Mardan Times

16/08/2026

مردان: تھانہ سٹی پولیس کی کارروائی، جوا بازی میں ملوث 04 ملزمان گرفتار، داؤ پر لگی 18,020 روپے نقدی اور تاش برآمد

تفصیلات:
تھانہ سٹی پولیس نے کارروائی کرتے ہوئے جوا بازی میں ملوث 04 ملزمان کو گرفتار کر لیا۔

گرفتار ملزمان میں ممتاز ولد صفدر سکنہ کاروان روڈ، شاہ زیب ولد قیوم خان سکنہ باغِ ارم، افتخار ولد کریم سکنہ شوگر ملز روڈ اور تحسین اللہ ولد وحید اللہ سکنہ میروس شامل ہیں۔

کارروائی کے دوران ملزمان کے قبضے سے داؤ پر لگی 18,020 روپے نقدی اور تاش برآمد کرکے تحویل میں لے لی گئی۔

ملزمان کے خلاف مقدمہ درج کرکے مزید قانونی کارروائی عمل میں لائی جا رہی ہے۔

22/01/2025

07/01/2025

پشاور کی معروف ڈانسر اور ٹک ٹاکر بسمہ بی بی پر تخت بھائی کالج کالونی میں 04/09/2023 کو اپنے شوہر سمیع اللہ کو قتل کرنے کا الزام ثابت ہونے پر ایڈیشنل ڈسٹرکٹ اینڈ سیشن جج تخت بھائی ارباب محمد کاشف کی عدالت نے عمر قید اور پانچ لاکھ روپے جرمانہ کرنے کی سزا سنا دی ۔ یاد رہے کہ ملزمہ بسمہ بی بی جو پشاور کی معروف ڈانسر اور ٹک ٹاکر ہے ۔ جن کی شادی تخت بھائی کالج کالونی میں جے کے پلازہ کے چوکیدار سمیع اللہ ولد خائستہ الرحمن ( مرحوم) سے 15/08/2023 کو ہوئی تھی ۔ جنہوں نے شادی کے پورے 19 دن بعد صبح 8 بجے کے وقت گھر کے اندر نامعلوم وجوہات کی بنا پر پستول سے فائرنگ کر کے اپنے شوہر سمیع اللہ کو موت کے گھاٹ اتار دیا تھا ۔ اس وقت کے ایس ایچ او پولیس اسٹیشن ساڑوشاہ بشیر خان نے فوری طور پر کارروائی کر کے ملزمہ کو پستول سمیت گرفتار کیا تھا ۔پولیس نے مقتول کے بڑے بھائی حبیب الرحمٰن سکنہ شریف آباد کی رپورٹ پر دفعہ 302/34/15AA کے تحت مقدمات درج کیے تھے ۔ مقتول کی طرف سے کیس کی پیروی پشاور ہائیکورٹ کے وکیل معروف قانون دان جمعیت لائرز فورم تحصیل تخت بھائی کے جنرل سیکرٹری میاں اعجاز علی شاہ ایڈوکیٹ ، امتیاز مالک ایڈوکیٹ نے کی ۔ جبکہ ملزمہ بسمہ بی بی کی طرف سے فیاض خان ایڈوکیٹ آف نوشہرہ نے کیس کی پیروی کی ۔ 16 مہینوں اور 6 دن طویل سماعتوں کے بعد ایڈیشنل ڈسٹرکٹ اینڈ سیشن جج تخت بھائی کی عدالت نے ملزمہ بسمہ بی بی کو عمر قید اور 5 لاکھ روپے جرمانے کی سزا سنا دی۔ سزا سنتے ہی عدالت کے باہر ملزمہ رو پڑی ۔ مقتول کے بھائی حبیب الرحمٰن نے عدالتی فیصلے کا خیر مقدم کرتے ہوئے اسے حق اور سچ کی فتح قرار دے دیا ۔