10/08/2026
14 آگسٽ جي حوالي سان سماجي اتحاد لاڙڪاڻي جي اهم گڏجاڻي، 13 آگسٽ تي ريلي ڪڍڻ جو اعلان
لاڙڪاڻو: سماجي اتحاد لاڙڪاڻي جي مرڪزي چيئرمين شيخ حافظ بشير احمد اعلان ڪيو آهي ته 14 آگسٽ جي حوالي سان لاڙڪاڻي ۾ شاندار آزادي ريلي ڪڍي ويندي.
سماجي اتحاد لاڙڪاڻي جي طرفان 14 آگسٽ جي حوالي سان ارسلان ٻرڙو ۽ وفا خالد ميمڻ جي نگراني ۾ مهفل هوٽل لاڙڪاڻو ۾ اهم گڏجاڻي منعقد ڪئي وئي، جنهن ۾ سماجي اتحاد لاڙڪاڻي جي اڳواڻن سان گڏ شهر جي مختلف سياسي، سماجي ۽ وڪيل برادري جي نمائندن شرڪت ڪئي.
گڏجاڻي ۾ پاڪستان پيپلز پارٽي، عوامي اتحاد لاڙڪاڻو، پاڪستان پيپلز پارٽي شهيد ڀٽو، فنڪشنل ليگ، ايس ٽي پي سميت شهر جي عوام پڻ وڏي انگ ۾ شرڪت ڪئي.
گڏجاڻي دوران فيصلو ڪيو ويو ته 14 آگسٽ جي آزادي ريلي 13 آگسٽ، خميس ڏينهن شام 4 وڳي قائم شاهه بخاري کان ڪڍي ويندي، جيڪا بندر روڊ تان ٿيندي پريس ڪلب لاڙڪاڻو پهچندي.
سماجي اتحاد لاڙڪاڻي جي مرڪزي چيئرمين شيخ حافظ بشير احمد شهرين، سياسي ۽ سماجي اڳواڻن، وڪيل برادري ۽ نوجوانن کي ريلي ۾ ڀرپور شرڪت جي اپيل ڪئي.
