Khabarnama Burewala 360 خبرنامہ

01/01/2026

01/01/2026

.*وہاڑی: تھانہ دانیوال کے علاقہ میں پولیس مقابلہ/ 1 ملزم زخمی*

وہاڑی: شبیر آباد کے نزدیک 3 کس نامعلوم ملزمان بسواری موٹر سائیکل کو رکنے کا اشارہ کرنے پر واپس مڑ گئے اور تعاقب کرنے پر انہوں نے پولیس پر اندھا دھند فائرنگ کر دی.

وہاڑی: پولیس نے آڑ لے کر حق حفاظت خود اختیاری کے تحت جوابی فائرنگ بھی کی.

وہاڑی: فائرنگ کے دوران 1 نامعلوم ملزم اپنے ہی ساتھیوں کی فائرنگ سے زخمی ہوگیا

وہاڑی: باقی 2 ملزمان اندھیرے کا فائدہ اٹھاتے ہوئے اپنے زخمی ساتھی کو چھوڑ کر فرار ہوگئے.

وہاڑی: پڑتال ریکارڈ پر زخمی ہونے والے ملزم کی شناخت محمد ارسلان ولد حیدر علی سکنہ 155 ڈبلیو بی سے ہوئی ہے

وہاڑی۔ زخمی ہونے والا ملزم 9 مقدمات میں ریکارڈ یافتہ اور تھانہ سٹی وہاڑی، صدر وہاڑی، دانیوال اور ٹھینگی کے 20 مقدمات میں مطلوب تھا

وہاڑی: ملزم کے قبضہ سے 20 یوم قبل ڈیفنس ویو کے علاقہ سے واردات میں چھینا گیا لیپ ٹاپ جبکہ پسٹل بھی برآمد ہوا۔

وہاڑی ۔ ایس ایچ او تھانہ دانیوال مظہر فرید گوندل نے زخمی ملزم کو ابتدائی طبی امداد کے لیے ہسپتال پہنچا دیا

31/12/2025

🔥حکومت پنجاب کا بہت ہی بڑا فیصلہ۔ 📣 پٹواریوں سے بڑے بڑے اختیارات واپس لے لیے گئے۔ پٹواری سے بیع کی فرد۔انتقال کا اختیار بورڈ آف ریونیو نے واپس لے لیا اب پٹواری کے پاس صرف ریکوری گرداوری اور عدالت میں ریکارڈ فراہم کرنا باقی رہ گیا ۔
نئے طریقہ کار کے تحت سائل اراضی ریکارڈ سنٹر یا ای سہولت مرکز سے فرد بیع وصول کرے گا بعد ازاں اشٹام فروش سے باقاعدہ رجسٹری تحریر کروائے گا اور تحصیلدار کے پاس سائل اپنی تمام تر دستاویزات پیش کرے گا اور تحصیلدار ایک دن کے اندر اس رجسٹری کو پاس کرے گا گواہان کی ضرورت نہ ہے
----------------
حکومتِ پنجاب
بورڈ آف ریونیو، پنجاب
لاہور
بتاریخ: 30 دسمبر 2025ء
نوٹیفکیشن
نمبر: 3219-2025/6535-LR-I
پنجاب لینڈ ریونیو ایکٹ، 1967ء (ایکٹ نمبر XVII of 1967) کی دفعات 13(2)، 16(2)، 17 بمعہ دفعہ 42-A اور پنجاب لینڈ ریونیو رولز، 1968ء کے تحت حاصل شدہ اختیارات کو بروئے کار لاتے ہوئے، نیز سابقہ تمام ہدایات کو (جہاں تک ان میں تضاد پایا جاتا ہو) منسوخ کرتے ہوئے، بورڈ آف ریونیو، پنجاب یہ ہدایت جاری کرتا ہے کہ:
1۔ وراثت کے علاوہ کسی بھی زبانی لین دین، بیان یا دعویٰ کی بنیاد پر کوئی انتقال درج یا منظور نہیں کیا جائے گا۔
البتہ وراثت سے متعلق انتقالات قانون کے مطابق بدستور منظور کیے جاتے رہیں گے۔
2۔ زمین میں حقوق کی منتقلی سے متعلق انتقالات (فروخت، رہن، تبادلہ اور ہبہ وغیرہ) صرف باقاعدہ طور پر رجسٹرڈ دستاویز کی بنیاد پر ہی درج اور منظور کیے جائیں گے، جیسا کہ رجسٹریشن ایکٹ، 1908ء اور ٹرانسفر آف پراپرٹی ایکٹ، 1882ء کی متعلقہ دفعات میں درج ہے، سوائے وراثت کے معاملات کے۔
3۔ تمام ریونیو افسران اور اہلکار ان ہدایات پر سختی سے عملدرآمد کو یقینی بنائیں گے۔ خلاف ورزی کی صورت میں متعلقہ قواعد کے تحت تادیبی کارروائی عمل میں لائی جائے گی۔
4۔ یہ نوٹیفکیشن فوری طور پر نافذ العمل ہوگا۔
سینئر ممبر
بورڈ آف ریونیو، پنجاب
نمبر و تاریخ حسبِ سابق
برائے اطلاع و ضروری کارروائی، نقل ارسال کی جاتی ہے:
1۔ تمام ڈویژنل کمشنرز، پنجاب
2۔ تمام ڈسٹرکٹ کلکٹرز / ڈپٹی کمشنرز، پنجاب
3۔ ڈائریکٹر جنرل، پنجاب لینڈ ریکارڈز اتھارٹی، لاہور
4۔ پرسنل سیکرٹری برائے سینئر ممبر، بورڈ آف ریونیو، پنجاب، لاہور
سیکرٹری ریونیو
بورڈ آف ریونیو، پنجاب
--------------
حکومت ہمیشہ اچھا کام کرنے کی کوشش کرتی ہے مگر پاکستانی سرکاری بھائی ہر اچھے کام سے رشوت لینے کےطریقے ڈھونڈھ لیتے ہیں،پہلے پٹواری مال بنا رہا تھا اب رجسٹری والے بنائیں گے یہاں سب کرپٹ اور فرعون ہیں ۔امید ہے اس نئے قانون کا کچھ تو فائدہ ہو گا

