مانسہرہ: تھانہ دربند کی حدود میں فائرنگ کا واقعہ — ذاتی دشمنی کا شاخسانہ
آج تھانہ دربند کی حدود میں واقع چوئیاں کے مقام پر ذاتی رنجش کے باعث دو فریقین کے درمیان جھگڑا ہوا، جس کے نتیجے میں آصف ولد گل واحد شاہ جان بحق جبکہ سجاد نامی شخص زخمی ہوا۔
ابتدائی تحقیقات کے مطابق مقتول آصف نے مسمات (ا) سے شادی کی تھی، جسے وجہ عداوت بناتے ہوئے شاکر اور اس کے ساتھیوں نے فائرنگ کی۔ یہ واقعہ مکمل طور پر ذاتی دشمنی کا نتیجہ ہے۔پولیس نے فوری کارروائی کرتے ہوئے موقع سے گل فرید اور حسین کو گرفتار کر لیا ہے، جبکہ دیگر ملوث ملزمان کی گرفتاری کے لیے چھاپے مارے جا رہے ہیں۔ پولیس موقع پر پہنچ کر صورتِ حال کو کنٹرول میں لائی، شواہد اکٹھے کیے، اور مزید قانونی کارروائی جاری ہے۔
عوام الناس سے اپیل ہے کہ غیر مصدقہ اطلاعات اور افواہوں سے اجتناب کریں اور پولیس کے ساتھ مکمل تعاون کریں تاکہ امن و امان کو برقرار رکھا جا سکے۔
ترجمان مانسہرہ پولیس
18/07/2025
ٹی ایم او مانسہرہ ملک فراست شہر بھر میں صفائی مہم کی خود نگرانی کرتے ہیوۓ
18/07/2025
مانسہرہ.ٹی ایم او ملک فراست کی نگرانی میں پانچ روزہ صفائی مہم کے دوران شہر بھر میں صفائی کا کام جاری.
ملک فراست ٹی ایم او نے کہا کہ پانچ روہ صفائی مہم کا دورانیہ بڑھا دیا ہئے .انھوں نے کہا کہ جب تک صفائی مکمل نہیں ہیوتی کام جاری رہئے گا
18/07/2025
ڈپٹی کمشنر مانسہرہ اور ڈی پی او مانسہرہ کا مون سون شجرکاری مہم کا افتتاح – سرکٹ ہاؤس میں پودا لگا کر ماحول دوست اقدام کا عملی آغاز
مانسہرہ: صوبائی حکومت کے احکامات کی روشنی میں ڈپٹی کمشنر مانسہرہ میاں بہزاد عادل اور ڈسٹرکٹ پولیس آفیسر مانسہرہ شفیع اللہ گنڈاپور نے سرکٹ ہاؤس مانسہرہ میں پودے لگا کر مون سون شجرکاری مہم کا باقاعدہ افتتاح کر دیا۔
اس موقع پر ڈپٹی کمشنر مانسہرہ نے تمام ڈویژنل فاریسٹ آفیسرز (DFOs) کو ہدایات جاری کیں کہ حالیہ بارشوں کے تناظر میں مون سون شجرکاری مہم کو مؤثر انداز میں پایہ تکمیل تک پہنچانے کے لیے اپنے اپنے سب ڈویژنز میں بھرپور شجرکاری کا آغاز کریں۔ انہوں نے کہا کہ شجرکاری نہ صرف ماحولیاتی بہتری کے لیے ناگزیر ہے بلکہ موسمیاتی تبدیلیوں کے منفی اثرات سے نمٹنے کے لیے بھی کلیدی کردار ادا کرتی ہے۔
ڈی پی او مانسہرہ شفیع اللہ گنڈاپور نے اس موقع پر محکمہ پولیس مانسہرہ کے تمام ایس پیز، ڈی ایس پیز اور ایس ایچ اوز کو ہدایات جاری کیں کہ وہ اپنی نگرانی میں تمام تھانوں، پولیس چوکیوں اور دفاتر میں زیادہ سے زیادہ درخت لگوائیں اور اس عمل کو ایک قومی ذمہ داری کے طور پر انجام دیں۔
