KSB News

12/08/2025

وفاقی وزیر مذہبی امور سردار محمد یوسف کا اسلام آباد میں شہید کی گئی مسجد کے بارے میں واضح موقف۔

12/08/2025

ڈی پی او مانسہرہ شفیع اللہ گنڈا پور بہترین کارکردگی اور فرائض منصبی کو خوش اسلوبی سے نبھانے والی لیڈیز پولیس سٹاف میں تعریفی اسناد تقسیم کررہے ہیں۔

12/08/2025

ڈپٹی کمشنر کوہستان اپر جناب طارق علی خان کی خصوصی ہدایت پر کندیا ویلی روڈ کی بحالی کا کام تیزی سے جاری ہے۔
سی اینڈ ڈبلیو ڈویژن کوہستان اپر کی ٹیم دن رات محنت کر رہی ہے تاکہ عوام کو آمد و رفت میں درپیش مشکلات کا فوری خاتمہ ہو اور علاقے کا رابطہ بحال کیا جا سکے۔ یہ اقدامات عوامی سہولت اور ترقی کی جانب ایک اہم قدم ہیں۔

12/08/2025

تورغر: "کئی مہینوں سے تورغر کا سوشل ویلفیئر دفتر بغیر
آفیسر کے"
ضلع تورغر میں سوشل ویلفیئر، اسپیشل ایجوکیشن اینڈ وومن ایمپاورمنٹ ڈپارٹمنٹ کے ڈسٹرکٹ آفیسر کی پوسٹ کئی مہینوں سے خالی پڑی ہے۔ دیگر سٹاف تو دفتر میں موجود ہے مگر آفیسر نہ ہونے کی وجہ سے عوامی مسائل حل نہیں ہو پا رہے۔
اس سے قبل اس عہدے پر مقامی آفیسر نسیم خان تعینات تھے، جو نہ صرف ضلع کے ہر علاقے سے واقف تھے بلکہ دفتر کے معاملات بھی بہترین انداز میں چلا رہے تھے۔ ان کی موجودگی میں معذور افراد اور بیوہ خواتین کے مسائل بروقت حل ہو جاتے تھے۔
اب صورتحال یہ ہے کہ آفیسر کی غیر موجودگی سے غریب عوام، خاص طور پر معذور اور بیوہ خواتین، اپنے کاموں کے لیے دربدر کی ٹھوکریں کھانے پر مجبور ہیں۔
سیکریٹری سوشل ویلفیئر، اسپیشل ایجوکیشن اینڈ وومن ایمپاورمنٹ ڈپارٹمنٹ خیبرپختونخوا سے مطالبہ ہے کہ فوری طور پر ضلع تورغر میں ڈسٹرکٹ آفیسر تعینات کیا جائے تاکہ عوام کے مسائل بروقت حل ہوں۔
مزید یہ کہ ڈپٹی کمشنر تورغر کو بھی چاہیے کہ اس صورتحال کی تفصیلی رپورٹ صوبائی حکومت کو ارسال کریں تاکہ آفیسر کی تعیناتی جلد ممکن ہو سکے....

09/08/2025

مانسہرہ (کے ایس بی نیوز ) بالا کوٹ پل سے 18 سالہ نوجوان لڑکی نے دریائے کنہار میں چھلانگ لگا دی۔ ریسکیو کنٹرول روم مانسہرہ کو اطلاع موصول ہوتے ہی غوطہ خور ٹیم نے فوری جائے حادثہ پر ریسپانس کیا۔
غوطہ خور ٹیم اور مقامی رضاکاروں نے فوری سرچ آپریشن شروع کرتے ہوئے دریا سے لڑکی کی نعش کو ریکور کرتے ہوئے ریسکیو ایمبولینس میں تحصیل ہیڈ كواٹر بالاکوٹ منتقل کر دیا۔خودکشی کرنے کیوجہ تاحال معلوم نہیں ہو سکی۔مزید تفتیش جاری ہے۔

