30/04/2025
پاک بھارت جنگ۔۔ مانسہرہ سمیت صوبے کے 29 اضلاع میں جدید سائرن نصب کرنے کا حکم۔۔۔۔
سول ڈیفنس خیبرپختونخوا کا عوامی تحفظ کے لیے اہم قدم
موجودہ ملکی صورتحال اور ایل او سی (Line of Control) پر کشیدگی کے پیشِ نظر، سول ڈیفنس خیبرپختونخوا نے عوام کو محفوظ رکھنے کے لیے پورے صوبے میں جدید سائرن نصب کیے ہیں۔ جانیں یہ سائرن کیوں ضروری ہیں:
اہم نکات برائے عوامی آگاہی:
1. سائرن کا مقصد:
سائرن کا بنیادی مقصد کسی بھی ہنگامی صورتحال، جنگی خطرے یا فضائی حملے کے پیشگی انتباہ کے طور پر عوام کو الرٹ کرنا ہے تاکہ لوگ فوری طور پر حفاظتی اقدامات کر سکیں۔
2 . پورے خیبرپختونخوا میں تنصیب:
صوبے کے تمام اضلاع میں 50 جدید سائرن نصب کیے جا چکے ہیں تاکہ شہری علاقوں، بازاروں، تعلیمی اداروں اور دیگر اہم مقامات پر بروقت وارننگ ممکن ہو۔
3. سائرن صرف آواز نہیں، بروقت وارننگ ہے!
یہ سائرن کسی بھی ممکنہ خطرے، جیسے جنگی صورتحال یا فضائی حملے کی صورت میں بروقت آگاہی فراہم کرتے ہیں تاکہ لوگ فوری طور پر اپنے تحفظ کے لیے اقدامات کر سکیں۔
4. سائرن بجنے پر کیا کریں؟
فوری طور پر محفوظ جگہ پر منتقل ہوں
غیر ضروری طور پر باہر نہ نکلیں
بزرگوں، بچوں اور خواتین کو ترجیحی طور پر محفوظ رکھیں
افواہوں سے بچیں اور سرکاری ہدایات پر عمل کریں
5. عوامی تعاون ضروری ہے:
یہ سائرن آپ کے تحفظ کے لیے لگائے گئے ہیں۔ ان کا غلط استعمال، مذاق یا نظرانداز کرنا خطرناک ہو سکتا ہے۔ سنجیدگی سے لیں اور دوسروں کو بھی آگاہ کریں۔
محفوظ رہنا ہے تو ہوشیار رہیں!
سائرن کی آواز ایک انتباہ ہے، غفلت نہ برتیں۔
اپنے خاندان اور معاشرے کو محفوظ بنانے میں سول ڈیفنس کا ساتھ دیں۔
انتظامیہ پولیس آپ کو ساتھ ساتھ آگاہ کرتی رہے گئی اور جھوٹی خبروں پر دھیان نہیں رکھنا
