Anmol swat, Khona Cham Near Wali sb Mosque Saidu Sharif Swat, Mingora (2025)

Q: What is the address?

Khona Cham Near Wali Sb Mosque Saidu Sharif Swat

27/10/2025

سوات میں یومِ سیاہ کشمیر کے موقع پر ریلی، ایک منٹ کی خاموشی اور کشمیری عوام سے اظہارِ یکجہتی
یومِ سیاہ کشمیر کے موقع پر کشمیری عوام کے ساتھ بھرپور اظہارِ یکجہتی کے لیے ڈپٹی کمشنر سوات سلیم جان مروت کی زیرِ نگرانی ایک عظیم الشان ریلی کا انعقاد کیا گیا۔ ریلی میں شریک شرکاء نے کشمیری بہن بھائیوں سے اپنی گہری وابستگی کا اظہار کیا اور ان کی جدوجہدِ آزادی کی بھرپور حمایت کا عزم دہراتے ہوئے ایک منٹ کی خاموشی اختیار کی۔
ریلی میں ضلعی انتظامیہ کے افسران، پولیس، محکمہ تعلیم، ریسکیو 1122، پبلک ہیلتھ انجینئرنگ، سول ڈیفنس کے رضاکار، تحصیل میونسپل ایڈمنسٹریشن بابوزئی کے نمائندگان اور مختلف محکموں کے افسران ونمائندگان نے بڑی تعداد میں شرکت کی۔
ایڈیشنل ڈپٹی کمشنر (جنرل) سوات محب اللہ خان یوسفزئی، ایڈیشنل ڈپٹی کمشنر (ریلیف و ہیومن رائٹس) نعمت اللہ، ایڈیشنل اسسٹنٹ کمشنر-I بابوزئی سید عمران علی شاہ، ایڈیشنل اسسٹنٹ کمشنر-II بابوزئی طارق خان، ڈپٹی ڈسٹرکٹ ایجوکیشن آفیسر سوات، ڈی ایس پی لیگل سوات پولیس سمیت دیگر افسران بھی ریلی میں شریک ہوئے۔
شرکاء نے پلے کارڈز اور بینرز اٹھا رکھے تھے جن پر "Kashmir Black Day"، "We Stand with Kashmir" اور "Stop Human Rights Violations in IIOJK" جیسے نعرے درج تھے۔
ریلی کے دوران شرکاء نے بھارتی مظالم کی پرزور مذمت کرتے ہوئے عالمی برادری سے مطالبہ کیا کہ وہ مقبوضہ جموں و کشمیر میں انسانی حقوق کی سنگین خلاف ورزیوں کا نوٹس لے اور کشمیری عوام کے حقِ خود ارادیت کو تسلیم کرے۔
اس موقع پر ڈپٹی کمشنر سوات سلیم جان مروت نے کہا:
27 اکتوبر 1947ء انسانی تاریخ کا ایک سیاہ باب ہے، جب بھارت نے جبر و استبداد کے ذریعے کشمیر پر غیر قانونی قبضہ کیا۔ آج کا دن کشمیری عوام کی قربانیوں، جدوجہدِ آزادی اور اُن پر ڈھائے گئے مظالم کو یاد رکھنے کا دن ہے۔ ہم کشمیری عوام کے حقِ خود ارادیت کی اخلاقی، سیاسی اور سفارتی سطح پر حمایت جاری رکھنے کے عزم کا اعادہ کرتے ہیں۔
انہوں نے مزید کہا کہ پاکستان کی عوام اور حکومت ہر سطح پر کشمیری بھائیوں کے شانہ بشانہ کھڑی ہے اور اُس دن تک کھڑی رہے گی جب کشمیر بھارت کے غاصبانہ قبضے سے آزاد ہو کر حقِ خود ارادیت حاصل کرے گا۔
ضلعی انتظامیہ سوات اور دیگر تمام اداروں کے حکام و نمئندگان نے اس موقع پر اعلان کیا کہ یومِ سیاہ کشمیر محض ایک دن نہیں بلکہ کشمیری عوام کے عزم و استقلال کو خراجِ تحسین پیش کرنے کا عہد ہے، اور سوات کے عوام کشمیر کے عوام کے دکھ، درد اور جدوجہدِ آزادی میں برابر کے شریک ہیں ۔۔۔

