PSG News

PSG News PSG Is Web Base Azad Kashmir News Channel
Follow Us and Stay Connected To Stay Informed About Domestic and International Developments.

13/08/2026

ربیع الاول کا چاند نظر نہیں آیا
یکم ربیع الاول 15 اگست بروز ہفتہ ہوگی
عیدمیلاد النبی 26 اگست بروز بدھ ہوگی
PSG News

13/08/2026

آزاد کشمیر میں ایک بار پھر سول نافرمانی کی تحریک سر اٹھانے لگی، بجلی،گیس، پانی، ٹیکسز اور دیگر اہم واجبات کے بائیکاٹ کا اعلان راولاکوٹ ڈی چوک سے کر دیا گیا، کیا اب مذاکرات نہ ہونے سے حالات مزید بگڑے گے، یا نئی حکومت کے آتے ساتھ مذاکرات کا عمل شروع ہو جائے گا، ساری نظرے 15 اگست کے مسلم لیگ ن کے اجلاس پر مرکوز

13/08/2026

وزیراعظم نے آزاد جموں و کشمیر تعلیمی بورڈ میرپور کے ملتوی کردہ امتحانات انٹرمیڈیٹ فرسٹ اینول 2026 کے حوالے سے بزیل پالیسی کی منظوری صادر فرمائی ہے۔
تمام انٹرمیڈیٹ سال اول کے طلباء و طالبات کو سال دوم میں پرموٹ کر دیا گیا ہے۔

12/08/2026

میرپور آزاد کشمیر میں انٹرنیٹ سروسز بحال نہ کرنے پر وکلا تاجر برادری اور شہریوں نے سوموار کو احتجاج کا اعلان کردیا

کشمیر پریس کلب میرپور میں اھم اجلاس، آزادکشمیر میں دوماہ سے جاری بحرانی کیفیت پر تشویش کا اظہار انٹرنیٹ سروسز کی بندش سے روزانہ اربوں کا نقصان،اتوار تک میرپور میں انٹرنیٹ سروسز بحال نہ ہوئیں تو پیر کے روز ڈسٹرکٹ بار کی قیادت میں شہر کے تمام مکتبہ فکر سے تعلق رکھنے والے افراد ہڑتال کریں گے سروسز کی بحالی تک ہڑتال جاری رہے گی،میرپور پرامن لوگوں کا شہر ہے شہریوں کے صبر کو مزید نہ آزمایا جائے،اجلاس میں مقررین کا خطاب ، صدر بار بابر علیخان ایڈووکیٹ، صدر چیمبر آف کامرس عمرشہزاد جرال،صدر انجمن تاجراں چوہدری محمد نعیم،صدر پرائیویٹ سکولز اینڈ کالجز ایسویسی ایشن مرزا وجاھت بیگ،سابق صدر انجمن تاجراں آصف ڈار، سیکریٹری جنرل انجمن تاجراں راجہ خالد محمود، جبران منظور،کیمسٹ اینڈ ڈرگسٹ ایسویسی ایشن کے نائب صدر محمد بشیر شگو، سیکریٹری جنرل ڈسٹرکٹ بار زاھد چوہدری، سمیت کلب کے سابق صدور اور سینئر صحافیوں نے شرکت کی، اجلاس میں آزادکشمیر کے مجموعی بحرانی صورتحال پر تبادلہ خیال کیا گیا، اجلاس سے خطاب کرتے ہوئے نمائندہ افراد نے کہا کہ آزادکشمیر اور بالخصوص میرپور میں انٹرنیٹ سروسز کی بندش سے تعلیمی اور کاروباری سرگرمیاں ٹھپ ہو کر رہ گئی ہیں طلبہ و طالبات کا سال ضائع ہو رہا ہے یونیورسٹی کے طلبہ کرب میں مبتلا ہیں اسکولوں میں بار بار چھٹیاں دی جا رہی ہیں مقررین نے میرپور کی معاشی صورتحال پر تشویش کا اظہار کرتے ہوئے کہا کہ میرپور میں کاروباری حضرات کو روزانہ کی بنیاد پر کروڑوں روپے کا نقصان ہو رہا ہے کئی بڑے کاروباری برانڈز میرپور سے واپس دوسرے شئروں میں منتقل کرنے کے بارے میں سوچ رہے ہیں انہوں نے کہا کہ میرپور میں آن لائن نیٹ ورک سے منسلک سینکڑوں لوگ سرائے عالمگیر اور جہلم میں جا کر اپنا کام کرنے پر مجبور ہیں مقررین نے کہا کہ ایف بی آر اور سی بی آر سمیت ریاست کو روزانہ کی بنیاد پر کروڑوں کا نقصان ہو رہا ہے،مقررین نے کہا کہ اسوقت پاکستان کی حکومت اور فیلڈ مارشل جنرل عاصم منیر کی قیادت میں ترقی کے نئے دور میں داخل ہو رہا ہے جس پر انھیں مبارکباد پیش کرتے ہیں لیکن ساتھ یہ بھی کہتے ہیں کہ نہ صرف راولاکوٹ میں بیٹھے مظاہرین سے مزکرات کر کے انھیں وہاں سے پرامن طریقے سے اٹھایا جائے بلکہ میرپور میں انٹرنیٹ سروسز بحال کر کے لاکھوں تارکین وطن میں پائی جانے والی تشویش کو دور کیا جائے،انہوں نے کہا کہ میرپور میں خوف کی فضا کو ختم کیا جائے پرامن شہر کے لوگ اپنے پیاروں سے بات کرنے کے لئے روزانہ دینہ جہلم کا رخ کرتے ہیں جہاں انکے ساتھ کئی ایک ناخوشگوار واقعات بھی رونما ہوچکے ہیں انہوں نے کہا کہ انہوں نے کہا کہ گزشتہ دو ماہ سے برطانیہ سمیت دیگر شہروں سے آنے والے پاکستانی کشمیری افراد نے میرپور کی بجائے جہلم اور اسلام آباد میں رہائش رکھی اور چند دن وہاں رہنے کے بعد واپس چلے جاتے رہے جس سے میرپور میں کاروباری طبقے کو شدید نقصان پہنچا اجلاس کے اختتام پر جاری اعلامیہ میں کہا گیا کہ انتظامیہ اور متعلقہ ادارے اتوار تک میرپور میں انٹرنیٹ سروسز کو بحال کرائیں بصورت دیگر سوموار کو میرپور میں ڈسٹرکٹ بار میرپور کے زیراہتمام مکمل ہڑتال کی جائے گی، اعلامیہ میں کہا گیا کہ ہڑتال اسوقت تک جاری رہے گی جب تک انٹرنیٹ سروسز بحال نہیں کی جائیں گی۔

