Khabarnama Burewala 360 خبرنامہ

15/08/2025

*بورےوالا. نواحی علاقہ 445 ای بی میں سیوریج کے مین ہول میں معصوم بچوں کے گرنے کی اطلاع ملتے ہی اسسٹنٹ کمشنر نے واقعہ کا نوٹس لے لیا.*

*اسسٹنٹ کمشنر کیپٹن (ر) ارشد اقبال اور سی او میونسپل کارپوریشن امتیاز احمد جوئیہ فوری طور پر موقع پر پہنچے اور واقعہ کی تحقیقات شروع کر دیں اور میونسپل کارپوریشن کو ہدایت کی تمام مین ہولز کو فوری بند کیا جائے.*
*اسسٹنٹ کمشنر کیپٹن (ر) ارشد اقبال نے ہسپتال میں بچے کی عیادت کرتے ہوئے ورثاء سے ملاقات بھی کی.*

*اسسٹنٹ کمشنر کیپٹن (ر) ارشد اقبال کا کہنا تھا کہ کوتاہی کے مرتکب افراد کے خلاف کارروائی ضرور ہو گی انتظامیہ کے کسی بھی منصوبہ یا عمل کا بنیادی مقصد علاقہ کے معیار زندگی کو بلند کرنا ہوتا ہے.*
*انہوں نے کنٹریکٹرز اور محکمہ پبلک ہیلتھ کے افسران کو ہدایت کی کہ کام کو ہنگامی بنیادوں پر مکمل کیا جائے اور اس دوران احتیاطی تدابیر اور عوامل کو اولین ترجیح دی جائے شہریوں کا تحفظ پہلی ترجیح ہونی چاہیے.*

*واضح رہے کہ مذکورہ علاقہ میں محکمہ پبلک ہیلتھ کے ذریعے کام جاری ہے اسی دوران بنائے گئے سیوریج کے مین ہول میں بچے گرے تھے.*

14/08/2025

الحمدللہ۔ہماری طالب علم عمامہ شاہد

14/08/2025

چودہ اگست کو تمام تعلیمی مراکز بند ہیں دور حاضر کے جدید ترین تقاضوں کے مطابق مصروف عمل مرکز سراج اہل حدیث انگلش میڈیم سکولوں پر بازی لے گیا ۔پرچم کشائی کی تقریب پھر بچوں میں تقریری مقابلہ۔تقسیم انعامات ۔بچوں کی تقاریر سننے کے قابل تھیں۔ایسی تقاریر میں نے انگلش میڈیم سکولوں کے بچوں کی نہیں سنیں ۔۔۔پرچم کشائی کی تقریب میں بچوں کا ڈسپلن قابل دید تھا۔۔

12/08/2025

خانیوال مینگوجوس پینےوالےہوجائیں تیارپنجاب فوڈ اتھارٹی کی بڑی کاروائی پلپ بناانے والی فیکٹری سے4800 سوکلو گرام فنگس زدہ بدبودار آم اور پلپ برآمد فوڈاتھارٹی نے گلے سڑے آموں فنگس زدہ پلپ کو تلف کردیا،پلپ پلانٹ کی پروڈکشن بھی بند کردی گئی اس جوس فیکٹری میں مینگو پلپ کی تیاری کیلئے گلے سڑے اور بدبودار آموں کااستعمال کیاجاتاتھا فیکٹری خانیوال روڈ کبیروالا میں واقع ہے برآمد ہونے والے فنگس زدہ پلپ سے بھاری مقدارمیں جوس تیار کیاجانا تھا۔۔۔۔۔!

09/08/2025

09/08/2025

ڈی ایچ اے لاہور میں کام کے دوران خوفناک حادثہ، بورے والا کے رہائشی ماموں اور بھانجا گر کر زخمی، نوجوان دانش جمیل دم توڑ گیا!

بورے والا (نمائندہ خصوصی) مکہ ٹاؤن 445 ای بی بورے والا کے رہائشی ماموں اور بھانجا لاہور کے علاقے ڈی ایچ اے میں ٹائل لگانے کے دوران ایک افسوسناک حادثے کا شکار ہو گئے۔ دونوں محنت کش پیڈ پر کام کر رہے تھے کہ اچانک توازن بگڑنے سے نیچے گر گئے۔حادثے میں بھانجا دانش جمیل اور ماموں اشفاق زخمی ہو گئے، جنہیں فوری طور پر سروسز اسپتال لاہور منتقل کیا گیا۔ اسپتال ذرائع کے مطابق دانش جمیل کی حالت تشویشناک ہونے کے بعد مزید بگڑ گئی اور وہ زخموں کی تاب نہ لاتے ہوئے دم توڑ گیا، جبکہ ماموں اشفاق زیرِ علاج ہے۔

مرحوم دانش جمیل کی لاش آبائی علاقے بورے والا منتقل کی جا رہی ہے، جہاں نمازِ جنازہ کا اعلان بعد میں کیا جائے گا۔