25/10/2025

مجھے سے گاڑی کی ریموٹ گرین چوک اور نیوکلے چوک کے درمیان کہی گر کر گم ہو گئی ہے لہذا اگر کسی کو ملا ہو تو دئے گئے نمبر پر رابطہ کرکے مشکور فرمائے۔
شیراز خان:03469340912

24/10/2025

محکمہ تعلیم خیبرپختونخوا نے ایٹا کے تحت اساتذہ بھرتی ٹیسٹ میں 30 فیصد تک پاسنگ مارکس کی کمی کے نفاذ کی ہدایت جاری کر دی
ریکروٹمنٹ پالیسی کے مطابق میرٹ کو 30 فیصد تک کم کیا جائے گا ۔۔۔

23/10/2025

سیدو شریف قبرستان زمین تنازعہ، یوسف خان کا دوٹوک مؤقف: اب کسی مداخلت کی گنجائش نہیں
ڈی آر سی کی ناکامی کے بعد یوسف خان نے زمین فروخت کر دی، فضل حکیم پر تاخیر کا الزام

سیدو شریف قبرستان کی زمین کا طویل تنازعہ ایک بار پھر شدت اختیار کر گیا ہے۔ بارہ سال سے سیکشن فور کے تحت بند پڑی زمین کے مالک یوسف خان نے اب دوٹوک اعلان کر دیا ہے کہ مزید کسی مداخلت یا تاخیر کی گنجائش باقی نہیں رہی۔ سیدو شریف میں سوات میڈیا کلب کے ساتھ پریس کانفرنس سے خطاب کرتے ہوئے ان کا کہنا تھا کہ انہوں نے تمام قانونی تقاضے پورے کیے، کونسل اور ڈی آر سی (ڈسٹرکٹ ریزولوِشن کمیٹی) سے مکمل تعاون کیا، مگر معاملہ حل نہ ہونے کے باعث زمین فروخت کر دی گئی ہے۔

یوسف خان نے پریس کانفرنس میں کہا کہ “سیدو شریف قبرستان کی زمین کے نام پر مجھے بارہ سال سے انتظار میں رکھا گیا، مگر اب مزید نہیں۔ سیکشن فور کے نام پر میری ذاتی زمین بند رکھی گئی، جبکہ حکومت اور مقامی نمائندے اس مسلے کے حل میں سنجیدہ نظر نہیں آئے۔”

اس حوالے سے سیدو شریف ڈی آر سی کے چیئرمین ارشاد خان نے الزام عائد کیا کہ ایم پی اے فضل حکیم تاخیر کا ذمہ دار ہے اور تاخیر دانستہ کی جارہی ہے۔ ان کے مطابق عدالت نے یوسف خان کے حق میں ڈگری دی تھی، جس کے خلاف سیدو شریف کے عوام نے احتجاج کیا تھا اور مطالبہ کیا تھا کہ یہ زمین پختونوں سے خریدی جائے تاکہ قبرستان کے لئے مختص ہو سکے۔

ارشاد خان نے کہا کہ “ڈی آر سی اور جرگے متعدد بار بیٹھے، مگر نتیجہ نہیں نکلا۔ اب سیکشن فور نہ لگانا محض ڈیلے ٹیکٹکس ہیں۔ ایسا لگتا ہے کہ فضل حکیم کا یوسف خان کے ساتھ کوئی ذاتی اختلاف ہے، ورنہ حکومت فنڈ جاری کرکے اس زمین کو باقاعدہ قبرستان قرار دے سکتی تھی۔ اگر حکومت نے مداخلت نہ کی تو یوسف خان قانونی طور پر زمین کو اپنے استعمال میں لا سکتا ہے۔”

ڈی آر سی کے ممبر اور پاسپورٹ آفس کے سابق ڈاریکٹر ظہور احمد نے موقف دیتے ہوئے کہا کہ راضی نامہ کے باوجود وعدے پورے نہ ہوئے، سیدو شریف قبرستان کا تنازعہ گزشتہ 30 سالوں سے چلا آرہا ہے۔ ان کا کہنا ہے کہ “ایک وقت ایسا آیا جب پیکا ایکٹ کے تحت ایف آئی آر درج ہوئی اور معاملہ سنگین ہوگیا۔ بعد ازاں ہم نے یوسف خان سے رابطہ کیا تاکہ افہام و تفہیم سے راضی نامہ ہو سکے۔”