31/12/2025

جامعہ سراج گلی نمبر 1 مدینہ کالونی مرضی پورہ بورےوالا بچوں کی تعلیم وتربیت کے لئے ایک مثالی کردار ادا کر رہا ہے۔۔۔کل 1122 اہلکاروں کی ٹیم نے مدرسہ کا دورہ کیا اور بچوں کو ایمرجنسی ڈیل کرنا سیکھایا۔۔۔ٹیم نے طلباء کو دل کی دھڑکن اور سانس بحال کرنے کا طریقہ سیکھایا۔۔1122 کی خدمات کو خراج تحسین پیش کرتے ہیں۔۔۔۔۔ڈاکٹر مزمل احمد ظفر شیخ زید میڈیکل کالج

30/12/2025

بسنت کی اجازت کےلئے ڈی سی لاہور کے جاری کردہ نوٹیفیکیشن کو چیلنج کردیا گیا

یہ نوٹیفیکیشن جوڈیشل ایکٹیوزم پینل کے سربراہ نے چیلنج کیا ہے

درخواست میں حکومت پنجاب اور ڈی سی لاہور کو فریق بنایا گیاہے

6 سے 8 فروری 2026 کو بسنت منانے کی اجازت کانوٹیفیکیشن حق زندگی کے منافی ہے۔موقف

کیمیائی، نایلون اور دھاتی ڈور جان لیوا ثابت ہو رہی ہیں۔موقف

پتنگ بازی سے جانی نقصان اور سنگین حادثات میڈیا پررپورٹ ہورہے ہیں۔موقف

قصورمیں بچی کی گردن پرڈورپھرنے کےحالیہ واقعہ نے سارا پول کھول دیا۔موقف

آرٹیکل 9 کے تحت شہریوں کی زندگی کا تحفظ ریاست کی ذمہ داری ہے۔موقف

عدالت بسنت منانے کےنوٹیفکیشن کو کالعدم قرار دے۔استدعا

29/12/2025

بوریوالا: پولیس مقابلہ/ 1 ملزم زخمی

بوریوالا: ایس ایچ او تھانہ سٹی بوریوالا سرکل گشت پر موجود تھے کہ پل نہر مجاہد کالونی کے قریب 2 کس مشکوک افراد بسواری موٹر سائیکل125 کو رکنے کا اشارہ کیا

بوریوالا: ملزمان پولیس پر فائرنگ کرتے ہوئے بجانب فتح شاہ روڑ فرار ہو گئے

بوریوالا: ملزمان کا تعاقب کرنے پر نزد لنگڑیال پل ملزمان نے پولیس پر دوبارہ اندھا دھند فائرنگ کر دی.

