Your News

25/09/2025

شہزادہ عبداللہ ہارون خان کا پشاور جلسے کے حوالے سے خصوصی پیغام
مانسہرہ کے MNA شہزادہ گشتاسپ خان کے فرزند، شہزادہ عبداللہ ہارون خان نے 27 ستمبر تحریک انصاف کے پشاور جلسے کے موقع پر کارکنوں کو خصوصی پیغام دیا اور میڈیا سے اہم گفتگو کی۔

25/09/2025

شہزادہ محمد گشتاسپ خان کا نفرتیں بانٹنے والوں پر کڑی تنقید اور دوٹوک مؤقف

25/09/2025

پشاور: آج پاکستان پیپلز پارٹی ہزارہ ڈویژن کے صدر ملک فاروق اور بیرسٹر شہیر عالم یوسفزئی نے گورنر خیبر پختونخوا سے ملاقات کی۔ ملاقات میں ہزارہ ڈویژن کے سیاسی اور تنظیمی امور پر تفصیلی بات چیت کی گئی۔ اس موقع پر پاکستان پیپلز پارٹی کو مزید مضبوط بنانے کے حوالے سے بھی اہم امور زیرِ غور آئے۔
ملاقات کے دوران بیرسٹر شہیر عالم یوسفزئی نے پی کے 40 کے مختلف مسائل پر گفتگو کی اور حلقے میں ترقیاتی کاموں کے آغاز سے متعلق بات چیت کی۔ اس کے ساتھ ساتھ بیرسٹر شہیر عالم یوسفزئی نے حلقے میں بڑے (میگا) منصوبوں پر بھی گفتگو کی تاکہ عوامی مسائل کو ترجیحی بنیادوں پر حل کیا جا سکے۔

24/09/2025

بھوگڑمنگ میں تاریخی گرینڈ جرگہ، آصف جہاں خان کے عظیم فیصلے پر عمر نواز خان کا شاندار خطاب

بھوگڑمنگ: (یور نیوز) آصف جہاں خان کی رہائش گاہ پر ایک شاندار اور تاریخی گرینڈ جرگہ منعقد ہوا جس میں معززینِ علاقہ اور عوام کی بڑی تعداد نے بھرپور شرکت کی۔ جرگہ کی صدارت آصف جہاں خان نے کی جبکہ اس موقع پر ایم این اے شہزادہ گشتاسپ خان، تحریک انصاف کے رہنما عمر نواز خان اور سابق ناظم شنکیاری محمد سراج خان نے خصوصی شرکت کی۔

تقریب کے دوران سات سال سے جاری سلبانڈی کی عوام اور آصف جہاں خان کے درمیان راستہ تنازعے کا باب بالآخر اختتام کو پہنچا۔ آصف جہاں خان نے بڑے پن اور فراخدلی کا مظاہرہ کرتے ہوئے فی سبیل اللہ اپنی زمین سے سلبانڈہ کی عوام کو راستہ دینے کا اعلان کیا۔ ان کے اس تاریخی اعلان پر جرگہ ہال تالیوں اور نعروں سے گونج اٹھا اور عوام نے ان کے اس عظیم اقدام کو علاقے میں بھائی چارے اور اتحاد کی روشن مثال قرار دیا۔

اس موقع پر تحریک انصاف کے رہنما عمر نواز خان نے اپنے خصوصی خطاب میں آصف جہاں خان کے اس فیصلے کو سراہتے ہوئے کہا:

میں آصف جہاں خان صاحب کا دل کی گہرائیوں سے شکریہ ادا کرتا ہوں۔ انہی بے اتفاقیوں کی وجہ سے ہم دو قومی نظریوں میں بٹ چکے ہیں، میرا بھی یہ ماننا ہے کہ روڈ اور پانی کبھی کسی سے نہیں روکنا چاہیے۔ سیاست کو دشمنی نہیں بنانا چاہیے، جیسے آج یہاں سب قومیں ایک گلدستے کی صورت میں بیٹھی ہیں ایسے ہی اپنے علاقے کی ترقی کے لیے مل جل کر کام کرنا چاہیے۔ سردار صاحب کے ساتھ میرا پرانا تعلق ہے، اور آج بھی عزت و احترام کا رشتہ قائم ہے اور ہمیشہ قائم رہے گا۔

انہوں نے مزید کہا: ایک نظریہ ہو سکتا ہے کہ میں سواتی صاحب کے ساتھ ہوں، یا شہزادہ گشتاسپ خان کے ساتھ ہوں، سب سے بڑی بات یہ ہے کہ میں عمران خان کے ساتھ ہوں۔ لیکن اس کو ذاتی دشمنی نہیں بنانا چاہیے۔ میں ایک امن پسند آدمی ہوں اور یہاں آج امن کا پروگرام تھا۔ اسی لیے میں اسلام آباد کی میٹنگ چھوڑ کر یہاں آیا ہوں۔

عمر نواز خان کے اس پرجوش اور اتحاد و بھائی چارے کے پیغام سے نہ صرف شرکاء نے داد دی بلکہ اس موقع پر پورا جرگہ ہال تالیوں سے گونج اٹھا۔

