Sajjad Khan

20/07/2025

ڈائریکٹر پبلک ریلیشنز
خیبرپختونخوا پولیس،
19 جولائی 2025

(ضلع بنوں)

* خیبرپختونخوا پولیس ہر دم بیدار، دہشتگردوں کو منہ توڑ جواب دینے کیلئے ہر دم تیار ،

* بنوں کے علاقے بکاخیل میں رات گئے تھانے پر دہشتگردانہ حملہ ناکام بنا دیا گیا، پولیس نفری مکمل محفوظ،
* تھانہ بکا خیل پر حملہ آور دہشت گردوں کے ٹولے نے ہلکے اور بھاری ہتھیاروں سے فائرنگ کی مگر پولیس اہلکاروں کی جانفشانی اور بہادری سے کی گئی جوابی کارروائی پر فرار ہو گئے،

* ایس ایچ او تھانہ بکاخیل خالد خان اور تھانے کی نفری نے فائرنگ کا بھرپور جواب دیتے ہوئے دہشت گردوں کے مذموم عزائم خاک میں ملا دیے۔

• دہشتگردوں کی تعداد 13 سے 15 تھی جو خودکار ہلکے اور بھاری ہتھیاروں سے لیس تھے،


* آئی جی خیبرپختونخوا ذوالفقار حمید اور آر پی او سجاد خان کی جانب سے بکا خیل پولیس کو خراج تحسین، دہشتگردوں کا جڑ سے خاتمہ کرنے کے عزم کا اظہار کیا۔

19/07/2025

19/07/2025

تھانہ بسیہ خیل پولیس کی کامیاب کاروائی
اشتہاری مجرم فائرنگ کے تبادلے کے بعد زخمی حالت میں گرفتار

بنوں: ڈی آئی جی بنوں سجاد خان اور ڈی پی او بنوں سلیم عباس کلاچی کی ہدایات پر ضلع بھر میں جرائم پیشہ عناصر کے خلاف کاروائیاں جاری ہیں۔
ایس ایچ او عصمت اللہ خان نیازی معہ نفری پولیس نے خفیہ اطلاع پر مجرم اشتہاری پر چھاپہ مارا۔ مجرم اشتہاری ارسلان خان ولد محمد رفیق سکنہ مرزا بیگ سورانی نے گرفتاری سے بچنے کے لیے پولیس پارٹی پر فائرنگ شروع کی۔ پولیس نے بھی حق خفاظت خوداختیاری کی خاطر جوابی فائرنگ کی۔
فائرنگ رک جانے پر بدوران سرچ سنگین مقدمات میں مطلوب خطرناک اشتہاری مجرم ارسلان خان ولد محمد رفیق سکنہ مرزا بیگ سورانی زخمی حالت میں گرفتار کر لیا گیا۔ گرفتار ملزم کے قبضے سے ایک پستول اور ہینڈ گرینیڈ بھی برآمد ہوا۔

ملزم ارسلان خان کے خلاف دوہرے قتل، اقدام قتل، اورچوری سمیت سنگین نوعیت کے 11 مقدمات درج ہیں م۔ فائرنگ کے بعد ملزم کو زخمی حالت میں حراست میں لے کر
اسپتال منتقل کر دیا گیا ہے، جہاں اس کا علاج جاری ہے۔

ڈی آئی جی بنوں ریجن سجاد خان اور ڈی پی او بنوں سلیم عباس کلاچی نے تھانہ بسیہ خیل پولیس کی بروقت اور جرات مندانہ کاروائی کو سراہتے ہوئے کہا ہے کہ جرائم پیشہ
عناصر کے خلاف زیرو ٹالرنس پالیسی جاری رہے گی۔

علاقے کے عوام نے بھی بدنام زمانہ مجرم اشتہاری کے خلاف اس کاروائی پر پولیس کو خراج تحسین پیش کی۔

17/07/2025

لکی مروت: تھانہ غزنی خیل پولیس اور بدنام زمانہ منشیات فروش کے درمیان فائرنگ کا تبادلہ، مقابلے کے بعد زخمی حالت میں گرفتار

لکی مروت: ریجنل پولیس آفیسر بنوں سجاد خان کے احکامات اور نو تعینات ڈی پی او لکی مروت نذیر خان کی خصوصی ہدایات کی روشنی میں جرائم پیشہ عناصر کے خلاف گھیرا مزید تنگ کر دیا گیا ہے۔

