https://www.facebook.com/102428692691677/

Pakistan urdu news, Mianwali (2025)

25/07/2024

طاہر انجم پر حملہ کرنیوالی خاتون انیلہ کو پنجاب پولیس نے گرفتارکرلیا

کامیڈین طاہر انجم پر حملہ کرنیوالی خاتون انیلہ کو پنجاب پولیس نے گرفتارکرلیا۔
تفصیلات کے مطابق گزشتہ روز لاہور میں پنجاب اسمبلی کے باہر پاکستان تحریک انصاف کے بھوک ہڑتالی کیمپ میں آئی ہوئی خاتون ورکرز نے اداکار طاہر انجم کی پٹائی کی تھی۔ طاہر انجم پنجاب اسمبلی کے باہر سے گزر رہے تھے کہ پی ٹی آئی خاتون ورکرز نے انہیں تشدد کا نشانہ بنایا، خاتون نے طاہر انجم کو تھپڑ مارے اور ان کے کپڑے بھی پھاڑ دیے تھے۔پی ٹی آئی کی خاتون ورکر نے الزام لگایا تھا کہ طاہر انجم نے بانی پی ٹی آئی عمران خان کو دہشتگرد کہا تھا۔

25/07/2024

بانی پی ٹی آئی کی ممکنہ حراست فوجی عدالتوں کو دینے کیخلاف لاہور ہائیکورٹ میں درخواست دائر

بانی پی ٹی آئی عمران خان کی ممکنہ حراست فوجی عدالتوں کو دینے کیخلاف لاہور ہائیکورٹ میں درخواست دائرکر دی گئی۔
نجی ٹی وی چینل دنیا نیوز کے مطابق بانی پی ٹی آئی نے درخواست میں وفاقی حکومت اور چاروں صوبوں کے آئی جیز کو فریق بنایا ہے،درخواست میں موقف اختیار کیا گیا ہے کہ 9مئی سے متعلق کیس میں حراست فوجی عدالت کے حوالے کی جا سکتی ہے،درخواست میں استدعا کی گئی ہے کہ عدالت 9مئی کیسز میں حراست سویلین کورٹس کے پاس رہنے کا حکم دے۔

24/07/2024

وفاقی حکومت نے بجلی کی تقسیم کار کمپنیوں میں خود مختار ڈائریکٹرز تعینات کر دیے

وفاقی حکومت نے بجلی کی تقسیم کار کمپنیوں میں نئے ڈائریکٹر تعینات کر دیے۔
پاور ڈویژن کی جانب سے جاری اعلامیے کے مطابق آئیسکو، فیسکو، لیسکو، میپکو، پیسکو اور حیسکو کے لئے خودمختار ڈائریکٹر مقرر کر دیے گئے ہیں۔جاری اعلامیے کے مطابق 11 میں سے 6 سرکاری بجلی تقسیم کار کمپنیوں کے نئے بورڈز تشکیل دیے گئے ہیں، نئے ڈسکوز بورڈز کی تشکیل 3 سال کے لئے ہو گی۔عمر فاروق خان فیصل آباد الیکٹرک سپلائی کمپنی بورڈ کے چیئرمین مقرر ہو گئے ہیں جبکہ ڈاکٹر طاہر مسعود اسلام آباد الیکٹرک سپلائی کمپنی بورڈ کے چیئرمین ہوں گے۔عامر ضیاءلاہور اور ملتان الیکٹرک سپلائی کمپنیوں کے بورڈز کے چیئرمین تعینات ہوئے ہیں جبکہ حمایت اللہ خان پشاور اور ہزارہ الیکٹرک سپلائی کمپنیوں کے بورڈز کے چیئرمین ہوں گے۔حکومتی ذرائع کے مطابق بجلی کی تقسیم کار کمپنیوں میں ڈائریکٹرز کی کارکردگی غیر تسلی بخش ہونے پر نئے بورڈز تشکیل دیے گئے، وزیر برائے پاور کی سربراہی میں بورڈ نامزدگی کمیٹی نے بورڈز تحلیل کرنے کی سفارش کی تھی۔ذرائع کا بتانا ہے کہ وفاقی کابینہ نے 24 جون کو 9 ڈسکوز کے نئے بورڈز تشکیل دینے کی منظوری دی تھی جبکہ وزیراعظم نے حیدر آباد اور سکھر الیکٹرک سپلائی کمپنیوں کے بورڈز کی تشکیل نو کا معاملہ روک دیا تھا۔

