Awami Power News

11/08/2026

بريڪنگ نيوز، لعلورائنڪ ۾ اياز حسين ولد همٿ علي مغيري ڳوٺ مراد علي مغيري رھواسي کان لعلورائنڪ بائي پاس سيٺ رانجھن کوسو جي سيلر لڳ ٽن هٿياربندن آڳ جھلي موٽر سائيڪل ڦرڻ جي ڪوشش ڪئي،جنهن دوران سخت مزاحمت ڪندي نوجوان اياز حسين مغيري چورن جي ارادي کي ناڪام بڻايو جنهن ويڙھ دوران چورن اياز مغيري کي پسٽل جا بٽ ھڻي زخمي ڪري فرار ٿي ويا ، اياز مغيري مڙسي ڪري موٽر سائيڪل ڦرڻ کان بچائي ورتي،

05/08/2026

لعلورائنڪ ۾ بدامني جي باھ بند ن ٿي سگهي هڪ هفتي اندر اٺ واستون ٿي گذريون.

03/08/2026

‎بريڪنگ نيوز
‎لعلورائنڪ: پراڻي تڪرار تان هٿياربندن جي فائرنگ، نوجوان سخت زخمي.
‎لعلورائنڪ ڀرسان ڳوٺ بوهڙ جي رهواسي نوجوان علي نواز عرف ڏاڏو کي مبينا طور پراڻي تڪرار تان هٿياربندن گوليون هڻي سخت زخمي ڪري ڇڏيو، جڏهن ته جوابدار واقعي کانپوءِ فرار ٿيڻ ۾ ڪامياب ٿي ويا.
‎رپورٽن موجب، علي نواز عرف ڏاڏو لعلورائنڪ مان دڪان جو سامان وٺي واپس پنهنجي ڳوٺ بوهڙ وڃي رهيو هو ته ڳوٺ خير محمد وڪا ڀرسان هٿياربندن سندس رستو روڪي مٿس فائرنگ ڪئي، جنهن جي نتيجي ۾ هو سخت زخمي ٿي پيو.
واقعي کانپوءِ زخمي نوجوان کي ڳڻتي جوڳي حالت ۾ فوري طور لاڙڪاڻي جي ٽراما سينٽر منتقل ڪيو ويو، جتي کيس طبي امداد فراهم ڪئي پئي وڃي.
‎زخمي نوجوان جي وڏي ڀاءُ صدام حسين بوهڙ ميڊيا سان ڳالهائيندي چيو ته سندن ڪنهن سان به ذاتي دشمني ناهي، ساڻن ظلم ڪيو ويو آهي، ۽ هن قانون لاڳو ڪندڙ ادارن کان مطالبو ڪيو آهي ت جوابدارن کي گرفتار ڪري انصاف فراهم ڪيو وڃي پوليس طرفان واقعي بابت وڌيڪ جاچ جاري آهي، جڏهن ته هن وقت تائين ڪا ب گرفتاري عمل ۾ ن اچي سگهي آهي.

29/03/2026

29/03/2026

لاڙڪاڻي ۾ مسيحا ظالم بڻجي ويو

ڊاڪٽر مظفر کوهارو طرفان علاج لاءِ آيل مريض ۽ سندس وارثن سان مبينا بدڪلامي

ڊاڪٽر جي اهڙي غير اخلاقي رويي خلاف لعلورائنڪ واسي متاثر ڌر جي ماڻهن ڪلينڪ اڳيان احتجاج ڪيو
لاڙڪاڻو(بيورو رپورٽ) لاڑڪاڻي شهر جي گهنٽي ڦاٽڪ ڀرسان قائم الرحمان ڪلينڪ جي ڊاڪٽر مظفر کوهارو طرفان مبينا علاج لاءِ آيل لعلورائنڪ واسي مريض ۽ سندس وارثن سان بداخلاقي ڪرڻ تي متاثر ڌر احتجاج ڪيو. ان موقعي تي احتجاج ڪندڙ لعلورائنڪ جي رهواسي محمد صديق مغيري، عارف نواز تنيو، جاويد راجپوت، سجاد علي جوڻيجو ۽ ٻين صحافين سان ڳالهائيندي چيو ڊاڪٽر انساني جانيون بچائيندا آهن جنهن ڪري انهن کي مسيحا سڏيو ويندو آهي. پر الرحمان ڪلينڪ جو ڊاڪٽر مظفر کوهارو مسيحا بدران ظالم ڪاسائي بڻيل آهي. جيڪو علاج لاءِ ايندڙ مريضن سان بدسلوڪي سان پيش اچي پيو. احتجاج ڪندڙن الزام هڻندي چيو ته عيد جي ٽئين ڏينهن تي اسان هڪ مريض کي ڇاتي سبب طبيعت خراب ٿيڻ تي علاج لاءِ لعلورائنڪ مان لاڙڪاڻي آندو جتي ڪافي ڪلينڪون بند هيون صرف الرحمان ڪلينڪ کليل هئي. جتي ڇاتي جي ڊاڪٽر مظفر کوهارو وٽ مريض کي وٺي آياسين. جتي پهچڻ شرط ڊاڪٽر مظفر کوهارو ڪجهه عرصو اڳ هڪ ٻئي ڊاڪٽر کان ورتل علاج جا ڪاغذ ۽ ايڪسري ڏسي ڊمرجي پيو بدڪلامي ڪرڻ بعد مريض کي ڪلينڪ مان اهو چئي ٻاهر ڪڍي ڇڏيو ته جتان علاج وٺندا آهيو اتا وٺو ٻيهر مون ڏي مريض کڻي آيا ته توهان سان گهٽ نه ڪندس. هنن چيو ته مريض جي وارثن ڊاڪٽر کي منٿون ڪيون ته سڀ ڪلينڪون بند آهن توهان علاج ڪيو پر ظالم ڊاڪٽر کي ذري جو رحم نه آيو. هن انسانيت سڀ ليڪا لتاڙي مريض کي ڌڪا ڏئي ڪڍي ڇڏيو. جيڪو غيراخلاقي رويو آهي. ھنن اعليٰ اختيارين کان مطالبو ڪيو ته فوري طور نوٽيس وٺي چند پئسن جي لالچ ۾ انساني جانين سان کيڏندڙ ظالم صفت ڊاڪٽر مظفر کوهارو جو لائسنس رد ڪري کيس جي ڪلينڪ بند ڪرائي وڃي. ٻي صورت احتجاج جو دائرو وڌائڻ سان گڏ ڪورٽ سڳوري ۾ پٽيشن داخل ڪرائينداسي.

