Sajjad Khan

27/11/2025

آئی جی خیبرپختونخوا ذولفقار حمید کا دورہ بنوں

27/11/2025

ڈائریکٹر پبلک ریلیشنزخیبر پختونخواپولیس
بنوں27نومبر2025
٭ بنوں انسپکٹر جنرل آف پولیس خیبرپختونخواہ ذوالفقار حمید کا ضلع بنوں کا دورہ ،
٭ بنوں ، لکی مروت، سی ٹی ڈی پولیس اور عوام کیساتھ ملاقات ،
٭ بہترین ڈیوٹی سر انجام دینے پر بنوں ، لکی مروت اور سی ٹی ڈی پولیس کے افسران اور جوانوں میں تعریفی اسناد تقسیم کئے۔
(پریس ریلیز)
تفصیلات کے مطابق آئی جی خیبرپختونخواہ ذوالفقار حمید نے آج ضلع بنوں کا دورہ کیا، جہاں انہوں نے بنوں، لکی مروت اور سی ٹی ڈی پولیس کے افسران و جوانوں کے ساتھ ساتھ بنوں کے عوام سے ملاقاتیں کیں۔
بعدازاں ا±نہوں نے بنوں، لکی مروت اور سی ٹی ڈی پولیس کے افسران اور جوانوں میں بہترین کارکردگی، جانفشانی اور فرائض کی انجام دہی پر تعریفی اسناد بھی تقسیم کیں۔
ڈی آئی جی ریجن بنوں سجاد خان، ڈی پی او بنوں یاسر آفریدی، ڈی پی او لکی مروت نذیر خان، ایس پی سی ٹی ڈی فضل واحد سمیت بنوں، لکی مروت اور سی ٹی ڈی کے افسران و اہلکاروں نے کثیر تعداد میں شرکت کی۔
اس موقع پر آئی جی خیبرپختونخواہ ذوالفقار حمید نے بنوں ، لکی مروت اور سی ٹی ڈی پولیس اور بنوں کے عوام کے نام خصوصی پیغام دیتے ہوئے کہا کہ بنوں لکی مروت اور سی ٹی ڈی پولیس نے مشکل حالات، چیلنجز اور امن دشمن عناصر کے مقابلے میں ہمیشہ جرات، بہادری اور ذمہ داری کا مظاہرہ کیا ہے۔ بالخصوص سی ٹی ڈی پولیس نے دہشت گردی کے خلاف آپریشنز میں اہم کردار ادا کیا جس پر پوری فورس کو فخر ہے۔ آئی جی پی نے کہا کہ بنوں کے عوام نے ہمیشہ پولیس کا ساتھ دیکر تعاون کیا ہے اور ہر مشکل گھڑی میں اپنے پولیس جوانوں کے شانہ بشانہ کھڑے رہے، جس سے امن و امان کی صورتحال مزید بہتر ہوئی۔پولیس اور عوام کا مضبوط رشتہ ہی علاقے میں امن کے قیام کی سب سے بڑی طاقت ہے۔
آئی جی خیبرپختونخواہ نے کہا کہ پولیس فورس کو جدید خطوط پر استوار کیا جا رہا ہے اور جوانوں کی فلاح و بہبود اولین ترجیح ہے۔ انہوں نے دوران ڈیوٹی شہداءکی قربانیوں کو خراجِ عقیدت پیش کرتے ہوئے کہا کہ شہداءکی خدمات کو ہمیشہ یاد رکھا جائے گا۔
آخر میں آئی جی نے بنوں ریجن کے افسران و جوانوں کی محنت، نظم و ضبط اور پیشہ ورانہ کارکردگی کو سراہتے ہوئے امید ظاہر کی کہ بنوں ، لکی مروت اور سی ٹی ڈی پولیس اسی جذبے کے ساتھ عوام کی خدمت جاری رکھے گی۔تقریب کا اختتام دعائے خیر کیساتھ کی گئیں۔
اور فضا نعرہ تکبیر آللہ اکبر ، خیبر پختونخواہ پولیس زندہ باد کے نعروں سے گونج اٹھی۔