24/07/2024

مخصوص نشستوں پر ہمارا حق نہیں، جس جماعت کی ہیں اسے ملنی چاہئیں: ندیم افضل چن
پاکستان پیپلز پارٹی کے رہنما ندیم افضل چن کا کہنا ہے کہ مخصوص نشستوں پر ہمارا حق نہیں ہے، جس جماعت کی مخصوص نشستیں بنتی ہیں اسے ملنی چاہئیں۔
گزشتہ روز پیپلز پارٹی نے مخصوص نشستوں کے معاملے پر سپریم کورٹ میں نظر ثانی اپیل دائر کرتے ہوئے موقف اپنایا تھا کہ پی ٹی آئی نے درخواست دائر نہیں کی، نہ ہی فریق بنی، تحریک انصاف کو بن مانگے نشستیں دی گئیں، سپریم کورٹ اپنا 12 جولائی کا فیصلہ واپس لے۔اس معاملے پر پاکستان پیپلز پارٹی کے رہنما ندیم افضل چن کا نجی ٹی وی چینل کو انٹرویو دیتے ہوئے کہنا تھاکہ مخصوص نشستوں پر ہمارا حق نہیں ہے، مخصوص نشستیں جس جماعت کی بنتی ہیں اس کو ملنی چاہئیں، اگر ہمارے ووٹ نہیں تو ہمیں بھی نہیں ملنی چاہئیں۔ ندیم افضل چن کا مزید کہنا تھا کہ پیپلزپارٹی نہ ہوتی تو تین سال پہلے پی ٹی آئی پر پابندی لگ چکی ہوتی، پیپلزپارٹی نہ ہوتی تو تین سال پہلے ہی یہ دہشتگرد ڈکلیئرڈ ہو چکے ہوتے، پیپلزپارٹی نہ ہوتی تو شاید یہ الیکشن بھی نہ ہوتے۔ان کا کہنا تھا سیاسی جماعتوں کو سیاسی جماعت کے طور پر ڈیل کرنا چاہئے، پیپلزپارٹی کی سوچ ہے کہ جس سیاسی جماعت کا رویہ آمرانہ ہے اس کو قومی دھارے میں آنے کا موقع دینا چاہئے۔یاد رہے کہ سپریم کورٹ نے سنی اتحاد کونسل کی درخواست پر فیصلہ سناتے ہوئے پاکستان تحریک انصاف کو آئینی طور پر سیاسی درست جماعت قرار دیتے ہوئے الیکشن کمیشن اور پشاور ہائیکورٹ کے فیصلے کالعدم قرار دے دیے تھے۔
عدالت عظمیٰ نے الیکشن کمیشن کو یہ حکم بھی دیا تھا کہ مخصوص نشستیں پاکستان تحریک انصاف کو الاٹ کی جائیں اور تحریک انصاف کو بھی حکم دیا تھا کہ ایک ہفتے کے اندر مخصوص نشستوں کی فہرست الیکشن کمیشن کو جمع کرائی جائے۔مسلم لیگ ن نے سپریم کورٹ کے مخصوص نشستوں کے فیصلے کو چیلنج کرتے ہوئے نظر ثانی اپیل دائر کی تھی۔

23/07/2024

پیکا کے تحت ٹرائل کیلئے خصوصی عدالتیں تشکیل، رؤف حسن اور دیگرکے ٹرائل کا امکان

پاکستانپیکا کے تحت ٹرائل کیلئے خصوصی عدالتیں تشکیل، رؤف حسن اور دیگرکے ٹرائل کا امکان
ارفع فیروز Time23 جولائی ، 2024
Facebook

Twitter

Whatsapp
پیکا کے تحت ٹرائل کیلئے خصوصی عدالتیں تشکیل، رؤف حسن اور دیگرکے ٹرائل کا امکان
وزارت قانون وانصاف کی جانب سے پیکا ایکٹ کے تحت ٹرائل کے لیے خصوصی عدالتوں کے قیام کا ایس آر او جاری کردیا گیا، فوٹو: فائل
اسلام آباد: وفاقی حکومت نے پریوینشن آف الیکٹرانک کرائمز ایکٹ (پیکا) کے تحت ٹرائل کے لیے اسلام آباد میں خصوصی عدالتیں تشکیل دے دی ہیں، پی ٹی آئی رہنما رؤف حسن اور دیگر کا ٹرائل پیکا ایکٹ کے تحت قائم عدالتوں میں ہونےکا امکان ہے۔

