Zavia News HD

Zavia News HD ZAVIA NEWS is a Pakistan's Largest Digital Media Network.

Zavia News brings the breaking and the latest news of Pakistan, world, Business, Technology, Sports, Culture, Entertainment, Current Affairs, Poetry, Islamic Lectures, Politics, Health & Education.

ٹرمپ کا عراقی وزیراعظم علی الزیدی کو اچھا لیڈر قرار دینا"عراقی وزیراعظم علی الزیدی نے وائٹ ہاؤس میں امریکی صدر ٹرمپ سے م...
15/07/2026

ٹرمپ کا عراقی وزیراعظم علی الزیدی کو اچھا لیڈر قرار دینا
"عراقی وزیراعظم علی الزیدی نے وائٹ ہاؤس میں امریکی صدر ٹرمپ سے ملاقات کی۔ ٹرمپ نے الزیدی کو اچھا لیڈر قرار دیتے ہوئے کہا کہ وہ مشرق وسطیٰ میں ایک بڑے لیڈر بن کر ابھریں گے۔
ٹرمپ نے کہا کہ عراق کے ساتھ مضبوط شراکت داری ہو گی، امریکی تیل کمپنیاں عراق میں کام کریں گی اور عراق کو تحفظ کی ضرورت ہوئی تو امریکا موجود ہے۔
دوسری جانب علی الزیدی نے کہا کہ عراق میں عوام کی اجارہ داری قائم ہوگی، مسلح افواج کے سوا کسی گروہ کو ہتھیار اٹھانے کی اجازت نہیں ہوگی، اور وہ ماضی کی بجائے مستقبل پر بات کرنا چاہتے ہیں۔"

15/07/2026

آبنائے ہرمز میں کارگو جہاز ٹوٹ کر ڈوب گیا
"سینٹ کٹس اینڈ نیوس کے پرچم بردار بلک کیریئر 'لونی' منگل کے روز آبنائے ہرمز میں بندر عباس کے قریب شدید نقصان کے بعد دو حصوں میں ٹوٹ کر جزوی طور پر ڈوب گیا۔ جہاز بھارت سے متحدہ عرب امارات جا رہا تھا۔
ایرانی نیوز ایجنسی فارس کے مطابق جہاز کا کچھ دن پہلے کسی دوسرے بحری جہاز سے تصادم ہوا تھا، جس سے ہل کو نقصان پہنچا اور بعد میں یہ پانی بھرنے اور جہاز ٹوٹنے کا باعث بنا۔ عملے کے تمام 23 ارکان کو بحفاظت نکال کر قشم جزیرے منتقل کر دیا گیا۔
کسی حملے کی تاحال تصدیق نہیں ہوئی، تاہم یہ واقعہ ایسے وقت پیش آیا ہے جب آبنائے ہرمز میں امریکا اور ایران کے درمیان جہازوں کی آمدورفت کے کنٹرول پر کشیدگی جاری ہے۔"

امریکا کا ایران کے مرکزی بینک کے 13 کروڑ ڈالر سے زائد ڈیجیٹل اثاثے منجمد"امریکا نے ایران کے مرکزی بینک سے منسلک 13 کروڑ ...
15/07/2026

امریکا کا ایران کے مرکزی بینک کے 13 کروڑ ڈالر سے زائد ڈیجیٹل اثاثے منجمد
"امریکا نے ایران کے مرکزی بینک سے منسلک 13 کروڑ ڈالرز سے زائد مالیت کے کرپٹو اثاثے منجمد کر دیے۔ امریکی وزیرِ خزانہ اسکاٹ بیسنٹ نے ایکس پر بتایا کہ محکمۂ خزانہ کے آفس آف فارن ایسیٹس کنٹرول (OFAC) نے ایرانی مرکزی بینک سے جڑے متعدد کرپٹو والیٹس پر پابندیاں عائد کیں۔
بیسنٹ کے مطابق یہ اقدام ایران کی مبینہ غیر قانونی مالیاتی سرگرمیوں اور ڈیجیٹل اثاثوں کے استعمال کو روکنے کی وسیع مہم کا حصہ ہے۔ انہوں نے کہا: 'ہم غیر قانونی رقوم کا جارحانہ انداز میں سراغ لگاتے رہیں گے اور ایرانی حکومت کو اس آمدنی تک رسائی سے محروم رکھیں گے۔'

ٹرمپ کی ایران کو نئی دھمکی: "معاہدہ نہ کیا تو بجلی گھر اور پل تباہ کر دیں گے""امریکی صدر ڈونلڈ ٹرمپ نے ایران کو نئی دھمک...
15/07/2026