26/11/2025

*بنوں تھانہ مندان پولیس پر دوران ناکہ بندی موٹر سائیکل سوار دہشتگردوں کا بزدلانہ حملہ*
*جوابی کاروائی میں 01 دہشتگرد ہلاک، ایک زخمی*

تفصیلات کے مطابق بمقام شابری بھرت تھانہ منڈان پولیس پر ناکہ بندی کے دوران موٹر سائیکل سوار دہشتگردوں نے بزدلانہ حملہ کیا۔
پولیس نے بھرپور، بروقت اور جرات مندانہ جوابی کاروائی کرتے ہوئے حملہ مکمل طور پر ناکام بنا دیا۔

اطلاع ملتے ہی ڈی آئی جی بنوں سجاد خان کی احکامات پر ڈی پی او بنوں یاسر آفریدی کی زیر قیادت ایس پی رورل محمود نواز خان ، ڈی ایس پی رورل ریاض خٹک
ایس ایچ او تھانہ منڈان کی موجودگی میں پولیس کی بھاری نفری، QRF, RRF اور APCs بھی فوری طور پر موقع پر پہنچ گئیں، اور علاقے میں سرچ آپریشن شروع کردیا۔
پولیس کی مؤثر اور بروقت کاروائی کے نتیجے میں 01دہشت گرد ہلاک جبکہ ایک زخمی ہوچکا ہے۔
ہلاک دھشتگرد کے قبضے سے ایک کلاشنکوف ، ایک موٹر سائیکل ہنڈا 125 بھی برآمد کرلیا گیا ہے۔

ہلاک دہشتگردکی شناخت کا عمل جاری ہے۔علاقے میں سرچ آپریشن جاری ہے۔

ڈی آئی جی بنوں ریجن سجاد خان اور ڈی پی او بنوں یاسر آفریدی نے بہادری سے مقابلہ کرنے والی پولیس ٹیم کو خراجِ تحسین پیش کیا اور کہا کہ پولیس جوانوں نے دلیرانہ کارروائی سے بڑے نقصان کو ٹال دیا۔

ڈی آئی جی بنوں ریجن سجاد خان نے کارروائی میں حصہ لینے والی پولیس ٹیم کے لیے تعریفی اسناد اور نقد انعامات کا اعلان کیا اور کہا کہ دہشتگردوں کو ہر محاذ پر شکست دیں گے اور بنوں ریجن سے ان کا مکمل خاتمہ کریں گے۔

25/11/2025

*ڈی آئی جی بنوں ریجن سجاد خان کی جانب سے ممش خیل اور ممند خیل کے مشران کے ساتھ الگ الگ اہم جرگوں کا انعقاد*

بنوں: ڈپٹی انسپکٹر جنرل آف پولیس بنوں ریجن سجاد خان نے ممش خیل اور ممند خیل اقوام کے مشران و عمائدین کے ساتھ ڈی آئی جی آفس بنوں میں الگ الگ اہم جرگے منعقد کیے۔

جرگوں میں امن و امان کی مجموعی صورتحال، علاقائی سیکیورٹی، جرگہ سسٹم کے کردار، اور پولیس و عوام کے درمیان باہمی تعاون کو مزید مؤثر بنانے کے حوالے سے تفصیلی گفتگو ہوئی۔

ڈی آئی جی سجاد خان نے کہا کہ “پولیس اور عوام کا مضبوط تعلق پائیدار امن کی بنیاد ہے۔ بنوں پولیس عوام کے جان و مال کے تحفظ کے لیے ہر لمحہ متحرک ہے، اور علاقائی امن کے استحکام کے لیے تمام وسائل بروئے کار لائے جا رہے ہیں۔”

انہوں نے مزید کہا کہ جرگہ سسٹم مقامی روایات کا وہ مؤثر پلیٹ فارم ہے جس کے ذریعے تنازعات کے حل، غلط فہمیوں کے خاتمے اور سماجی ہم آہنگی کو فروغ ملتا ہے۔

جرگوں میں شریک مشران نے پولیس کے اقدامات کو سراہا اور یقین دہانی کرائی کہ وہ علاقے میں امن و امان برقرار رکھنے اور سماجی ہم آہنگی کے فروغ کے لیے پولیس کے ساتھ بھرپور تعاون جاری رکھیں گے۔