وزارت قانون وانصاف کی جانب سے پیکا ایکٹ کے تحت ٹرائل کے لیے خصوصی عدالتوں کے قیام کا ایس آر او جاری کردیا گیا ہے جس کے مطابق چیف جسٹس اسلام آباد ہائی کورٹ سے مشاورت کے ساتھ خصوصی عدالتیں تشکیل دی گئی ہیں، ایڈیشنل ڈسٹرکٹ اینڈ سیشن ججز اور سول جج ایسٹ اینڈ ویسٹ کو ٹرائل کا اختیار دیا گیا ہے۔

اسلام آباد پولیس نے رؤف حسن کی گرفتاری کی تصدیق کردی

خیال رہے کہ اسلام آباد ہائی کورٹ کے جسٹس بابر ستار نے 6 جون کو وفاقی حکومت سے پیکا ایکٹ کے تحت عدالتوں کے عدم قیام پر جواب مانگا تھا۔

ذرائع کے مطابق سیکرٹری اطلاعات پی ٹی آئی رؤف حسن اور دیگر کا ٹرائل پیکا ایکٹ کے تحت قائم عدالتوں میں ہونےکا امکان ہے۔

ذرائع کا کہنا ہےکہ دیگر صوبوں میں متعلقہ ہائی کورٹس کے چیف جسٹس صاحبان کی مشاورت سے جج نامزد ہوں گے۔

23/07/2024

9 مئی مقدمات: عمران خان کا پنجاب فارنزک ٹیم کو ٹیسٹ دینے سے انکار
9 مئی مقدمات: عمران خان کا پنجاب فارنزک ٹیم کو ٹیسٹ دینے سے انکار

راولپنڈی: بانی پی ٹی آئی عمران خان سے لاہور پولیس کی تفتیش کا پہلا مرحلہ مکمل ہوگیا جب کہ عمران خان نے پنجاب فارنزک ٹیم کو ٹیسٹ دینے سے انکار کردیا۔

ذرائع کے مطابق لاہور میں درج 9 مئی کے مقدمات کی تفتیش کے دوران لاہور پولیس نے بانی پی ٹی آئی سے مختلف سوالات کیے۔ بانی پی ٹی آئی نے سوالات کے جواب دینے سے انکار کیا اور کہا کہ پولیس پر اعتبار نہیں۔ تفتیشی افسر نےکہا کہ آپ تعاون کریں ہم آپ کے ساتھ انصاف کریں گے۔

ذرائع کا کہنا ہے کہ ڈی ایس پی جاوید آصف کی یقین دہانی پربانی پی ٹی آئی نے15 منٹ تک سوالات کے جوابات دیے۔

ذرائع کے مطابق تفتیش کے دوران بانی پی ٹی آئی نے پنجاب فارنزک ٹیم کے ماہرین کو 3 ٹیسٹ دینے سے انکار کردیا اور کہا کہ بہت سے تفتیشی اداروں کے زیرتفتیش ہوں، فی الحال کوئی ٹیسٹ نہیں کراؤں گا، اس حوالے سے بعد میں پولیس کو وقت دوں گا۔

ذرائع کے مطابق پنجاب فارنزک ٹیم نے پولی گرافک، وائس میچنگ اور فوٹو گرامیٹری ٹیسٹ کرنے تھے۔

تفتیش کا پہلا مرحلہ مکمل ہونے پر لاہور پولیس کی تفتیشی ٹیم اڈیالہ جیل سے روانہ ہوگئی۔

23/07/2024

بانی پی ٹی آئی جیل سے باہر نہیں آئیں گے اور نہ ہی حکومت کہیں جارہی ہے: فیصل واوڈا

جیو نیوز کے پروگرام کیپیٹل ٹاک میں بات چیت کرتے ہوئے فیصل واوڈا نے کہا کہ ملک میں آئینی بریک ڈاون جیسا کوئی خطرہ نہیں ہے۔

خواجہ آصف آئینی بریک ڈاؤن کی بات نہ کریں، ان کی حکومت کہیں نہیں جارہی: فیصل واوڈا