انہوں نے بتایا کہ “رات دو بجے راضی نامہ طے پایا، جس میں ایم پی اے فضل حکیم کی طرف سے دو نمائندوں نے یوسف خان کو یقین دلایا کہ ایک مہینے میں زمین پر سیکشن فور لگایا جائے گا اور فنڈ بھی فراہم کیا جائے گا۔ دونوں فریقوں نے یہ بھی طے کیا تھا کہ کوئی شخص سوشل میڈیا پر ایک دوسرے کے خلاف بات نہیں کرے گا۔”

انہوں نے کہا کہ اوقاف کے وقت کی گئی پیمائش کے مطابق، تین خسرے قبرستان کے لئے موزوں نہیں جبکہ خسرہ نمبر 1576 جو مکمل طور پر یوسف خان کی ملکیت ہے، سیکشن فور کے لیے موزوں قرار دی گئی۔ یوسف خان کا مؤقف ہے کہ “برت خیل کی زمین پہاڑی علاقے میں واقع ہے اور وہاں تدفین ممکن نہیں۔”

ظہور احمد نے کہا کہ ضلعی انتظامیہ کے مطابق، “سوات میں سیلاب کی تباہ کاریوں کے باعث انتظامی معاملات میں تاخیر ہوئی۔ سیکشن فور چھ ماہ کے لیے نافذ رہتا ہے، اگر اس دوران فنڈ جاری نہ ہو تو مالک زمین اپنی ملکیت کو استعمال کر سکتا ہے۔” ان کا کہنا تھا کہ سابق ایم پی اے واجد علی خان کے دور میں 296 کنال زمین قبرستان کے لیے خریدی گئی تھی، مگر موجودہ تنازعہ میں نئی زمین پر سیکشن فور کے اطلاق اور فنڈز کی عدم فراہمی نے معاملہ مزید پیچیدہ کر دیا ہے۔
یوسف خان نے پریس کانفرنس کے دوران بتایا اگر مجھے کچھ ہوا تو اس کی ساری ذمہ داری ایم پی اے فضل حکیم، میئر شاہد علی اور ان کے بیٹوں پر عائد ہو گی ۔۔۔

20/10/2025

شاہین شاہ آفریدی کو ون ڈے ٹیم کا کپتان مقرر کر دیا گیا۔

پاکستان کرکٹ بورڈ نے شاہین شاہ آفریدی کو پاکستان کی ون ڈے ٹیم کا کپتان مقرر کر دیا ہے۔ بائیں ہاتھ کے فاسٹ باولر جنوبی افریقہ کے خلاف تین میچوں کی ون ڈے انٹرنیشنل سیریز میں پاکستان کی قیادت کریں گے، جو 4 سے 8 نومبر تک فیصل آباد کے اقبال سٹیڈیم میں کھیلی جائے گی۔

شاہین کی اس سیریز کے لیے تقرری آج اسلام آباد میں ہونے والے اجلاس کے بعد کی گئی، جس میں وائٹ بال ہیڈ کوچ مائیک ہیسن، ڈائریکٹر ہائی پرفارمنس عاقب جاوید اور سلیکشن کمیٹی کے ارکان نے شرکت کی۔

25 سالہ فاسٹ باولر نے پاکستان کی جانب سے 66 ون ڈے اور 92 ٹی ٹوئنٹی میچز کھیلے ہیں، جن میں انہوں نے مجموعی طور پر 249 وکٹیں حاصل کیں۔ 32 ٹیسٹ میچوں میں، جن میں راولپنڈی کرکٹ سٹیڈیم میں جنوبی افریقہ کے خلاف جاری دوسرا ٹیسٹ شامل نہیں، شاہین نے 120 وکٹیں حاصل کی ہیں۔

شاہین اس سے قبل 2024 میں نیوزی لینڈ کے خلاف ان کے ہوم گراؤنڈ پر پانچ ٹی ٹوئنٹی انٹرنیشنل میچوں میں پاکستان کی قیادت کر چکے ہیں ۔۔۔

19/10/2025

سوات میں سکولز سپورٹس گالا 21 اکتوبر سے شروع ہوگا

سوات میں سکولز سپورٹس گالا 21 اکتوبر سے شاندار انداز میں شروع ہو گا، جس میں ضلع بھر کے 268 سرکاری و نجی سکولوں کے تین ہزار سے زائد طلبہ پر مشتمل کھلاڑی حصہ لے رہے ہیں۔ اس بڑے ایونٹ کے لئے تمام انتظامات مکمل کر لئے گئے ہیں۔

