Press Club Malakwal

15/08/2025

11/01/2025

*ملکوال*

پاہڑیانوالی کے قریب کوٹ پھولے شاہ میں آتش بازی کا سامان تیار کرتے ہوئے گھر میں دھماکہ، بچوں اور خواتین سمیت 6 افراد جاں بحق، 5 زخمی۔

پاہڑیانوالی کے قریب موضع کوٹ پھولے شاہ میں آتش باز کے گھر میں آتش بازی کا سامان تیار کرتے ہوئے شدید دھماکہ ہوا۔ دھماکہ اتنا زور دار تھا کہ ساتھ والے گھر کی چھت بھی گر گئی۔ اس المناک حادثے میں بچوں اور خواتین سمیت 6 افراد جاں بحق جبکہ 5 زخمی ہو گئے۔

جاں بحق ہونے والوں میں 30 سالہ رمشاء، 25 سالہ اقراء، 32 سالہ عمران، 36 سالہ سمیرا بی بی، اور ایک ماہ کی پاکیزہ فاطمہ شامل ہیں۔ زخمیوں میں 17 سالہ عاصم، 14 سالہ محمد رضوان، 25 سالہ کامران، 35 سالہ رضیہ، 4 سالہ عائشہ، اور 6 سالہ محمد موسیٰ شامل ہیں۔

ریسکیو ذرائع کے مطابق دھماکہ گھر کی بالائی منزل میں شارٹ سرکٹ کے باعث پیش آیا۔ اطلاع ملتے ہی ریسکیو 1122 اور انتظامی ادارے موقع پر پہنچ گئے۔ زخمیوں کو پھالیہ، منڈی بہاؤالدین، اور گجرات کے اسپتالوں میں منتقل کر دیا گیا ہے۔ حادثے کے بعد علاقے میں خوف و ہراس پھیل گیا۔

محبوب مدنی
سپیشل ٹی وی

11/01/2025

ملکوال کے نواحی علاقہ رکن میں ایک قابل تحسین اقدام، میرےکا برادران کی جانب سے 20 نادار بچیوں کی اجتماعی شادیوں کی تقریب منعقد کی گئی۔ اس موقع پر سابق ڈی سی منڈی بہاؤالدین شاہد عمران مارتھ، ایم این اے ناصر اقبال بوسال سمیت متعدد سیاسی و سماجی شخصیات اور معززین علاقہ نے شرکت کی۔ تقریب میں نہ صرف مستحق جوڑوں کو ضروریات زندگی کا سامان فراہم کیا گیا بلکہ ان کے عزیز و اقارب کے لیے پرتکلف کھانے کا اہتمام بھی کیا گیا۔۔۔

محبوب الحق مدنی
نمائندہ سپیشل ٹی وی
ملکوال

07/01/2025

سال 2025 کیلئے پریس کلب ملکوال اور الیکٹرانک میڈیا ایسوسی ایشن کے انتخابات مکمل، پریس کلب کیلئے سکندر گوندل صدر، مآرب مدنی چیئرمین جبکہ چوہدری راشد صدیق جنرل سیکرٹری منتخب ہو گئے، الیکٹرانک میڈیا کے نو منتخب صدر ملک فیاض اور جنرل سیکرٹری رضوان گوندل جبکہ چیئرمین محمد خالد میکن ہوں گے، تفصیلات کیمطابق پریس کلب ملکوال کے سینئر صحافیوں نے مشترکہ طور پر لائحہ عمل بناتے ہوئے سال 2025 کیلئے پریس کلب اور الیکٹرانک میڈیا ایسوسی ایشن کی کابینہ و عہدہ داران کا اعلان کر دیا ہے جسکے مطابق کثرت رائے سے سکندر گوندل صدر پریس کلب اور چوہدری راشد صدیق جنرل سیکرٹری منتخب ہوئے ہیں، جبکہ دیگر عہدہ داران میں سرپرست اعلیٰ فیاض شاہ، چیئرمین مآرب مدنی، سینئر نائب صدر کامران علی اعوان، نائب صدور راؤ وکیل الرحمٰن و سید فیاض شاہ، فنانس سیکرٹری ڈاکٹر مختار احمد، سیکرٹری انفارمیشن اسد علی گوندل، ایڈیشنل سیکرٹری اسجد بوسال، آفس سیکرٹری ڈاکٹر ارشد اور جوائنٹ سیکرٹری محمود گوندل منتخب ہوئے ہیں، اسی طرح سال 2025 کیلئے الیکٹرانک میڈیا ایسوسی ایشن تحصیل ملکوال کے صدر ملک فیاض، محمد خالد میکن چیئرمین جبکہ رضوان گوندل جنرل سیکرٹری منتخب ہو گئے ہیں، جبکہ دیگر عہدہ داران میں سینئر نائب صدر محمودگوندل، نائب صدر رانا عابد علی، فنانس سیکرٹری تنویر بٹ اور آفس سیکرٹری شعیب گوندل منتخب ہو ہے ہیں ۔۔۔۔