اسی تسلسل میں ایس ایچ او تھانہ غزنی خیل نوید نواز کو خفیہ اطلاع موصول ہوئی کہ بدنام زمانہ منشیات فروش و اشتہاری ملزم پرویز ولد میر دل سکنہ ٹیٹرخیل ڈی آئی خان روڈ ہائی وے نزد ٹیٹرخیل پر منشیات فروخت کر رہا ہے۔

ڈی ایس پی حیدر خان کی قیادت میں ایس ایچ او نوید نواز نے فوری کاروائی کرتے ہوئے پولیس نفری سمیت موقع پر پہنچنے کی کوشش کی تو ملزم نے گرفتاری سے بچنے کی غرض سے پولیس پر فائرنگ کر دی۔ پولیس کی بروقت اور مؤثر جوابی کاروائی کے نتیجے میں ملزم زخمی حالت میں گرفتار کر لیا گیا۔ پولیس اہلکار مکمل طور پر محفوظ رہے۔

ملزم کے قبضے سے 950 گرام چرس، 450 گرام آئس، 30 بور پستول برآمد ہوئے۔

ملزم کے خلاف اقدام قتل، منشیات فروشی، پولیس مقابلے سمیت متعدد مقدمات درج ہیں۔
زخمی ملزم کو طبی امداد کے لیے ہسپتال منتقل کر دیا گیا ہے۔

ریجنل پولیس آفیسر بنوں سجاد خان نے پولیس ٹیم کی بروقت، دلیرانہ اور پیشہ ورانہ کارروائی پر انہیں شاباش دی اور کہا کہ جرائم پیشہ اور سماج دشمن عناصر کے خلاف کاروائیاں بلا امتیاز جاری رہیں گی تاکہ بنوں ریجن کو جرائم سے پاک اور عوام کو محفوظ بنایا جا سکے۔ عوام کے جان و مال کا تحفظ پولیس کی اولین ترجیح ہے۔

ترجمان ریجنل پولیس آفیسر بنوں

16/07/2025

سی ٹی ڈی بنوں ریجن اور بنوں پولیس کی مشترکہ کارروائی، فتنہ الخوارج ضرار گروپ کے3بدنام زمانہ ٹارگٹ کلرزدہشتگرد ہلاک،

ہلاک دہشتگرد پولیس اور دیگر قانون نافذ کرنے والے اداروں کے اہلکاروں کی ٹارگٹ کلنگ میں ملوث تھے،

فتنہ الخوارج پر گہری ضرب لگانے اور انکے انتہائی اہم دہشتگردوں کو جہنم واصل کرنے پر آئی جی خیبر پختونخوا ذوالفقار حمید کا بنوں پولیس اور سی ٹی ڈی کو خراج تحسین،

پریس ریلیز ضلع بنوں

انسپکٹر جنرل آف پولیس خیبرپختونخوا ذوالفقار حمید کی دہشتگردوں کے خلاف کارروائیاں تیز کرنے کے احکامات پر ریجنل پولیس آفیسر بنوں سجاد خان اور ڈی پی او بنوں سلیم عباس کلاچی کی قیادت میں بنوں ریجن سی ٹی ڈی اور بنوں پولیس نے رات ایک انٹیلیجنس بیسڈ آپریشن کیا جسکے نتیجے میں فتنہ الخوارج کے انتہائی اہم اور سرگرم 3 بدنام زمانہ ٹارگٹ کلرز کو ہلاک کیا ہے جو متعدد دہشتگردی کی کارروائیوں میں ملوث تھے۔ یہ ٹارگٹ کلرز پولیس اہلکاروں کامران، نصرت، سکندر، اے ایس آئی اصغر کی ٹارگٹ کلنگ سمیت پولیس سٹیشن ںنوں کینٹ و سٹی اور میرا خیل حملوں میں ملوث تھے۔ ہلاک دہشتگردوں کے نام مدثر عرف مدثری ولد حیدر علی سکنہ ممباتی بارکزئی، بنوں، تراب عرف عمر خطاب عرف ملنگ ولد رقیہ سکنہ کھاڈری ممند خیل، بنوں اور محمد حسین عرف معاذ ولد شاد ایاز سکنہ ماما خیل، بنوں ہیں جنکے قبضے سےایک کلاشنکوف بمع 3 میگزین، ایک پستول اور دیسی ساختہ آئی ای ڈی بھی برآمد ہوئی۔
انسپکٹر جنرل آف پولیس خیبرپختونخوا ذوالفقار حمید نے بنوں پولیس اور سی ٹی ڈی کو دہشتگردوں کو منتقی انجام تک پہنچانے پر خراج تحسین پیش کیا ہے اور کہا ہے کہ آخری دہشتگرد کے خاتمے تک کارروائیاں جاری رہیں گی۔