24/09/2025

بھوگڑمنگ میں تاریخی گرینڈ جرگہ، آصف جہاں خان نے بڑا فیصلہ کر کے عوام کے دل جیت لیے

بھوگڑمنگ: (یور نیوز) آصف جہاں خان کی رہائش گاہ پر ایک شاندار اور تاریخی گرینڈ جرگہ منعقد ہوا جس میں معززینِ علاقہ اور عوام کی بڑی تعداد نے بھرپور شرکت کی۔ جرگہ کی صدارت آصف جہاں خان نے کی جبکہ اس موقع پر ایم این اے شہزادہ گشتاسپ خان، تحریک انصاف کے رہنما عمر نواز خان اور سابق ناظم شنکیاری محمد سراج خان بھی اسٹین پر موجود تھے۔

تقریب کے دوران سات سال سے جاری سلبانڈی کی عوام اور آصف جہاں خان کے درمیان راستہ تنازعے کا باب بالآخر اختتام کو پہنچا۔ آصف جہاں خان نے بڑے پن اور فراخدلی کا مظاہرہ کرتے ہوئے فی سبیل اللہ اپنی زمین سے سلبانڈہ کی عوام کو راستہ دینے کا اعلان کیا۔

ان کے اس تاریخی اعلان پر جرگہ ہال تالیوں اور نعروں سے گونج اٹھا۔ معززینِ علاقہ اور سلبانڈی کی عوام نے آصف جہاں خان کے اس عظیم فیصلے کو علاقے میں بھائی چارے اور اتحاد کی ایک روشن مثال قرار دیا اور ان کا شکریہ ادا کیا۔

یہ اعلان نہ صرف برسوں پرانے تنازعے کے خاتمے کا سبب بنا بلکہ علاقے میں امن و محبت اور بھائی چارے کی فضا قائم کر کے ایک نئی تاریخ رقم کر دی۔

24/09/2025

ایس ایچ او کیڈٹ ثاقب کی شنکیاری میں تعیناتی کے بعد منشیات فروشوں اور دیگر جرائم پیشہ افراد کے خلاف کاروائیوں میں تیزی ائی ہے 7 کلو 275 گرام چرس ، 1کلو 44 گرام آئس اور 680 گرام ہیروئین برآمد
ڈی پی او مانسہرہ شفیع اللہ گنڈا پور کی سربراہی میں منشیات فروشی جیسی لعنت کے خاتمے کے لئیے مانسہرہ پولیس کی کاروائیوں کا سلسلہ جاری ہے ، تھانہ شنکیاری پولیس نے بدنام زمانہ 3 منشیات فروشوں کو گرفتار کرلیا ، چرس ،آئس اور ہیروئین برآمد ، تمام کے خلاف مقدمات درج

گرفتار ملزمان میں الطاف ولد عبداللہ سکنہ گیروال ڈھوڈیال ، صدام حسین ولد طارق محمود سکنہ جبوڑی اور ادریس ولد عبدالقیوم سکنہ بانڈہ پیراں شامل ہیں۔

ملزمان سے مجموعی طور پر 7 کلو 275 گرام چرس ، 1کلو 44 گرام آئس اور 680 گرام ہیروئین برآمد کی گئ۔

21/09/2025

16/09/2025

واپڈا کے خلاف احتجاج کے موقع پر جے آئی یوتھ بفہ پکھل کے صدر پرنس بلال خان نے ایکسین واپڈا کے سامنے عوامی مسائل پر بھرپور آواز بلند کی۔ عوامی نمائندگی کرتے ہوئے انہوں نے کہا کہ جو بھی مذاکرات کے بعد فیصلہ ہو وہ عوام کے سامنے رٹن فارم میں رکھا جائے تاکہ ہم عوام کے سامنے پیش کر سکیں۔ تاہم اس سے پہلے 40 رٹن فارم مختلف دفتروں میں موجود ہیں جن پر عمل نہیں ہوا۔ اس بار اگر وعدوں پر عمل نہ ہوا تو دوبارہ سے ایک بڑا احتجاج ہوگا۔ مزید ان کا کیا کہنا تھا وہ ویڈیو میں موجود ہے۔

16/09/2025

آر ایچ سی شنکیاری میں چوری کی بڑی واردات قیمتی الٹراساؤنڈ مشین اور سامان غائب، PCMC ممبران کا فوری ایکشن۔

شنکیاری: یور نیوز۔ آر ایچ سی شنکیاری میں چوری کی ایک حیران کن واردات نے علاقے کے عوام کو جھنجھوڑ کر رکھ دیا۔ اطلاعات کے مطابق جاپان کی جانب سے ماں اور بچے کی صحت کے لیے فراہم کی گئی قیمتی سہولتیں، جن میں ویل چیئر، یو پی ایس، 5 بیٹریاں اور ایک مہنگی الٹرا ساؤنڈ مشین شامل ہے، پراسرار طور پر غائب ہوگئیں۔