پختونخوا ریڈیو ایف ایم 98 کے معروف سپورٹس شو "ہار جیت" کے میزبان رفیع اللہ خان کے ساتھ خصوصی گفتگو میں سپورٹس گالا سوات کے جنرل سیکرٹری اور گورنمنٹ ہائی سیکنڈری سکول کوکاری کے پرنسپل اختر علی خان نے بتایا کہ اس گالا کا مقصد نوجوانوں میں چھپی ہوئی صلاحیتوں کو اجاگر کرنا اور ان کے لیے مثبت مواقع فراہم کرنا ہے۔

انہوں نے کہا کہ "صحت مند جسم ہی صحت مند ذہن کی ضمانت ہے" اور اسی مقصد کے تحت اس گالا کا انعقاد کیا جا رہا ہے تاکہ کھیلوں کے ذریعے طلبہ میں نظم و ضبط، ٹیم ورک اور قیادت کی صلاحیتیں پیدا کی جا سکیں۔

اختر علی خان کے مطابق، افتتاحی تقریب 21 اکتوبر کو ہاکی اسٹرو ٹرف مکان باغ میں صبح 9 بجے منعقد ہوگی، جس کے مہمان خصوصی ڈپٹی کمشنر سوات ہوں گے۔
ایونٹ کے دوران ضلع بھر کی تمام تحصیلوں میں بیک وقت 20 گراؤنڈز پر مختلف کھیلوں کے مقابلے منعقد ہوں گے جن کی نگرانی 200 سے زائد آفیشلز کریں گے۔

انہوں نے بتایا کہ کرکٹ میں 80 ٹیمیں جبکہ رسہ کشی (ٹگ آف وار) میں 60 ٹیمیں حصہ لے رہی ہیں، اس کے علاوہ تمام میجر اور مائنر گیمز بھی شامل ہیں۔
اختر علی خان کا کہنا تھا کہ "سکول لیول کے مقابلے ایک نرسری کی حیثیت رکھتے ہیں، جہاں سے ابھرتے ہوئے کھلاڑی مستقبل میں قومی سطح پر نمائندگی کر سکتے ہیں۔"

انہوں نے بتایا کہ کھیلوں کے ساتھ ساتھ ادبی مقابلے بھی گالا کا حصہ ہوں گے جن میں حسن قرأت، حمد و نعت، قومی ترانہ، کوئز اور دیگر ثقافتی سرگرمیاں شامل ہیں۔

دلچسپ بات یہ ہے کہ اس ایونٹ کے لیے ایک آفیشل گانا بھی تیار کیا گیا ہے جو مقابلوں کے دوران کمنٹری کے ساتھ نشر کیا جائے گا۔
اختتام پر کامیاب کھلاڑیوں اور ٹیموں کو سرٹیفیکیٹس، شیلڈز، اور انعامات سے نوازا جائے گا۔

اختر علی خان نے مزید بتایا کہ اس سال پہلی بار ایک خصوصی "ایگریگیٹ ٹرافی" بھی تیار کی گئی ہے جس کی رونمائی افتتاحی تقریب میں کی جائے گی، اور یہ ٹرافی ضلع سطح پر بہترین کارکردگی دکھانے والے سکول کو دی جائے گی۔

آخر میں انہوں نے تمام طلبہ کے نام پیغام دیتے ہوئے کہا کہ نوجوانوں میں بے پناہ ٹیلنٹ موجود ہے، اس گالا کو ایک موقع سمجھیں، اپنی صلاحیتوں کو پہچانیں اور اپنی محنت کے ذریعے نہ صرف اپنے سکول بلکہ سوات کا نام بھی روشن کریں ۔۔۔

16/10/2025

چیل شگئی جائیداد تنازعہ: حاجی سیف الملوک کے خاندان کی وضاحت “ہم عزت دار خاندان ہیں، قبضہ مافیا نہیں" سوات میڈیا کلب کے ساتھ پریس کانفرنس

حاجی سیف الملوک کے فرزندان، محمد امین، خورشد علی اور دیگر اہلِ خانہ نے سوات میڈیا کلب کے صحافیوں کے ساتھ پریس کانفرنس کرتے ہوئے کہا ہے کہ ان کے خاندان پر “قبضہ مافیا” کے الزامات بے بنیاد، گمراہ کن اور ان کی عزت و ساکھ کو مجروح کرنے کی دانستہ کوشش ہے۔