09/08/2025

گزشتہ روز تھانہ صدر بوریوالا کی حدود 265 میں پیش آنے والے قتل کے اندوہناک واقعہ میں اہم پیش رفت، پولیس نے برق رفتاری اور پیشہ ورانہ مہارت کا مظاہرہ کرتے ہوئے مرکزی ملزمان طیب اور طاہر کو گرفتار کر لیا۔
*ایس ایچ او تھانہ صدر اور سب انسپیکٹر محمد زاہد اور مہر بلال نے دن رات محنت، جدید تفتیشی مہارت اور بھرپور حکمتِ عملی سے ملزمان کا سراغ لگایا۔* اس کامیاب کارروائی میں ڈی ایس پی بوریوالا اور ڈی پی او وہاڑی نے بھی ذاتی دلچسپی لیتے ہوئے سخت ایکشن کیا اور ملزمان کو قانون کی گرفت میں لایا۔
پولیس حکام کا کہنا ہے کہ ملزمان کو کسی بھی صورت رعایت نہیں دی جائے گی اور انہیں عدالت کے ذریعے سخت سے سخت سزا دلوائی جائے گی تاکہ معاشرے میں قانون کی بالادستی اور عوام کے جان و مال کا تحفظ یقینی بنایا جا سکے۔
شہری حلقوں نے پولیس کی بروقت کارروائی کو سراہتے ہوئے کہا کہ اس تیز رفتار اور کامیاب آپریشن نے ثابت کر دیا ہے کہ بوریوالا پولیس عوام کے جان و مال کے تحفظ کے لیے ہر وقت چوکس ہے۔

08/08/2025

گگومنڈی. میجر طفیل محمد شہید کا67 واں یوم آج پیدائش 8 اگست کو بڑی عقیدت سے منایا جا رہا ہے
گگومنڈی : ڈی پی او وہاڑی محمد افضل کی یوم شہادت میجر طفیل محمد کے موقع پر شہید کے مزار پر حاضری

گگومنڈی : ڈی پی او وہاڑی محمد افضل نے نشان حیدر میجر طفیل محمد شہید کو خراج عقیدت پیش کیا

گگومنڈی : ڈی پی او نے میجر طفیل محمد شہید کے مزار پر پھول چڑھائے

گگومنڈی : ڈی پی او نے شہداء کے درجات کی بلندی کی دعا کی

گگومنڈی : وطن کے لئے شہداء کی خدمات اور لازوال قربانیوں کی بدولت قوم کا سرفخر سے بلند ہے۔ ڈی پی او وہاڑی

گگومنڈی : اسلام میں شہید کا مقام و مرتبہ انتہائی بلند ہے اور اسلام میں سب سے بڑی قربانی شہادت ہی تصور کی جاتی ہے۔ ڈی پی او وہاڑی

گگومنڈی ۔ پاک آرمی نے فرض کی ادائیگی میں بے مثال قربانیاں دیں۔ ڈی پی او وہاڑی

گگومنڈی : ان کی فرض شناسی کی وجہ سے دشمن ہمارے ملک کی جانب میلی آنکھ سے نہیں دیکھ سکتا۔ ڈی پی او وہاڑی

گگومنڈی ؛ ہمیں اپنی پاک افواج پر فخر ہے۔ ڈی پی او وہاڑی

اس موقع پر ایس ڈی پی او سرکل بوریوالا رانا محمد عمران ٹیپو بھی موجود تھے

08/08/2025

گرین بورے والا موومنٹ نے ایگریکلچر یونیورسٹی سب کیمپس بورے والا میں اپنی مہم کا آغاز کر دیا ہے -
انشااللہ ہم چودہ اگست تک 10000 پودے لگا رہے ہیں -

08/08/2025

گگو منڈی: نمبردار کے گھر ڈکیتی، فائرنگ سے باپ اور دو کمسن بیٹیاں شدید زخمی

بورےوالا نیوز آن لائن— تھانہ گگو منڈی کی حدود میں واقع نواحی گاؤں چک 359 ای بی میں ڈکیتی کی ایک لرزہ خیز واردات کے دوران نامعلوم مسلح ملزمان کی اندھا دھند فائرنگ سے باپ اور اس کی دو کمسن بیٹیاں شدید زخمی ہو گئیں۔

رات گئے پانچ سے چھ نامعلوم ملزمان نے گاؤں کے نمبردار یعقوب آرائیں کے گھر پر اسلحے کے زور پر دھاوا بول دیا۔ اہل خانہ کی مزاحمت پر ڈاکوؤں نے اندھا دھند فائرنگ کر دی جس کے نتیجے میں یعقوب آرائیں کا بیٹا ایوب ولد یعقوب پیٹ اور ٹانگ میں گولیاں لگنے سے شدید زخمی ہو گیا، جب کہ اس کی دو کمسن بیٹیاں 12 سالہ عارفہ اور 8 سالہ طیبہ بھی گولیوں کی زد میں آ گئیں۔ عارفہ کو ٹانگ اور طیبہ کو پاؤں پر گولی لگی۔

زخمیوں کو فوری طور پر تحصیل ہیڈ کوارٹر اسپتال بورےوالا منتقل کر دیا گیا جہاں ایمرجنسی وارڈ میں ان کو طبی امداد فراہم کی جا رہی ہے۔

ڈاکو واردات کے دوران گھر سے نقدی، زیورات اور قیمتی گھریلو سامان لوٹ کر فرار ہونے میں کامیاب ہو گئے۔ پولیس نے موقع پر پہنچ کر شواہد اکٹھے کر لیے ہیں اور مزید تفتیش کا آغاز کر دیا گیا ہے۔