Awaz Pakistan

09/19/2026

ایوانِ تجارت اوگی الیکشن

کون ہوگا ایوان تجارت اوگی کا نیا صدر ؟
ایوان تجارت اوگی الیکشن کے قریب آتے ہی پُرانے امیدواران کے ساتھ ساتھ نئے امیدوار بھی اس میدان میں ُآنے کی تیاریاں کر رہے ہیں
صرف اوگی بازار کے تاجر حضرات اپنی رائے کا اظہار کیجیے
امیدواران
عطاء اللہ تنولی، سربلند خان ، وقارخان، عبدالرزاق عرف فوجی، عابد خان، مرادعلی بابر خان، حافظ سواتی، اکرم بسی خیل. عبداللہ ارشاد

09/18/2026

کوہاٹ پولیس لائن دھ م اکے کے بعد دہ ش ت گردوں کے خلاف مقاب لہ اب بھی جاری ہے۔

09/18/2026

الیکٹرک شیٹل بس حملہ کیس میں 4 ملزمان گرفتار

مانسہرہ میں الیکٹرک شیٹل بس پر حملہ توڑ پھوڑ اور ڈرائیور کو مارنے پیٹنے کے مقدمہ میں بی بی اے خارج ہونے پر پولیس نے 4 ملزمان کو گرفتار کرلیا۔

گرفتار ملزمان میں منیب، فیصل، قاسم اور زین شامل ہیں۔

تفصیلات کے مطابق مورخہ 16 اگست 2026 کو عاصم ولد صداقت کی مدعیت میں تھانہ لاری اڈہ مانسہرہ میں دفعات
506-II/427/337-A(i)/341/148/149 PPC کے تحت نامعلوم ملزمان کے خلاف مقدمہ درج کیا گیا تھا۔

مدعی کے مطابق ملزمان نے سبزی منڈی کے قریب الیکٹرک شیٹل بس کو روک کر اسے ڈنڈوں سے مارا پیٹا جبکہ بس کا شیشہ بھی توڑ دیا تھا۔

09/18/2026

کوہاٹ میں نماز جمعہ کے موقع پر د ج ماکہ
‏اب تک کی اطلاعات کے مطابق پانچ پولیس اہلکاران 11 عام شہریوں سمیت ش ہ دا کی تعداد 16 ہوگئی ہے
پولیس حکام

09/18/2026

الاحسان پبلک سکول اوگی کی انتظامیہ اور بالخصوص پرنسپل مظہر خان سواتی کی طرف سے ڈاکٹرز کالج اوگی کے چیئرمین ڈاکٹر عبدالواجد صاحب اور تمام پروگرام انتظامیہ کو تحصیل لیول کے شاندار اور کامیاب پروگرامز کے انعقاد پر دلی مبارکباد پیش کی جاتی ہے۔
​کالج انتظامیہ نے بالخصوص درج ذیل مقابلوں کا بہترین انقاد کر کے علاقہ بھر کے طلباء کی صلاحیتوں کو نکھارنے میں اہم کردار ادا کیا:
​تحصیل لیول نعت خوانی مقابلہ (بارِ اوّل و دوئم): عشقِ رسول ﷺ اور نعت خوانی کی بہترین اور روحانی محافل کا انعقاد۔
​تحصیل لیول ملی نغمہ مقابلہ: طلباء میں حب الوطنی اور قومی جذبے کو فروغ دینے کی کاوش۔
​تحصیل لیول کوئز پروگرام: طلبا و طالبات کی علمی، فکری اور ذہنی صلاحیتوں کو جلا بخشنے کا شاندار پلیٹ فارم۔
​ڈاکٹر عبدالواجد صاحب اور ان کی پوری ٹیم بلاشبہ داد کے مستحق ہیں جنہوں نے اوگی کی سطح پر تعلیمی و ہم نصابی سرگرمیوں کو ایک نیا معیار دیا ہے۔ اللہ تعالیٰ آپ کی ان کاوشوں کو قبول فرمائے اور مزید کامیابیوں سے ہمکنار کرے۔
​منجانب:
مظہر خان سواتی (پرنسپل: الاحسان پبلک سکول اوگی)