ٹرمپ کی ایران کو نئی دھمکی: "معاہدہ نہ کیا تو بجلی گھر اور پل تباہ کر دیں گے"
"امریکی صدر ڈونلڈ ٹرمپ نے ایران کو نئی دھمکی دیتے ہوئے کہا ہے کہ معاہدہ نہ کیا تو اگلے ہفتے ایران کے بجلی گھروں اور پلوں کو نشانہ بنائیں گے۔ ان کا کہنا تھا کہ ایران پر حملے تب تک جاری رہیں گے جب تک وہ خود نہ کہہ دیں کہ 'بس بہت ہوگیا'۔
ٹرمپ کے مطابق امریکا نے منگل کو ایران کے ساتھ بات چیت کی اور معاہدے پر زور دیا۔ انہوں نے کہا: 'ہم ان کے تمام بجلی گھر اور تمام پل تباہ کر دیں گے، جب تک وہ مذاکرات کی میز پر نہیں آتے۔'
قبل ازیں ٹرمپ نے آبنائے ہرمز پر 20 فیصد ٹول ٹیکس کے اعلان سے 24 گھنٹے سے بھی کم وقت میں یوٹرن لے لیا تھا۔"

14/07/2026

آبنائے ہرمز میں کشیدگی برقرار، مزید جہاز حملوں کی زد میں
"امریکا-ایران جنگ کے دوران آبنائے ہرمز میں کئی بحری جہاز حالیہ ہفتوں میں حملوں کا نشانہ بنے ہیں، جن میں قطری LNG ٹینکر اور سعودی آئل ٹینکر شامل ہیں۔ امریکی حکام کا کہنا ہے کہ IRGC نے ان جہازوں پر حملے کیے، جبکہ ایران کا مؤقف ہے کہ صرف اُس کے منظور شدہ روٹس ہی محفوظ ہیں۔ امریکا اور خلیجی ممالک اس مطالبے کو تسلیم کرنے سے انکاری ہیں، جس کے باعث خطے میں کشیدگی بدستور برقرار ہے۔"

کم عمر طالب علم کے ساتھ تعلقات کے الزام میں خاتون ٹیچر نے جرم تسلیم کر لیا"امریکا میں 25 سالہ خاتون استاد میکنزی ناٹ نے ...
14/07/2026

کم عمر طالب علم کے ساتھ تعلقات کے الزام میں خاتون ٹیچر نے جرم تسلیم کر لیا
"امریکا میں 25 سالہ خاتون استاد میکنزی ناٹ نے 16 سالہ طالب علم کے ساتھ جنسی تعلقات کے مقدمے میں اپنا جرم تسلیم کر لیا ہے۔
الزام ہے کہ یہ تعلقات اس وقت قائم ہوئے جب خاتون نے سینٹ جان ایلیمنٹری اسکول میں پہلی جماعت کی استاد کے طور پر کام شروع کیا۔ معاملے کی تحقیقات خاتون کے شوہر اور طالب علم کے اسسٹنٹ ٹریک کوچ کی اطلاع پر شروع ہوئیں، جس میں موبائل فون کے اسکرین شاٹس کو اہم ثبوت قرار دیا گیا۔
گرفتاری کے بعد خاتون استاد نے معذرت کی اور اپنے عمل کو غلط قرار دیا۔ عدالت نے گزشتہ جمعے اعترافِ جرم منظور کر لیا، قانون کے تحت میکنزی ناٹ کو زیادہ سے زیادہ 1 سال تک کاؤنٹی جیل کی سزا ہو سکتی ہے جبکہ انہیں آئندہ 10 سال تک جنسی مجرموں کی فہرست میں شامل رکھا جائے گا۔"

انگلینڈ اور ویلز میں محمد مسلسل تیسرے سال سب سے مقبول نام قرار"انگلینڈ اور ویلز میں 2025ء کے دوران پیدا ہونے والے لڑکوں ...
14/07/2026

انگلینڈ اور ویلز میں محمد مسلسل تیسرے سال سب سے مقبول نام قرار
"انگلینڈ اور ویلز میں 2025ء کے دوران پیدا ہونے والے لڑکوں کے لیے محمد مسلسل تیسرے سال بھی سب سے زیادہ رکھا جانے والا نام قرار پایا۔
سرکاری اعداد و شمار کے مطابق 2025ء میں تقریباً 6 ہزار بچوں کا نام محمد رکھا گیا، جو دوسرے مقبول ترین نام نوح (Noah) سے تقریباً 2 ہزار زیادہ ہے، محمد اور نوح 2023ء سے مسلسل پہلے اور دوسرے نمبر پر موجود ہیں۔
اعداد و شمار کے مطابق اس سال لیو (Leo) اور لوکا (Luca) بالترتیب تیسرے اور چوتھے نمبر پر رہے، جبکہ آرتھر (Arthur)، اولیور (Oliver) اور جارج (George) کی درجہ بندی میں کمی آئی۔
برطانیہ کے آفس فار نیشنل اسٹیٹکس کے مطابق محمد کے دیگر ہجوں Mohammed اور Mohammad بھی مقبول ترین 100 ناموں میں شامل رہے، Mohammed بیسویں جبکہ Mohammad پچپنویں نمبر پر رہا اور ان دونوں ہجوں کے ساتھ مزید تقریباً 2600 بچوں کے نام رکھے گئے۔
او این ایس مختلف ہجوں (Spellings) کو الگ الگ شمار کرتا ہے، اس لیے ان تمام ناموں کو ایک ساتھ شامل نہیں کیا جاتا۔
دوسری جانب لڑکیوں میں اولیویا (Olivia) مسلسل سب سے مقبول نام رہا، جبکہ اس کے بعد للی (Lily)، امیلیا (Amelia)، اسلا (Isla) اور فلورنس (Florence) کے نام شامل ہیں۔
واضح رہے کہ محمد 2016ء سے مسلسل انگلینڈ اور ویلز کے ٹاپ 10 مقبول ترین لڑکوں کے ناموں میں شامل ہے، جبکہ یہ نام پہلی بار 1997ء میں ٹاپ 100 فہرست کا حصہ بنا تھا۔"

