Lodhran Today

09/06/2026

لودھراں: میراں پور جنگل میں آگ، ریسکیو اور محکمہ جنگلات نے بروقت کارروائی کرتے ہوئے آگ پر قابو پالیا

لودھراں کے علاقے ملتان روڈ پر جلہ آرائیں کے قریب واقع میراں پور جنگل میں جھاڑیوں اور چند درختوں میں اچانک آگ بھڑک اٹھی، جس کے نتیجے میں جنگل کا تقریباً 8 ایکڑ رقبہ متاثر ہوا۔

ریسکیو کنٹرول روم کے مطابق اطلاع موصول ہونے پر ریسکیو ٹیم فوری طور پر جائے وقوعہ پر پہنچی جہاں جنگل کے دو مختلف مقامات پر آگ لگی ہوئی تھی۔ ریسکیو اہلکاروں نے فوری فائر فائٹنگ آپریشن شروع کیا اور تقریباً 30 منٹ کی مسلسل کوششوں کے بعد آگ پر مکمل قابو پا لیا۔

09/06/2026

بہاولپور: امیدوار برائے سیکرٹری لودھراں جمخانہ کلب چوہدری محمد خالد گجر کی مہر محمد رمضان (فاطمہ بلڈرز اینڈ ڈویلپر) سے ملاقات۔

ملاقات کے دوران مہر محمد رمضان نے اپنے دوست احباب کے ہمراہ چوہدری محمد خالد گجر کی مکمل حمایت کا اعلان کرتے ہوئے بہاولپور میں بھرپور انتخابی مہم چلانے کی یقین دہانی کروائی۔

اس موقع پر سید اسد عباس شاہ، رانا جاوید رمضان، پیر قصور شاہ، راؤ عبدالجبار باری اور دیگر معزز دوست احباب بھی موجود تھے۔

09/06/2026

لودھراں: میراں پور جنگل میں آگ بھڑک اٹھی، ریسکیو آپریشن جاری

لودھراں: میراں پور جنگل، جلہ آرائیں کے قریب ملتان روڈ پر نامعلوم وجوہات کی بنا پر جنگل میں آگ لگ گئی۔ اطلاع ملتے ہی ریسکیو 1122 کی ٹیمیں موقع پر پہنچ گئیں۔

ریسکیو ذرائع کے مطابق جنگل میں دو مختلف مقامات پر آگ لگی ہوئی پائی گئی جس پر قابو پانے کے لیے فوری طور پر آپریشن شروع کر دیا گیا۔ ریسکیو ٹیمیں آگ بجھانے اور مزید پھیلاؤ کو روکنے کے لیے سرگرم عمل ہیں۔

ریسکیو حکام کے مطابق صورتحال کی مسلسل نگرانی کی جا رہی ہے اور مزید معلومات بعد میں جاری کی جائیں گی۔

09/06/2026

09/06/2026

چوہدری عبدالرزاق جٹ سی ای او الرزاق انٹرپرائزز بلڈرز اینڈ ڈویلپرز کو فریضۂ حج کی سعادت حاصل کرنے پر مبارکباد دی۔

09/06/2026

لودھراں: ہوم ڈپارٹمنٹ حکومت پنجاب کی ہدایت پر ڈپٹی کمشنر لودھراں محمد اشرف نے محرم الحرام کے سلسلہ میں ایڈیشنل ڈپٹی کمشنر ریونیو کے آفس میں قائم (ڈسٹرکٹ ایمرجنسی آپریشن سنٹر)ضلعی کنٹرول روم کو مکمل فنکشنل کرنے کے احکامات جاری کیے ہیں۔اسسٹنٹ کمشنر کوآرڈینیشن محمد رمضان خان ضلعی کنٹرول روم کے فوکل پرسن ہونگے، مرکزی کنٹرول کے
0608546571پر معلومات شیئر کی جاسکتی ہیں۔

09/06/2026

محرم الحرام کی آمد پیش نظر ڈی پی او کیپٹن (ر) علی بن طارق کا ہمراہ ڈپٹی کمشنر محمد اشرف دربار رفیق شاہ اور آدم واہن جلوس کے روٹس کا وزٹ۔

لودھراں: ڈی پی او نے محرم الحرام کے دوران سکیورٹی انتظامات، جلوسوں کے روٹس اور مجوزہ پلان پر تفصیلی بریفنگ دی۔ترجمان پولیس

لودھراں: ڈی پی او اور ڈپٹی کمشنر نے جلوسوں,امام بارگاہوں کے سیکیورٹی و دیگر انتظامات کا جائزہ لیا۔ترجمان پولیس

لودھراں: ڈی پی او اور ڈپٹی کمشنر کی لائسنس داران اور منتظمین سے بھی ملاقات ، سکیورٹی انتظامات کے بارے استفسار کیا۔ترجمان پولیس

لودھراں: تمام جلوس روٹس اور امام بارگاہوں کی مؤثر مانیٹرنگ کو یقینی بنایا جا رہا ہے۔ڈی پی او کیپٹن(ر) علی بن طارق

لودھراں: امن و امان میں خلل ڈالنے والوں کیلئے قانون میں کوئی رعایت نہیں۔ڈی پی او

لودھراں: علمائے کرام، ذاکرین اور منتظمین سے مسلسل رابطہ اور اعتماد سازی کا عمل جاری رکھا جائے۔ ڈی پی او

لودھراں: محرم الحرام کے دوران امن و امان کا قیام پولیس کی اولین ترجیح ہے۔ڈی پی او

09/06/2026

لودھراں کی عوام کے لئے خوشخبری

جلالپور موڑ فلائی اوور منصوبے کے لیے عملی پیش رفت کا آغاز — زمین کے جیوٹیکنیکل ٹیسٹ شروع کر دیے گئے۔ مختلف مقامات سے مٹی کے نمونے اور زمین کی جانچ کی جا رہی ہے تاکہ منصوبے کی مضبوط اور محفوظ تعمیر کو یقینی بنایا جا سکے۔

عوام کے لیے یہ ایک اہم پیش رفت ہے جو مستقبل میں سفری سہولت، ٹریفک کی روانی اور علاقائی ترقی میں اہم کردار ادا کرے گی۔