09/17/2026

🛡️ محفوظ تورغر — لیویز اہلکاروں کے مسائل کے حل کے لیے عملی اقدامات

ڈپٹی کمشنر تورغر/کمانڈنٹ تورغر لیویز ڈاکٹر یاسر عمران کی زیرِ صدارت لیویز دربار کا انعقاد کیا گیا، جس میں لیویز اہلکاروں نے شرکت کی۔

دربار کے دوران اہلکاروں نے اپنے مسائل، تحفظات اور مختلف امور سے متعلق تجاویز ڈپٹی کمشنر کے سامنے پیش کیں۔ ڈپٹی کمشنر نے اہلکاروں کے مسائل توجہ سے سنے اور متعلقہ افسران کو قابلِ عمل مسائل کے حل کے لیے ضروری اقدامات اٹھانے کی ہدایات جاری کیں۔

ڈپٹی کمشنر نے کہا کہ لیویز فورس کے اہلکار ضلع میں امن و امان کے قیام اور عوام کے تحفظ کے لیے اہم ذمہ داریاں انجام دے رہے ہیں، لہٰذا ان کے جائز مسائل اور بنیادی ضروریات کو ترجیحی بنیادوں پر حل کیا جائے گا۔

اہلکاروں کو ان کے جائز مسائل کے حل اور ہر ممکن تعاون کی یقین دہانی کرائی گئی۔

09/17/2026

🎖️ لیویز فورس کی تاریخ میں پہلی مرتبہ 16 سال بعد ترقی — اہلکاروں کی حوصلہ افزائی

ڈپٹی کمشنر تورغر/کمانڈنٹ تورغر لیویز فورس ڈاکٹر یاسر عمران نے تورغر لیویز ہیڈکوارٹر کا دورہ کیا، جہاں لیویز فورس کے حالیہ ترقی پانے والے اہلکاروں کے اعزاز میں رینک لگانے کی تقریب منعقد ہوئی۔

تقریب کے دوران ڈپٹی کمشنر/کمانڈنٹ لیویز فورس نے ترقی پانے والے اہلکاروں کو نئے رینکس لگائے اور انہیں مبارکباد پیش کی۔

یہ امر قابلِ ذکر ہے کہ تورغر لیویز فورس کی تاریخ میں پہلی مرتبہ 16 سال کے طویل عرصے کے بعد اہلکاروں کو ترقی دی گئی ہے، جو لیویز اہلکاروں کی پیشہ ورانہ حوصلہ افزائی اور محکمانہ امور میں ایک اہم پیش رفت ہے۔

ترقی پانے والے اہلکاروں میں:

🔹 فضل محمد مداخیل — نائیک سے حوالدار
🔹 ظفر علی — نائیک سے حوالدار
🔹 سید حمید شاہ — نائیک سے حوالدار
🔹 فداالرحمان — لانس نائیک سے نائیک
🔹 ہاشم علی خان — لانس نائیک سے نائیک
🔹 سید لائق شاہ — سپاہی سے لانس نائیک
🔹 انعام الدین — سپاہی سے لانس نائیک

ڈپٹی کمشنر/کمانڈنٹ تورغر لیویز فورس ڈاکٹر یاسر عمران نے ترقی پانے والے اہلکاروں کو مبارکباد دیتے ہوئے کہا کہ ترقی اعزاز کے ساتھ ساتھ مزید ذمہ داریوں کا تقاضا بھی کرتی ہے۔ انہوں نے اہلکاروں پر زور دیا کہ وہ اپنے فرائض ایمانداری، نظم و ضبط اور فرض شناسی کے جذبے کے ساتھ انجام دیں۔

تقریب کے اختتام پر ترقی پانے والے اہلکاروں نے ڈپٹی کمشنر/کمانڈنٹ لیویز فورس کا شکریہ ادا کیا۔

