21/07/2023
پوسٹ بنام قابل صد احترام کلائنٹس۔۔
اگر آپ آن لائن کوئ بھی بزنس کر رہے ہیں۔۔اور اکثر و بیشتر سوشل میڈیا مارکیٹرز/ڈیجیٹل مارکیٹرز کی سروسز لیتے رہتے ہیں تو یہ پوسٹ آپ کے لیے ہی ہے۔۔
سب سے پہلے تو آپ تعریف کے حق دار ہیں کہ آپ نے اس ٹیکنالوجی اور ڈیجیٹلائزیشن کے دور میں اپنے کاروبار کو آن لائن لے کر آنے کا فیصلہ کیا۔۔یقین کیجیے یہ آپ کا ایک بہترین سٹیپ ہے جو آنے والے دنوں میں آپ کے کاروبار کو عروج بخشے گا ان شاء اللہ
لیکن اس عروج تک پہنچنے کے لیے آپ کو مندرجہ ذیل باتوں کا خیال لازمی رکھنا چاہیے۔۔
1.سب سےپہلے آپ کے لیے تمام سوشل میڈیا اکاؤنٹس کا بنانا بے حد ضروری ہے۔۔خصوصا وہ پلیٹ فارمز جہاں پر عام عوام کا رش موجود ہے مثلاً فیس بک، انسٹاگرام، ٹک ٹاک، یوٹیوب۔۔۔یوٹیوب آپشنل ہے آپ کی مرضی ہے اگر ہو تو زیادہ بہترین ہے۔۔
2.کچھ حد تک بچت کرکے ورڈ پریس پر ایک اچھی سی ویب سائٹ بھی بنوالیں اس سے آپ کا بزنس پروفیشنل لک دیتا ہے اور سنجیدہ کسٹمرز کا رش بڑھاتا ہے۔۔
3.اب آپ کسی مارکیٹر کی تلاش میں ہیں تو اپنا بجٹ دیکھ لیں۔۔اگر زیادہ خرچ کرکے جلد رزلٹس لانا چاہتے ہیں تو کسی بہترین مارکیٹنگ ایجنسی کو اپنا پروجیکٹ دیں۔۔اور اگر بجٹ مناسب ہے تو کسی نیو مارکیٹر کو بھی پروجیکٹ دے سکتے ہیں بشرطیکہ وہ محنتی، قابل اور اپنے کام سے لگن رکھنے والا ہو۔۔ایسے لوگ زیادہ دل جمعی سے کام کرتے ہیں۔۔
4.پروجیکٹ دینے کے لیے مارکیٹر منتخب کرنے کے بعد اس کے ساتھ کم ازکم دو میٹنگز رکھیں۔تفصیلات لیں کہ وہ آپ کے بزنس کے لیے کیا کرسکتا ہے؟ اس کے بہترین مشوروں کو اگنور کرنے کی غلطی نہ کریں کیوں کہ وہ اس فیلڈ میں ہے وہ جانتا ہے کہ آپ کے بزنس کے لیے کیا بہتر ہوسکتا ہے۔۔
5.ایک ایک ایڈ چلانے کے لیے مارکیٹر ہائر کرنا پروفیشنل ازم نہیں ہے نہ ہی اس سے کوئی خاطر خواہ رزلٹس سامنے آسکتے ہیں۔کیوں کہ مارکیٹرز کے پاس پورا پلان ہوتا ہے کہ کس حساب سے ایڈ کاپی لکھی جاۓ، کس حساب سے بزنس کی گرافکس بنائ جائیں۔سو اگر آپ مارکیٹنگ سے قطعاً ناواقف ہیں تو اپنے بزنس کا بیڑہ غرق کرنے کی بجائے کچھ پیسے خرچ کریں اور یہ کام مارکیٹر کے حوالے کردیں کہ وہی آپ کے پیج کو ماہانہ بنیادوں پر مینیج کرے۔۔
