07/08/2026
جماعت اسلامی کا اتوار کو چاروں صوبوں کے وزیر اعلیٰ اور گورنر ہاؤسز کے سامنے دھرنوں کا اعلان
امیر جماعت اسلامی پاکستان حافظ نعیم الرحمن نے اعلان کیا ہے کہ جماعت اسلامی اتوار کو چاروں صوبوں کے وزیر اعلیٰ اور گورنر ہاؤسز کے سامنے دھرنے دے گی۔ دھرنے کے شرکا سے خطاب کرتے ہوئے انہوں نے کہا کہ عالمی منڈی میں پٹرولیم مصنوعات کی قیمتیں کم ہونا شروع ہوئیں تو حکومت نے عوام کو ریلیف دینے کے بجائے قیمتیں بڑھا دیں۔
حافظ نعیم الرحمن نے کہا کہ جماعت اسلامی پوری قوت کے ساتھ احتجاجی تحریک آگے بڑھائے گی۔ جب تک پٹرول لیوی ختم اور پٹرولیم مصنوعات کی قیمتیں کم نہیں کی جاتیں، دھرنے جاری رہیں گے۔ انہوں نے کارکنوں اور عوام پر زور دیا کہ وہ طویل جدوجہد کے لیے تیار رہیں۔