12/08/2026

ایک طرف آزادی کے جشن کی تیاریاں ہورہی ہیں اور جگہ جگہ آزادی کے جشن کے انتظامات ہورہے ہیں اور خوشیاں منائی جارہی ہیں، پھر اسی ملک میں ایک ریاست ایسی بھی ہے جہاں 2 ماہ سے زائد کا وقت ہوگیا ہے انٹرنیٹ بند، کاروبار زندگی مفلوج، قتل وغارت، جاری ہے، امن نام کی کوئی چیز نہیں ہے، کیا آزادی کا جشن منانے والوں کو کشمیر کے حالات نظر نہیں آرہے، اللہ کشمیر پر اپنا خصوصی کرم فرمائے آمین

11/08/2026

الیکشن کمیشن نے حلقہ ایل اے 17 حویلی میں چودھری محسن عزیز کی جانب سے نتائج بدلنے کے الزام پر شدید احتجاج اور دھرنے پر حویلی کہوٹہ کا انتخابی نتیجہ روک لیا ۔

میرپور میں امن و امان کی بحالی کے لیے انٹرنیٹ سروس فوری بحال کی جائے: صدر ڈسٹرکٹ بارمیرپور،بے گناہ افراد کی رہائی، بغیر ...
11/08/2026

میرپور میں امن و امان کی بحالی کے لیے انٹرنیٹ سروس فوری بحال کی جائے: صدر ڈسٹرکٹ بارمیرپور،بے گناہ افراد کی رہائی، بغیر یونیفارم مسلح فورسز کی گشت پر پابندی اور پولیس کارروائیوں کے دوران مجسٹریٹ کی موجودگی یقینی بنانے کا مطالبہ،ڈسٹرکٹ بار ایسوسی ایشن میرپور کے صدر بابر علی خان ایڈووکیٹ نے کہا ہے کہ میرپور کے ماحول کو پرامن بنانے، معمولات زندگی بحال کرنے اور شہریوں میں پائی جانے والی بے چینی ختم کرنے کے لیے انٹرنیٹ سروسز فوری طور پر بحال کی جائیں، بے گناہ افراد کو رہا کیا جائے، بغیر یونیفارم مسلح فورسز کا شہر میں گشت بند کیا جائے اور پولیس کی جانب سے کسی بھی کارروائی کے دوران مجسٹریٹ کی موجودگی یقینی بنائی جائے۔ان خیالات کا اظہار انہوں نے اپنی صدارت میں سول سوسائٹی کے نمائندہ افراد کے اجلاس سے خطاب کرتے ہوئے کیا۔ اجلاس میں انجمن تاجراں کے نمائندگان آصف ڈار، راجہ خالد محمود، آصف بٹ، مانواں شبیر چوہدری، اپوزیشن لیڈر میونسپل کارپوریشن چوہدری محمد رزاق، کونسلر انصر بشیر تاس سمیت وکلاء اور سول سوسائٹی کے دیگر نمائندگان کی بڑی تعداد نے شرکت کی۔بابر علی خان ایڈووکیٹ نے کہا کہ میرپور کے عوام ہمیشہ سے پرامن، صلح جو اور قانون پسند رہے ہیں۔ شہر کے موجودہ حالات کو خراب کرنے میں اہلِ میرپور کا کوئی کردار نہیں اور کسی کو بھی جان بوجھ کر حالات خراب کرنے کی اجازت نہیں دی جائے گی۔ انہوں نے کہا کہ شہریوں کے جان و مال کے تحفظ اور شہر میں امن و امان کے قیام کے لیے تمام متعلقہ اداروں کو ذمہ داری کا مظاہرہ کرنا ہوگا۔صدر ڈسٹرکٹ بار نے 28 جولائی کو میاں محمد روڈ پر پیش آنے والے واقعات کی شدید مذمت کرتے ہوئے مطالبہ کیا کہ واقعہ کی غیر جانب دارانہ اور شفاف انکوائری کرائی جائے تاکہ حقائق عوام کے سامنے لائے جا سکیں اور ذمہ دار عناصر کا تعین کیا جا سکے۔انہوں نے کہا کہ انتظامیہ کے ساتھ ہونے والی میٹنگ کے دوران بھی انہوں نے بے گناہ افراد کی رہائی کا مطالبہ کیا تھا، جسے انتظامیہ نے آج پورا کرتے ہوئے تمام بے گناہ افراد کو رہا کر دیا ہے۔ انہوں نے اس اقدام کو خوش آئند قرار دیتے ہوئے کہا کہ شہریوں کے ساتھ انصاف اور قانون کے تقاضوں کو ملحوظِ خاطر رکھنا موجودہ حالات میں انتہائی ضروری ہے۔بابر علی خان ایڈووکیٹ نے کہا کہ عوامی مقامات پر بغیر یونیفارم مسلح فورسز کی موجودگی سے شہریوں میں خوف اور بے چینی پیدا ہوتی ہے، اس لیے بغیر یونیفارم فورسز کے پبلک مقامات پر آنے اور گشت کرنے کا سلسلہ بند کیا جائے۔ انہوں نے مطالبہ کیا کہ کسی بھی قسم کی پولیس یا سکیورٹی کارروائی کے دوران قانون کے مطابق فورس کے ہمراہ مجسٹریٹ کی موجودگی کو یقینی بنایا جائے تاکہ شہریوں کے بنیادی حقوق کا تحفظ ہو اور کسی بھی ناخوشگوار صورتحال سے بچا جا سکے۔انہوں نے مزید کہا کہ انٹرنیٹ سروس کی مسلسل بندش سے شہریوں کو شدید مشکلات کا سامنا ہے۔ خصوصاً تعلیمی نظام بری طرح متاثر ہو رہا ہے جبکہ کاروباری طبقہ بھی انٹرنیٹ کی بندش کے باعث مالی مشکلات سے دوچار ہے۔ آن لائن کاروبار، بینکنگ، مواصلات اور دیگر ضروری معاملات میں شہریوں کو مشکلات پیش آ رہی ہیں، اس لیے انٹرنیٹ سروس کو بلا تاخیر بحال کیا جانا چاہیے۔صدر ڈسٹرکٹ بار نے کہا کہ میرپور میں حالات کو معمول پر لانے کے لیے تمام اسٹیک ہولڈرز کو مل کر کردار ادا کرنا ہوگا۔ انتظامیہ، سیاسی جماعتوں، تاجروں، وکلاء، سول سوسائٹی اور عوام کے درمیان رابطے اور باہمی اعتماد کو فروغ دے کر ہی شہر میں پائیدار امن قائم کیا جا سکتا ہے۔ انہوں نے اس عزم کا اظہار کیا کہ میرپور کے عوام امن، قانون کی بالادستی اور شہری حقوق کے تحفظ کے لیے اپنا مثبت کردار ادا کرتے رہیں گے۔۔

