Mardan Today

25/08/2026

🌟 میٹرک پاس طلبہ و طالبات کے لیے سنہری موقع 🌟

🎓 گورنمنٹ کالج آف کامرس اینڈ مینجمنٹ سائنسز، تخت بھائی
📢 داخلے جاری ہیں!
اپنے روشن مستقبل کی طرف ایک مضبوط قدم بڑھائیں۔
معیاری سرکاری تعلیم حاصل کرنے کا بہترین موقع آپ کا منتظر ہے۔
کالج میں درج ذیل پروگرامز میں داخلے شروع ہو چکے ہیں:

💻 DIT 1 Year
📚 D.Com
🖥️ F.Sc Computer Science
🎓 BS Computer Science
💼 BBA

سرکاری ادارے میں معیاری تعلیم، مناسب اخراجات اور بہتر مستقبل کی بنیاد۔

📍 گورنمنٹ کالج آف کامرس اینڈ مینجمنٹ سائنسز، ٹکر
روڈ نہر کنارہ تخت بھائی
موبائل نمبر 03018808678

25/08/2026

جماعت اسلامی کے دھرنے پر بعض لوگوں کی تنقید دیکھ کر افسوس ہوتا ہے۔ یہ دھرنا کسی ذاتی یا سیاسی مفاد کے لیے نہیں بلکہ عوام پر عائد پٹرولیم لیوی اور بڑھتی ہوئی مہنگائی کے خلاف آواز ہے۔
اختلافِ رائے ہر کسی کا حق ہے، لیکن جب کوئی جماعت عوام کے مسائل پر سڑکوں پر نکلے اور ہم خود اس کی آواز کو کمزور کرنے لگیں تو یہ ہمارے اجتماعی شعور پر بھی ایک بڑا سوال ہے۔
عوامی مفاد کی ہر پرامن جدوجہد کو نفرت اور تعصب کی عینک سے نہیں، بلکہ عوام کے مفاد کی نظر سے دیکھنا چاہیے۔ نفرت کی عینک اتار کر حقیقت کو دیکھیں۔

24/08/2026

ساولڈھیر میں گیس کی مسلسل بندش، عوام شدید مشکلات کا شکار
ساولڈھیر میں گیس کی مسلسل بندش کے باعث شہریوں کو شدید مشکلات کا سامنا ہے۔ گیس کی عدم دستیابی سے گھریلو صارفین بالخصوص خواتین کو کھانا پکانے سمیت روزمرہ کے امور میں پریشانی کا سامنا کرنا پڑ رہا ہے۔
علاقہ مکینوں کا کہنا ہے کہ گیس کی بندش کا سلسلہ مسلسل جاری ہے، تاہم متعلقہ حکام کی جانب سے مسئلے کے مستقل حل کے لیے مؤثر اقدامات نظر نہیں آ رہے۔ شہریوں نے اربابِ اختیار سے مطالبہ کیا ہے کہ ساولڈھیر میں گیس کی فراہمی فوری طور پر بحال کی جائے اور بار بار پیدا ہونے والے اس مسئلے کا مستقل حل نکالا جائے۔
عوام کا کہنا ہے کہ بنیادی سہولت کی مسلسل عدم فراہمی پر متعلقہ حکام کی خاموشی کئی سوالات کو جنم دے رہی ہے اور نظام کی کارکردگی پر بھی بڑا سوالیہ نشان ہے۔

23/08/2026

مردان کے مستحق خاندانوں کے لیے اہم اطلاع، حکومتی معاونت کے لیے درخواستیں جمع کرانے کی اپیل
مردان: مردان کے مختلف علاقوں، دیہات اور محلوں میں رہائش پذیر بیواؤں، یتیموں، معذور افراد اور دیگر مستحق غریب خاندانوں کے لیے حکومتی معاونت حاصل کرنے کا موقع فراہم کیا گیا ہے۔
عوامی حلقوں اور علاقے کے معززین و ذمہ دار افراد سے اپیل کی گئی ہے کہ اپنے اپنے علاقوں میں موجود مستحق خاندانوں کو اس پروگرام سے متعلق آگاہ کریں، تاکہ کوئی بھی ضرورت مند خاندان معلومات کی کمی کے باعث اس موقع سے محروم نہ رہ جائے۔
متعلقہ افراد حکومتی پروگرام کا فارم ڈاؤن لوڈ کرکے اسے مکمل کرنے کے بعد مردان کے سوشل ویلفیئر دفتر میں جمع کرا سکتے ہیں۔ حکومتی پروگرام کے تحت مستحق افراد کو کاروبار شروع کرنے کے لیے معاونت، مالی امداد یا دیگر ممکنہ سہولیات فراہم کیے جانے کا امکان ہے۔
عوام سے اپیل ہے کہ اس اطلاع کو زیادہ سے زیادہ مستحق خاندانوں تک پہنچائیں اور اپنے اردگرد موجود ضرورت مند افراد کی رہنمائی میں اپنا کردار ادا کریں، تاکہ حکومتی معاونت کا فائدہ حقیقی مستحقین تک پہنچ سکے۔