محمد امین نے کہا کہ چیل شگئی میں واقع ان کی جائیداد پر وہ گذشتہ 35 برس سے قابض و مالک ہیں۔ انہوں نے بتایا کہ یہ زمین 1995 میں میاں الہی بخش سے خریدی گئی تھی، اور گزشتہ ایک سال سے عدالت میں کیس زیرِ سماعت ہے۔

محمد امین کے مطابق فٹواری شیر اکبر کی نگرانی میں بارہ سال قبل حد براری مکمل کی گئی، جس میں یہ ثابت ہوا کہ متنازعہ جگہ ان کے اپنے خسرے (نمبر 240) میں آتی ہے۔ انہوں نے کہا کہ ہم نے ہمیشہ قانون کے مطابق کام کیا ہے اور غیرقانونی قبضہ کرنے کا کوئی سوال ہی پیدا نہیں ہوتا۔

انہوں نے بتایا کہ جب ہمیں اطلاع ملی کہ ہمارے جائیداد پر غیر متعلقہ لوگ کام کر رہے ہیں تو ہم موقع پر گئے۔ وہاں ایک شخص نے چھوٹا سا کمرہ تعمیر کیا تھا اور وہ بضد تھا کہ یہ جگہ ہمارے خسرے میں نہیں آتی۔ تاہم، حد براری کے بعد یہ جگہ ہمارے نام پر ثابت ہو گئی۔

محمد امین نے افسوس کا اظہار کرتے ہوئے کہا کہ ہمیں بدنام زمانہ قبضہ مافیا قرار دیا گیا، نو جھوٹے مقدمات درج کئے گئے اور ہمیں جیل بھیج دیا گیا، جس سے ہمارے خاندان کی سخت توہین ہوئی۔

ان کے مطابق غفران، فرمان اور زاہد تینوں بھائی ہیں جن کا تعلق ضلع شانگلہ سے ہے، اور ان کے خلاف سیدو شریف تھانے میں متعدد مقدمات درج ہیں۔ محمد امین نے کہا کہ اصل قبضہ مافیا یہی لوگ ہیں، جبکہ ہم حاجی سیف الملوک کے فرزندان ہیں، عزت دار خاندان سے تعلق رکھتے ہیں۔

انہوں نے مزید کہا کہ ہم اب بھی حد براری کا مطالبہ کرتے ہیں تاکہ دودھ کا دودھ اور پانی کا پانی ہو جائے۔

یوسف خان نے اس موقع پر الزام لگایا کہ ایس ایچ او سہیل خان نے ان کے دیرے سے 25 لاکھ روپے مالیت کا اسلحہ اور کارتوس تھانے منتقل کیا، اور جب وہ تھانے گئے تو سابق صوبائی وزیر اور ایم پی اے فضل حکیم کی ایما پر ان کو غیر قانونی گرفتار کیا گیا اس موقع پر ایس ایچ او نے فضل حکیم کے کارندے حیدر علی کے بھائی کو تھانے بلایا جہاں انہوں نے مجھے طعنہ دیا کہ کیسا لگا۔انہوں نے الزام عائد کیا کہ سابق منسٹر کی ایماء پر ان کارندوں نے پولیس کے حق میں جلوس نکلا اور پولیس زندہ باد کے نعرے لگائے۔

یوسف خان نے بتایا کہ اصل تنازعہ سیدو شریف میں ان کی سو کنال زمین سے متعلق ہے، جس پر سیکشن 4 لگایا جا رہا تھا، تاکہ ان کی زمین پر قبضہ کیا جا سکے۔

انہوں نے پولیس کو دس دن کا الٹی میٹم دیتے ہوئے کہا کہ اگر ان کے خلاف لگائی گئی جھوٹی خبر میڈیا پیجز سے نہ ہٹائی گئی اور باقاعدہ تردید جاری نہ کی گئی تو وہ قانونی چارہ جوئی کا حق محفوظ رکھتے ہیں۔

اہلِ خانہ نے کہا کہ وہ امن پسند اور قانون کا احترام کرنے والے شہری ہیں، مگر ان پر جھوٹے الزامات اور میڈیا پراپیگنڈا کے ذریعے ان کی ساکھ کو نقصان پہنچایا جا رہا ہے، جس کے خلاف وہ قانونی اور عوامی سطح پر اپنی جدوجہد جاری رکھیں گے۔
یاد رہے کہ چند روز قبل سوات پولیس کے آفیشل فیس بک پیج پر اس حوالے سے نہ صرف خبر شائع کی گئی تھی بلکہ حوالات میں قید ہونے کے تصاویر شائع کی گئی تھی ۔۔۔