09/08/2025

مانسہرہ : آکسیجن سلینڈر دھماکہ سے تین افراد زخمی ہوگئے۔جن میں ایک شدید زخمی کو تشویش ناک حالت میں ایبٹ آباد ریفر کر دیا گیا۔
تفصیل کیمطابق شنکیاری روڑ کہو والی زیارت کے مقام پر آکسیجن سلینڈر گاڑی سے اتارتے ہوئے دھماکے سے پھٹ گیا ۔جس کی وجہ سے تین افراد زخمی ہوگئے۔ شفاقت سکنہ ہری پور شدید زخمی جس کو ایوب میڈیکل ابیٹ آباد ریفر کر دیا جبکہ کہ حمزہ سکنہ ہری پور اور ابراہیم سکنہ چٹہ بٹہ معمولی زخمی ہوئے۔

07/08/2025

پالس سپر لیگ کرکٹ ٹورنمںٹ کے فائنل میچ میں کمال فائٹر نے میدان مار لیا
پالس (عبدالرحمن مغل سے)پالس سپر لیگ کرکٹ ٹورنامنٹ میں کل 16 ٹیموں نے حصہ لیاتھا جس میں لوئر کوہستان کی ٹیمیں بھی شامل تھی مگرکوہی برائٹرز اور کمال فائٹرزنے فائنل کے لئے کوالیفائی کرلیا۔فائنل میچ میں کمال فائٹرز نے مقررہ 8 اوورز میں 119 رنزکا ٹارگٹ دیا مگر کوہی برائٹرز کے بیٹرز کمال فائٹرز کے بالرزکے سامنے بے بس نظر آئے اور 20 رنز سے شکست کھاگئے یوں کمال فائٹر نے پالس سپر لیگ کا فائنل اپنا نام کر لیا 🏆🎉🏏

07/08/2025

دیامر کی خوبصورت وادی کھنبری میں گزشتہ دنوں آنے والے سیلاب میں دو معصوم بچوں کی ویڈیو منظر عام پر آگئ..!!
اللہ تعالی کی قدرت دیکھئے، ان دو بچوں کو کیسے محفوظ رکھا ہے۔ سیلابی ریلے نے چاروں طرف سے گھیر رکھا تھا اللہ کی شقن دونوں بچ گئے۔۔۔بیشک موت اور زندگی اللہ تعالی کے ہاتھ میں ہے۔۔