16/07/2025

آرپی او بنوں سجاد خان کا تحصیل ڈومیل کے مشران کے ساتھ امن و امان کے حوالے سے جرگہ*
مشران کا پولیس کے ساتھ ہر قسم کے تعاون کی یقین دہانی

بنوں: ریجنل پولیس آفیسر بنوں سجاد خان نے آج ڈی آئی جی آفس بنوں میں تحصیل ڈومیل کے قبائلی مشران کے ساتھ جرگہ کا انعقاد کیا۔ اس موقع پر دیگر پولیس افسران بھی موجود تھے۔

جرگوں کا مقصد علاقے میں امن و امان کی مجموعی صورتحال کا جائزہ لینا، عوامی مسائل سننا اور قبائلی مشران کے ساتھ روابط کو مزید مضبوط بنانا تھا۔

قبائلی مشران نے اپنے علاقوں میں درپیش چیلنجز، جرائم، سماجی برائیوں اور سیکیورٹی سے متعلق امور پر تفصیل گفتگو کی۔ آر پی او بنوں سجاد خان نے مشران کے تحفظات غور سے سنے اور یقین دلایا کہ پولیس عوام کو محفوظ اور پرامن ماحول فراہم کرنے کے لیے تمام ممکنہ اقدامات اٹھائیں جائیں گے۔

آر پی او سجاد خان نے اپنے خطاب میں کہا کہ پولیس اور عوام کا باہمی اعتماد اور تعاون ہی دیرپا امن کی بنیاد ہے۔ انہوں نے قبائلی عمائدین کے کردار کو سراہتے ہوئے کہا کہ ان کا تعاون امن کے قیام میں کلیدی حیثیت رکھتا ہے۔

قبائلی مشران نے بھی پولیس کے ساتھ ہر ممکن تعاون کی یقین دہانی کرائی اور امن کے قیام کے لیے اپنا بھرپور کردار ادا کرنے کے عزم کا اعادہ کیا۔

ترجمان ریجنل پولیس آفیسر بنوں

16/07/2025

بنوں ڈی آئی جی بنوں سجاد خان اور ڈی پی او بنوں سلیم عباس کلاچی کی خصوصی احکامات پر منشیات فروشوں کیخلاف کارروائیاں بدستور ہیں ۔

بنوں: تھانہ کینٹ پولیس اور منشیات فروش کے درمیان
فائرنگ ، مقابلے کے بعد سابقہ ریکارڈ یافتہ منشیات فروش ملزم زخمی حالت میں گرفتار، قبضے سے 01 کلوگرام چرس اور پستول برآمد۔

تفصیلات کے مطابق ایس ایچ او تھانہ کینٹ دمساز کو مخبر خاص کے ذریعے اطلاع موصول ہوئی کہ ایک شخص منشیات سمگل کرنے کی کوشش میں ہے۔ اطلاع ملتے ہی پولیس نفری نے ایس ایچ او کینٹ کی قیادت میں کچہ راستہ پیردل خیل نزد سوکڑی جبار ناکہ بندی کی۔ کچھ دیر بعد ایک مشکوک شخص کو تلاشی کی غرض سے روکنے کی کوشش کی گئی، جس پر اس نے ناکہ بندی توڑ کر فرار ہونے کی کوشش کی اور پولیس پر فائرنگ شروع کر دی۔

پولیس نے پیشہ ورانہ مہارت سے جوابی کارروائی کرتے ہوئے حملہ آور کو زخمی حالت میں گرفتار کرلیا، جس کی شناخت خیبر ولد نذار علی شاہ سکنہ شیخان ممش خیل کے نام سے ہوئی۔ گرفتار ملزم خطرناک اور سابقہ ریکارڈ یافتہ منشیات فروش ہے جس کے خلاف تھانہ کینٹ میں پہلے ہی منشیات فروشی کے 09 مقدمات میں سے 01 میں مطلوب جبکہ 08 مقدمات میں ملوث رہا ہے۔
جس کے قبضے سے برموقع 01 کلوگرام چرس اور ایک عدد پستول معہ کارتوس برآمد کیے گئے۔