05/10/2025

قوم کی بیٹی عائشہ ایاز نے انٹرنیشنل ایونٹ میں ایک بار پھر پاکستان کا نام روشن کر دیا۔

سوات( رفیع اللہ خان سے ) پاکستان کی کم عمر ترین تائیکوانڈو کھلاڑی عائشہ ایاز نے ایک بار پھر شاندار کامیابی حاصل کرتے ہوئے انڈونیشیا میں منعقدہ انٹرنیشنل ایونٹ میں ایک گولڈ میڈل اور ایک سلور میڈل اپنے نام کر لیا۔ عائشہ ایاز نے نہ صرف پاکستان بلکہ پوری قوم کا سر فخر سے بلند کر دیا ہے۔

عائشہ ایاز نے مقابلے میں عمدہ کارکردگی کا مظاہرہ کرتے ہوئے اپنی صلاحیتوں، محنت اور عزم کا عملی ثبوت دیا۔ ان کی کامیابی پر پاکستان بھر سے عوام، اساتذہ، اور کھیلوں سے وابستہ حلقوں کی جانب سے مبارکبادوں کا سلسلہ جاری ہے۔

میڈیا سے گفتگو کرتے ہوئے عائشہ ایاز نے اپنی خوشی کا اظہار کرتے ہوئے کہا کہ میں انتہائی خوش ہوں، یہ سب اللہ کے فضل و کرم، اپنی محنت، اور ان تمام لوگوں کی دعاؤں کا نتیجہ ہے جنہوں نے ہمیشہ میرا حوصلہ بڑھایا۔ میں سب پاکستانی بہن بھائیوں کی شکر گزار ہوں جنہوں نے میرے لیے دعا کی اور میرا ساتھ دیا۔

انہوں نے مزید کہا کہ وہ جلد وطن واپس آئیں گی اور اپنی کامیابی کی خوشی قوم کے ساتھ بھرپور انداز میں منائیں گی۔

عائشہ ایاز کی یہ کامیابی پاکستان کے لیے ایک قابلِ فخر لمحہ ہے، جو اس بات کا ثبوت ہے کہ محنت، لگن اور اعتماد کے ساتھ پاکستانی نوجوان دنیا کے کسی بھی میدان میں نمایاں مقام حاصل کر سکتے ہیں۔

کھیلوں کے ماہرین کے مطابق عائشہ ایاز کی کارکردگی مستقبل میں پاکستانی خواتین ایتھلیٹس کے لیے ایک مثبت مثال اور حوصلہ افزا پیغام ہے۔ حکومت اور متعلقہ اداروں سے مطالبہ کیا جا رہا ہے کہ ایسے باصلاحیت کھلاڑیوں کی سرپرستی اور معاونت کے لیے مزید اقدامات کیے جائیں تاکہ پاکستان عالمی سطح پر کھیلوں کے میدان میں مزید کامیابیاں حاصل کرے۔ ۔۔۔