آزاد کشمیر انتخابات،باغ کی تین اور حویلی کی ایک نشست پر پولنگ مکمل، ابتدائی نتائج میں متعدد بڑے نام پیچھے،آزاد کشمیر قان...
10/08/2026

آزاد کشمیر انتخابات،باغ کی تین اور حویلی کی ایک نشست پر پولنگ مکمل، ابتدائی نتائج میں متعدد بڑے نام پیچھے،آزاد کشمیر قانون ساز اسمبلی کے تیسرے مرحلے میں ضلع باغ کی تین اور ضلع حویلی کی ایک نشست پر پولنگ کا عمل مکمل ہوگیا۔ اب تک کے موصولہ غیر حتمی اور غیر سرکاری نتائج کے مطابق بعض حلقوں میں بڑے سیاسی ناموں کو اپ سیٹ شکست کا سامنا ہے۔حلقہ ایل اے 14 کے موصولہ نتائج کے مطابق آزاد امیدوار ساجد اقبال عباسی نمایاں ووٹوں کے ساتھ پہلے نمبر پر ہیں، جبکہ سابق وزیراعظم آزاد کشمیر سردار عتیق احمد خان دوسرے نمبر پر رہے۔حلقہ ایل اے 15 میں جماعت اسلامی کے امیدوار بریگیڈیئر (ر) محمد خان پہلے نمبر پر جبکہ پیپلز پارٹی کے امیدوار ضیا القمر دوسرے نمبر پر رہے۔ اسی حلقے سے سابق وزیراعظم سردار تنویر الیاس خان، استحکام پاکستان پارٹی اور مسلم لیگ (ن) کے مشتاق منہاس بھی امیدوار ہیں،حلقہ ایل اے 16 میں پیپلز پارٹی کے امیدوار سردار قمر زمان پہلے نمبر پر ہیں جبکہ ن لیگ کے سردار امیر اکبر دوسرے نمبر پر ہیں اس حلقہ میں قمر زمان اور امیر اکبر رزلٹس کے ساتھ آگے ہیچھے ہو رہے ہیں ، حلقہ ایل اے 17 میں مسلم لیگ (ن) کے امیدوار محسن عزیز چوہدری پہلے نمبر پر جبکہ موجودہ وزیراعظم آزاد کشمیر راجہ فیصل ممتاز راٹھور دوسرے نمبر پر ہیں۔موصولہ نتائج کے مطابق باغ اور حویلی کے ان انتخابات میں دو سابق وزرائے اعظم، سردار عتیق احمد خان، سردار تنویر الیاس خان کو شکست کا سامنا کرنا پڑ رہا ہے تاھم راجہ فیصل ممتاز راٹھور اور ن لیگ کے محسن عزیز چوہدری کے نتائج آنے کا سلسلہ ابھی جاری ہے۔

10/08/2026

انٹرنیٹ سروس بحالی کے لئے فوری طور پر متعلقہ حکام سے رابطہ اور تحریک کی جائے گی، کمشنر میرپور
PSG News

10/08/2026

سابق وزیراعظم سردار عتیق احمد خان دونوں آبائی پولنگ سٹیشن پر سردار ساجد عباسی سے ہار گئے

Address

Mirpur

Telephone

+923415652383

Website

Alerts

Be the first to know and let us send you an email when PSG News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category