ڈی آئی جی بنوں ریجن سجاد خان اور ڈی پی او بنوں سلیم عباس کلاچی نے پولیس ٹیم کی بروقت، دلیرانہ اور مؤثر کارروائی کو سراہا اور کہا کہ بنوں کو منشیات، جرائم اور سماج دشمن عناصر سے پاک کرنے کے لیے پولیس کی کارروائیاں مزید مؤثر انداز میں جاری رہیں گی۔

15/07/2025

ڈی آئی جی بنوں ریجن سجاد خان کی جانب سے بہترین کارکردگی پر پولیس افسران میں تعریفی اسناد اور نقد انعامات تقسیم

بنوں: ریجنل پولیس آفیسر بنوں سجاد خان نے اپنے دفتر میں پولیس افسران کو بہترین کارکردگی اور فرض شناسی پر تعریفی اسناد اور نقد انعامات سے نوازا۔ یہ اعزاز اُن افسران کو دیا گیا جنہوں نے اپنی ڈیوٹی نہایت ایمانداری، پیشہ ورانہ مہارت اور خوش اسلوبی سے سرانجام دی۔

اس موقع پر آر پی او سجاد خان نے پولیس افسران کی خدمات کو سراہتے ہوئے کہا کہ:
"مجھے ان افسران اور جوانوں پر فخر ہے جو اپنے فرائض کو ایمانداری اور دیانتداری سے انجام دے رہے ہیں۔ ایسے اہلکار ہی پولیس فورس کا فخر اور عوام کا اعتماد ہیں۔"

آر پی او بنوں نے مزید کہا کہ پولیس میں جزا و سزا کا نظام جاری رہے گا تاکہ اچھی کارکردگی کو سراہا جا سکے اور کوتاہی پر اصلاح کی جا سکے۔ انہوں نے تمام افسران و جوانوں کو ہدایت کی کہ وہ عوام کے ساتھ خوش اخلاقی سے پیش آئیں اور ہر جائز و قانونی مدد فراہم کریں۔

ترجمان ریجنل پولیس آفیسر بنوں

15/07/2025

*بنوں:-تھانہ کینٹ پولیس اور منشیات فروش کے درمیان فائرنگ کا تبادلہ، منشیات فروش زخمی حالت میں گرفتار* ،
*پستول اور چرس برآمد* ۔

بنوں:-تفصیلات کے مطابق ریجنل پولیس آفیسر سجاد خان اور ڈسٹرکٹ پولیس آفیسر سلیم عباس کلاچی کی ہدایات پر منشیات فروشوں کے خلاف کارروائیاں بدستور جاری ہیں۔ ایس ایچ او کینٹ دمساز خان کو خفیہ اطلاع ملی کہ پیردل خیل روڈ نزد ارضیات چاند ماری منشیات فروشی کا مکروہ دھندہ جاری ہے۔
ایس ایچ او تھانہ کینٹ دمساز کی قیادت میں پولیس نفری نے موقع پر پہنچ کر ملزم کی گرفتاری کی کوشش کی جس پر منشیات فروش نے پولیس پارٹی کو جائز گرفتاری دینے سے بچنے کیلئے فائرنگ کی۔
جوابی کارروائی میں منشیات فروش ملزم مہاد اللہ شاہ ولد نثار علی شاہ سکنہ پرانا شیخان ممش خیل زخمی حالت میں گرفتار ہوا، جس کے قبضے سے 2 کلو گرام چرس ، پستول برآمد ہوا۔ منشیات فروش ملزم سابقہ ریکارڈ یافتہ ہے جوکہ تھانہ کینٹ پولیس کے 22 مقدمات میں ملوث جبکہ 02 مقدمات میں مطلوب تھا۔

آر پی او بنوں اور ڈی پی او بنوں نے ایس ایچ او تھانہ کینٹ اور انکی ٹیم کو شاباش دیتے ہوئے کہا کہ منشیات فروش معاشرے کیلئے ناسور ہیں۔اور نوجوان نسل کے دشمن ہیں۔منشیات فروشان کسی قسم کی رعایت کے مستحق نہیں لہذا منشیات فروشوں کیخلاف بھرپور کارروائیاں عمل لائی جاکر آہنی ہاتھوں سے نمٹنا جائیگا ۔