🎖️ فرض، نظم و ضبط اور خدمت — محفوظ تورغر کی بنیاد

09/17/2026

سابق رکن قومی اسمبلی نوابزادہ صلاح الدین سعید صاحب کی 16 مارچ 1987 کو اربوڑہ سیری میں لی گئی یہ یادگار تصاویر ایک خوبصورت اور یادوں سے بھرا لمحہ اپنے اندر محفوظ کیے ہوئے ہیں۔ یہ تصاویر شیرافضل حسن زئی، فرزندِ کیپٹن سلطان محمد حسن زئی، کی منگنی کی تقریب کے موقع پر بنائی گئیں۔ شیرافضل حسن زئی اس وقت دیاغیر میں بسلسلۂ روزگار مقیم ہیں۔
ان یادگار عکس میں اُس دور کی مختلف اہم اور معزز شخصیات بھی نظر آتی ہیں، جن میں سابق اے سی قاضی محی الدین سسل، سابق چیئرمین صادق تنولی اربوڑہ، گل محمد لالہ بازارگے، سابق ناظم یو سی بیلیاں لطیف نواز، خوشی لالہ، محمد فیاض، حاجی عمر خطاب حسن زئی عرف ٹیڈی ماما، حاجی گل افضل دلبوڑی، خواجہ محمد حسن زئی اور دیگر معززین شامل ہیں۔
کئی دہائیاں گزرنے کے بعد یہ تصاویر محض چند پرانے عکس نہیں بلکہ ایک پورے دور کی یادیں، اُس وقت کے باہمی تعلقات، سماجی روایات اور علاقے کی معزز شخصیات کی خوبصورت جھلک اپنے اندر سموئے ہوئے ہیں۔ وقت گزر جاتا ہے، چہرے بدل جاتے ہیں، مگر یادیں اور تاریخی عکس آنے والی نسلوں کے لیے ماضی کا قیمتی سرمایہ بن جاتے ہیں۔
ان تصاویر میں جو شخصیات آج بھی حیات ہیں، اللہ پاک انہیں صحت، ایمان، خوشیوں اور عافیت کے ساتھ لمبی اور بابرکت زندگی عطا فرمائے، اور جو اس دنیاۓ فانی سے رخصت ہوچکے ہیں، اللہ پاک ان کی کامل مغفرت فرمائے، درجات بلند فرمائے اور انہیں جنت الفردوس میں اعلیٰ مقام عطا فرمائے۔ آمین یا رب العالمین۔

09/17/2026

09/17/2026

مکہ مکرمہ پر ہونے والی حوثی جارحیت کی شدید مذمت کرتے ہیں۔
ارض مقدس حرمین شریفین پر حوثیوں کی جانب سے ہونے والی جارحیت نے ہر مسلمان کو مغموم کردیا ہے۔
ارض مقدس حرمین شریفین اہل ایمان کے لئے سرخ لکیر ہے۔
مکہ مکرمہ پر حوثیوں کا حملہ دورِ حاضر کے ابرہہ کی ناپاک جسارت ہے۔ جس کا انجام اصحابِ فیل جیسی عبرت ناک تباہی ہے۔ اللہ اپنے گھر کا خود نگہبان ہے۔
حرمین کے تقدس اور تحفظ کے لئے امت مسلمہ متحد ہے۔
حرمین شریفین کے تقدس کی خاطر ہم سعودی عرب کے شانہ بشانہ کھڑے ہیں اور ہر قربانی کیلئے ہمہ وقت تیار ہیں۔
اس کٹھن اور مشکل وقت میں مملکت سعودی عرب کیساتھ مکمل یکجہتی کا اظہار کرتے ہیں۔
مولانا مفتی ڈاکٹر ضیاء الرحمٰن سعید
صوبائی نائب ناظم اعلیٰ جماعت اشاعت التوحید والسنہ صوبہ خیبرپختونخواہ