27/02/2025
اسسٹنٹ کمشنراوگی وقاص مسعود چودھری نے صوبائی حکومت کی ہدایات کی روشنی میں ایوان تجارت اوگی کے نمائندوں کے ساتھ منعقدہ اہم اجلاس میں ناجائز منافع خوری اور غیر معیاری اشیاءکے سدباب کی ہدایت کردی اور واضح کیاکہ جوکوئی بھی رمضان کے مقدس مہینے میں گراں فروشی کا مرتکب ہوگا تو اسکے خلاف سخت ایکشن ہوگا,
اس سلسلے میں اجلاس اسسٹنٹ کمشنر آفس میں منعقد ہواجس میں ایوان تجارت اوگی کے صدر عطاء اللہ تنولی،نائب صدر عادل خان،نواز لالہ،چیرمین شوری قاری عبدالرشیدبونیری ،چودھری صاحب ،نویدبونیری ،طاہر رفیع،امیرقاسم عرف بھٹو،یوسف معاویہ اوردیگرنمائندوں نے بھی شرکت کی،اجلاس میں ڈی ایس پی سرکل اوگی وحیدخان نے بھی شرکت کی،اجلاس میں رمضان المبارک کے مقدس مہینے لوگوں کو ذیادہ سے ذیادہ ریلیف دینے کے ساتھ ساتھ اوگی بازار میں گراں فروشی،غیرمعیاری اورکم وزن اشیاء کے روک تھام کیلئے لائحہ عمل طے کیا گیا،ایوان تجارت کے صدرعطاء اللہ تنولی نےبھاری جرمانوں پرشدیدتحفظات کااظہارکیااورکہاکہ سزااصلاح اوراحساس کیلئے ہوتی ہے،ظلم نہیں ہوناچاہئے،اسسٹنٹ کمشنر وقاص مسعود چوھدری نے رمضان المبارک میں تاجر نمائندوں سےعوام کوریلیف کے ضمن میں اپنا بھرپور کردار ادا کرنے کی تلقین کرتےہوئے انتطامیہ کے ساتھ بھرپور تعاون پرزوردیااورکہاکہ تاجر،ریڑھی بان تجاوزات سے بھی اجتناب کریں،انتظامیہ کا مقصد کسی کوبھی بے جاتنگ کرنا نہیں ہوتا،لیکن اگرکوئئ قانون شکنی کرے گاتو اسکے خلاف ضرورایکشن لیاجائیگا،رمضان رحمتوں اور برکتوں کا مہینہ ہے،اوربحیثت مسلمان ہم سب کایہ اولین فرض بنتاہے کہ ہم لوگوں کو ریلیف دیں اور آسانیاں پیداکریں،تاجرنمائندے اگرہمارے اس پیغام کو جملہ تاجربرادری تک پہنچا کر اس پرعملدرآمدیقینی بناتے ہیں تویہ ہمارے لئے اوربھی خوشی اور اطمینان کی بات ہوگی اوراوگی بازار سب کیلئے ایک مثال بن جائیگا، بازاروں میں عارضی تجاوزات نہ ہونے دی جائیں تاکہ راہگیروں کیلئے چلناآسان ہونے کے ساتھ ساتھ ٹریفک کی روانی بھی متاثر نہ ہو،انتظامیہ نے اوگی اوردربند میں ایک ایک شکایات کاڈیسک بھی قائم کردیاہے جو پورے رمضان میں فعال رہے گا تاکہ عوام کی شکایات فوری درج کی جا سکیں۔ موصول ہونے والی شکایات کو فوری طور پر متعلقہ حکام تک پہنچایا جائے گا تاکہ بروقت کارروائی عمل میں لائی جا سکے۔تمام دکاندارنرخ ناموں کی دستیابی یقینی بنائی جائے،اشیائے خورد و نوش کے معیار پر کوئی سمجھوتہ نہیں کیا جائے گا،انہوں نے کہاکہ اوگی بازار میں چیکنگ کے دوران ایوان تجارت کاایک نمائندہ بھی میرے ساتھ ہوتاہے،آئندہ بھی ایوان تجارت کا کوئی بھی نمائندہ میرے ساتھ رہے تاکہ وہ خود تمام کاروائی دیکھ سکیں،،ہم نے عوام کو ریلیف دیناہے،لوگوں کوگراں فروشوں اور ناقص اشیاء فراہم کرنے والوں کے رحم وکرم پرنہیں چھوڑسکتے،انہوں نے ایوان تجارت تنظیم کی مشاورت سے رمضان کے آخری عشرے میں اوگی بازار کو بھرپور سجانے کابھی فیصلہ کیا
