پتلون پر گر گئی ہے، اسی لیے میں زور سے چلّایا۔
مائیک آن تھا، اور آپ سب نے میری چیخیں سُن لیں۔ اگر یقین نہ آئے، تو آ کر میری پتلون دیکھ سکتے ہیں!”

یہ سُن کر ایک مسافر بول پڑا: “بھائی… آ کر ہماری پتلونیں بھی
دیکھ لو🫣😃

29/07/2025

ایئر کراچی پاکستان میں چینی ساختہ مسافر بردار طیارے لانے کو تیار ہے جب کہ ڈومیسٹک مسافر غیر معمولی رعایت کا فائدہ اٹھا سکیں گے۔
چیئرمین ایئر کراچی حنیف گوہر نے کہا کہ ڈومیسٹک ٹکٹس کی قیمت چالیس فیصد تک کم ہوگی، ابتدا میں چینی پائلٹ ہی طیارے آپریٹ کریں گے۔
چینی طیارے قیمت میں ایئر بس اور بوئنگ کے مقابلے میں آدھی قیمت پر ہے، آدھی قیمت کے باعث لیز کی قیمت بھی کم ہوگی جس کا فائدہ مسافروں کو ملے گا۔
مسافروں کے لئے ٹکٹ میں چالیس فیصد تک کمی ہوگی، ابتدا میں چینی پائیلٹ طیارے چلائیں گے۔
ان کا کہنا تھا کہ ہماری کوشیش ہے کہ چینی طیاروں کے سمیولیٹر اور ریزرو انجن بھی یہاں لائیں جائیں۔
سول ایوی ایشن کا کہنا ہے کہ ہمیں چینی طیاروں پر اعتراض نہیں ہے۔
انہوں نے کہا کہ سول ایوی ایشن ہمیں اجازت دینے کو تیار ہے، چینی طیارہ 919 ماڈل ہے اور یہ 150 مسافروں کو لے جاسکتا ہے۔