02/10/2025

پشاورخیبر پختونخواکی صوبائی کابینہ میں ردوبدل

باجوڑ سے منتخب ایم پی اے حمید الرحمان وزیراعلی کے معاون خصوصی مقرر، اعلامیہ

ارباب عاصم معاون خصوصی برائے ایلیمنٹری اینڈ سکینڈری ایجوکیشن مقرر ،ا علامیہ

ارباب عاصم کو وزیر تعلیم فیصل ترکئی کے استعفے کے بعد نیا قلمدان دیا گیا

صوبائی وزیر خلیق الرحمان کو صحت کا محکمہ تفویض ، اعلامیہ

صوبائی وزیر فضل شکور کو محکمہ ٹورازم کا محکمہ حوالے کردیا گیا ، اعلامیہ

وزیراعلی کے معاون خصوصی ڈاکٹر امجد کو مکمل وزیر بنا دیا گیا ، اعلامیہ

مشیر زاہد چن زیب کو محکمہ لیبر الاٹ کردیا گیا ، اعلامیہ

صوبائی وزیر پختون یار کو محکمہ کھیل کا قلمدان حوالے کردیا گیا ، اعلامیہ

صوبائی وزیر سپورٹس فخر جہان کو پبلک ہیلتھ انجینئرنگ کا محکمہ دیدیا گیا ، اعلامیہ

مشیر صحت احتشام علی کو محکمہ ایکسائز کا قلمدان سونپ دیا گیا ، اعلامیہ

30/09/2025

سوات پریس کلب کی زمین اور عمارت سرکار کی ملکیت ہیں، اس پر کسی فرد یا گروپ کو اجارہ داری حاصل نہیں۔ بدقسمتی سے کئی برسوں سے سوات پریس کلب میں آئینی تقاضے پورے نہیں کیے جا رہے اور بڑی تعداد میں موجودہ ممبران کلب کے آئین کی شرائط پر پورا نہیں اترتے۔

سوات میڈیا کلب کے چیئرمین وحید اللہ سواتی اور یونین آف جرنلسٹس کے صدر رفیع اللہ خان نے کیبینٹ میٹنگ سے خطاب کرتے ہوئے کہا ہے کہ یہی وہ بنیادی وجہ ہے جس کے باعث کارکن صحافیوں نے باہمی مشاورت سے ’’سوات میڈیا کلب‘‘ کے نام سے ایک متوازی پلیٹ فارم تشکیل دیا ہے جس کے ممبران کی تعداد پچاس کے قریب ہے۔

انہوں نے کہا کہ محکمہ اطلاعات خیبرپختونخوا کی جانب سے جاری ہونے والے نوٹیفکیشن میں واضح ہدایت موجود ہے کہ جہاں پریس کلب کارکن صحافیوں کو ممبرشپ دینے سے انکاری ہوں اور جہاں کسی ضلع میں متوازی کلب تشکیل پا جائے، وہاں کسی بھی قسم کے فنڈز یا مراعات جاری نہیں کی جائیں گی۔ تاہم افسوس سے کہنا پڑتا ہے کہ محکمہ اطلاعات اپنے ہی نوٹیفکیشن پر عمل درآمد میں ناکام رہا ہے اور سوات پریس کلب کو فنڈز و مراعات کی فراہمی کی اطلاعات سامنے آ رہی ہیں جو اصولوں اور شفافیت کی کھلی خلاف ورزی ہے۔

سوات میڈیا کلب کے ممبران نے اپنے اعلامیہ میں درج ذیل مطالبات پیش کیے جن میں فوری طور پر سوات پریس کلب کو کسی قسم کے فنڈز یا مراعات فراہم نہ کی جائیں،
محکمہ اطلاعات خیبرپختونخوا اپنے نوٹیفکیشن کے مطابق فوری ایکشن لے اور اس پر سختی سے عمل درآمد کرے۔
اگر یہ مطالبات پورے نہ کیے گئے تو سوات میڈیا کلب آئینی و قانونی راستوں کے ساتھ ساتھ بھرپور عوامی اور صحافتی احتجاج پر مجبور ہوگا۔

سوات میڈیا کلب نے اس عزم کا بھی اعادہ کیا کہ شفافیت، آئینی تقاضوں اور صحافتی آزادی کے لیے جدوجہد ہر فورم پر جاری رکھی جائے گی اور کسی بھی غیر قانونی اقدام کو قبول نہیں کیا جائے گا ۔۔۔
#

25/09/2025

سوات میڈیا کلب میں سینئر صحافی مظہر اقبال کی یاد میں تعزیتی ریفرنس کا انعقاد کیا گیا

پاکستان میں صحافیوں کی جاندار اور تواناء آواز سمجھے جانے والے سینئر صحافی مظہر اقبال کی وفات پر سوات میڈیا کلب میں تعزیتی ریفرنس کا انعقاد کیا گیا۔ ریفرنس میں ان کی شاندار صحافتی خدمات کو خراجِ تحسین پیش کیا گیا جبکہ ایصالِ ثواب کے لیے اجتماعی دعا بھی کی گئی۔

تقریب کی صدارت سوات میڈیا کلب کے چیئرمین وحید اللہ سواتی نے کی۔ اس موقع پر یونین آف جرنلسٹس کے صدر رفیع اللہ خان، الیکٹرانک میڈیا ایسوسی ایشن کے صدر صمد انجم، جنرل سیکرٹری واحد زمان، سلمان جان، لعل شیر خان، عجب خان، عباس یوسفزئی،سمیع خان، اسماعیل بابر، قوت خان، فیاض خان، حارث خان، ضیاء اللہ خان، ارشد خان سمیت کلب کے دیگر عہدیداران اور صحافیوں نے شرکت کی۔