22/08/2026

مردان کے ترقیاتی منصوبوں پر اہم پیش رفت، جلد تکمیل کے لیے اقدامات تیز کرنے کا فیصلہ
مردان: ضلع مردان کے ترقیاتی منصوبوں پر پیش رفت اور ان کی جلد تکمیل کے حوالے سے اہم اجلاس منعقد ہوا، جس میں ممبر قومی اسمبلی عاطف خان، صوبائی وزیر طارق آرائیانی اور چیف سیکرٹری خیبرپختونخوا شہاب علی شاہ نے شرکت کی۔
اجلاس میں ایڈیشنل چیف سیکرٹری محکمہ منصوبہ بندی و ترقی، محکمہ بلدیات، سی اینڈ ڈبلیو، محکمہ کھیل، ڈپٹی کمشنر مردان سمیت متعلقہ محکموں کے افسران بھی شریک ہوئے۔
اجلاس کے دوران مردان کے مختلف ترقیاتی منصوبوں پر عملدرآمد کا جائزہ لیا گیا اور منصوبوں کی رفتار تیز کرنے سمیت انہیں جلد مکمل کرنے کے حوالے سے اہم فیصلے کیے گئے۔
اس موقع پر ممبر قومی اسمبلی عاطف خان نے کہا کہ مردان کی ترقی کے حوالے سے گزشتہ روز ہونے والی اہم ملاقات کے مثبت نتائج سامنے آئیں گے اور ضلع میں ترقیاتی منصوبوں پر تیزی سے کام ہوگا۔ ان کا کہنا تھا کہ عوام کو بہتر سہولیات کی فراہمی اور مردان کی ترقی کے لیے عملی اقدامات جاری رکھے جائیں گے۔