بوریوالا: پولیس نے آڑ لے کر حق حفاظت خود اختیاری کے تحت جوابی فائرنگ بھی کی.

بوریوالا: فائرنگ کے دوران 1 نامعلوم ملزم اپنے ہی ساتھیوں کی فائرنگ سے زخمی ہوگیا

بوریوالا: باقی 1 ملزم اندھیرے کا فائدہ اٹھاتے ہوئے اپنے زخمی ساتھی کو چھوڑ کر فرار ہوگیا.

بوریوالا: پڑتال ریکارڈ پر زخمی ہونے والے ملزم کی شناخت محمد عرفان ولد فیض محمد قوم ملک تیلی سکنہ 481 ای بی بورےوالا ہوئی ہے

بوریوالا: پولیس نے زخمی ملزم کے قبضہ سے منشیات، موٹر سائیکل اور اسلحہ ناجائز پسٹل 30 بور بھی برآمد کیا

بوریوالا: زخمی ہونے والا ملزم 16 مختلف مقدمات میں ریکارڈ یافتہ تھا

بوریوالا: ایس ایچ او تھانہ سٹی بوریوالا رانا ثاقب نذیر نے زخمی ملزم کو ابتدائی طبی امداد کے لیے ہسپتال منتقل کر دیا

29/12/2025

حرمین شریفین کے سنگِ مرمر کی ٹھنڈک کا راز
ایک عظیم معمار کی ایمان افروز داستان
کیا آپ جانتے ہیں کہ مسجد الحرام اور مسجدِ نبوی ﷺ کے صحن میں استعمال ہونے والا سنگِ مرمر شدید دھوپ کے باوجود قدرتی طور پر ٹھنڈا کیوں رہتا ہے؟
جونہی زائرین حرم کے مطاف میں قدم رکھتے ہیں، وہ سورج کی تپش کے باوجود فرش کی غیر معمولی ٹھنڈک محسوس کرتے ہیں۔ اکثر لوگوں کے ذہن میں یہ سوالات آتے ہیں:
کیا یہ سنگِ مرمر کی قدرتی خاصیت ہے؟
کیا اس کے پیچھے کوئی خاص ٹیکنالوجی ہے؟
کیا فرش کے نیچے کولنگ سسٹم یا ٹھنڈے پانی کی پائپ لائنز ہیں؟
آئیے جانتے ہیں اس راز کے پیچھے موجود عظیم معمار ڈاکٹر محمد کمال اسماعیل کی ایمان افروز کہانی۔
معمارِ حرمین: ڈاکٹر محمد کمال اسماعیل
ڈاکٹر محمد کمال اسماعیل 15 ستمبر 1908ء کو مِت غمر، دقہلیہ (مصر) میں پیدا ہوئے۔ وہ غیر معمولی صلاحیتوں کے حامل معمار تھے اور:
مسجد الحرام اور مسجدِ نبوی ﷺ کی توسیع کے منصوبوں کے نگران و معمار رہے
حرمین شریفین کے صحنوں کی منصوبہ بندی اور تعمیر انہی کی نگرانی میں ہوئی
🪨 سنگِ مرمر کا راز — تھاسوس (Thassos)
ڈاکٹر اسماعیل چاہتے تھے کہ حرم کے صحن کو ایسے سنگِ مرمر سے پختہ کیا جائے جو:
شدید گرمی میں بھی ٹھنڈا رہے
زائرین کے لیے راحت کا سبب بنے
انہوں نے یونان کے جزیرہ تھاسوس سے حاصل ہونے والا خاص سنگِ مرمر منتخب کیا، جسے Greek Thassos Marble کہا جاتا ہے۔
اس سنگِ مرمر کی خصوصیات:
انتہائی سفید رنگ
منفرد کرسٹل ساخت
بلند Albedo Effect
(یعنی سورج کی روشنی اور حرارت کو بہت زیادہ مقدار میں واپس منعکس کرنا)
گرمی کو جلد جذب نہیں کرتا
اسی لیے دن کے شدید ترین اوقات میں بھی قدرتی طور پر ٹھنڈا رہتا ہے
مزید یہ کہ
سنگِ مرمر کے تختے 5 سینٹی میٹر موٹے لگائے گئے تاکہ حرارت سے مزاحمت بڑھے