مون سون شجرکاری مہم کے تحت ضلع مانسہرہ میں ہزاروں کی تعداد میں درخت لگانے کا ہدف مقرر کیا گیا ہے تاکہ آئندہ نسلوں کو ایک صاف، سرسبز اور محفوظ ماحول فراہم کیا جا سکے۔
17/07/2025
دلدار ولد ساہئں عمر 18سال سکنہ ڈوڈیال مانسہرہ نے نامعلوم وجوہات کی بنا پر خودکشی کر لی
16/07/2025
ڈپٹی کمشنر مانسہرہ میاں بہزاد عادل اور ڈسٹرکٹ پولیس آفیسر مانسہرہ شفیع اللہ گنڈا پور کا ڈسٹرکٹ بار روم کا دورہ
مانسہرہ: ڈپٹی کمشنر مانسہرہ اور ڈسٹرکٹ پولیس آفیسر مانسہرہ نے آج ڈسٹرکٹ بار ایسوسی ایشن مانسہرہ کے بار روم کا دورہ کیا ، جہاں ان کا پرتپاک استقبال کیا گیا۔ بار روم آمد پر صدر بار شاہجہان خان جنرل سیکرٹری اور دیگر وکلاء نے معزز مہمانانِ گرامی کو خوش آمدید کہا۔
دورے کا مقصد انتظامیہ، پولیس اور وکلاء کے درمیان تعاون کو فروغ دینا اور عدالتی و عوامی سہولیات سے متعلق مشترکہ امور پر تبادلہ خیال کرنا تھا۔ اس موقع پر ڈپٹی کمشنر مانسہرہ نے خطاب کرتے ہوئے کہا کہ وکلاء برادری معاشرتی انصاف کے نظام میں ریڑھ کی ہڈی کی حیثیت رکھتی ہے، اور ان کے تعاون سے ہی عوام کو بروقت انصاف کی فراہمی ممکن ہو سکتی ہے۔
ڈی پی او مانسہرہ شفیع اللہ گنڈاپور نے بھی اپنے خطاب میں کہا کہ قانون کی حکمرانی قائم رکھنے میں وکلاء کا کردار نہایت اہم ہے۔ انہوں نے مزید کہا کہ پولیس اور وکلاء کے درمیان مضبوط روابط عوامی خدمت کے لیے ناگزیر ہیں۔ انہوں نے وکلاء کو یقین دلایا کہ پولیس ہر ممکن تعاون فراہم کرے گی تاکہ عوام کو انصاف کے حصول میں کسی دشواری کا سامنا نہ ہو۔
صدر بار ایسوسی ایشن نے ڈپٹی کمشنر اور ڈی پی او کا شکریہ ادا کرتے ہوئے کہا کہ وکلاء برادری انتظامیہ اور پولیس کے ساتھ مل کر قانون کی بالادستی کے لیے اپنا کردار ادا کرتی رہے گی۔
16/07/2025
ڈپٹی کمشنر مانسہرہ میاں بہزاد عادل اور ڈی پی او مانسہرہ شفیع اللہ گنڈاپور کی جانب سے عوام کے مسائل براہ راست سننے اور انکے حل کے لئیے کھلی کچہری کا انعقاد
مانسہرہ: ڈپٹی کمشنر مانسہرہ اور ڈسٹرکٹ پولیس آفیسر مانسہرہ کی زیر صدارت مانسہرہ میں کھلی کچہری کا انعقاد کیا گیا جس کا مقصد عوامی مسائل کا فوری ازالہ اور عوام سے براہ راست رابطہ قائم کرنا تھا۔
کھلی کچہری میں تمام متعلقہ محکموں کے سربراہان جن میں اے ڈی سی فنانس ہاجرہ سمعہ. ڈی ایچ او ڈاکٹر شاہ فیصل خانزادہ.ایکسن پبلک ہیلتھ افتخار احمد.ایس ڈی او راحیل خان. سی اینڈ ڈبلیو کے افسران جن میں بلال احمد.محمد ایوب.ڈی ایف سی شیراز انور خان ٹی ایم او ملک فراست .تحصیلدار مانسہرہ بشیر احمد.فیاض خان.عامر شہزاد.سمیت دیگ افسران نےشرکت کی ، جبکہ شہریوں کی بڑی تعداد نے شرکت کرتے ہوئے اپنے مسائل براہ راست ضلعی انتظامیہ اور پولیس حکام کے سامنے رکھے۔