سوشل میڈیا پر معاملہ منظر عام پر آنے کے بعد پی سی ایم سی کے اراکین فوری طور پر آر ایچ سی پہنچے۔ انہوں نے موقع پر جا کر تفصیلی معلومات حاصل کیں اور تصدیق کی کہ یہ قیمتی سامان حقیقتاً غائب ہو چکا ہے۔ اراکین نے اس کو عوامی حق پر ڈاکہ قرار دیتے ہوئے کہا کہ یہ سازوسامان عوامی فلاح کے لیے فراہم کیا گیا تھا، اور اس کی چوری کسی صورت برداشت نہیں کی جائے گی۔

پی سی ایم سی اراکین نے اس واقعے پر سخت برہمی کا اظہار کرتے ہوئے تھانہ شنکیاری میں باقاعدہ درخواست جمع کروا دی ہے جبکہ اس سنگین معاملے کو مزید تحقیقات اور کارروائی کے لیے ڈی ایچ او مانسہرہ، ڈائریکٹر جنرل ہیلتھ، سیکرٹری ہیلتھ اور صوبائی وزیر صحت تک پہنچانے کا کہا کیا ہے۔

پی سی ایم سی کے ممبران میں چیئرمین شنکیاری حاجی شبیر احمد، سابق ڈسٹرکٹ کونسلر عدنان طارق خان، طفیل خان، نعمان خان سواتی، سیکرٹری محمد علی شامل ہیں۔

عوامی حلقوں کا کہنا ہے کہ ایسے واقعات نہ صرف اداروں کی ساکھ کو متاثر کرتے ہیں بلکہ عام آدمی کا اعتماد بھی مجروح ہوتا ہے۔ عوام نے مطالبہ کیا ہے کہ اس بڑے نقصان کی فوری تحقیقات کی جائیں اور ملوث عناصر کو قانون کے کٹہرے میں لایا جائے تاکہ آئندہ کوئی بھی عوامی وسائل پر ہاتھ ڈالنے کی جرات نہ کرے۔

16/09/2025

شنکیاری احتجاج سابق ناظم محمد سراج خان کی ایکسین واپڈا اور اسسٹنٹ کمشنر مانسہرہ سے مذاکرات کے دوران دو ٹوک گفتگو

شنکیاری (یور نیوز) واپڈا کے خلاف جاری تاریخی احتجاج کے دوران سابق ناظم محمد سراج خان نے ایکسین واپڈا اور اسسٹنٹ کمشنر مانسہرہ سے مذاکرات میں عوامی مسائل نہایت دوٹوک اور مدلل انداز میں پیش کیے۔ انہوں نے حکام کو واضح طور پر یاد دلایا کہ پہلے بھی سات سے بارہ بجے تک بجلی کے پرمٹ کا فیصلہ ہوا تھا لیکن اس پر تین دن بھی عمل درآمد نہ کیا گیا۔

اپنی گفتگو میں انہوں نے مزید کہا کہ "کل ہم نے وارننگ دی تھی کہ تین بجے سے پانچ منٹ بھی اوپر نہیں کریں گے، لیکن پتہ نہیں ان کو کس بات کی ضد یا چڑ ہے۔

ایکسین واپڈا سے براہِ راست مخاطب ہوتے ہوئے انہوں نے کہا کہ "ایک دکاندار 20، 30 ہزار روپے کرایہ دیتا ہے، اگر دکان بند ہو جائے تو وہ سڑک پر آ جاتا ہے، اس کا کتنا نقصان ہوتا ہے، مگر آپ سمجھتے ہیں کہ ہم سڑک پر آتے ہیں اور آپ اندر بیٹھ کر غیر پائیدار مذاکرات کر لیتے ہیں۔ آج یہاں وہ بات کریں جو پوری ہو سکے۔ اگر اس بار بھی آپ معاہدے پر پورے نہ اترے تو پھر لوگ کسی کے کنٹرول میں نہیں رہیں گے۔

ان کی یہ گفتگو احتجاج میں شریک مظاہرین کی ترجمانی تھی جس پر عوام نے زبردست ردعمل دیا اور نعرے بازی کے ذریعے اپنی تائید کا اظہار کیا۔

یہ صرف کچھ نکات ہیں جو محمد سراج خان نے حکام کے سامنے رکھے، ان کی مکمل گفتگو اور مزید تفصیلات ویڈیو میں ملاحظہ کی جا سکتی ہیں۔

16/09/2025

شنکیاری میں واپڈا کے خلاف تاریخی عوامی احتجاج ،عوام، سیاسی نمائندے، علما، تاجر، صحافی اور سول سوسائٹی یکجا ہو کر ایک پلیٹ فارم پر واپڈا کی غفلت اور غیر اعلانیہ لوڈشیڈنگ کے خلاف یک زبان، جبکہ سید عباس علی رضا کاظمی نے پرجوش انداز میں عوامی جذبہ پیدا کرتے ہوئے ایکسین واپڈا کے سامنے دو ٹوک مؤقف پیش کیا۔