22/08/2026

تخت بھائی(نمائندہ خصوصی) اسلامی جمعیت طلبہ خیبرپختونخوا کے ناظم اسفندیار عزت نے کہا ہے کہ اسلامی جمعیت طلبہ روزِ اول سے تعلیمی اداروں میں طلبہ کے مسائل کے حل، سازگار تعلیمی ماحول اور طلبہ کے حقوق سمیت انکی کردار سازی کے لیے آواز بلند کرتی آ رہی ہے۔ انہوں نے موجودہ صوبائی حکومت کو نااہل اور کرپٹ قرار دیتے ہوئے کہا کہ تعلیمی اداروں کی نجکاری اور فیسوں میں مسلسل اضافہ تعلیم دشمن پالیسیوں کا واضح ثبوت ہے۔
وہ اپنے دورہ تخت بھائی کے موقع پرتخت بھائی پریس کلب رجسٹرڈ میں پریس کانفرنس سے خطاب کر رہے تھے۔ اس موقع پر ناظم اسلامی جمعیت طلبہ مردان ڈویژن نوید انجم، ناظم ضلع مردان اویس اکرام، ناظم سرکل تخت بھائی احمد خان اور رکن اسلامی جمعیت طلبہ حماد صافی بھی موجود تھے۔اس موقع پر حماد صافی نے کہا کہ پاکستان کی تقریباً 65 فیصد جبکہ خیبرپختونخوا کی 75 فیصد آبادی نوجوانوں پر مشتمل ہے، تاہم صوبائی حکومت کے پاس تاحال کوئی مؤثر یوتھ پالیسی موجود نہیں۔ انہوں نے کہا کہ ملک میں لاکھوں بچے اور خیبرپختونخواہ میں 50 لاکھ بچےتعلیم سے محروم ہیں، جس کے باعث حکومت کو تعلیم کے فروغ کے لیے عملی اقدامات کرنا ہوں گے۔انہوں نے دعویٰ کیا کہ صوبائی حکومت کی جانب سے تعلیمی اداروں اور دیگر سرکاری شعبوں کی نجکاری کے منصوبے کے خلاف اسلامی جمعیت طلبہ نے بھرپور احتجاج کیا، جس کے نتیجے میں حکومت کو اپنا فیصلہ واپس لینے پر مجبور ہونا پڑا۔انہوں نے دھشت گردی سے متاثرہ سابقہ فاٹا کے میڈیکل طلبہ کے مسائل کا ذکر کرتے ہوئے کہا کہ ان سے میڈیکل کالجز میں مخصوص کوٹے کا وعدہ کیا گیا تھا، تاہم تاحال یہ وعدہ پورا نہیں کیا گیا اور متاثرہ طلبہ PMDC کے سامنے احتجاج پر مجبور ہیں۔
انہوں نے پشاور یونیورسٹی کے تعلیمی اور مالی مسائل پر بھی تشویش کا اظہار کرتے ہوئے کہا کہ مختلف شعبہ جات کو ضم کیا جا رہا ہے، یونیورسٹی مالی مشکلات کا شکار ہے اور اسے تاحال حکومت کی جانب سے مطلوبہ گرانٹ فراہم نہیں کی گئی۔انہوں نے تیمرگرہ میڈیکل کالج کے حوالے سے کہا کہ وہاں ملازمین تنخواھوں کی مد میں کروڑوں روپے قومی خزانے سے وصول کر رہے ہیں، تاہم کالج کا تاحال باضابطہ افتتاح نہیں کیا گیا۔ ان کا کہنا تھا کہ بعض نجی پیرا میڈیکل نرسنگ کالجز میں مطلوبہ سہولیات موجود نہیں، اس کے باوجود خیبر میڈیکل یونیورسٹی کی جانب سے انہیں اجازت دی جا رہی ہے۔ اسلامی جمعیت طلبہ نے اس معاملے کے خلاف بھرپور مہم چلانے کا اعلان کیا ھے۔انہوں نے طلبہ یونینز کی بحالی کا مطالبہ کرتے ہوئے تخت بھائی اور لوندخوڑ ڈگری کالجز کے لیے ہاسٹل اور ٹرانسپورٹ کی سہولیات فراہم کرنے پر بھی زور دیا۔پریس کانفرنس کے اختتام پر طلبہ کو 7، 9 اور 11 ستمبر کو اسلامی جمعیت طلبہ کے زیر اہتمام منعقد ہونے والے ’’محسنِ انسانیت کوئز کمپٹیشن‘‘ میں بھرپور شرکت کی دعوت دی گئی۔ مقررین نے بتایا کہ مقابلے میں نمایاں پوزیشن حاصل کرنے والے طلبہ کو نقد انعامات بھی دیے جائیں گے۔

21/08/2026

شیخانو کلی جنازگاہ کی باؤنڈری وال اور تزئین و آرائش کے لیے 50 لاکھ روپے منظور
تخت بھائی: شیخانو کلی جنازگاہ کی باؤنڈری وال کی تعمیر اور تزئین و آرائش کے لیے ایم پی اے افتخار علی مشوانی کی جانب سے 50 لاکھ روپے کا فنڈ منظور کر دیا گیا۔
فنڈ کی منظوری سے جنازگاہ کی ضروری تعمیر و مرمت اور خوبصورتی کے کام مکمل کیے جائیں گے، جس سے علاقے کے عوام کو بہتر سہولیات میسر آئیں گی۔
علاقے کی بہتری اور عوامی مسائل کے حل کے لیے عملی اقدامات پر اہلِ علاقہ نے ایم پی اے افتخار علی مشوانی کا شکریہ ادا کیا۔

20/08/2026

عمران خان طبی معائنے کے لیے شفا انٹرنیشنل ہسپتال روانہ ہوگئے۔

20/08/2026

ڈسٹرکٹ ہیلتھ آفس مردان میں لاکھوں روپے مالیت کی سرکاری گاڑیاں کھلے آسمان تلے کھڑی، کباڑ میں تبدیل، محکمہ صحت کی مبینہ غفلت اور بروقت مرمت نہ ہونے سے قیمتی سرکاری گاڑیاں ناکارہ ہوگئیں
صحافی فیصل زادہ

20/08/2026