اس مشہور افواہ میں کوئی صداقت نہیں کہ صحن کے نیچے ٹھنڈے پانی کی پائپ لائنز ہیں
یونان کا سفر اور حرم کا سنگِ مرمر
ڈاکٹر محمد کمال اسماعیل یونان گئے اور وہاں موجود ایک چھوٹے سے پہاڑ سے
حرم کے لیے مطلوبہ سنگِ مرمر خریدا
یہ مقدار اس پہاڑ میں موجود کل سنگِ مرمر کا بالکل نصف تھی
یوں مسجد الحرام کا صحن مکمل ہوا۔
پندرہ سال بعد… ایک آزمائش
کچھ عرصے بعد سعودی حکومت نے ڈاکٹر اسماعیل سے درخواست کی کہ:
مسجدِ نبوی ﷺ میں بھی وہی سنگِ مرمر استعمال کیا جائے
ڈاکٹر اسماعیل بیان کرتے ہیں
“جب مجھے یہ ذمہ داری دی گئی تو میں سخت گھبرا گیا۔ یہ سنگِ مرمر دنیا میں صرف اسی ایک جگہ پایا جاتا تھا، اور میں اس کا نصف پہلے ہی خرید چکا تھا۔”
وہ دوبارہ یونان گئے اور کمپنی کے چیئرمین سے پوچھا:
کیا مزید سنگِ مرمر دستیاب ہے؟
جواب ملا
“باقی سارا سنگِ مرمر آپ کے پہلے معاہدے کے فوراً بعد فروخت ہو چکا تھا۔”
ڈاکٹر اسماعیل کہتے ہیں:
“میں ایسی اداسی میں مبتلا ہوا جو میں نے کبھی محسوس نہیں کی۔ کافی کا کپ تک پورا نہ کیا اور اگلے دن کی فلائٹ بک کروا لی۔”
حیرت انگیز موڑ
واپسی سے قبل انہوں نے سیکرٹری سے پوچھا:
“وہ سنگِ مرمر کس نے خریدا تھا؟”
سیکرٹری نے کہا:
“کافی وقت گزر چکا ہے، تلاش مشکل ہوگی۔”
ڈاکٹر اسماعیل نے عاجزی سے درخواست کی:
“میرے پاس یونان میں ایک دن ہے، براہِ کرم کوشش کریں۔ یہ میرا ہوٹل نمبر ہے۔”
اگلے دن، روانگی سے چند گھنٹے قبل فون آیا:
“ہم نے خریدار کا پتا تلاش کر لیا ہے۔”
جب ڈاکٹر اسماعیل نے پتا دیکھا تو:
ان کا دل زور سے دھڑکنے لگا
وہ خریدار ایک سعودی کمپنی تھی
اللہ کی تدبیر
وہ فوراً سعودی عرب پہنچے اور سیدھا اس کمپنی گئے۔ چیئرمین سے پوچھا:
“آپ نے یونان سے خریدا ہوا سفید سنگِ مرمر کہاں استعمال کیا؟”
جواب ملا:
“مجھے یاد نہیں۔”
گودام سے پوچھا گیا تو جواب آیا:
“سارا سنگِ مرمر اب تک گودام میں ویسے ہی رکھا ہے، استعمال نہیں ہوا۔”
ڈاکٹر اسماعیل کہتے ہیں:
“میں بچوں کی طرح رو پڑا۔”
جب کمپنی کے مالک نے وجہ پوچھی تو:
انہوں نے پوری کہانی سنائی
اور ایک خالی چیک میز پر رکھ کر کہا:
“جو رقم چاہیں لکھ دیں۔”
مالک نے اللہ کی قسم کھا کر کہا:
“جب مجھے معلوم ہوا کہ یہ سنگِ مرمر مسجدِ نبوی ﷺ کے لیے ہے، میں نے عہد کیا کہ اس کا ایک درہم بھی نہیں لوں گا۔
اللہ نے ہی مجھے یہ سنگِ مرمر گودام میں بھلا دیا تھا تاکہ یہ اسی مقصد کے لیے محفوظ رہے۔”
پاک ہے وہ اللہ
جس نے وہ پہاڑ پیدا کیا
اور اس سنگِ مرمر کو
اپنے گھر اور اپنے محبوب ﷺ کی مسجد کے لیے محفوظ رکھا۔
اللہ تعالیٰ:
عظیم معمار ڈاکٹر محمد کمال اسماعیل پر رحم فرمائے
اور انہیں جنت الفردوس میں اعلیٰ مقام عطا فرمائے
آمین