28/03/2026

لاڙڪاڻو الرحمان سينٽر جي انتظاميا ۽ ڊاڪٽر مظفر کوھارو جي مبينا زيادتين خلاف سندس جي ڪلينڪ ٻاهران لعلورائنڪ واسين احتجاجي مظاهرو ڪري ڌرڻو هنيو،

27/03/2026

لعلورائنڪ ۾ مقتول نديم شيدي جي وارثن جو قاتلن جي گرفتاري لاءِ وارھ لاڙڪاڻو روڊ تي ڌرڻو. ڌرڻي ۾ شهري اتحاد، نوجوان اتحاد ، ۽ سول سوسائٽي جي ماڻهن وڏي انگ ۾ شرڪت ڪئي.

10/03/2026

لاڙڪاڻي جي الھ آباد پاڙي مان 4 مهينا اڳ اغوا ٿيل ٻن نوجوان ڇوڪرين وڪيلا شيخ ۽ مسڪان شيخ جي بازيابي لاءِ سندن وارثن لاڙڪاڻو پريس ڪلب آڏو احتجاج ڪيو آهي
احتجاج ڪندڙ سندن پڦي ممتاز خاتون. فھميده خاتون. نور محمد شيخ. ھٿ م پاڪ ڪتاب کڻي لاڙڪاڻو پريس ڪلب اڳيان احتجاج ڪندي. دانھيندي چيو آهي ته نومبر مھيني جي 18 تاريخ تي اسان جون ٻه نياڻيون اغوا ٿي ويون هيون. جنهن معاملي جو ڪيس 4 اڻڃاتل مڙسن خلاف لاڙڪاڻي شهر الھ آباد ٿاڻي تي داخل ڪرايو ويو هو. جڏهن ته موبائيل نمبر ٽريس آئوٽ جي ذريعي ڊسٽرڪٽ شڪارپور جي ڪچي واري علائقي سان تعلق رکندڙ ٻن جوابدارن گلاب جتوئي ۽ عثمان عرف اسامہ جتوئي کي گرفتار ڪرايو ويو هو. جڏهن ته عثمان عرف اسامہ جتوئي جي موبائيل فون مان اسان جي ٻارڙين جو تمام پوليس کي رڪارڊ ھٿ آيو ھو. جنهن بعد به پوليس ان جوابدارن کان نياڻيون رڪور نه ڪرائي سگهي آهي نه ئي ان اغوا ۾ ملوث ٻن فرار ٿيل جوابدارن کي گرفتار ڪري سگهي آهي. جڏهن ته گرفتار جوابدار عثمان عرف اسامہ جتوئي کان برآمد ٿيل اسان جي ٻارڙين جي تمام رڪارڊ جي موبائيل فون به پوليس غائب ڪري ڇڏي آهي جيڪا پوليس پاران نه ئي عدالت ۾ پيش ڪئي وئي آهي. نه ئي ان موبائيل جو رڪارڊ اسان کي ڏنو پيو وڃي. جيڪو سراسر ظلم ۽ زيادتي آهي. ھنن وڌيڪ چيو ته ان اغوا م ملوث فرار ٿيل جوابدارن کي گذريل چار مھينن کان پوليس گرفتار نه ڪري رهي آهي نه ئي اغوا ٿيل ٻن نياڻين کي بازياب ڪرائي رھي آھي. ھنن پاڪستان پيپلزپارٽي چيئرمين بلاول ڀٽو زرداري. ايم پي اي ميڊم فريال ٽالپر. آئي جي سنڌ. ڊي آئي جي لاڙڪاڻو. ايس ايس پي لاڙڪاڻو کان مطالبو ڪيو ته معاملي جو نوٽيس وٺي اغوا ٿيل نياڻيون بازياب ڪرائي انصاف ڪيو وڃي.

07/03/2026

لعلورائنڪ ۾ ڪجھ ڏينھن اڳ معمولي ڳالھ تان چانڊيا برادري ۽ شيدي برادري ۾ جھيڙو ٿيو
جنهن بعد چانڊيا برادري جي هٿياربندن وچ شهر ۾ سيلون تي ويٺل نديم شيدي کي گوليون هڻي شهيد ڪري ڇڏيو
شهيد ٿي ويل نديم شيدي جي ولد جون ميڊيا اڳيان دانهون جنهن ٻڌايو ت نواب سردار خان چانڊيو طرفان 8 تاريخ تي فيصلي جي تاريخ رکي وئي هئي ان باوجود ب چانڊيا برادري اسان جي جوان کي گوليون هڻي شهيد ڪري ڇڏيو آهي اسين ايس ايس پي قمبر ڊي آء جي لاڙڪاڻو کان مطالبو ٿا ڪريون ت اسان سان انصاف ڪيو وڃي.