آپریشن شعبان جاری، مزید 4 دہشت گرد ہلاک"پاک فوج، ایف سی بلوچستان اور پولیس کا مشترکہ آپریشن شعبان جاری ہے۔سیکیورٹی ذرائع...
14/07/2026

آپریشن شعبان جاری، مزید 4 دہشت گرد ہلاک
"پاک فوج، ایف سی بلوچستان اور پولیس کا مشترکہ آپریشن شعبان جاری ہے۔
سیکیورٹی ذرائع کے مطابق سیکیورٹی فورسز کی تازہ کارروائیوں کے دوران 4 دہشت گرد ہلاک ہونے کی مصدقہ اطلاعات ہیں۔
سیکیورٹی ذرائع کا کہنا ہے کہ آپریشن شعبان میں ہلاک دہشت گردوں کی مجموعی تعداد 83 ہو گئی ہے۔
ذرائع نے بتایا ہے کہ 5 جولائی سے اب تک مجموعی طور پر 121 خارجی دہشت گرد جہنم واصل ہو چکے ہیں۔
سیکیورٹی ذرائع نے اس عزم کا اظہار کیا ہے کہ آخری دہشت گرد کے خاتمے تک بلوچستان میں آپریشن شعبان جاری رہے گا۔"

14/07/2026

امریکی وزیرِ خارجہ کا بیان اپنے ہی صدر کے فیصلے سے متصادم نکلا
امریکی وزیرِ خارجہ مارکو روبیو نے کچھ عرصہ قبل کہا تھا کہ کوئی بھی ملک بین الاقوامی آبی گزرگاہ پر ٹول ٹیکس نہیں لگا سکتا، یہ بین الاقوامی قانون ہے اور دنیا بھر میں یہی اصول رائج ہے۔
تاہم اب امریکی صدر ڈونلڈ ٹرمپ نے خود اعلان کر دیا: ہم ٹول ٹیکس وصول کر رہے ہیں۔
ٹرمپ کے مطابق امریکا اب آبنائے ہرمز کا محافظ ہوگا اور اس سے گزرنے والے کارگو پر 20 فیصد ٹول ٹیکس عائد کیا جائے گا.

کوہاٹ: بارش کے دوران کچے مکان کی چھت گرنے سے 11 افراد جاں بحق، 12 زخمیکوہاٹ کے نواحی پہاڑی گاؤں مالگین میں پیر کو شدید ب...
14/07/2026

کوہاٹ: بارش کے دوران کچے مکان کی چھت گرنے سے 11 افراد جاں بحق، 12 زخمی
کوہاٹ کے نواحی پہاڑی گاؤں مالگین میں پیر کو شدید بارش کے دوران کچے مکان کی چھت گرنے سے خواتین اور بچوں سمیت 11 افراد جاں بحق جبکہ 12 زخمی ہو گئے۔
ریسکیو حکام کے مطابق حادثے کے وقت مکان میں ایک تقریب جاری تھی۔ ملبے سے زخمیوں کو نکال کر ابتدائی طبی امداد کے بعد مختلف اسپتالوں میں منتقل کیا گیا، زخمیوں میں بھی خواتین اور بچوں کی بڑی تعداد شامل ہے۔
اسی دوران اٹک میں بارش سے دیوار گرنے کے نتیجے میں 5 افراد زخمی ہو گئے، جبکہ ڈیرہ غازی خان کے قبائلی علاقے میں برساتی ندیوں میں طغیانی آ گئی ہے۔ بارش کے باعث ملتان، ڈی جی خان اور مظفرگڑھ کے متعدد علاقوں میں بجلی بھی معطل ہو گئی۔

Address

Aziz Town Near Small Canal Lodhran , Lodhran, Pakistan
Lodhran
59320

Website

Alerts

Be the first to know and let us send you an email when Zavia News HD posts news and promotions. Your email address will not be used for any other purpose, and you can unsubscribe at any time.

Shortcuts

Share

Category