07/08/2025

اس نے امریکہ اور یورپ کے 55 چوٹی کے پلاسٹک سرجنز کی خدمات حاصل کیں یہاں تک کہ 1987ء تک مائیکل جیکسن کی ساری شکل وصورت‘ جلد‘ نقوش اور حرکات و سکنات بدل گئیں۔ سیاہ فام مائیکل جیکسن کی جگہ گورا چٹا اورنسوانی نقوش کا مالک ایک خوبصورت مائیکل جیکسن دنیا کے سامنے آ گیا۔
اس نے 1987ء میں بیڈ کے نام سے اپنی تیسری البم جاری کی‘ یہ گورے مائیکل جیکسن کی پہلی البم تھی‘ یہ البم بھی کامیاب ہوئی اور اس کی تین کروڑ کاپیاں فروخت ہوئیں۔ اس البم کے بعد اس نے اپنا پہلا سولو ٹور شروع کیا۔ وہ ملکوں ملکوں ‘ شہر شہرگیا ‘ موسیقی کے شو کئے اوران شوز سے کروڑوں ڈالر کمائے۔ یوں اس نے اپنی سیاہ رنگت کو بھی شکست دے دی۔ اس کے بعد ماضی کی باری آئی ‘ مائیکل جیکسن نے اپنے ماضی سے بھاگنا شروع کر دیا‘ اس نے اپنے خاندان سے قطع تعلق کر لیا۔ اس نے اپنے ایڈریسز تبدیل کر لئے‘ اس نے کرائے پر گورے ماں باپ بھی حاصل کر لئے اور اس نے اپنے تمام پرانے دوستوں سے بھی جان چھڑا لی۔
ان تمام اقدامات کے دوران جہاں وہ اکیلا ہوتا چلا گیا وہاں وہ مصنوعی زندگی کے گرداب میں بھی پھنس گیا۔ اس نے خود کو مشہور کرنے کیلئے ایلوس پریسلے کی بیٹی لیزا میری پریسلے سے شادی بھی کر لی۔
اس نے یورپ میں اپنے بڑے بڑے مجسمے بھی لگوا دئیے اور اس نے مصنوعی طریقہ تولید کے ذریعے ایک نرس ڈیبی رو سے اپنا پہلا بیٹا پرنس مائیکل بھی پیدا کرا لیا۔ ڈیبی رو کے بطن سے اس کی بیٹی پیرس مائیکل بھی پیدا ہوئی۔اس کی یہ کوشش بھی کامیاب ہوگئی‘ اس نے بڑی حد تک اپنے ماضی سے بھی جان چھڑا لی لہٰذا اب اس کی آخری نفرت یا خواہش کی باری تھی۔
وہ ڈیڑھ سو سال تک زندہ رہنا چاہتا تھا۔ مائیکل جیکسن طویل عمر پانے کیلئے دلچسپ حرکتیں کرتاتھا‘ مثلاً وہ رات کو آکسیجن ٹینٹ میں سوتا تھا‘ وہ جراثیم‘ وائرس اور بیماریوں کے اثرات سے بچنے کیلئے دستانے پہن کر لوگوں سے ہاتھ ملاتا تھا۔ وہ لوگوں میں جانے سے پہلے منہ پر ماسک چڑھا لیتا تھا۔
وہ مخصوص خوراک کھاتا تھا اور اس نے مستقل طور پر بارہ ڈاکٹر ملازم رکھے ہوئے تھے۔ یہ ڈاکٹر روزانہ اس کے جسم کے ایک ایک حصے کا معائنہ کرتے تھے‘ اس کی خوراک کا روزانہ لیبارٹری ٹیسٹ بھی ہوتا تھا اور اس کا سٹاف اسے روزانہ ورزش بھی کراتا تھا‘ اس نے اپنے لئے فالتو پھیپھڑوں‘ گردوں‘ آنکھوں‘ دل اور جگر کا بندوبست بھی کر رکھا تھا‘ یہ ڈونر تھے جن کے تمام اخراجات وہ اٹھا رہا تھا اور ان ڈونرز نے بوقت ضرورت اپنے اعضاء اسے عطیہ کر دینا تھے چنانچہ اسے یقین تھا وہ ڈیڑھ سو سال تک زندہ رہے گا لیکن پھر 25 جون کی رات آئی ‘ اسے سانس لینے میں دشواری پیش آئی‘ اس کے ڈاکٹرز نے ملک بھر کے سینئرڈاکٹرز کو اس کی رہائش گاہ پرجمع کر لیا‘یہ ڈاکٹرز اسے موت سے بچانے کیلئے کوشش کرتے رہے لیکن ناکام ہوئے تو یہ اسے ہسپتال لے گئے اور وہ شخص جس نے ڈیڑھ سو سال کی منصوبہ بندی کر رکھی تھی
جو_ننگے_پاؤں_زمین_پر_نہیں_چلتا_تھا
جو کسی سے ہاتھ ملانے سے پہلے دستانے چڑھا لیتا تھا‘ جس کے گھر میں روزانہ جراثیم کش ادویات چھڑکی جاتی تھیں اور جس نے 25برس تک کوئی ایسی چیز نہیں کھائی تھی جس سے ڈاکٹروں نے اسے منع کیا تھا۔ وہ شخص 50سال کی عمر میں صرف تیس منٹ میں انتقال کر گیا۔ اس کی روح چٹکی کے دورانیے میں جسم سے پرواز کر گئی۔ مائیکل جیکسن کے انتقال کی خبر گوگل پر دس منٹ میں آٹھ لاکھ لوگوں نے پڑھی‘ یہ گوگل کی تاریخ کا ریکارڈ تھا اور اس ہیوی ٹریفک کی وجہ سے گوگل کا سسٹم بیٹھ گیا اور کمپنی کو 25منٹ تک اپنے صارفین سے معذرت کرنا پڑی۔ مائیکل جیکسن کا پوسٹ مارٹم ہوا تو پتہ چلا احتیاط کی وجہ سے اس کا جسم ڈھانچہ بن چکا تھا😢‘ وہ سر سے گنجا تھا‘ اس کی پسلیاں ٹوٹی ہوئی تھیں‘ اس کے کولہے‘ کندھے‘ پسلیوں اور ٹانگوں پر سوئیوں کے بے تحاشا نشان تھے😭۔ وہ پلاسٹک سرجری کی وجہ سے ’’پین کلرز‘‘ کا محتاج ہو چکا تھا 😭 چنانچہ وہ روزانہ درجنوں انجیکشن لگواتا تھا لیکن یہ انجیکشنز‘ یہ احتیاط اور یہ ڈاکٹرز بھی اسے موت سے نہیں بچا سکے اور وہ ایک دن چپ چاپ اُس جہان شفٹ ہو گیا جس میں ہر زندہ شخص نے پہنچنا ہے اور یوں اس کی آخری خواہش پوری نہ ہو سکی۔ مائیکل جیکسن کی موت ایک اعلان ہے‘ انسان پوری دنیا کو فتح کر سکتا ہے لیکن وہ اپنے مقدر کو شکست نہیں دے سکتا۔ وہ موت اور اس موت کو لکھنے والے کا مقابلہ نہیں کر سکتا چنانچہ کوئی راک سٹار ہو یا کوئی فرعون وہ دو ٹن مٹی کے بوجھ سے نہیں بچ سکتا۔ وہ قبر کو شکست نہیں دے سکتا لیکن حیرت ہے ہم مائیکل جیکسن کے انجام کے بعد بھی خود کو فولاد کا انسان سمجھ رہے ہیں۔ ہمارا خیال ہے ہم موت کو دھوکہ دے دیں گے‘ ہم ڈیڑھ سو سال تک ضرور زندہ رہیں گے
Copied

