28/03/2026
غریب وال سیمنٹ فیکٹری کی جانب سے اہلِ علاقہ کے ساتھ مبینہ زیادتیاں عروج پر پہنچ گئیں۔ گزشتہ بارش کے بعد علاقہ وقتی طور پر صاف ہو گیا تھا، تاہم آج دوسرے ہی دن انتظامیہ نے دوبارہ ڈسٹ اور گرد و غبار پھیلا کر صورتحال کو سنگین بنا دیا۔
اہلِ علاقہ شدید مشکلات کا شکار ہیں اور سانس کی بیماریوں سمیت دیگر مسائل میں اضافہ ہو رہا ہے۔ عوام کا کہنا ہے کہ فیکٹری انتظامیہ کی جانب سے ماحولیات کے اصولوں کی کھلی خلاف ورزی کی جا رہی ہے۔
اہلِ علاقہ نے حکومتِ پنجاب سے اپیل کی ہے کہ اس سنگین غفلت اور عوام دشمن اقدامات کا فوری نوٹس لیا جائے اور ذمہ داران کے خلاف کارروائی عمل میں لائی جائے۔
عوام نے امید ظاہر کی ہے کہ بروقت ایکشن سے علاقے کو اس آلودگی سے نجات دلائی جا سکے گی۔