06/01/2025

04/01/2025

ملکوال کے قریب ٹریکٹر ٹرالی کی موٹرسائیکل کو ٹکر، حادثے میں خاتون جاں بحق، ڈرائیور موقع سے فرار، مزید تفصیلات جانتے ہیں اپنے نمائنده محبوب مدنی سے۔۔۔

وی او:

ہمارے نمائندہ کے مطابق ملکوال کے قریب افسوسناک حادثہ پیش آیاہے۔ گوجرہ کے علاقے ڈنگی پل پر ٹریکٹر ٹرالی نے موٹرسائیکل کو ٹکر ماردی، جس کے نتیجے میں موٹرسائیکل پر سوار خاتون موقع پر جاں بحق ہوگئیں۔

پولیس کے مطابق حادثہ اس وقت پیش آیا جب محمد ثقلین اپنی والدہ کے ہمراہ اپنے گاؤں بوسال سکھا جا رہا تھا۔ پیچھے سے آنے والی تیز رفتار ٹریکٹر ٹرالی نے ان کی موٹرسائیکل کو ٹکر ماردی۔ حادثے کے نتیجے میں محمد ثقلین کی والدہ موقع پر ہی دم توڑ گئیں، جبکہ ثقلین محفوظ رہا۔

حادثے کے بعد ٹریکٹر ٹرالی کا ڈرائیور موقع سے فرار ہوگیا۔ پولیس نے ٹریکٹر ٹرالی قبضے میں لے کر تحقیقات شروع کردی ہیں۔ جاں بحق خاتون کی میت کو پوسٹ مارٹم کے لیے قریبی اسپتال منتقل کردیا گیا ہے۔

پولیس تھانہ گوجرہ نے حادثے کی تحقیقات کا آغاز کردیا ہے اور ڈرائیور کی تلاش جاری ہے۔۔۔

16/10/2024

ملکوال کے علاقہ رکن بنگلہ سےنہر کیساتھ روڈ کی تعمیر سمیت ملکوال تحصیل کے مختلف علاقوں میں سڑکوں کا تعمیراتی کا کام جاری ہے جس پر مقامی افراد نے نے حکومت اور مسلم لیگ ن کے ایم این اے ناصر اقبال بوسال کا شکریہ ادا کیا...

محبوب مدنی
او ایس ار سپیشل ٹی وی ملکوال

14/08/2024

ملکوال
او سی
یوم آزادی کے سلسلہ میں میونسپل کمیٹی ملکوال میں پرچم کشائی کی تقریب منعقد کی گئی اسسٹنٹ کمشنر اور ڈی ایس پی نے پرچم کشائی کی۔۔۔
رپورٹ محبوب مدنی

وی او
جشن آزادی کے سلسلے میں میونسپل کمیٹی ملکوال میں پرچم کشائی کی تقریب منعقد ہوئی جس میں اسسٹنٹ کمشنر محمد ریاض گجر اور ڈی ایس پی غلام جعفر چھینہ نے پرچم کشائی کی، اس موقع پر ریسکیو 1122 اور سکول طلبہ کے کیڈٹ دستے نے پرچم کو سلامی پیش کی اس موقع پر چیف آفیسر نبیل ریاض، ڈپٹی ڈی او ایجوکیشن راؤ محمد شفیق، اسسٹنٹ ڈسٹرکٹ پراسیکیوٹر صفدر شاکر، اسسٹنٹ ایجوکیشن آفیسر رضوان افضل گوندل، مرکزی انجمن تاجران کے جنرل سیکرٹری زاہد محمود بھیروی، پریس کلب کے صدر شاہد محمود عاطف سمیت شہریوں کی بڑی تعداد نے شرکت کی، تقریب سے خطاب کرتے ہوئے اسسٹنٹ کمشنر محمد ریاض گجر نے کہا کہ آج کا دن تجدیدِ عہد کا دن ہے، قائد اعظم محمد علی جناح نے برصغیر کے مسلمانوں کیلئے پاکستان بنایا اور اب ہماری ذمہ داری ہے کہ ہم اس کی تعمیر کریں، تقریب میں سکولوں کے بچوں نے ملی نغمے پیش کئے۔۔۔

08/07/2024

ملکوال پولیس نے گونگے بہرے لڑکے سے زیادتی کرنے اور ویڈیو بنا کر وائرل کرنے پر دو ملزموں کو گرفتار کرکے مقدمہ درج کر لیا، واقعہ تھانہ ملکوال کے علاقہ چک نمبر 20 میں ہوا, مزید تفصیلات محبوب مدنی کی اس رپورٹ میں

19/06/2024

ملکوال: ڈبل روڈ پر موٹرسائیکل سواروں کی مسافر وین پر فائرنگ، فائرنگ کے نتیجہ میں ایک شخص زخمی، ایک ملزم گرفتار باقی فرار ہونے میں کامیاب، تحقیقات کی جا رہی ہیں پولیس ذرائع