20/11/2025
ميرپور ماتهيلي ۾ وڏو اسڪينڊل! ٽن سالن کان غائب ٽيچر جي پگهار کولائڻ لاءِ ڳري رشوت؟
ميرپور ماتهيلي لڳ حيات پتافي گرلز هاءِ اسڪول مان ٽيچر #ورشا گذريل ٽـن سالن کان مڪمل طور غائب آهي، جنهن بابت اسان جي ميڊيا ٽيم آواز اٿاري هئي ته اڳوڻي DEO سيڪنڊري سيد مظفر علي شاهه ڪارروائي ڪندي سندس پگهار بند ڪرائي ۽ ڊسپلينري ايڪشن جو حڪم جاري ڪيو هو۔
پر چند ڏينهن اڳ ذريعن مان خوفناڪ انڪشاف ٿيو ته موجوده DEO سيڪنڊري حافظ لعل محمد تنيو مبينا طور ديوان اميت ڪمار سان ڏيتي ليتي ڪري غائب ٽيچر ورشا جي پگهار کولڻ جو حڪم جاري ڪري ڇڏيو آهي۔
اسان جڏهن DEO صاحب سان رابطو ڪيو ته هو واضح جواب ڏيڻ بدران هيڏان هوڏان جون ڳالهيون ڪري معاملو لٽاري ويا۔
اڄ وري نئين ڄاڻ ملي آهي ته DEO هڪ نئون ڊرامو رچائي رهيو آهي، جنهن ۾ ممڪن آهي ته TEO فيميل جا به هٿ هجن۔
ڊرامو هي اهو آهي ته ٽيچر ورشا کي ٽن سالن جي غيرحاضري باوجود صرف 3 ڏينهن حاضر ڏيکاري، پگهار کولائڻ لاءِ عملو تي زور ڀريو ويو آهي۔
هي عمل نه صرف بدعنواني آهي پر تعليمي نظام ۽ قانون جو کوليو مذاق پڻ آهي۔
ٽن سالن کان گم ٽيچر تي ايڪشن وٺڻ بجاءِ، ڳري رشوت وٺي پگهار کولڻ جو حڪم ڏيڻ تي DEO حافظ لعل محمد تنيو کي ضرور نتيجا ڀوڳڻا پوندا۔
عوام سوال ڪري رهي آهي:
ڇا غائب ملازمن کي قانون بچائيندو يا رشوت؟
ڇا تعليم جو مستقبل اهڙن هٿن ۾ محفوظ ھوندو ۔۔۔۔۔
#ميرپورماٿيلي