ترجمان ریجنل پولیس آفیسر بنوں

23/11/2025

جدید وسائل ہونے کے باعث دہشتگردوں کے بڑے حملے ناکام بنا دیے گئے، دہشتگردوں کے خلاف آپریشنز میں عوام نے بھرپور ساتھ دیا: رپورٹ

23/11/2025

*بنوں ریجن میں گزشتہ تین ماہ کے دوران تھانوں اور چوکیات پر 140 سے زائد حملے ناکام بنا دیئے گئے۔*
ڈی آئی جی بنوں ریجن سجاد خان کی مؤثر قیادت میں متعدد اہم آپریشنز کے دوران درجنوں دہشتگرد ہلاک اور زخمی کئے گئے۔

ڈی آئی جی بنوں ریجن سجاد خان نے کہا ہے کہ دہشتگردی کے مکمل خاتمے تک بنوں پولیس اپنی جدوجہد جاری رکھے گی،
ہم دہشتگردوں کا بنوں ریجن سے مکمل خاتمہ کریں گے،
اور بنوں پولیس ہر محاذ پر الرٹ رہتے ہوئے شہریوں کے جان و مال کے تحفظ کو اولین ترجیح دے رہی ہے۔

22/11/2025

*ڈی آئی جی بنوں ریجن سجاد خان کی جانب سے ڈی پی او بنوں سلیم عباس کلاچی کے اعزاز میں الوداعی پروقار تقریب کا انعقاد*

بنوں: ڈی آئی جی بنوں ریجن سجاد خان کی جانب سے ڈی پی او بنوں سلیم عباس کلاچی کی بنوں میں خدمات کے اعتراف میں ایک پروقار اور شاندار الوداعی تقریب کا انعقاد کیا گیا۔

تقریب میں ڈی پی او بنوں سلیم عباس کلاچی، بریگیڈیئر عمیر خان نیازی، ایس پی ٹریفک احسان الدین، ایس پی رورل محمود نواز، سمیت ایس ڈی پی اوز اور دیگر افسران نے شرکت کی۔ شرکاء کے اعزاز میں خصوصی کھانے کا اہتمام بھی کیا گیا۔

اس موقع پر ڈی پی او سلیم عباس کلاچی کو یادگاری شیلڈز، تحائف اور سوونیئر پیش کیے گئے اور ان کی شاندار پیشہ ورانہ خدمات کو بھرپور خراجِ تحسین پیش کیا گیا۔
ان کی جرائم پیشہ عناصر اور دہشتگردوں کے خلاف مؤثر کارروائیوں، بنوں میں امن و امان کے قیام، اور عوام میں پیدا ہونے والی محبت و اعتماد کو خصوصی طور پر سراہا گیا۔

ڈی آئی جی سجاد خان نے ڈی پی او سلیم عباس کلاچی کی بہترین کارکردگی کو خراجِ تحسین پیش کرتے ہوئے کہا کہ ان کی خدمات ہمیشہ یاد رکھی جائیں گی۔ انہوں نے ان کے مستقبل کے لیے نیک خواہشات کا اظہار بھی کیا۔

آخر میں ڈی پی او بنوں سلیم عباس کلاچی نے ڈی آئی جی بنوں ریجن سجاد خان اور تمام شرکاء کا شکریہ ادا کرتے ہوئے کہا کہ بنوں میں خدمات سرانجام دینا ان کے لیے اعزاز تھا۔ انہوں نے پولیس فورس کی محنت اور عوامی خدمت کے جذبے کو سراہا اور بنوں کے امن و ترقی کے لیے نیک خواہشات کا اظہار کیا۔

ترجمان ریجنل پولیس آفیسر بنوں

22/11/2025

بنوں اور لکی مروت میں دہشتگردوں کے خلاف کامیاب آپریشنز،
03اہم کمانڈروں سمیت 17 دہشتگرد ہلاک،
ریجنل پولیس آفیسر بنوں سجاد خان کی میڈیا سے گفتگو