07/08/2025

07/08/2025

ہریپور چیچیاں انٹرچینج کے قریب پولیس موبائل کو حادثہ .ابتدائی اطلاعات کے مطابق 1جوان شہید جبکہ۔ ڈی ایس پی سمیت 4 اہلکار ذخمی ۔زخمی و شہید اہلکار ٹرامہ سنٹر منتقل

07/08/2025

مانسہرہ : کاغان کے قریبی علاقے پھاگل بازار میں سل نڈر دھم اکہ ہوا، جس کے نتیجے میں 7 افراد زخمی ہوگئے۔ابتدائ معلومات کے مطابق سلن ڈر دھم اکہ دوکان کے اندر ہوا۔جس کی زد میں سکول جاتے ہوئے تین بچے بھی آگئے۔
واقعے کی اطلاع موصول ہوتے ہی ریسکیو 1122 کی دو ریفرل ایمبولینسز، کاغان اور کیوائی سے فوری طور پر جائے وقوعہ کی جانب روانہ کی گئیں۔
زخمیوں کو ریسکیو1122 ایمبولینس اور پرائیویٹ ایمبولینسز کے ذریعے بالاکوٹ ہسپتال منتقل کیا گیا۔جہاں سے شدید زخمی ہونے والوں کو ایمبولینس میں ایبٹ آباد ریفر کیا گیا۔