انہوں نے مزید کہا کہ بانی پی ٹی آئی جیل سے باہر نہیں آئیں گے اور نہ ہی موجودہ حکومت کہیں جارہی۔

پروگرام میں گفتگو کرتے ہوئے فیصل واوڈا اور پی ٹی آئی رہنما زین قریشی نے کہا کہ وزیراعلیٰ پنجاب مریم نواز نے ججز کے خلاف جو بات کی اُس پر توہین عدالت کی کارروائی ہونی چاہیے۔

23/07/2024

پاکستانبنوں واقعہ، جرگے نے وزیراعلیٰ کے پی کو مطالبات پیش کردیے، دھرنا جاری رکھنے کا اعلان
بنوں واقعہ سے متعلق تشکیل کردہ جرگہ ارکان نے وزیراعلیٰ علی امین گنڈاپور سے ملاقات کرکے اپنے مطالبات پیش کیے۔

وزیر اعلیٰ ہاؤس پشاور میں ہونی والی اس ملاقات کے دوران پیش کیے گئے مطالبات میں آپریشن عزم استحکام کی مخالفت اور مسلح گروپوں کا خاتمہ شامل تھا۔

جرگہ ارکان کی جانب سے پیش کیے گئے مطالبات میں پولیس کو با اختیار بنانے اور رات کو گشت کرنے کا مطالبہ بھی شامل ہیں جبکہ سرچ آپریشن یا دہشتگردوں کے خلاف کارروائی سکیورٹی فورسز کے بجائے سی ٹی ڈی کو کرنے کا مطالبہ بھی کیا گیا۔

یہ بھی پڑھیں
بنوں میں فوج نے ایس او پیز کے مطابق درست رسپانس دیا: ڈی جی آئی ایس پی آر
بنوں امن مارچ کو کچھ قوتوں نے سیاست کی نذرکیا، معاملے پر پراپیگنڈا ہو رہاہے: عطاتارڑ
بنوں میں امن مارچ میں بھگدڑ مچنے سے 4 افراد جاں بحق
جرگہ ارکان کی جانب سے لاپتا افراد کو عدالتوں کے سامنے پیش کرنے کا بھی مطالبہ کیا گیا۔

جرگے کے صدر ناصر خان بنگش نے جیونیوز سے گفتگو کرتے ہوئے کہا کہ وزیراعلیٰ نے ہمارے تمام مطالبات سن لیے اور کہا کہ مطالبات سے متعلق ایپکس کمیٹی کا اجلاس بلایا جائے گا۔

انہوں نے بتایا کہ وزیراعلیٰ نے کہا کہ ایپکس کمیٹی کے اجلاس میں جرگے کے 5 اراکین بھی شرکت کریں گے اور ایپکس کمیٹی اجلاس میں مطالبات پر غور کیا جائے گا۔

ناصر خان بنگش نے کہا کہ بنوں میں دھرنا بدستور جاری رہے گا، جمعہ کے دن وزیراعلیٰ علی امین گنڈاپور بنوں کا دورہ کریں گے اس دوران وہ دھرنے کے شرکاء کے سامنے ایپکس کمیٹی کا فیصلہ رکھیں گے، وزیراعلیٰ کی جانب سے فیصلے سامنے رکھنے کے بعد دھرنا ختم کیا جائے گا۔

وزیراعلیٰ خیبرپختونخوا سے جرگہ ارکان کی ملاقات کے دوران چیف سیکرٹری اور آئی جی خیبرپختونخوا پولیس سمیت دیگر متعلقہ حکام بھی موجود تھے۔

09/10/2023

نواز شریف ملک سے غیر قانونی طور پر بھاگ کر نہیں گئے، نگران حکومت
نواز شریف کی واپسی کا نگراں حکومت سے کوئی تعلق نہیں، وہ پاکستان کی بڑی سیاسی جماعت کے رہنما ہیں، نگران وزیر اطلاعات مرتضی سولنگی کی گفتگو