6.پروجیکٹ ڈن کرنے سے پہلے مارکیٹر سے کہیں کہ آپ کو روڈ میپ ضرور بنا کردی۔۔یعنی مارکیٹنگ پلان جس میں وہ بتائیں کہ انھوں نے آپ کے بزنس کے لیے کیا کیا کرنا ہے۔۔آپ چاہیں تو کسی معروف مارکیٹنگ ایجنسی سے یہ پلان بنوا کر بھی انھیں دے سکتے ہیں۔۔یاد رکھیں کہ بغیر مارکیٹنگ پلان کے آپ کا بزنس پر پیسے خرچ کرنا ایسا ہے جیسے آپ گھر کی بنیاد بغیر نقشے کے ٹیڑھی میڑھی اینٹوں کے ذریعے رکھوا رہے ہیں۔۔
7.ایک بار پروجیکٹ ڈن ہوجاۓ تو بسم اللہ پڑھ کر کام شروع کروادیں۔۔تاکہ دن ضائع نہ ہوں اور ہاں خدارا سیلز کی جلدی نہ مچائیں۔۔پہلے اپنے سوشل میڈیا اکاؤنٹس پر Awareness اور Engagement کی کمپین چلوائیں۔۔بغیر فالورز کے یا کم فالورز کے ساتھ سیلز کی کمپین چلا دینے کا مطلب آپ ایک آگ کی بھٹی میں اپنے پیسے فضول میں جھونک رہے ہیں کیوں کہ جب آپ کے پاس آڈینس ہی نہیں ہے۔۔لوگوں کا آپ پر اعتماد کیسے بحال ہوگا؟؟؟
8. سو لوگوں کا اعتماد بحال کرنے کے لیے آپ کے پاس آڈینس کا یعنی فالوورز کا ہونا ضروری ہے اس میں کنجوسی نہ کریں۔۔کیوں کہ آج کل اسکامرز یہی تو کرتے ہیں نیو پیج بنا کر کمپین چلا کر لوگوں کو لوٹ لیتے ہیں ان کا کون سا پیج پر پیسہ لگا ہوتا ہے وہ بند کرکے پھر دوسرا پیج بنالیتے ہیں سو عوام اب سیانی ہورہی ہے اور انھیں ہونا بھی چاہیے کہ جب تک اچھے فالوورز +ریویوز نہ دیکھ لیں آرڈر ڈن نہ کریں۔۔
9.پراجیکٹ مارکیٹر کے حوالے کرکے غائب نہ ہوجائیں بلکہ وقتاً فوقتاً رپورٹ لیتے رہیں۔۔ہاں اتنی بھی نہ لیں کہ اگلے کو لگے کہ پتا نہیں کیا مصیبت ہے۔۔سو آرام اور سکون سے روزانہ کی رپورٹ لیں۔۔اچھے اخلاق کا مظاہرہ کریں۔۔
10. اپنے بزنس کو آن لائن دنیا میں کامیاب بنانے کے لیے کم ازکم چھ ماہ دیں۔۔تاکہ آپ کا کاروبار بھرپور طریقے سے سامنے آۓ۔۔جتنا گڑ ڈالیں گے اتنا ہی میٹھا ہوگا۔۔یہ گڑ آپ کا وقت بھی ہے اور پیسہ بھی۔۔۔یہاں پر آپ دکان کا کرایہ بجلی کا بل نہیں دے رہے ہوتے سو اسی رقم کو مارکیٹنگ کے لیے استعمال کریں۔۔
11.آخری مگر سب سے ضروری بات۔۔مارکیٹر کو یا کسی بھی سروس دینے والے کو اس کے مکمل چارجز بروقت ادا کریں۔۔یہ عادت آپ کے رزق میں خیر و برکت کا سبب بنے گیوگرنہ چند پیسے بچاکر آپ اپنے کاروبار کی ترقی اور برکت کو خود اپنے ہاتھوں سے ختم کر رہے ہوتے ہیں۔۔سو اس بات کا خیال رکھیں❣️
امید ہے یہ باتیں آپ کے لیے مفید ثابت ہوں گی اللہ پاک آپ کے رزق میں بے تحاشا برکت اور سکون عطا فرمائے آمین ثم آمین
سلامت رہیں
سدرہ نسیم
ڈیجیٹل مارکیٹر، انٹرپرینیور، ٹرینر