مقررین نے کہا کہ مظہر اقبال کی اچانک موت سے صحافت میں ایک ایسا خلا پیدا ہو گیا ہے جو برسوں پورا نہیں ہو سکے گا۔ وہ ایک مخلص، ایماندار، بے باک اور نڈر صحافی تھے جنہوں نے ہر مشکل گھڑی میں حق اور سچ کا علم بلند کیا اور صحافیوں کے مسائل اجاگر کرنے میں ہمیشہ پیش پیش رہے۔

شرکاء نے مرحوم کی صحافتی خدمات کو ناقابلِ فراموش قرار دیتے ہوئے کہا کہ مظہر اقبال کی جدوجہد صحافی برادری کے لیے مشعلِ راہ ہے۔ آخر میں مرحوم کے بلندیٔ درجات کے لیے دعا کی گئی ۔۔۔

25/09/2025

سوات میڈیا کلب کا پہلا جنرل باڈی اجلاس، صحافیوں کے مسائل اور کلب کے امور پر تفصیلی گفتگو

سوات میڈیا کلب کا پہلا جنرل باڈی اجلاس منعقد ہوا جس کی صدارت کلب کے چیئرمین وحید اللہ سواتی نے کی اس موقع پر یونین اف جرنلسٹس کے صدر رفیع اللہ خان، الیکٹرانک میڈیا ایسوسی ایشن کے صدر صمد انجم، جنرل سیکرٹری واحد زمان، دیگر عہدیدار اور ممبران نے بڑی تعداد میں شرکت کی اور صحافیوں کو درپیش مسائل سمیت کلب کے اندرونی امور پر تفصیلی گفتگو کی گئی۔

اجلاس میں سب سے پہلے سیلاب کے دوران صحافیوں کو پہنچنے والے نقصانات کا ذکر کیا گیا اور حکومت سے مطالبہ کیا گیا کہ متاثرہ صحافیوں کے نقصانات کا فوری ازالہ کیا جائے۔ اس موقع پر کہا گیا کہ قدرتی آفات میں صحافی اپنی جانوں کو خطرے میں ڈال کر عوام تک معلومات پہنچاتے ہیں، لہٰذا ان کے مسائل کو نظر انداز کرنا ناانصافی ہوگی۔

شرکاء نے احتجاجی مظاہروں کے دوران صحافیوں پر تشدد کے بڑھتے ہوئے واقعات پر بھی گہری تشویش کا اظہار کیا اور اس بات پر زور دیا کہ صحافیوں کو سکیورٹی سے متعلق تربیت فراہم کی جائے تاکہ وہ اپنے فرائض مزید محفوظ طریقے سے انجام دے سکیں۔

اجلاس میں میڈیا کلب کے خلاف جھوٹے اور من گھڑت الزامات اور کلب کے صدر رفیع اللہ خان کو موصول ہونے والی سنگین نوعیت کی دھمکیوں کی شدید مذمت کی گئی۔ شرکاء نے اس عزم کا اظہار کیا کہ صحافی برادری اتحاد و یکجہتی کے ساتھ ایسے منفی ہتھکنڈوں کا مقابلہ کرے گی۔

اجلاس میں یہ معاملہ بھی زیر غور آیا کہ بعض ممبران اور عہدیدار کلب کے رولز اور ریگولیشن کی خلاف ورزی کے مرتکب ہو رہے ہیں جس پر آئندہ سختی سے عملدرآمد کیا جائے گا۔ مزید برآں، نئے ممبرشپ فارم کے اجرا کا اعلان کیا گیا تاکہ صحافی برادری مزید منظم انداز میں کلب کا حصہ بن سکے۔

اجلاس کے اختتام پر مرحوم صحافی مظہر اقبال کی ایصالِ ثواب کے لیے فاتحہ خوانی کی گئی اور ان کی صحافتی خدمات کو خراجِ تحسین پیش کیا گیا ۔۔۔

Anmol swat

27/10/2025

25/10/2025

24/10/2025

23/10/2025

20/10/2025

19/10/2025

16/10/2025

05/10/2025

02/10/2025

30/09/2025

25/09/2025

25/09/2025

Address

Telephone

Website

Alerts

Shortcuts

Share

Category