نواز شریف ملک سے غیر قانونی طور پر بھاگ کر نہیں گئے، نگران حکومت

اسلام آباد( نگران حکومت نے سابق وزیراعظم اور قائد ن لیگ نواز شریف کے حوالے موقف اختیار کیا ہے کہ نواز شریف ملک سے غیر قانونی طور پر بھاگ کر نہیں گئے۔ نگران وزیر اطلاعات مرتضی سولنگی نے کہا کہ نواز شریف کی واپسی کا نگراں حکومت سے کوئی تعلق نہیں، وہ پاکستان کی بڑی سیاسی جماعت کے رہنما ہیں۔ نگران وزیراطلاعات و نشریات مرتضیٰ سولنگی نے کہا ہے کہ انتخابات ہونے کا یقین ہے تاہم انتخابات کی تاریخ دینا ہمارا کام نہیں ہے بلکہ الیکشن کمیشن کا کام ہے، مجھے الیکشن کمیشن کی صلاحیت اور قیادت پر مکمل اعتماد ہے، مجھے پورا یقین ہے کہ وہ جس تاریخ کو الیکشن کا اعلان کریں گے اسی دن الیکشن ہوں گے،نواز شریف قانونی پراسیس کے ذریعے باہر گئے اور قانونی پراسیس کے تحت ہی واپس آئیں گے۔

08/10/2023

افغانستان میں زلزلے سے تباہی، اموات کی تعداد 2000 سے تجاوز کر گئی
ہرات: افغانستان میں زلزلے نے بڑی تباہی مچا دی ہے، اموات کی تعداد 2000 سے تجاوز کر گئی۔

اے ایف پی کے مطابق ایک حکومتی ترجمان نے کہا ہے کہ زلزلے سے مرنے والوں کی تعداد دو ہزار سے بڑھ گئی ہے، امدادی کارکن رات بھر مغربی افغانستان میں کچے گھروں میں زندہ بچ جانے والوں کی تلاش میں مصروف رہے۔

ہفتے کو آنے والے 6.3 کی شدت کے زلزلے کے بعد 8 زبردست آفٹر شاکس نے صوبائی دارالحکومت ہرات کے شمال مغرب میں 30 کلومیٹر (19 میل) کے فاصلے پر واقع علاقوں کو جھنجھوڑ کر رکھ دیا ہے، زلزلے سے بڑی تعداد میں دیہی مکانات منہدم ہوئے اور خوف زدہ شہریوں نے رات سڑکوں پر گزاری۔

08/10/2023

حماس کے حملوں میں ہلاک اسرائیلیوں کی تعداد 600 ہوگئی
مقبوضہ بیت المقدس : فلسطینی مزاحمتی تحریک حماس کے اسرائیل پر زمین، سمندر اور فضا سے حملوں میں اب تک600 اسرائیلی ہلاک ہوچکے ہیں جس میں فوجیوں کی تعداد 44 ہے۔

غیر ملکی خبر رساں ادارے کی رپورٹ کے مطابق اسرائیلی میڈیا کا کہنا ہے کہ غزہ کی پٹی سے حماس کے پے در پے حملوں میں ہلاک ہونے والے اسرائیلیوں کی تعداد 600 ہو گئی ہے۔ جبکہ حماس کے حملوں میں 1864 افراد کے زخمی ہونے کا اعلان کیا گیا۔

اسرائیلی فوج نے اپنی سرکاری ویب سائٹ پر ہلاک ہونے والے فوجیوں میں سے 26 کے نام اور تصاویر کے ساتھ ایک لنک شیئر کیا ہے۔

اسرائیلی ریڈیو پر دیے گئے بیان میں بتایا گیا کہ ہلاک ہونے والوں میں نہال بریگیڈ کا کمانڈر، تکشف بٹالین کا کمانڈر، میگلان یونٹ کا ڈپٹی کمانڈر، ایک کمپنی کمانڈر اور اندرونی محاذ کی کمان کا ایک گروپ لیڈر شامل ہے۔

اسرائیلی پولیس کے ترجمان نے یہ بھی اعلان کیا کہ الاقصیٰ سیلاب کہلانے والے حملے کے پہلے دن 30 پولیس اہلکار ہلاک ہوئے جن میں اعلیٰ شخصیات بھی شامل تھیں۔

اسرائیلی میڈیا نے یہ بھی اطلاع دی ہے کہ غزہ کی پٹی سے حملوں کے آغاز سے تقریباً 750 اسرائیلی لاپتہ ہیں۔

اسرائیلی فوج کے ترجمان ڈینیل ہگاری نے کہا کہ جنوبی اسرائیل اور غزہ کی پٹی پر حملوں میں اب تک حماس کے 400 ارکان ہلاک ہوچکے ہیں۔