ڈپٹی کمشنر اور ڈی پی او مانسہرہ نے عوامی شکایات کو بغور سنا اور موقع پر متعدد مسائل کے حل کے احکامات جاری کیے، جبکہ باقی مسائل کے حل کے لیے متعلقہ محکموں کو ہدایات دی گئیں۔
16/07/2025
*صوبائی نائب صدر پی ٹی آئی کے پی کمال سلیم سواتی کا سپیکر صوبائی اسمبلی بابر سلیم سواتی کے فراہم کردہ فنڈ 1 کروڑ 90 لاکھ سے صفدر روڈ اور 3کروڑ 90 لاکھ سے کچہری روڈ پر نالوں اور روڈ کے جاری کام کا معائنہ کرتے ہوئے*
اس موقع پر ایس ڈی او C&W بلال صاحب ، ٹھکیدار ،فوکل پرسن و چیئرمین صاحبان بھی ان کی ہمراہ موجود
اس موقع پر ٹھکیدار کو کام کو جلد مکمل کرنے کی ہدایت کی
15/07/2025
مانسہرہ چکیاہ روڈ کا نام تبدیل کر کے کمال خان کے والد امجد سلیم خان کے نام سے منسوب کر دیا گیا
چکیاہ روڈ کا نام تبدیل کر کے "امجد سلیم خان روڈ" رکھ دیا گیا — ایک ایسے شخص کے نام پر جو اصولی سیاست، خدمتِ خلق اور دیانت کی پہچان تھے۔
یہ میرے لیے اور میرے خاندان کے لیے اعزاز کی بات ہے کہ میرے والد محترم امجد سلیم خان مرحوم کی خدمات کو عوام اور حکومت نے خراجِ تحسین پیش کیا۔
میں بیلا اکبر خان چکیاہ کے تمام باشعور عوام کا شکر گزار ہوں جنہوں نے ہمیشہ ہمارے ساتھ محبت اور اعتماد کا رشتہ برقرار رکھا۔
وزیرِ مال خیبرپختونخوا نظیر احمد عباسی اور سینئر ممبر بورڈ آف ریونیو (SMBR) کا بھی تہہ دل سے شکریہ جنہوں نے اس فیصلے کو عملی شکل دی۔
یہ سڑک اب صرف گزرگاہ نہیں بلکہ ایک سوچ، ایک قربانی اور عوامی خدمت کی علامت ہے۔
کمال سلیم سواتی
15/07/2025
ٹی ایم او ملک فراست کی زیر نگرانی پانچ روزہ صفائی مہم شہر بھر میں جاری ہئے
15/07/2025
مانسہرہ درد ناک حادثہ
مانسہرہ پانو ٹنل کے قریب تیز رفتار ٹرالر نے کار کو ٹکر مار دی دو افراد افضال احمد ولد گلزار احمد مئجر غلام اضغر ولد غلام اکبر سکنہ گجرانوالا۔۔۔۔جان بحق
مانسہرہ: ٹنل کے قریب خوفناک حادثہ، ٹرالر نے آلٹو گاڑی کو کچل ڈالا، دو افراد جاں بحق
مانسہرہ ٹنل کے قریب ایک اندوہناک ٹریفک حادثے میں تیز رفتار ٹرالر نے آلٹو کار کو کچل دیا، جس کے نتیجے میں گاڑی میں سوار دونوں افراد موقع پر ہی جاں بحق ہو گئے۔
14/07/2025
ڈپٹی کمشنر مانسہرہ میاں بہزاد عادل مانسہرہ میں پولیو کے حوالے سے ڈسٹرکٹ ہیلتھ آفیسر ڈاکٹر شاہ فیصل خانزاد اور انکی ٹیم سے مکمل بریفنگ لیتے ہوئے ۔
Be the first to know and let us send you an email when Mansehra 99 News posts news and promotions. Your email address will not be used for any other purpose, and you can unsubscribe at any time.