27/12/2025

اعلان فوتگی!
سر کاشف عمران صاحب
( الحمد اکیڈمی والے )
کے
والدمحترم قضائے الٰہی سے وفات پا گئے ہیں ۔ انا للہ وانا الیہ راجعون ۔ ان کی رہائش الحرم سٹی میں ہے۔ مرحوم کی نماز جنازہ چک نمبر 471 ای بی میں کل بروز اتوار دن 2 بجے ادا کی جائے گی ۔

26/12/2025

*نواحی گاؤں 473 ای بی کے قریب نامعلوم مسلح افراد کی فائرنگ سے ایک شخص زخمی.*

*انتظار حسین سکنہ 487 کو ٹانگ میں گولی لگنے پر ہسپتال منتقل کر دیا گیا.*

*پولیس نے موقع پر پہنچ کر واقعہ کی تفتیش شروع کر دی ہے.*

26/12/2025

بورےوالا نواحی گاؤں میں کام پر نہ جانے پر باپ کی سرزنش نےنوجوان نے غصہ میں آ کر زہریلی سپرے پی لی.تفصیلات کے مطابق نواحی گاؤں
80 بارہ ایل کے رہائشی محمد عاشق نے اپنے نوجوان بیٹے عمردراز کو کام پر نہ جانے پر اس کی سرزنش کی تو اس کے نوجوان بیٹے کو یہ بات ناگوار گزری
اور اسی دوران طیش میں آکر عمر دراز نے زہریلی سپرے پی کر اپنی زندگی کا خاتمہ کرنے کی کوشش کی حالت غیر ہو گئی.تو اسے تشویشناک حالت میں تحصیل ہیڈکوارٹر ہسپتال منتقل کردیا گیا جہاں پر ڈاکٹروں اسے
حالت مزید تشویشناک ہونے پر ساہیوال ریفر کر دیا گیا.

*

26/12/2025

بورےوالا
ستھرا پنجاب پروگرام کے تحت ڈائیوو ویسٹ مینجمنٹ کمپنی کی جانب سے صفائی کے مؤثر اقدامات جاری ہیں۔ تحصیل منیجر آپریشنز قیصر بٹ کی نگرانی میں پرانی سبزی منڈی کے قریب ریلوے پھاٹک کے ساتھ واقع جوئیہ پوائنٹ جہاں عرصہ دراز سے پڑے گندگی کے ڈھیر کو ختم کر دیا گیا ہے۔ صفائی کے بعد مذکورہ مقامات پر مٹی ڈلوا کر جگہ کو مکمل طور پر ہموار اور صاف ستھرا کر دیا گیا۔
اس موقع پر اسسٹنٹ کمشنر بورےوالا کیپٹن (ر) ارشد اقبال نے صفائی آپریشن کا دورہ کیا اور کام کا جائزہ لیا۔ انہوں نے تحصیل منیجر آپریشنز قیصر بٹ اور ایم ڈبلیو ایم سی کے تحصیل انچارج اشفاق ڈوگر اور ان کی ٹیم کی کاوشوں کو سراہتے ہوئے صفائی کے معیار پر اطمینان کا اظہار کیا۔
اسسٹنٹ کمشنر نے کہا کہ ستھرا پنجاب پروگرام کے تحت شہر کو صاف، خوبصورت اور صحت مند بنانے کے لیے تمام دستیاب وسائل بروئے کار لائے جا رہے ہیں۔
Assistant Commissioner Burewala