یہ اعلان کرتے ہوئے کہ غزہ کی پٹی کے قریب خالی ہونے والی بستیوں کی تعداد بڑھ کر 24 ہو گئی ہے، فوج نے اطلاع دی ہے کہ غزہ کی پٹی کی سرحد کے ساتھ زیادہ تر علاقوں میں کنٹرول بحال کر دیا گیا ہے۔

بیان میں یہ بات نوٹ کی گئی کہ جنگی طیاروں نے دو بلند و بالا عمارتوں پر حملہ کیا جن میں مبینہ طور پر حماس سے وابستہ دفاتر موجود تھے اور جنہیں سینئر ارکان کارروائیوں کے لیے استعمال کرتے تھے۔

بیان میں اس بات کا ذکر کیا گیا کہ حماس کے رہنماؤں اور ارکان کے دفاتر کے ساتھ ساتھ مبینہ طور پر حماس کے اندر مختلف فارمیشنز اور یونٹس کے دفاتر پر مشتمل عمارت کا نام فلسطین رکھا گیا ہے۔

بیان میں کہا گیا کہ گزشتہ روز مزید 2 بڑی عمارتوں کو نشانہ بنایا گیا، اس طرح حماس کی 4 اہم عمارتوں پر حملہ کیا گیا۔

اسرائیلی فوج نے غزہ کی پٹی کے بعض علاقوں میں فلسطینیوں سے کہا کہ وہ اپنی حفاظت کے لیے اپنے گھروں سے نکل جائیں اور انہیں پناہ گاہوں میں جانے کو کہا۔

اسرائیل نے رات گئے غزہ پر اپنے حملے جاری رکھے، عینی شاہدین سے موصول ہونے والی معلومات کے مطابق اسرائیلی جنگی طیاروں نے غزہ شہر کے مغرب میں بیت حنون قصبے میں فلسطینی گروپوں سے تعلق رکھنے والے ایک فوجی پوائنٹ اور غزہ کے جنوبی اور وسطی حصے میں عوامی اداروں سے تعلق رکھنے والے مکانات اور عمارتوں پر بمباری کی۔

06/10/2023

آئی ایم ایف کی شرائط حکومت نے بڑا فیصلہ کرلیا
اسلام آباد : عالمی مالیاتی فنڈ (آئی ایم ایف) کی شرائط پر فرٹیلائزر مینوفیکچررز کیلئے رواں ماہ سے گیس مہنگی کرنے کا فیصلہ کرلیا گیا ہے۔

تفصیلات کے مطابق عالمی مالیاتی فنڈ (آئی ایم ایف) نے کھاد کارخانوں کو گیس سبسڈیز ریٹ پر دینے کی مخالفت کردی۔

جس کے بعد آئی ایم ایف کی شرائط پر فرٹیلائزر مینوفیکچررز کیلئے رواں ماہ سے گیس مہنگی کرنے کا فیصلہ کرلیا گیا ہے۔

ذرائع نے بتایا کہ فرٹیلائزرمینوفیکچررز کیلئے گیس قیمتیں پانچ سو اسی روپے فی ایم ایم بی ٹو کی جائیں گی اور فرٹیلائزر مینوفیکچررز کیلئے گیس قیمتوں میں دوسواٹھہتر روپےفی ایم ایم بی ٹی یو روپے اضافہ ہوگا۔

فیڈ اسٹاک کیلئے فرٹیلائزر مینوفیکچررز کو پانچ سو چھپن روپے اضافے کے ساتھ فی ایم ایم بی ٹی یو گیس پندرہ سو اسی روپےمیں ملے گی۔

فرٹیلائزر مینوفیکچرر کیلئے گیس مہنگی کرنے کیلئے وزارت خزانہ، پٹرولیم اور صنعت وپیداوار حکام نے ورکنگ شروع کردی ہے، فرٹیلائزر مینوفیکچررز کیلئے گیس قیمتوں میں اضافہ آئی ایم ایف اقتصادی جائزہ سے پہلے کیا جائے گا۔

Pakistan urdu news

25/07/2024

25/07/2024

24/07/2024

24/07/2024

23/07/2024

23/07/2024

23/07/2024

23/07/2024

09/10/2023

08/10/2023

08/10/2023

06/10/2023

Address

Website

Alerts

Shortcuts

Share

Category