21/11/2025

20/11/2025

بنوں: ڈی آئی جی بنوں سجاد خان کی جانب سے ضلع بنوں سے تبدیل ہونے والے ڈی پی او بنوں سلیم عباس کلاچی کے اعزاز میں اقبال شہید پولیس لائن بنوں میں پروقار الوادعی تقریب کا انعقاد ،

تقریب میں ایس پی صاحبان، ڈی ایس پی صاحبان، تمام تھانہ جات کے ایس ایچ اوز، پولیس افسران اور مختلف تھانہ جات و چوکیات سے آئے ہوئے پولیس جوانوں نے بھرپور شرکت کی۔ تقریب میں افسروں اور جوانوں کیلئے خصوصی طور پر کھانے کا اہتمام بھی کیا گیا تھا۔

ڈی آئی جی بنوں سجاد خان نے تقریب سے خطاب کرتے ہوئے تبدیل ہونے والے ڈی پی او بنوں سلیم عباس کلاچی کی پیشہ ورانہ خدمات، بنوں پولیس کی بہتری اور جوانوں کی ویلفیئر کیلئے کیے گئے عملی اقدامات کا تفصیلی ذکر کیا۔ ان کا کہنا تھا کہ ڈی پی او بنوں سلیم عباس کلاچی نے اپنی مدتِ تعیناتی کے دوران مثالی قیادت کا مظاہرہ کیا، جس کی بدولت بنوں پولیس نے امن و امان، مؤثر حکمتِ عملی اور جرائم کنٹرول کے میدان میں نمایاں کامیابیاں حاصل کیں۔
بنوں میں اپنے دورِ تعیناتی کے دوران نہ صرف انتظامی اور پیشہ ورانہ کام کو بہتر بنایا بلکہ دہشتگردی کے خلاف آپریشنز میں بھی نمایاں کردار ادا کیا۔ انہوں نے کہا کہ فرنٹیئر کانسٹیبلری (FC) ہیڈکوارٹر پر ہونے والے حملے کے موقع پر سلیم عباس کلاچی جوانوں کے ساتھ فرنٹ لائن پر موجود رہے اور بہادری سے مقابلہ کرتے ہوئے دہشتگردوں کے عزائم ناکام بنائے۔
مزید کہا کہ تھانہ میریان، تھانہ کینٹ اور ممند خیل میں دہشتگردوں کے خلاف کیے گئے آپریشنز میں بھی ڈی پی او سلیم عباس کلاچی کی قیادت اور نگرانی کی وجہ سے پولیس نے کامیابیاں حاصل کیں۔ انہوں نے کہا کہ یہ کامیابیاں بنوں پولیس کی محنت، بہادری اور اچھی حکمتِ عملی کا نتیجہ ہیں، اور ان تمام کارناموں میں ڈی پی او کلاچی کا کردار انتہائی قابلِ تعریف ہے۔

ڈی پی او بنوں سلیم عباس کلاچی نے بنوں پولیس کے تمام افسران، جوانوں اور بنوں کے عوام کا دل سے شکریہ ادا کیا۔ انہوں نے موجودہ حالات کے تناظر میں پولیس جوانوں کی فرنٹ لائن کردار، بہادری، فرض شناسی اور قربانیوں کو خراجِ تحسین پیش کرتے ہوئے کہا کہ بنوں پولیس نے ہر مشکل مرحلے میں عزم، ہمت اور جذبے کے ساتھ فرائض انجام دیے، جس پر پوری فورس کو فخر ہے۔

تقریب کے اختتام پر ڈی آئی جی بنوں سجاد خان ، پولیس افسران اور جوانوں کی طرف سے تبدیل ہونے والے ڈی پی او سلیم عباس کلاچی کو اعزازی شیلڈز، سوئنیر، گلدستے پیش کیے گئے جبکہ روایتی طور پر نوٹوں کے ہار بھی پہنائے گئے۔

آخر میں ملک و قوم کی سلامتی، قیامِ امن اور خیبرپختونخواہ پولیس خصوصاً بنوں پولیس کے شہداء کے بلند درجات کیلئے خصوصی دعا کی گئی۔اور فضاء نعرہ تکبیر آللہ اکبر پاکستان زندہ باد ،
خیبرپختونخواہ پولیس زندہ باد کے نعروں سے گونج اٹھا ۔