15/07/2025

*لکی مروت تھانہ شہباز خیل پولیس اور راہزن / ڈکیت گروہ کے مابین فائرنگ کا تبادلہ* ، *بدنام زمانہ راہزن / ڈکیت گروہ کا سرغنہ مقابلے کے بعد زخمی حالت میں گرفتار* ،

لکی مروت:-تفصیلات کے مطابق ریجنل پولیس آفیسر بنوں سجاد خان کے احکامات کی روشنی میں اور نو تعینات ڈی پی او لکی مروت نزیر خان کے خصوصی ہدایت پر جرائم پیشہ عناصر کے خلاف گھیرا مزید تنگ ۔
ایس ایچ او تھانہ شہباز خیل شکیل خان کو خفیہ اطلاع موصول ہوئی کہ بدنام زمانہ ڈکیت ، راہزن اپنے ساتھیوں کے ہمراہ عمر اڈا پر کسی واردات کی نیت سے موجود ہیں جس کی گرفتاری کی خاطر پولیس پارٹی ڈی ایس پی حیدر علی کی زیرنگرانی میں اور ایس ایچ او تھانہ شہباز خیل شکیل خان کی قیادت میں فوری طور پر روانہ ہوئی ۔
جائے وقوعہ پہنچنے پر راہزن / ڈکیت گروہ نے جائز گرفتاری سے بچنے کیلئے پولیس پر فائرنگ شروع کی۔فائرنگ کا تبادلہ 15 منٹس تک جاری رہا۔ جس سے پولیس اہلکار محفوظ رہے جبکہ جوابی کاروائی میں راہزن / ڈکیت گروہ کا سرغنہ دو ملزمان زخمی حالت میں اسلحہ و ایمو نیشن سمیت گرفتار کرلئے گئے۔جس میں ایک ملزم کی شناخت سمیع اللہ ولد سیف اللہ اور دوسرے ملزم یحییٰ والد رحمت اللہ کے نام سے ہوئی ۔ملزمان کے قبضے سے برموقع ایک عدد کلاشنکوف ،01 پستول اور 01 ہنڈا 125 موٹر سائیکل بغیر نمبر پلیٹ برآمد کرلئے گئے

گرفتار ملزمان کے خلاف پہلے بھی چوری ڈکیتی اور قتل جیسے مختلف نوعیت کے مقدمات میں مطلوب تھے مزید ریکارڈ چیک کیا جا رہا ہے
۔ملزم کو طبی امداد کے لیے ہسپتال منتقل کر دیا گیا ہے جس سے مزید تفتیش بھی کی جائے گی

آر پی او بنوں سجاد خان نے بروقت کارروائی پر پولیس ٹیم کو شاباش دیتے ہوئے کہا کہ جرائم پیشہ اور سماج دشمن عناصر کے خلاف بدستور جاری رہے گی۔تاکہ علاقے کو جرائم سے پاک کیا جاسکے ۔
عوام کی جان و مال کا تحفظ پولیس کی اولین ترجیح ہے۔

ترجمان ریجنل پولیس آفیسر بنوں

14/07/2025

*آر پی او بنوں سجاد خان کا ڈی پی او لکی مروت نزیر خان کے ساتھ تعارفی میٹنگ کا انعقاد*

بنوں: ریجنل پولیس آفیسربنوں سجاد خان نے حال ہی میں تعینات ہونے والے ڈسٹرکٹ پولیس آفیسر لکی مروت نزیر خان کے ساتھ تعارفی ملاقات کی۔

اس موقع پر آر پی او بنوں نے ڈی پی او لکی مروت کو خوش آمدید کہا اور نیک تمناؤں کا اظہار کیا۔ ملاقات کے دوران موجودہ سیکیورٹی صورت حال، امن و امان کی بہتری، اور جرائم کے خاتمے سے متعلق مختلف امور پر تفصیلی تبادلہ خیال کیا گیا۔

آر پی او بنوں نے ڈی پی او نزیر خان کو لکی مروت میں درپیش چیلنجز سے مؤثر طور پر نمٹنے کے لیے رہنمائی فراہم کی اور مختلف پہلوؤں پر قیمتی مشورے دیے۔ انہوں نے زور دیا کہ عوام کے اعتماد کو بحال رکھنے، کمیونٹی پولیسنگ کو فروغ دینے اور فورس کی پیشہ ورانہ صلاحیتوں کو بہتر بنانے کے لیے بھرپور اقدامات کیے جائیں۔

ترجمان ریجنل پولیس آفیسر بنوں